Twisted

lost

(unedited) i tried my best not to cry....

-

Kabanata 35

lost

Hindi tumigil si Red. Hindi niya ako tinatantanan. Kahit na ano  pang gawin kong tulak sa kanya palayo ay hindi niya pinakikinggan. Pinipilit niya akong pigilan na huwag lumayo. Pinipilit niyang humabol...

Ganoon ang araw-araw na nangyari sa amin. Maging ang mga kaibigan ko ay naapektuhan sa nangyayari. 

"Jaki...ano ba talagang nangyari sa inyo ni Red?" usisa ni Nadine sa akin habang naglalakad kami sa maluwang na hallway.  Katatapos lang ng PE class namin.

Hindi na lang ako umimik. Alam kong unfair sa kanila na hindi nila alam ang mga nangyayari pero I think this isn't the right time para magkwento. Everything is too complicated right now. I just need to settle things out.

"Nag-aalala na rin si Tristan..." ani Kate at napabuntong hininga.

Nag iwas ako ng tingin at hinigpitan pa ang pagkakayakap sa librong nasa dibdib ko.

"Bumabalik si Red sa pagiging badass niya." utas ni Kasey na hindi ko na lang pinansin.

Alam ko. Alam ko lahat ng iyon. Alam kong bumabalik siya sa dating siya bago ko pa man siya makilala. Ang pagiging bully niya at pagtapak sa kung sinong studyante ng Villa Academy. 

"Alis!" Napaigtad ako sa marahas na tinig na iyon. Nakita ko kung paano niya hinawi ang mga studyante na nakatambay sa tapat ng classroom namin. Madilim ang mukha niya at halatang wala sa mood. 

"Ano ba Red!" iritadong utas ni Nadine dahil sa rudeness na pinakita ni Red sa mga estudyante.

Naiiling na lang na umalis ang mga ito habang ang iba ay nanginginig sa takot.

Nagbaba ako ng tingin. He's way too much.

Naramdaman ko ang pagpisil ni Kasey sa kamay ko bago nauna nang pumasok. Huminga muna ako nang malalim at nag angat ng tingin habang naglalakad papasok.

Agad nagsalubong ang tingin namin.

"Flowers..." mahina ang tinig na utas niya nang makaupo ako sa upuan ko. Nilapag niya sa desk ko ang isang bouquet ng bulaklak pero di ko iyon pinagtuunan ng pansin.

"Jakirah..." untag niya sa akin.

"Cut it out, Red! Your attitude isn't good. Bakit kailangan mong takutin ang ibang mga students?" iritang litanya ni Nadine. Nakita kong hinawakan ni Kate ang braso ni Nadine upang pakalmahin ito.

"Just stay out of this, Nadine," malamig ang tinig na utas nito at muli akong binalingan.

"Jakirah--"

"What the heck! You're totally losing it!" malakas ang tinig na utas ni Nadine at nagmartsa palabas ng room. Sinundan ko siya ng tingin habang si Kate ay nagmamadali itong sinundan.