ကူညီပါရစေ system

system space

<Unicode>
သွန်းဝတီ space သို့ပြန်ရောက်ချိန် doll ဟာထုံးစံအတိုင်းမေးကိုလက်‌နှစ်ဖက်ထောက်ရင်းငိုက်နေပြန်သည်။

အရင်အတိုင်းဘဲ ခြေထောက်ကတေတွဲလောင်း မ ချီလိုက်မှ doll မှာအယောင်ယောင်အမှားမှားနှင့် နိုးလာပြီး

"Host host ဘာလို့အဲ့လိုတွေချီချီနေတာလဲ ညင်ညင်သာသာချီလိုက်တော့ ဘာဖြစ်သွားမှာလဲ"

"အပိုတွေမပြောနဲ့ နောက်ဆုံးကမ္ဘာအတွက် ဇာတ်ကြောင်း၊ mission တွေပေးတော့"

"အယ် နောက်ဆုံးကမ္ဘာတောင်ရောက်သွားပြီလား"

"နင့်ကိုနင် system ဆိုတာကိုရော မှတ်မိသေးရဲ့လား"

"မှတ်မိတာပေါ့ တစ်ခါတစ်လေ လေးမေ့တတ်တာပါ ဇာတ်ကြောင်းနဲ့ mission တစ်ခါထဲလွှဲပြောင်းပေးမယ်နော် ရောက်စေ ဥုံဖွ"

သွန်းဝတီ doll ကိုအောက်ချပေးလိုက်ပြီး ဒီကမ္ဘာအတွက်‌ဇာတ်ကြောင်းကိုစတင်ဖတ်ကြည့်လိုက်သည်။

ဒီကမ္ဘာက တရုတ်ရှေးခေတ်ရှိ ကျင့်ကြံရေးကျောင်းတစ်ကျောင်း၏ဇာတ်လမ်းဖြစ်သည်။

ဇာတ်လိုက်၏အမည်မှာ ဟန်ကျင်း ဖြစ်ပြီး ကျောင်း၏အတော်ဆုံးကျောင်းသားတစ်ယောက်ဖြစ်သလို ဆရာများ၏သဘောအကျရဆုံးတပည့်၊ဆရာတူညီမလေးများ၏အသည်းနှလုံးကိုဖမ်းစားထားတဲ့ ကိုလူချောတစ်ယောက်ဖြစ်သည်။

ဇာတ်လိုက်မ ရှန်းကျူးကလည်း ဒီကျောင်း၏ အလှနတ်သမီးတစ်ပါးဖြစ်ပြီး ထူးချွန်ကျောင်းသူအဖြစ်သတ်မှတ်ခံထားရသည်။

ဇာတ်လမ်းကတော့ ကျောင်းကိုဝင်ရောက်ပြီး တစ်လအကြာမှာဘဲ ထူးချွန်ကျောင်းသူနေရာကိုရရှိခဲ့တဲ့ ရှန့်ယင်ကြောင့်ပင်...

ရှန့်ယင်ဟာ ပါရမီရှင်တစ်ယောက်မို့ အဆင့်များ‌တက်ချိန်တွင်အလွန်မြန်ဆန်ခဲ့သည်။ရုပ်ရည်ကလည်း ရှန်းကျူးလောက်မဟုတ်ရင်တောင်မလျော့ပေ..

ရှန့်ယင်၏နာမည်ကျော်ကြားလာတဲ့နောက်တွင် နဂိုကတည်းက တွဲနေကြသည့်
ရှန်းကျူးနဲ့ဟန်ကျင်းကြားကတောက်ကဆစတင်ဖြစ်လာတော့သည်။

ဟန်ကျင်းဟာ ရှန်းကျူးနှင့်မရှိချိန်တွင် ရှန့်ယင်ဆီသွားပြီး စကားစမြည်းပြောလေသည်။