ကူညီပါရစေ system

system space

<Unicode>
သွန်းဝတီ system သို့ပြန်ရောက်ချိန် doll မှာထုံးစံအတိုင်းအိပ်ငိုက်နေပြန်သည်။ချက်ချင်းအနားကိုသွားလိုက်ပြီး ခြေထောက်မှတွဲလောင်းဆွဲ မ လိုက်မှ

"ဟာ host အနိုင်မကျင့်နဲ့နော် လွှတ်ဟ
နောက်ကမ္ဘာအတွက် ဇာတ်ကြောင်း၊mission တစ်ခါထဲလွှဲပေးမယ်..ပြည့်စေ ဥုံဖွ.."

ဇာတ်ကြောင်းတိုးဝင်လာတာကြောင့် သွန်းဝတီ system doll ကိုလွှတ်ချပေးလိုက်သည်။သကောင့်သားက ထိုင်လျက်ပြန်ငိုက်နေပြန်သည်။

သွန်းဝတီခေါင်းခါလိုက်ပြီး ဒီတစ်ခါသွားရမည့် ကမ္ဘာ၏ဇာတ်ကြောင်းကိုစတင်ဖတ်ကြည့်လိုက်သည်။

ဒီကမ္ဘာဟာ ထိုင်း‌နိုင်ငံရှိကျောင်းတစ်ကျောင်းအတွင်းဖြစ်ပျက်ခဲ့သည့် သရဲဇာတ်လမ်းတစ်ပုဒ်ပင်ဖြစ်သည်။

ဇာတ်လမ်းမှာ ဗျူ ဆိုသည့်ကျောင်းရှိ ဇာတ်လိုက်မ မရာနီ ဟာ‌အလွန်စပ်စုပြီး သူမ၏အခန်းရှိကျောင်းသူကျောင်းသားများကို သရဲခြောက်သည့် ကျောင်းဟောင်းသို့သွားကြည့်ဖို့ဆော်ဩတော့သည်။

သဘာဝကျစွာဘဲ သူမ၏စကားကိုလူတစ်ချို့က လက်ခံကြပြီး လိုက်ခဲ့ကြတော့သည်။ထိုထဲတွင် ဇာတ်လိုက် ထဝီ လည်းပါဝင်ခဲ့သည်။

အားလုံး စုစုပေါင်း ၁၅ ယောက်သွားခဲ့ကြပြီး ကျောင်းဟောင်းသို့ ညအချိန်တွင်သွားရောက်ခဲ့ကြသည်။

ကျောင်းဟောင်းအတွင်း မည်သည့်အဖြစ်အပျက်များဖြစ်ပျက်ခဲ့လဲမသိပေမဲ့ နောက်တစ်နေ့မနက်တွင် ထဝီနှင့် မရာနီ ဟာ လက်ညိုးမပါဘဲနဲ့ ညစ်ပတ်ပေ‌ရေစွာ ထွက်လာခဲ့ကြသည်။

ကျန်သည့်ကျောင်းသူကျောင်းသားများဟာတော့ လုံးဝထွက်မလာနိုင်ဘဲ ရဲများစစ်ဆေးကြည့်ချိန်တွင် ရုပ်ပျက်ဆင်းပျက်သေဆုံးနေသည့်အလောင်းများကိုသာရှာတွေ့ခဲ့ကြသည်။

အလွန်ကြောက်စရာကောင်းလှသည့်အဖြစ်အပျက်များကြောင့် ထဝီနဲ့မရာနီဟာလည်း အကြောက်လွန်ပြီး ဆေးရုံ တစ်လလောက်တက်ခဲ့ရသည်။

ထို့နောက်ပိုင်းမှ တည်ငြိမ်သွားပြီး ထိုကျောင်းဟောင်းကို တားမြစ်ဖို့အထက်လူကြီးများကိုပြောကြခဲ့သည်။