Destined with the Bad Boy

Chapter 1

Chapter 1

Where It All Started

"Ahhhh!"

Napasigaw ako sa gulat nang biglang namatay 'yung mga ilaw dito sa park. Madilim pa naman na!

"Seryoso ba 'to?!" tanong ko na lang sa hangin at sa mga puno. Nakakainis!

Bakit ba biglang nawalan ng mga ilaw dito?

Nahihirapan akong maglakad dahil sa sobrang dilim, pero nagpatuloy pa rin ako para makauwi na. Nakakatakot na rin kasi.

Malayo layo na ang nalalakad ko nang bigla na lang akong napatid! Ang ipinagtataka ko, e kung bakit hindi ako nabagsak sa lupa...

Uminit agad ang sikmura ko nung maramdaman ko ang mga kamay na nakahawak sa'kin bilang pagsalo. Shocks!

Kahit madalim ay medyo naaaninag ko na lalaki ito. Hindi ko alam kung bakit ako kinabahang bigla.

Hindi ako gumalaw, pero parang biglang nanlambot ang mga paa ko.

Mas ikinagulat ko pa nung na out of balance na kami ng tuluyan. Ang bilis ng pangyayari!

Tuluyan na kaming bumagsak! Siya sa lupa at ako sa... sa katawan niya!

Ilang segundo pa bago ko na-realize na yung labi ko na... nakadampi sa labi niya!

Namilog ang mga mata ko.

Diyos ko! 'Yung virgin kong labi!

Walang anu-ano at sinampal ko ang lalaki. Hindi nasikop ng kamay ko ang buong mukha niya pero alam kong lumantay iyon sa bandang panga nito.

"Aray!" sigaw nito.

Tumayo ako agad at ganoon din iyong ginawa nung lalaki.

I still can't see him clearly but I know that his height is towering me.

"Manyak!" bulyaw ko sabay hampas ng aking bag sa kanya.

"Aray! Hoy, Miss! Ikaw kaya itonh bumangga sa'kin!"

Nakakairita ang pagsigaw niya, pero hindi ko naman maiwasan mapansin ang matipunong boses nito.

"Bakit kasi paharang harang ka sa daan?!" tanong ko, pagbabaliwala sa mapanlinlang niyang boses.

"Hoy! Kanina pa ko nakatambay dito. Tapos biglang may babae na palakad lakad at binangga ako." saad niya.

"Hah! Manyak ka lang!"

Alam kong mali ang mamintang agad pero kasi naman, e! Nahalikan ako! Kahit pa sabihin mong saglit lang iyon at gilid lang na bahagi ng labi namin ang nagdikit... Ah basta!

Dumikit, e!

"Ako? Manyak?! For all I know baka nga sinadya mo pa na banggain ako, e. Sinadya mo na mag kiss tayo!"

Tumaas ang kilay ko sa sinabi ng lalaki sa akin. How dare he accuse me?! At bakit ko gugustuhin ang halik niya? Ang kapal!

Magsasalita na sana ako ng biglang bumukas na ang mga ilaw.

Hindi ko na namalayan, napatingin na lang ako roon sa lalaki... Hindi tingin. Titig actually.

Holy watermelon!

Why does he look like a model of those expensive clothing brands?! He's tall, his hair is well brushed up, his jawline is perfect... matangos ang kanyang ilong...