Unicode:
ဒေါက်တာရန်၏တိပ်ခွေ (IV): အနစ်နာခံခြင်း။
ခလောက်
အသံဖမ်းစက်သည် လက်မှတစ်ဆင့် မြေပြင်ပေါ်သို့ ပြုတ်ကျသွားပြီး တိပ်ခွေသည် လှုပ်နေ၏။
စူကျန်း၏ခြေထောက်သည် တစ်စုံတစ်ခုကို ခလုတ်တိုက်မိသွားပြီး ဓာတ်မီးနှင့်အတူ သူသည် မြေပြင်ပေါ်သို့ လဲကျသွားသည်။
သူ့ခေါင်းထဲမှာ ဆူညံသံများဖြင့် ပြည့်နေ၏။ ဆေးရုံရှိလူများ၏ စကားသံများသည် သူ့ခေါင်းထဲသို့ ချက်ခြင်းဆိုသလို ဝင်လာကာ ခေါင်းထဲတွင် ပေါက်ကွဲသွားသလိုပင် ခံစားနေရသည်။
သူ့ခေါင်းတွင် ဗုံးတစ်လုံးရှိနေသကဲ့သို့ ပေါက်ကွဲလုနီးနီး ဖြစ်နေပြီဖြစ်သည်။
“လူသားတွေ”
ဒါတွေက လူသားတွေဖြစ်၏။
စူကျန်းသည် နောက်ဆုံးတွင် အင်အားများစုကာ ဓာတ်မီးကို ကိုင်မြှောက်လိုက်သည်။
မျက်လုံးအရှေ့တွင် ဝိုင်းစက်နေသော အရာတစ်ခုရှိနေ၏။
သူ့မျက်လုံးများမှိတ်ထားသော်လည်း အဖြေကို သူ့ဦးနှောက်ထက် ပိုမြန်အောင် သိထားပြီးသားဖြစ်သောကြောင့် ပြင်းထန်စွာ တုန်လှုပ်သွားသည်။
လူ၏ခေါင်းဖြစ်နေသည်။
သူသည် ဓာတ်မီးကို ချက်ချင်းဖယ်လိုက်ပြီး မျက်လုံးများကို လက်ဖြင့် အုပ်ထားလိုက်သည်။
သို့သော် စက္ကန့်ပိုင်းလေးအတွင်းမှာ သူမြင်ခဲ့ရတာတွေကို သူ့စိတ်ထဲမှ မထုတ်နိုင်ခဲ့ပါ။
ဦးခေါင်းပေါ်ရှိ အရိုး၏ကောက်ကြောင်းကိုပင် သိသိသာသာ မြင်နိုင်၏။ ပါးလွှာတဲ့အရေခွံအလွှာတစ်ခုပဲ ကျန်တော့သည်။ အရေပြားလို့ပင် မခေါ်နိုင်အောင် ခြောက်သွေ့အက်ကွဲပြီး မည်းမှောင်နေသော အဖုံးဝိုင်းတစ်ခုမျှသာ ဖြစ်နေတော့သည်။ ပိတ်ထားသောအဖုံးများအောက်ရှိ ဦးခေါင်းခွံတွင် အခေါင်းပေါက် နှစ်ပေါက်ရှိနေသော်လည်း သူ့ကို လှမ်းကြည့်နေသလို ခံစားရသည်။
ထိုအပေါက်များသည် အချိန်မရွေးဖွင့်နိုင်ပြီး တံခါးဝက အမှောင်ထုကို တစ်ချိန်လုံး စိုက်ကြည့်နေသကဲ့သို့ သူ့ကိုလည်း စိုက်ကြည့်နေ၏။
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
HorrorGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
