Hindi talaga mawala sa isipan ni Cheche si Kuyang Buko kaya naman pilit pa din niyang hinahanap ito sa campus kahit di na niya ito nakikita. Napansin iyon ni Khei kaya sinubukan niya ito hanapin mula sa mga mutual friends niya sa facebook baka sakali isa sa mga kaibigan niya ang friend ito sa facebook. Sa ganoong paraan malalaman na nila kung ano ang pangalan nito at mas madali nila mahanap sa campus at maitanong sa mga kakilala nila kung saan ba nila makikita ang taong ito.
Halos lahat na ng friends ni Khei sa facebook ay inisa isa niya ang list of friends para lang malaman kung meron nga bang nakakilala kay Kuyang Buko sa mga friends niya. Ngunit wala talaga siyang makita, pati sa mga facebook ng mga varsity na friends niya hinanap na din niya pero talagang wala. Hanggang sa mapunta siya sa facebook ng isa niyang kakilala sa school, may nakita siyang facebook account dito na talaga naman nakakuha ng attention niya.
Medyo nagulat si Khei sa mutual friend nila ng kaibigan niya. Di niya kasi akalain na may kakilala ang kaibigan niyang iyon na nag-aaral doon sa magarang school na iyon. Doon din kasi dapat mag-aaral si Khei ngunit sa kasamaang palad ay hindi siya natanggap sa eskwelahang iyon. Tiningnan niya ang profile ng mutual friend nila sa kaibigan niyang iyon. Medyo natuwa sa profile pic ng taong yun. Ang kulet kasi ng posing, tapos medyo gwapo din naman. Kaya naisip ni Khei na i-add niya ito. Pero bigla siyang nag dalawang isip kung dapat nga ba niya ito i-add, gusto niya sana pero mutual friend lang naman nila ito hindi talaga lubusang kilala. At saka alumni lang siya sa school niya ngayon na nag-aaral na ngayon dun sa dream school niya. At dahil sa mga rason na iyon, hindi niya in-add ang lalake na yun.
Lumipas ang isang semester pero hindi na talaga nila nakita si Kuyang Buko, hanggang sa naIkwento ni Khei ang tungkol kay Kuyang Buko sa kanyang kaibigan. At halos lahat ng description niya ay tumutugma sa classmate ng kaibigan niya. At ng dahil doon, nabuhayan si Cheche at ganado itong sumama sa class ng kaibigan ni Khei upang malaman kung talagang si Kuyang Buko na nga ang classmate ng kaibigan ni Khei.
Ngunit, bigo na naman si Cheche, dahil hindi pumasok ang lalake na tinutukoy ng kaibigan ni Khei.
------------------
Follow the creator of the story on twitter: http://www.twitter.com/kriz_23
Blog: http://www.yuppielionheart.tumblr.com
Like on facebook: http://www.facebook.com/YuppieLionheart
BINABASA MO ANG
Small World
Literatura FemininaIt's about two persons who already met. And had a chance to meet each other again for a second time. Destiny? Fate? Find out!. Written by: Kristine Mae B. All rights reserved. 2013. This story was inspired by a true story, pero syempre some parts of...
