مستحيل اني أبيعك لو على السيوف

١٧

الاشهب:انتبه
هز راسه ماهر يطلع مع عدد من رجاله واتجه لبيت عقاب يفحص المنطقة قبل يدخل وبهدوء قدر يقطع كل أسلاك الكميرات وتسلق الحوش يدخل البيت قابلته غدير عند الباب تشوفه متلثم ومغطي وجهه
غدير:اكشف وجهك ليه خايف
ماهر:مالك دخل بوجهي جيت لهدف واحد واثنيننا يهمنا همس
غدير:هي مو موجوده حالياً
ماهر بغضب:تلعبين علي انتي
غدير:راح ارتب معك موعد بعد أربع ايام بعرس اخت عقاب راح تدخل من بين الحضور بقي ترتيبات كيف تاخذهاراح نتفق عليها بعدين
ماهر:زين
غدير بكره وحقد:إذا خذتها ما ابي ترجع لهالبيت مره ثانية
ماهر:يوه انتي ماتعرفين اني اشبه بعزائيل ما اخذ إلا الأرواح
غدير بمكر:هذا المطلوب
وقف ماهر يطلع من البيت من الباب الخلفي والتقى بليان الي ماسكه كاس المويه تشرب وطاح الكاس من يدها تصرخ بخوف ناظرها ماهر يحك شنبه بخبث وطلع بسرعه
غدير اتجهت لليان:ياويلك تحكين عن الي شفتيه
ليان بصدمه:من ذا
غدير:ولا احد سدي فمك بس
هزت راسها بخوف من امها وطلعت فوق لغرفتها
عند عقاب ومراد كانو جالسين بالمخيم يفرغون عن نفسهم وعقاب كل تفكيره بهمس من دخلت حياته وهو مكركب ومو عارف لنفسه مره معصب ومره رايق ودايم بباله صد بتعب ينام وهو بداخله ناوي يحميها ومستحيل يسلمها لماهر
اليوم الثاني

صحي عقاب بانزعاج من رن جواله وناظر يشوف مكتب العمل يرن فتح جواله يوصله صوت العسكري:الحين تجي المكتب فوراً
عقاب باستغراب:ليه
العسكري:همس
توسعت عيون عقاب بصدمه يجلس:همس وش فيها
العسكري:تعال وتعرف
قفل الخط بوجه عقاب وفز عقاب بخوف يغسل وجهه وهو يصرخ بمراد:ولد مراد اصحى
فز مراد بخوف:وش فيه وش صار
عقاب:اصحى العمل دق علي يقول همس
مراد يوقف مامدى يغسل وجهه سحبه عقاب يركبه السياره وانطلقو للمركز
مراد:من دخلت همس حياتك وانا أراكض معك انت متزوجها أنا وش دخلني
عقاب :ضريبة انك صاحبي
مراد:اخخ هذي والله الضريبه الصعبه
وقف عقاب عند المركز ينزل ولف لمراد الي يستند يلقط انفاسه
عقاب :ما انت نازل؟
مراد:اذكر الله واستوعب اني صحيت واغسل وجهي بعدها انزل انت ماخليتني استوعب اني صحيت
عقاب يرميه بعلبه:ياثقاله دمك خلصني الحقني
اتجه عقاب ركض يدخل المكتب على المسؤول وانصدم بهمس الي جالسه ورفعت راسها بس دخل
دخل عقاب بهدوء يجلس
همس:أنا برى
طلعت همس تجلس وناظر عقاب المسؤولين الكبار وهم يخبرونه انه رجع يباشر عمله وان همس بلغتهم با اعترافات ماهر وجرائمه والاهم المجزره الي صارت بسبب ماهر لان هو اعترف لها
انبسط عقاب وهو بعد انقطاع عن عمله حسه ضايع ومو عارف وين يروح لكن ضهر عليه ملامح الثقل والهيبه
طلع عقاب يشوف همس جالسه وحاطه رجل على رجل تنتظره بس طلع وقفت تمشي خلفه وطلع عقاب يشوف مراد الي وصله خبر رجوع عقاب للعمل من الرساله الي جت على جواله وفز بفرحه يحضنه ويبارك له
عقاب ابتسم :تسلم
مراد:عيون الذيب مايغيب وان غاب يرجع أشرس واقوى
رفع راسه عقاب بشموخ ولف لهمس الي ركبت السياره ركب عقاب بجنبها مستغرب هدوءها طول الطريق كان لأول مره يكره الصمت بحياته كان متمني تسولف لكن همس ماتكلمت إلا لمن قربو من البيت :معليش تمر بيت ابوك
استغرب عقاب:ليه
همس:هناك تعرف
هز راسه عقاب يتجه لبيت ابوه وقف ينزلون تتقدمه همس
تشوف قايد وظافر جالسين بالحديقه
اتجهت لهم تسلم عليهم وهم نوعاًما لسا مو متقبلينها
همس:عندي كلام ودي الكل يسمعه
لفت همس لعقاب:إذا ممكن
هز راسه عقاب يتجه للداخل ينادي امه وعمته وكمان البنات وبلغ أشواق تصحي تميم من المجلس يلحقهم
اتجهت أشواق للمجلس تشوفه متمدد ومتغطي على الأرض تقدمت له توقف:تميم قوم عقاب يبيك
مارد نادت مره ومرتين مارد عصبت تميل تسحب اللحاف وشهقت بخوف من كان احمد الي نايم
احمد فز بخوف:بسم الله وش فيه
أشواق:فين تميم وش عندك نايم عندنا
تميم من خلفها:أنا هنا صحيت
أشواق لفت له:زين طالعه عقاب يبيك
صد تميم يتجه لهم وفز احمد يمسك يدها يلفها ناحيته:في انثى تصحي زوجها المستقبلي كذا
ضحكت أشواق بمسخره:أي أنا ليه ماعجبك
احمد:يعني لو نستبدل الصراخ ببوسه بحضن
احتدت نظرة أشواق:لاتحلم واجد وانصحك تخفف من الأفلام الهنديه الي تشوفها
صدت تتركه طالعه وابتسم احمد:هين ي أشواق الوعد بعد ثلاث ايام