Twisted

luck

(unedited)

-

Kabanata 22

luck

Maaga ako nagising kinabukasan. Napangiti ako habang nag-aayos para tumulong na sa Coffee Bean. Masyado pa kasing maaga para pumasok sa Villa Academy. 

"Jakirah," Napatigil ako sa akmang pagsi-serve ng marahan akong tawagin ni tita. Nilingon ko siya at nagtataka siyang tinignan.

"Nakausap mo na ba si Mr. Villamor?" tanong niya na nagpatigil sa akin.

Napaangat ako ng tingin kay tita na seryoso ang tingin sa akin. "H-hindi pa po eh." ani ko at nag iwas ng tingin.

Bumuntong-hininga siya. "Mas mabuting makausap mo na siya nang maaga.." anito na sinagot ko lang ng isang tango.

"Siya..sige..maghanda ka na sa pagpasok mo," utas nito pagka kuwan.

"Opo." ani ko at mabagal na umakyat sa kwarto. 

Habang nag-aayos ay di ko maiwasang hindi mabagabag. Naguguluhan ako sa dapat kong gawin at ilang linggo ko na rin itong pinag iisipan...hindi pa rin ako nakakapag desisyon..

"Jakirah!" Napaigtad ako sa tawag ni tita mula sa ibaba. Mabuti na lang at nakaayos na ako kaya agad na akong bumaba. Naabutan ko si tita at ang ibang crew na may pinagkakaguluhan sa labas. Nagmamadali akong lumabas dahil akala ko ay may away or something.

"Hala ang gwapo!"

"Sino yan?!"

"Ang yaman! Tignan mo milyones yan!"

Iilan lang iyon sa mga narinig ko. Unti-unting luminaw sa akin ang lahat ng makita si tita na nagpapa-cute sa preskong presko na si Red na nakasandal sa kanyang bagong linis na black jaguar car.

"Oh! Ayan na pala ang napakaganda kong pamangkin!" masayang utas ni tita ng makita ko. Sinampal ako ng kahihiyan sa sinabi niya. Ano ba tong nakain ni tita?

Nakita ko kung paanong nanunudyo akong tinignan ni Red. Sinamaan ko lang siya ng tingin at pinagtaasan ng isang kilay.

"Anong ginagawa mo rito?" mataray kong tanong  sa kanya.

Ngumisi siya. "Sinusundo ka," walang gatol na sagot niya. Nag init ang pisngi ko.

"Nakalimutan mo na b--" Naputol ang sasabihin niya dahil agad na akong sumakay sa shotgun seat.

"Fine," ani ko para di na malaman ng lahat ang kung ano pang isiswalat niya. Ako ang kinakabahan para sa reputasyon ko dito sa amin!

Napapalakpak sa tuwa si tita habang ako naman ay napairap na lang sa ere.

"Good girl," narinig kong utas niya at nagpaalam pa siya kay tita. Kinawayan ko si tita sa may bintana habang si Red ay umikot para makaupo sa driver's seat.

"Ano na naman tong trip mo?" untag ko sa kanya ng nasa main road na kami.

Hindi ko maiwasang panoorin siya ng tumawa siya at ang tawa niya pumuno sa apat na sulok ng kanyang sasakyan. Damn Red.

"Sabi na nakalimutan mo eh," nakangising utas niya sa akin.

Agad  akong nairita. "Anong nakalimutan ko?"

"I said I'll be courting you, right? No matter what it takes?" utas nito at arogante akong tinignan.

"Drop it." utas ko at nag iwas ng tingin. Oo nga at sinabi niya iyon sa akin ngunit akala ko...