#قصص_كهرمانه
#القاضي_والمطلقه
البارت ٢
..................
ضياء
مثل كل يوم أكعد الصبح ب6 واشرب كهوتي
واحضر الريوك لاولادي
والقران بأعلى صوته
ينشط اولادي ويزيد الذكاء ويحفظهم من كل شر
واستمتع بهذا الشي ويوميه احب احظرلهم
بيض عيون و جبن شرائح وحامد من صبح الخبز الحار مكسب والشاي المهيل
ريسان: صباح الخير بابا
ضياء: صباح النور ياابني بابا للاطفال لاخواتك تعلم دكولي يابه بويه حجي مااحب ابني مايع
ريسان: هههه حشا ابن ضياء رجال مو مايع
ضياء: ههه ونعم
روز رهف : هلو
ريسان: صباح الانوار
ضياء: ههه جاوبكم ريسان بدالي بس اريد اعرف قابل اني صديقتكم رنا ومسوي كصايب ولابس صدريه حتى دكلولي هلو
ريسان: ههههه مايبطلن حجي من سوالفهن
ونسولف ونضحك ونتريك
وكمت لبست وطلعت اخذت روز اوصلها لمدرستها
ورهف وريسان كل واحد سيارته للدوام
كل يوم اوصل روز وابقى منتظرها تدخل لمدرستها وبعدها اخلي سياراتي تمشي
واباوعلها فرحان وافتخر هذه بنتي
حامد: ها استاذ نمشي
ضياء: اي امشي
وطلعت موبايلي وخابرت ابو اسعد
ضياء: ها ابو اسعد وصلت الامانه
ابو اسعد: هلا بابو ريسان اكيد وصلتهم
ضياء: الظهر حظرلي السيد وانت وحامد الشهود
ابو اسعد: تدلل ابو ريسان
وصلنا للمحكمه ونزلت والحرس وياي
صح للامان وياي ولكن وجودهم يقيدني
مقيد بقيود
امشي بلمحكمه والكل يوكف بوجودي ويصبحون عليه
دخلت لغرفتي ونزعت سترتي ولبسوني الروب الاسود
كعدت بكرسي الحكم
واوراق وموظفين يطلبون مني توقيع واروراق
واراجع الدعاوي ألي عندي
ضغطت على النداء مثل الجرس
ودخل غسان
غسان: نعم سيدي
ضياء: خيريه صباح و المدعي عليه خروع عواد
غسان: نعم سيدي
دخلوا الي اخذت هوياتهم واقره مواليدهم كبار
خيريه عمرها 65 و خروع 67 كبار واكبر مني
ضياء : تفضلي حجيه سولفي مشكلتج
خيريه: انه اريدنه اطلك من خريوع
ضياء: ههه
ضحكتني بكلامها ومره جبيره وتريد تطلك
ومامصدوم من قضيتهم شايف العجايب
ضياء: شبي خريوع وياج حجيه ماشوفينه بلكوه يمشي واعمى يعني حجيه انتي والوكت عليه
محامين يمي يضحكون والكاتب العدلي
خيريه: ماينطيني مصرف وضرتي تضربني والبيت كله يعليه وانه تعبانه
ضياء: خروع مزوج اثنين
خيريه: اي انه اول وحده وعدنا بت وحده ومن الثانيه عنده ويلاد وبنيات ومدارينا وانه عايفته اكثر من سنه عايشه يم اخوتي بلناصريه
ضياء: زين ابقي هناك يم اخوتج وعيشي حياتج ولا تطلكين
خيريه: محد يتحملني واريدنه اطلك اخذلي جم فلس من الحكومه يطلعلي راتب
ضياء: حجي شنو رأيك بكلامها
خروع: ألي تريده يصير سيدي
ضياء: هذه زوجتك ام بنتك وعشرت عمر لا يوم ولا يومين شلون تتخلى عنها شلون تتركها سنه يم اخوتها زين شلون تخلي زوجتك الثانيه تضربها
خروع: بكيفك سيدي
ضياء: شنو بكيفي رجعها يمك لبيتك معززه مكرمه
خيريه:لا يايمه انه مااريدنه ومتنازله عن كل حقوقي
ضياء: واثقه من قرارج حجيه
خيريه: اي يمه
شفت كلامها منطقي
رددت للكاتب العدلي قرار المحكمي
ضياء: قرت المحكمه حسب مادة 46 بطلاق الخلعي حسب طلب المدعيه خيريه صباح على المدعي عليه خروع عواد في كذا يوم وكذا ساعه وكذا شهر
واردد كلامي للكاتب ويكتب واباوعلهم يقهرون وسحبت القرار وخليته كدامهم
ضياء: ساعد الحجاج بلبصمه
طلبت من الكاتب يساعدهم
اباوعلهم تعبانين
ااااخ من هذه مهنتي تعبتني اشوف الظلم والتعب بعيون البشر وما بأيدي شي عليهم
اخذت الملف الثاني
اباوع اسمها ضي صلاح ونوح عبد الرزاق
طلبت ينادوهم
