Unicode:
Chapter-25 ( အဋ္ဌမမြောက်နာရီ- တတိယထပ်ရှိ မော်ကွန်းတိုက်များ )
စူကျန်းသည် သူ့လက်ထဲက မှတ်တမ်းစာအုပ်ကို လှန်ကြည့်ပြီး "ဒီအခန်းနဲ့ ဒီမှတ်တမ်းထဲမှာပါ ကလေးနဲ့ပတ်သက်တာ ဘာမှမတွေ့ဘူး... အဲဒီအစား ပိုကြီးတဲ့ပြဿနာကိုပဲ ရှာတွေ့ခဲ့တယ်" လို့ ပြောလိုက်သည်။
"ဘာပြဿနာလဲ?" လုရှားလှုပ်လာပြီး မျက်နှာကို ဘေးသို့လှည့်လိုက်၏။
စူကျန်းက သူ့လက်ထဲက မှတ်တမ်းစာအုပ်ကို လုရှားကိုပေးလိုက်ပြီး နောက်စာအုပ်တစ်အုပ်ရဲ့ပထမစာမျက်နှာကိုဖွင့်လိုက်ကာ "ကြည့်၊ ပထမစာအုပ်မှာက ၂၀၀၁ခုနှစ် မေလ ဒါမှမဟုတ် ဇွန်လလောက်အထိ မှတ်တမ်းတွေပဲ ရှိတယ်။ ဒုတိယစာအုပ်ကတော့ ၂၀၀၂ ဖေဖော်ဝါရီ ဒါမှမဟုတ် မတ်လက စထားတယ်။ ဆိုလိုတာက သူတို့ကြားထဲဖြစ်ပျက်ခဲ့တာတွေကို မှတ်တမ်းတင်ထားတာ မရှိဘူး"
လုရှားသည် မှတ်တမ်းစာအုပ်နှစ်အုပ်ကို ကောက်ကိုင်လိုက်ပြီး အစမှအဆုံး လှန်လိုက်ကာ နောက်တစ်ကြိမ် စားပွဲပေါ်သို့ ချလိုက်ပြီး လေးနက်သောအမူအရာဖြင့် လှည့်ကြည့်လိုက်သည်။
"ဒါက ပိုကြီးတဲ့ ပြဿနာတစ်ခု မဟုတ်ဘူး။ ဒါက လေးနက်တဲ့ပြဿနာပဲ ကျန်း။ ဆိုလိုတာက လက်ရှိမှာ ငါတို့အတွက် အသုံးဝင်ဆုံးသဲလွန်စဖြစ်တဲ့ ဒီမှတ်တမ်းစာအုပ်တွေကလည်း မပြည့်စုံသေးဘူး"
"ဒါပေမယ့် ဒုတိယစာအုပ်မှာ မှတ်တမ်းတွေ ရှိနေတုန်းပဲ!"
"အဲဒီမှတ်တမ်းတွေက အဖြစ်အပျက်တွေ ဘယ်မှာဖြစ်ခဲ့တယ်။ အဖြစ်အပျက်တစ်ခုစီမှာ ဖြစ်ပျက်ခဲ့တာတွေကိုပဲ သိနိုင်ပေမယ့် ဒီတွင်းနက်ထဲကနေ ဘယ်လိုရုန်းထွက်ရမလဲဆိုတာသိတဲ့ ငါ့အစ်ကိုနဲ့သက်ဆိုင်တဲ့ တစ်ခုတည်းသော မှတ်တမ်းမရှိဘူး!"
"ရန်ယန်က ဘာလို့ မှတ်တမ်းမတင်တာလဲ"
လုရှားသည် စားပွဲပေါ်ပစ်ချလိုက်သည့်မှတ်တမ်းကို စိုက်ကြည့်ပြန်သည်။
"ဘယ်လိုလို့သိမှာလဲ!"
စူကျန်း မျက်မှောင်ကြုတ်လိုက်ပြီး အကြာကြီး တွေးနေမိသည်။
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
HorrorGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
