STROKE OF LUCK (Completed)

His Home

MEI'S POV

Palingon-lingon ako habang mabilis na naglalakad palabas ng NAIA.
Ang buwisit na Danilo, mabuti at naisahan ko. Kung hindi ko pa pinabili ng mineral water, siguro nakabuntot pa rin sa akin hanggang ngayon.
Ni hindi ako nakaidlip man lang sa eroplano dahil sa pangungulit niya sa address ko.
Kaya yun, yung adress ng condo ko sa Makati ang ibinigay ko. Kahit tumambay pa siya doon, wala siyang mahihintay na Mei dahil sa Pangasinan ako uuwi.

"Araaaaay! Tumingin ka naman sa dinadaanan mo!"
Daing ng babaeng nabangga ko.

Dahil sa kakalingon sa likuran ko, di ko na tuloy nakita ang babaeng nakasalubong ko.

"Sorry Miss. Nagmamadali kasi ako."

Nanlaki ang aking mga mata nang makilala ko ang babae.

"Therese Rhodessa Isadorra!"

"Mei Ann!"

Ang lakas ng tili nito at sinunggaban ako ng yakap.

"Gagi! Ikaw nga! Biruin mo, ang cute-cute mo pa rin, Trodis. Hindi ka na talaga tumangkad bruha! Hanggang limang talampakan ka lang talaga!"

"Ikaw rin Mei Ann. Walang nagbago sayo, maganda ka pa rin pero ang liit pa din ng boobs mo!"

"Shutangina! Lumaki na kaya! Nagba-bounce na kapag naglakad ako ng mabilis. Samantalang noon kahit tumakbo at mag-skipping-rope ako, hindi yumuyugyôg!"

"Ay ganun? So dinispatsa mo na ang mga silicon brěast pads na ginagamit mo noon?"
Tumatawang sabi niya.

Hmp! Porke malalaki ang boobs nila ni Chequi, minamaliit talaga ang mga boobs ko.

"Oo Trodis! Hindi ko na kailangan ang mga yun. See? Halata na ang umbok sa dibdib ko."
Lumiyad ako at nagpose sa harap niya.

"Oo nga! May bukol na Mei! May naidulot pala ang kung
ano-anung breast enhancement exercises na ginawa mo noon."

"Siyempre! Bakit ang laki naman yata ng luggage mo? Saan ang destinasyon mo, Trodis?"

"Sa Singapore lang."

"Maglalakwatsa ka doon? Manlalalake? Bakit hindi mo kasama ang donya mong Lola?"

"I'll be working there."

"Wow! Talaga? Anong work mo doon, Financial Analyst?"

"Domestic Helper, Mei."

"Ay tange, ang yaman-yaman mo, magpapaalila ka lang doon? Ang susungit pa naman daw ng mga Singaporean lalo na ang mga babae. At sobrang selosa daw. Makakatagal ka kaya doon? Anong trip yan, Trodis?"

"Mas maigi na yun kaysa makasal ako kay Magnum Policarpio."

"Gagi ka talaga, Trodis. Magnum. Pangalan pa lang yummy na."

"Yan ang akala mo. Iniisip mo kasi ang Ice cream na magnum kaya sinabi mong yummy. Pero mali ka, Mei. Nakakasuka ang hitsura nun. Puwedeng gawing model".

"Ng Kalvin Clein?"

"Ng kabaong. Kasi mukhang kalansay!"

"Hahahaha! Sige Trodis, layas na kung ganun. Susuportahan kita. Ayuko namang malahian ka ng mukhang bangkay. Pero paano na ang negosyo ng Lola mo? Sayo pa naman ipapamana?"