مستحيل اني أبيعك لو على السيوف

٣٧

تعلقت همس بحضنه تحضنه بقوه وانهارت تبكي حاوطها عقاب يفكر بكاها بسبب فستانها ورفعها من خصرها يحملها يمشي فيها من المسرح في ضل نظرات الجميع ولقطات المصورين لهم بمشهد رومانسي جداً ..
حملها عقاب يدخلها غرفة العارضات يوقفها وهي تناظره يتلفت حوالينه يدور شي يعدل فيه فستانها ناظر حوالينه يشوف الدباسه وبسرعه سحبه يدبس فستانها وهمس تناظره بدموع حط الدباسه يتجه لها يسحب منديل يمسح دموعها يرتب وجهها:خلاص اهدي عرضتي بشكل مره حلو لاتبكين
زادت دموع همس كيف حنيته عليها رجع يمسح دموعها :خلاص لاتبكين أنا معك لاتخافين خذي نفس تنفسي معاي ي الله
بدت تاخذ شهيق وزفير معه حتى هدت وعينها عليه ومسك بيدها يتجه فيها لبدايه المسرح وهمس:انتي بطله ي الله
ابتسمت همس له ترجع تتجه للمسرح تحط يدها على خصرها تمشي بغنج وانوثه وابتسامه عكس عرضها الاول الباهت توقف بنهايه المسرح تناظر حوالينها يلتقطون لها الصور وهي من السعاده اللي تحسها قلبها راح يوقف من كثر الدق
انتهى العرض يهجمون عليها الصحافه يجرون مقابلات معها وعيونها تتلفت تدور عقاب اخيراً تشوفه مستند بظهره على الجدار ويناظرها ابتسمت ورجعت تناظر الاعلاميه وهي تسألها عن الشخص الي كان معها ابتسمت همس بحب وقالت :زوجي
اشرت بيدها لعقاب ولفو الكل نظرهم لعقاب الي انصدم من قدمته قدام الإعلام كزوجها اعتدل بوقفته يتجهون الإعلام له ومن قوة صدمته ماقدر يتكلم وبس يناظر همس ومستغرب حركته بكاها وبسماتها وحتى حضنها له والحين تعلن زواجها قدام الجميع بعد عقاب الإعلام يتخطاهم يتجه لهمس يمسك ذراعها يطلعون من المسرح تاركين الزحمه والحشد الكبير الي يبون كلمه من عقاب يتجه فيها للفندق لف عقاب عليها يناظرها بصدمه وصد بيطلع لكن قطعه صوتها:ليه ماقلت لي ليه تركتني أوجعك كذا
لف عقاب لها :اقول ايش
تقدمت همس تمسك يده:زواجك من نفس
تصدد عقاب مايبي يناظرها وهو عاهـــــــد ابوها مايقول لاحد مسكت همس ذقنه تلفه ناحية وجهها:عقاب لاتتهرب مني أنا عرفت الحقيقه كامله نفس قالت لي حكتني عن شهامتك ورجولتك وعن العهد الي قطعته لابوها
ناظرها عقاب بصدمه :كيف؟
همس:أنا عرفت الحقيقه وعرفت اني كنت غلطانه بحقك واني ضلمتك عرفت ان الدنيا كلها لو خذلتني عقاب مستحيل يخذلني عرفت انك مو عقوبتي انت نجاتي مو قدري الأسود قدري الحلو اليوم عرفت غلاه همس بقلب عقابها
رجف قلب عقاب بفرحه رغم انه ماتمنى احد يعرف بسالفه نفس لكن نفس حلت هم ومشكله كبيره ماكان قادر يحلها
ناظر عقاب بهمس الي تقدمت تمسك يده :تجي نفتح صفحه جديده نطوي ايام الزعل والبعد صفحه مافيها إلا همس وعقاب صفحه تحتضن قصه حبنا وغرامنا
مارد عقاب يناظرها بهدوء والفرحه بقلبه كبيره سحب يده من يدها يطلع من الفندق كامل في ظل صدمة همس الي خافت من حركته وانه لسا زعلان تحولت ملامحها من فرحه لحزن معقوله مايبينا نكمل مع بعض معقوله مجروح مني رغم انه عارف انها مو سبب الي صار والظروف أجبرته ينحط بهالموقف
مارضت همس ولاتحملت فكرة انه راح يفارقها تقدمت تسحب جاكيتها ونزلت خلفه تركض تطلع من الفندق