مستحيل اني أبيعك لو على السيوف

٢٢

روان:اكيد عند أشواق ،بعدين هو يعرف انه يتحسس من الورد ليه يمسكه
صدت ام منير بتروح بس استوقفها همس:أنا أجيبه ارتاحي ي خاله
اتجهت همس لأشواق تاخذ الكريم من أشواق وشافت عقاب جالس بصندوق السياره ويحك يدينه بشكل هستيري
اتجهت له بسرعه :ليه ماقلت لي
عقاب يخبي يدينه:وش
فتحت الكريم همس تسحب يدينه من خلف ضهره جبراً:ليه ماقلت انك تحسس من الورد؟
رفع يده عقاب يحك رقبته:عادي حساسية بسيطه
همس ناظرته بحده:ولو كنت أنا قطفته شايف جسمك صاير احمر
عقاب با ابتسامه:خفت الشوك يجرح يدك
رفعت نظرها همس تناضره با ابتسامه حب كيف ضحى بنفسه وتحمل الحساسيه عشان بس يسعدها وما تتعور تجمعت الدموع بعيونها من المشاعر الحلوه الي اجتاحت قلبها ونزلت عيونها تكمل تحط له الكريم تعقدت حواجب عقاب باستغراب لبكاها وبس خلصت يدينه ناظرت لرقبته الي فيها حبوب ومحمره وقربت له تعتمد بجسمها على ركبه تحط له من الكريم وهي تصد تمسح دموعها .خلصت بتبعد عنه لكن تفاجأت من مسكها من خصرها يشدها له توترت توسع عيونها تناظر عيونه تفحص وجهها دقايق طويله وهمس لها بحنية يمد يده يمسح خدها:ليه البكاء
صدت همس بوجهها يرفع يده لذقنها يلفه ناحيته وعقد حجاجه:همس ليه؟
همس :بسببك انت
رفع حاجبه:أنا ليه وش سويت؟
همس:ليه تتعب نفسك عشاني تدري ان عندك حساسيه وتروح تمسك الورد ليه كنت عادي بتشوك شوي ويروح الالم لك..قاطعها يزم شفايفها:خلاص شوي وتروح الحساسيه عادي بسيطه
ناظرت همس له يبعد يده عن شفايفها وبعدت يده عن خصرها من قاطعتهم روان يوقف عقاب با اعتدال
روان:كيفك من الحساسيه
عقاب:صرت احسن
روان:تعالو العشاء
هزت راسها همس تمشي بخطاها بجنب روان وعينها على عقاب الي يسولف مع روان مستغله انشغاله جاهله انه حاس بنظراتهن يتجهون للجلسه يجلسون يأكلون بهدوء
قايد:بكره بعزم ابو صالح وابو مفلح صالح خلص انتدابه من الجنوب وودي اكرمهم
تميم:اخس ي صويلح والله زمان عنه
احمد بنسيان:من صالح
عقاب:الفنان
احمد يتذكر:اوه تذكرته عاد ان شاء الله لسا صوته حلو
عقاب:والله زمان عنه
همس تهمس لروان:من ذا
روان:هذا صاحب قديم لهم كان دايم عندنا بس توضف في الجيش وانتدب للجنوب والحين رجع
هزت راسها همس منتهين من العشاء يتفرق الكل للنوم
بالمطبخ روان ومضاوي يرتبون وتسولف مع عمتها عن ام صالح وقد ايش مشتاقين لها ولجلستها

بغرفة أشواق فتحت الباب داخله بيدها كاس مويه ونط احمد يمازحها وصرخت تضرب راسه بالكاس تكسر بيدها وشهقت تمسك فمها من مسك راسه بالم يشوف الدم الي نزل أشواق بخوف تمسك ذراعه:اسفه ماقصدت انت طلعت بوجهي فجاءه
احمد :عطيني المنشفه
ركضت أشواق تجيب المنشفه تحطها على جبينه وسحبت بيده تجلسه على طرف السرير واتجهت لشنطة الإسعافات تجيبها
احمد:يدك حاضره ما احد يقدر يمزح معك
بعدت يده تشوف جرحه ماكان كبير مره لكن خط وسط فوق حاجبه جلست تنضف جرحه وبداخلها تحمد ربها جت سليمه وقالت:احد يمزح نفس مزحك الخايس
ابتسم احمد يسحبها من خصرها يجلسها على ركبه وتوسعت عيونها بصدمه من جراءته وحاوط كتفها يثبتها:بس بالله ماخفتي علي
أشواق بهيمان تمثل :تبي الصحيح
فهى احمد:اي
أشواق تضغط جرحه بقوة:لا ماخفت
صرخ احمد يبعد يده عن خصرها :يامجرمه
أشواق:بس اعلمك وشلون خايفه عليك
احمد:ماش طلعتي قاسية
أشواق توقف تتجه ترجع شنطه الإسعافات:راح اعتبرها مدحه
جاء احمد بيوقف لكن مسكه صداع قوي من الضربة يصدر صوت يعبر عن ألمه ماسك راسه لفت أشواق عليه تشوفه يمسك راسه بالم حنت عليه وهي عارفه انها عورته رجعت له تشوفه يتمدد على السرير جلست تتربع واشرت له بيدها على جحرها
احمد مافهم عليها:وش
أشواق:بسوي لك مساج
ابتسم احمد يحط راسه بحضنها ورفعت اصابعها تمسج راسه وتصد بوجهها ماتبي تناظره وحاسه بخجل من نظراته الي تتفحص وجهها اما احمد جلس يتأمل تفاصيل وجهها ماكان مصدق انه للحضه فكر يقسى عليها وتأكد انها مهما بلغت من القسوة إلا طيبتها ورحمتها تغلب عليها رفع يده يمسك كف يدها يبوسه يحطه على صدره ولفت له تشوفه مغمض عيونه وماسك كف يدها حست بقلبها يدق بفرحه بس تكون معه بس متخوفه يكون كل الي يسويه ملعوب وتنصدم خايفه تثق فيه ويكون يخدعها