Unicode:
သတ္တမနာရီ- တတိယထပ်ရှိ အထွေထွေခွဲစိတ်ခန်းဌာန
စူကျန်းသည် ဤမှတ်တမ်းကို လှန်လှောဖတ်နေရင်း ပြီးဆုံးသွားခဲ့သည့်အခါ ကလေး၏ လျှို့ဝှက်ဆန်းကြယ်မှုသည် သူ့အား အေးစက်သောချွေးများဖြင့် ပြည့်စေခဲ့သော်လည်း မြေပြင်ပေါ်ရှိ သွေးစွန်းထင်းမှုနှင့် ထူးဆန်းသော တံခါးပေါက်များအကြောင်း အချက်အလက်ကိုတော့ မတွေ့ခဲ့ရပေ။
စားပွဲပေါ်က ဖြန့်ထားတဲ့ မှတ်တမ်းတွေကို သူ စိတ်ပျက်လက်ပျက်နဲ့ ကြည့်နေမိသည်။ ဒီမှတ်တမ်းက ဘာကိုပြောနေမှန်းကို မသိသလို ဘယ်ဟာကအစ ဘယ်ဟာကအဆုံးမှန်း မသိတော့ပါ။
လုရှားထက် သူက ပိုတော်တယ်လို့ မပြောပါနှင့်။ဤရုတ်တရက်အတွေးကြောင့် သူ ထိတ်လန့်သွားခဲ့သည်။
ထိုအချိန်တွင် တံခါးခေါက်သံကို ကြားလိုက်ရသဖြင့် စူကျန်း အံ့သြသွား၏။ မှတ်တမ်းများထဲမှ မြင်ကွင်းသည် သူ့စိတ်ထဲတွင် ဆန်းသစ်နေဆဲဖြစ်တာကြောင့် နားကြားလွဲတာလားဟု တွေးလိုက်မိသည်။
ထို့နောက်တွင်တော့ နောက်ထပ်တံခါးခေါက်သံတစ်ခု ထွက်ပေါ်လာခဲ့ပြန်သည်။
အပြင်မှာ ဘာရှိမလဲ။ လူလား? ဒါမှမဟုတ် တစ္ဆေလား?
စူကျန်းသည် တံခါးကို စူးစူးစိုက်စိုက်ကြည့်ရင်း ပိတ်ထားတဲ့ တံခါးအပြင်မှာ ဘာမှန်းမသိတဲ့ အရာတွေရှိနိုင်လားဆိုတာ ဘယ်သူသိမလဲ။
"လု.....လုရှားလား?" သူက မဝံ့မရဲနဲ့ အော်လိုက်သည်။
ညည်းတွားသံတစ်ခု ကြားလိုက်ရသောအခါ စူကျန်းသည် တံခါးနားသို့ အနည်းငယ် နီးကပ်လိုက်ပြီး အသံကို ပိုမိုရှင်းလင်းစွာ ကြားနိုင်ရန် ကြိုးစားနားထောင်ကြည့်လိုက်သည်။
တံခါးကို အဆက်မပြတ်ခေါက်သံများနှင့်အတူ ညည်းတွားသံများ အမှန်တကယ် ရှိနေခဲ့၏။
စူကျန်းသည် စိတ်လှုပ်ရှားစွာ သူ့လက်သီးများကို ဆုပ်ထားလိုက်သည်။ လုရှားလား? သူ ဒဏ်ရာရသွားပြန်ပြီလား။
မဟုတ်ဘူး၊ အဲဒါ မဖြစ်နိုင်ဘူး။ သူဒီမှာရှိနေတာကို လုရှားဘယ်လိုသိမလဲ။
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
HororGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
