Unicode:
အဋ္ဌမမြောက်နာရီ- တတိယထပ်ရှိ မော်ကွန်းတိုက်များ
"ဘာကိုဆိုလိုတာလဲ?" စူကျန်း အံ့ဩသွားသည်။
လုရှားသည် အဓိပ္ပါယ်ရှိသောအပြုံးဖြင့် ပြုံးပြလိုက်ပြီး မှတ်တမ်းစာအုပ်ကို လက်ညှိုးထိုးပြလိုက်၏။
စူကျန်းသည် မှတ်တမ်းများကို နောက်တစ်ကြိမ် လှန်ကြည့်ကာ နားမလည်သေးကြောင်း ပြသရန် သူ၏ဦးခေါင်းကို ခါရမ်းလိုက်သည်။
လုရှား၏ အပြုံးသည် တည်ငြိမ်နေ၏။ သူက စူကျန်းကို အရိပ်အမြွက်ပြောခဲ့သည်။
"အရင်က မေးခဲ့တဲ့ မေးခွန်းတစ်ခုရှိတယ်။ ရန်ယန်က 'The Murder of Roger Akroyd'ကို ဘာကြောင့်သုံးရတာလဲ?"
စူကျန်းကလည်း ပြန်ဖြေခဲ့၏။ ဘာကြောင့်လဲဆိုတော့ "လူသတ်သမားဟာ သူ့ကိုယ်တိုင်ပဲလို့ အဓိပ္ပာယ်ဖွင့်ဆိုချင်တာကြောင့်မလို့ရယ်၊ 'The Murder of Roger Akroyd' ဟာ နှစ်ယောက်စလုံးနဲ့ အရမ်းရင်းနှီးတဲ့ဝတ္ထုတစ်ပုဒ်မလို့လေ"
"ထူးချွန်တဲ့ ပညာရှင်တစ်ယောက်ဆီက မျှော်လင့်ထားတဲ့အတိုင်း မင်းက မြန်မြန်သင်ယူနိုင်ပြီး မှတ်ဉာဏ်ကောင်းတာပဲ"
လုရှားက ထောက်ခံသလိုဖြင့် ခေါင်းညိတ်လိုက်ပြီး ခေတ္တနားပြီးနောက် အသံပြောင်းသွားသည်။
"ဒါပေမယ့် သူတို့ရဲ့ ဇာတ်ကွက်ထဲမှာ စုံထောက်ဝတ္ထုတွေထဲကလို လှည့်ကွက်တွေပါတာ အများကြီးရှိတယ်။ ဒါ့အပြင် ဒီစာအုပ်ကို ရွေးချယ်ရတဲ့ နောက်ထပ်အကြောင်းရင်းတစ်ခု ရှိတယ်။ စောစောက ငါတို့မကြည့်မိတဲ့ အရေးကြီးတဲ့ မြုပ်ကွက်တစ်ခု ရှိနေတာကို အရိပ်အမြွက်ပြလိုက်တာပဲ၊ 'The Murder of Roger Ackroyd'က အရမ်းအရေးကြီးတဲ့ အခန်းကဏ္ဍတစ်ခုကနေပါဝင်နေတာ ဖြစ်မယ်"
သူသည် စူကျန်းကို တောက်ပသောမျက်လုံးများဖြင့် ကြည့်နေခဲ့သည်။
"ဖုန်း?"
စူကျန်းက စိတ်မရှည်စွာ တစ်ချက်ချင်း ထောက်ပြခဲ့သည်။
"ဟုတ်တယ်၊ 'The Murder of Roger Ackroyd' ရဲ့ နည်းလမ်းကို တကယ်လိုက်နာရင် ရန်ယန်မှာ အသံသွင်းကိရိယာတစ်ခု ရှိရမယ်။ အထူးသဖြင့် ဒီဒေါက်တာရန်က သူ့ရဲ့ New Concept English တိပ်ခွေကို ပြောပြထားတာကို သတိထားမိလား"
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
HororGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
