ကူညီပါရစေ system

3.8

<Unicode>
Rose တို့ လုံခြုံရေးများထိုင်သည့်အဆောင်သို့ရောက်တော့ အကုန်လုံးဟာ ခြေပစ်လက်ပစ် ကြမ်းပြင်ပေါ်ထိုင်နေကြသည်။

သူတို့ထိုင်ပြီးသိပ်မကြာခင်မှာဘဲ အပြင်ဘက်ဇွန်ဘီများဟာ လျှောက်သွားကာနေပြန်သည်။

Rose တို့ရှိသည့် အဆောင်ပေါ်သို့

"ဝုန်း!!"

ဆိုသည့်အသံနဲ့အတူ ပစ္စည်းတစ်ခုခုပြုတ်ကျလာသံထွက်ပေါ်လာသည်။ထိုအသံကြောင့် အသံမကြားရသည့် ဇွန်ဘီများဟာ ရုတ်တရက်

"ဂီ ဂီ ဂီ"

ဆိုသည့်အသံပေးကာ တစ်ကိုယ်လုံးတွန့်လိမ်ရင်း Rose တို့ရှိရာအဆောင်ဆီသို့ပြေးလာကြတော့သည်။

Rose တို့အားလုံးဟာ ငြိမ်သက်သွားပြီး အသက်တောင်ရဲရဲမရှုရဲကြတော့ပေ..တစ်ချို့ကတော့ ပါးစပ်ကိုလက်နှစ်ဖက်နဲ့ပိတ်ကာ ငိုမိမတက်သွားကြသည်။

အပေါ်ကပစ္စည်းဆီမှ

"ဟားဟားဟား!!"

ဆိုသည့်ရီသံကျယ်ကြီးထွက်ပေါ်လာပြီး အဆောင်ခေါင်းမိုးကို သူ၏ခြေထောက်နဲ့ အကျယ်ကြီး တက်နင်းတော့သည်။

အစက အသံသာကျယ်ပြီး အဆောင်ကဘာမှမဖြစ်ပေမဲ့ ၅ ချက်ကျော်လောက်တက်နင်းပြီးနောက် အဆောင်ခေါင်မိုးဟာ ခြေရာအတိုင်း အရာထင်လာသည်။

Rose မျက်မှောင့်ကြုံ့လိုက်ပြီး အပေါ်ကလူဟာဘယ်လိုလူလဲဆိုတာတွေးလိုက်သည်။ဇွန်ဘီတွေကြားမှာ ဒီလိုနေနေတဲ့အပြင် ထိုလူရဲ့ခွန်အားဟာလည်း လူတစ်ယောက်မှာရှိသင့်သည်ထက်ပိုနေသည်။

တက်နင်းသံဟာ နောက်ထပ်အချက် ၁၀ ချက်လောက်ထွက်လာပြီးနောက် အဆောင်အတွင်းသို့ သွေးကြောများမဲနက်နေသည့်ကောင်လေးတစ်ယောက်ဟာ ခေါင်မိုးပေါ်ကနေခုန်ဆင်းလာသည်။

သူက Rose ကိုဗီလိန်အပြုံးနဲ့ကြည့်လာပြီး မဲညစ်နေတဲ့သွားအစုံနဲ့ တဟားဟားအော်ရီပြလာသည်။

မျက်မှောင့်ကြုံ့ကာ ကြည့်နေတဲ့ Rose. ကိုတွေ့လိုက်တော့ သူ၏လက်အစုံကို အပေါ်အောက်ကြည့်လိုက်ပြီး သူ၏သွားကြားမှထွက်ကျနေသည့် အမဲရောင်အရည်တွေကို လက်ညိုးနဲ့ ကလော်ယူလိုက်ပြီး rose ဘက်သို့ပြလာသည်။