مستحيل اني أبيعك لو على السيوف

١٨

ماهر الي كان يرتب وضعه وناوي يضرب ضربه قويه يقسم فيها ضهر عقاب ضربة تهز بيت القايد كلهم

اما همس الي متمنيه بس توصل لماهر وبنفسها تسلمه للقسم

بالمساء ببيت قايد الي كان مجهز ومزين الدرج والصاله تتوسطها كوشه أشواق بطريقه جداً جميله وبسيطه
دخل عقاب الي كان بكامل أناقته ومهمل شماغه على جنوبه دخل لغرفة أشواق عشان توقع عقدها على احمد يبارك لها :مبروك زواج الدهر ان شاءالله
روان:امين هالدعوه كثر منها لان ام غدير مالها أمان
ناظر عقاب بروان ورجع ناظر أشواق:ماعليك فيها انتي خليك احسن منها ولاتجلسين تراددينها على اي شي
ضحكت روان تنزل تحت تشوف غدير وبناتها داخلين وبسرعه شمقت غدير تتجه لمجلس الضيوف ناضرت همس الي كانت تو داخله ولابسه فستان باللون العودي طويل و أكمام طويله وفتحت ضهر كبيره كان ماسك على جسمها ومكدشه شعرها بميكب ناعم وقالت:كان في توتر بينكم
روان ابتسمت:وش هالجمال نورتي وبعدين غدير هذا طبعها ماترتاح بدون حركاتها
همس:عاد حقيقي الله يعينكم بنت عم غثيثه
روان:تقولين هالكلام لانها ضرتك
همس:ههههههههههه روان تكفين أنا مستحيل اني اكون ند لاحد لاني مالي ند ابد
نزل عقاب من الدرج على كلامها يوقف بنص الدرج بصدمه لمنظرها الفاتن جمالها الي كان ساحر فعلاً وزاد جمالها غرورها الي زادها حلاوه
شغلت رنا الديجيه في هالاثناء وطلعت ام منير ومضاوي يشوفون همس الي كانت فعلاً جميله بشكل كبير وهمست مضاوي لعقاب :عرفت اخترت ي عقاب
ابتسم عقاب بخفيف
تقدمت رنا :وش هالحلاوه ي سلفتي
همس ابتسمت:تسلمين عيونك الحلوه
دخل تميم ركض بسيفه من سمع صوت الديجيه وصار يرقص بحماس ودخلت معه مضاوي ترقص بخفيف وعاد هنا همس تحمست وهي تموت في شي اسمه رقص دخلت تهز بشكل جذاب فاتن وهادي بخطوات مليانه غنج وكياته
تحمس تميم وفهى برقصها الفاتن ماتحمل عقاب وهو بطبعه ثقيل ومايحب الرقص لكن أخذته الغيره توسط الميدان معهم
دخلت رنا تهز بخفيف يوم شافت تميم فهى فيها وهي تضرب كتف همس بمزح:كذا ي ورعه تسرقين زوجي برقصك ي الخسيسه ماخذه دورات كيف تفتنين الرجال
ابتسمت همس وجمدت من حط عقاب ذراعها من ورى خصرها وقفت بصدمه تناظرها ناظرها عقاب بمعنى (خير)
سحب خصرها يقربها زياده منه وصار يتمايل معها يمين ويسار ويحاول انه يتصادم بخصرها النحيل وهو ذايب فيها وبريحه عطرها وصدمته من مسكت كف يده ترقص معه وهو يراقصها ومتجاهل نظرات الجميع الي مصدومين من عقاب وعمره مارقص مع حرمه ابتسمت ام منير الي تشوف الفرحه بعيون عقاب الي فقدتها من زمان
مضاوي تهمس لام منير:هالبنت الي قادره تغير عقاب والله اني حاسه انها الوحيد الي بترجع لنا عقاب القديم
مسحت دمعتها ام منير بفرحه وبعدت همس عن عقاب تتجه لام منير تحاوطها :ماودك تراقصيني
ام منير:ما اعرف
همس:اعلمك إذا ماخليت القايد يطيح عندك ما اكون همس
استحت ام منير وانفجر الكل يضحك
رنا:يكفينا شرك يبنت
ضحكت همس تمسك يد ام منير وقربت لعقاب تمد يدها ومد يده وسوو حلقه يرقصون فيها مع بعض ولأول مره من خمس سنوات تدخل هالفرحه الغريبه بقلوبهم كان هالمنظر الآسر تحت عيون قايد وظافر الي يشوفون الكل مبسوطين ويرقصون بفرح ابتسم قايد يشوف الفرحه رجعت لبيته من ملامح عقاب الي كان جامد ولايضحك صار اغلب وقته مبتسم