Unicode:
တုန်းဟွာအလယ်လမ်းရှိ ပုဂ္ဂလိကဆေးရုံဖြစ်သော ရှဲ့ကျီဆေးရုံသည် ပြောင်းလဲသွားပြန်သည်။
ဤဆေးရုံသည် ဧရိယာစတုရန်းမီတာ ၅၀၀ ခန့် ကျယ်ဝန်းပြီး စုစုပေါင်း အဆောက်အအုံ ၃ ခုရှိသည်။ ဝင်ပေါက်အနီးရှိ အဆောက်အအုံသည် ပင်မအဆောင်ဖြစ်ပြီး၊ အထပ်ခြောက်ထပ်နှင့် ၁၉၉၀ ခုနှစ်များအတွင်း ရေပန်းစားခဲ့သည့် ကျောက်စရစ်ပုံစံလမ်းတစ်ခုရှိ၏။ နောက်တွင် ငါးထပ်တိုက် နှစ်လုံးရှိသည်။ ညာဘက်တွင် ပြုပြင်မွမ်းမံထားသော အတွင်းလူနာဆောင်ရှိပြီး ဘယ်ဘက်တွင်ရှိသော ပန်းရောင်အသစ်စက်စက် အဆောက်အအုံမှာ ခွဲစိတ်ခန်းဖြစ်သည်။
ဟောင်ရွှမ်းသည် မျက်မှန်တပ်ကာ ဆေးရုံသို့ လျှောက်လာခဲ့သည်။ မာနဝင့်ဟန်ရှိသောမျက်လုံးများဖြင့် ပထမထပ်တစ်ခုလုံးကို ကြည့်လိုက်သည်။
ပျက်စီးယိုယွင်းနေသော အဆောက်အအုံသည် မီးအလင်းရောင် အားနည်းခြင်းကြောင့် မှောင်လွန်းနေ၏။
သို့သော် သင့်တော်ပါသည်။ ဒီဆေးရုံမှာလည်း ရှာဖွေစရာ ဇာတ်လမ်းတွေ အများကြီးရှိမည်ထင်မိသည်။
မှတ်ပုံတင်ရုံးကို လျှောက်လာခဲ့သည့်အခါ သူနာပြုအဘွားကြီးတစ်ယောက်က တစ်ခုခုကို ပျင်းရိစွာ လှန်ကြည့်နေ၏။
"ဌာနမှူးရုံးက ဘယ်အထပ်မှာလဲ။"
သူသည် သတင်းထောက်ဖြစ်ကြောင်း ကတ်ပြားကို ဂုဏ်ယူစွာ ပြလိုက်သည်။
သူနာပြုအဘွားကြီးက သူ့ကို မော့ကြည့်လာ၏။
“ငါးထပ်မှာ။ ဓာတ်လှေကားကနေ ဘယ်ဘက်ကွေ့လိုက်”
ခေါင်းညိတ်ပြကာ ဓာတ်လှေကားဆီသို့ လျှောက်သွားခဲ့သည်။
သူနာပြုဆရာမက သူ့နောက်ကွယ်မှာ ရေရွတ်မိသည်။
“ဆေးရုံရောင်းပြီးချိန်ကျမှ ဌာနမှူးကို ဘာလို့ အင်တာဗျူးတာလဲ။ မလိုတော့တာကို”
ဓာတ်လှေကားသည် လွန်ခဲ့သည့် နှစ်ပေါင်းများစွာက ပြုပြင်ခဲ့သော အဟောင်းဖြစ်သည်။ အပြင်ဘက်တွင် အစိမ်းရောင်ပါးပါးသုတ်ထားကာ အတွင်းပိုင်းတွင် ငွေရောင်သတ္တုကို ပေါ်လွင်စေသည်။ ခလုတ်များသည် သိပ်တော့ မကောင်းလှပါ။ လူများစွာ နှိပ်ထားပြီး မြင်နေရသောပလတ်စတစ်သည် ကျိုးနေကာ အလယ်ထဲသို့ နစ်ဝင်နေ၏။ ဟောင်ရွှမ်းသည် နောက်ဆုံးတွင် ခလုတ်ကို အကြိမ်ပေါင်းများစွာ ပြင်းထန်စွာ နှိပ်ခဲ့ရသည်။ အနည်းဆုံးတော့ ဖန်သားပြင်သည် နဂိုအတိုင်း အတော်လေး လုပ်နေပုံရသည်။
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
TerrorGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
