ကူညီပါရစေ system

4.7

<Unicode>
အကုန်လုံး ထောင့်စွန်းမှာရှိသည့် လှေကားမှတဆင့်အောက်ကိုဆင်းဖို့ သွားချိန် လှေကားနားရှိအခန်းဟာ ရုတ်တရက် တစ်နေရာထဲမှာဘဲမီးလင်းလာပြီး ထိုနေရာမှ စန္ဒယားတီးလုံးသံထွက်ပေါ်လာသည်။

တီးလုံးဟာ အလွန်ဝမ်းနည်းဖွယ်ကောင်းစွာအစဉ်မပြတ်ထွက်ပေါ်လာသည်။ဝမ်းနည်းဖွယ်ကောင်းတာကြောင့် အားလုံးအသံကြားရာဆီဝင်ပြီးကြည့်လိုက်ကြသည်။

သူတို့တီးတဲ့သူကိုကြည့်လိုက်ချိန်တွင် မိန်းကလေးတစ်ယောက်ဟာ မျက်လုံးမှိတ်ကာ သွယ်လှတဲ့သူမလက်နဲ့တီးခတ်နေသည်။

5 မိနစ်ကျော်ကြာပြီးနောက်တွင် ထိုမိန်းကလေးရဲ့ပါးပြင်ပေါ်တွင် မျက်ရည်တစ်စက်ကျဆင်းသွားသည်။

အားလုံးရဲ့မျက်နှာဟာလည်း မျက်ရည်တစ်ချို့တည်ရှိနေသည်။ထိုမိန်းကလေးက သေချာထိုင်လိုက်ပြီး ငြိမ်သက်သွားသည်။

3 စက္ကန့်အကြာမှာဘဲ ထိုမိန်းကလေးရဲ့ခေါင်းဟာ ကိုယ်လုံးမပါဘဲ အနောက်သို့လှည့်လာသည်။

သူမ၏မျက်လုံးတွင်စီးဆင်းနေသည့်မျက်ရည်များဟာလည်း သွေးရောင်သို့ပြောင်းလဲသွားပြီး သူမ၏မျက်နှာဟာလည်း ကြောက်စရာကောင်းအောင် ပြုံးရီလာသည်။

ထိုအခါမှ အားလုံးအသိပြန်ဝင်လာပြီး ထိုအခန်းထဲက ထွက်ဖို့ပြေးကြတော့သည်။သို့သော် သူတို့အခန်းထဲကမထွက်နိုင်ခင်မှာဘဲ အခန်းတံခါးဟာ ဂျိန်းကနဲပိတ်သွားသည်။

အကုန်လုံးက

"အား!!!.."

ဆိုပြီးအချင်းချင်းဖက်တွယ်ကာ အော်ဟစ်လာကြသည်။ဒါပေမဲ့ ကြောက်စရာမျက်နှာမှ

"ကယ်ပါ ကျမကိုကယ်ပါ "

ဆိုပြီးသနားစရာကောင်းသည့်အသံထွက်လာသည်။ထရီ ထိုမိန်းကလေးကို ကလေးကိုဖက်တွယ်နေရင်းနဲ့ဘဲကြည့်လိုက်သည်။

ထိုမိန်းကလေး၏လက်ထဲတွင် သွေးတွေပေနေသည့် ဓါးမြှောင်ကိုကိုင်ထားပေမဲ့ တစ်ပါးသူကိုထိခိုက်စေချင်သည့်စိတ်ရှိမနေသလိုပင်...

သူမ၏မျက်ဝန်းတွေဟာလည်း ကြောက်စရာကောင်းတဲ့မျက်နှာနှင့်ဆန့်ကျင်စွာ တစ်စုံတစ်ဦးကို ကူညီဖို့တောင်းခံနေသည့်အကြည့်ဖြစ်နေသည်။