#قصص_كهرمانه
#القاضي_والمطلقه
البارت ٥٠ والاخير
...........................
ضياء
اباوع رهف تبجي وريسان حاضنها يسكتها
صحت بصوت
ضياء: روووز باباتي لاتركيني
طلعونا وشوي وطلع الدكتور
ريسان: ها دكتور
دكتور: الحمد لله بس وضعها حرج
ضياء: شنو يعني
دكتور: جسمها ضعيف وماتكدر تقاوم
ضياء: بنتي مو ضعيفه وقويه
دكتور: الحمد لله على سلامتها ويارب تكوم بسلامه
عفته واباوعلها ورهف يمها
شفتها تتحرك دخلت
ضياء: رهف عوفيني ويه روز
طلعت رهف وبقيت يمها
ضياء: باباتي تسمعيني
أشرتلي تسمع
ضياء: روز ليش هيج بابا تعرفين اني شكد فرحان بيج قويه وصبوره مع الاسف كل هلسنين تمثلين عليه وتخدعيني بقوتج وانتي انسانه ضعيفه مهزوزه المرض مسيطر عليها تعرفين روز جنت اكول انطي كلبي لانسانه قويه صاحبة مسئوليه افتخر بيج انتي دكتوره وتنقذين ارواح وكلبي مايموت بلعكس حتى واني ميت يساعد عن طريق بنتي بس للاسف بنتي جبانه تفكر بلعاطفه والمرض ونست الحياة الدنيا مو لعب وحب وزواج الدنيا عدنا هدف نحقق العداله والمساعده والتضحيه والاسلام ومن ثم حياتنا الشخصيه انتي كل تفكيرج فقط الحياة الشخصيه
نزلت دمعتها واني اسولف وياها
ضياء: ليش تبجين مقهوره من كلامي بس مانقهرتي علينا اني واخوتج شيصير بينا مافكرتي باختج تضحي لاجلج ماتركج بسهوله تريدين تموتين وتستسلمين روز اني طالع وماارجعلج انتي ترجعيلي وانتظرج ..
دنكت وبستها من راسها
ضياء: لاتتاخرين على ابوج منتظرج بيتنا
عفتها وطلعت ودموعها تجري
لازم اقوي بنتي واخلصها من هلضعف
رجعت للبيت وعفت ريسان و رهف بلمستشفى
حامد رجعني واشوفه قلقان على روز
مااعرف ازعل واضوج منا لان بنتي تحبه
لو اتركه واشكره لان حافظ على شرفي واحترم حرمة البيت
ضياء: حامد انت تحب هناء
حامد: ليش عمي هلسؤال تسالني و بهذا الوقت
ضياء: مجرد سؤال اذا تحبها اخطبها
حامد: بصراحه قصة هناء مو ابالي ولا حبيتها وهي دخلت بحياتي ومااعرف شلون كدرت توصل لرقمي وتسولف وياي وعرفت نيتها شر وتريد تستغلني واني بقيت متواصل وياها اريد اعرف غايتها شنو حتى ماتاذي ام سامر ولا تأذيكم
ضياء: وهسه تركتها
حامد: اقسملك بالله تركتها لهناء من بلغتني
وصلت للبيت تعبان
لكيت ضي وسناري منتظرين احد
تلكتني ضي طمأنتهم ودخلت للغرفه
لكيت كاعد من النوم سامر ويلعب ويناغي وحده
دخلت ضي شافته
شالته خلته بفراشنا ونزعت ملابسي ونمت يمه
ضي: شبيك ضياء ليش عفتهم
ضياء: ضي عوفيني اريد انام تعبان
نمت على بطني ولازم ايد ابني صغيره ورقيقه
نامت بحضني ضي
ضي: لاتخاف عليها اني متأكده تتعالج ودكوم بسلامه
ماتحملت واول مره يم ضي ابجي
ماتحملت ضي تشوفني بهلوضع
تبجي وياي
وسامر يلعب ويعض بأصبعي رغم دموعي وحزني ضحكني
ضياء: سامر غير حياتي من اشوفه افكر شلون اكبره هم بعد اكو حيل على تربيته هم اكدر اكبره ومااقصر وياه مثل اخوته
ضي: اكيد تكدر انت كدها لاهيج دكول وتزوجه وتفرح بي
ضياء: ضي شنو موضوع حامد
ضي: شبي حامد
ضياء: اريد اعرف من توكفين وياه وتخزري لادكليلي لاجل موضوع هناء واعرف بموضوع هناء هوه مسولفلي
ضي: تعرف قصة هناء وحامد
ضياء: اي اعرف
ضي: زين تعرف زوجة حامد حبيبة نوح وزوجته قبل
ضياء: شنو مافهمت
ضي: قبل زواجي من نوح مزوج وشرد وياها وبعدين اهله واهلها لزموهم وضربوها وفرقوهم ونوح من سولفلي على اساس حبيبته فقط مااعرف مزوجه وشردت وياه
ضياء: ليش زوجة حامد شارده الي اعرفه ماتت موتت الله تكهربت
ضي: مااعرف تفاصيل زوجته الي اعرفه زوجة نوح
ضياء: لهذا حامد حاقد على ابو نوح وعرف ابو نوح واتفق ويه مروه عليه
ضي: ليش ماتسمع منا افضل هوه مجرد بلغني
ضياء: ليش بلغج
ضي: بلصدفه بلغني مااعرف
ضياء: وقصة روز
ضي: بصراحه روز تحبه وهوه ايضا يحبها قبل مايتزوج من هي صغيره بلمتوسطه يحبها بس مايكدر مو لمرضها وانما يشوف نفسه مو كد المقام بس بلبدايه عبالي يلعب على هناء و روز وطلع يحب روز ويبادلها نفس الشعور وهناء لاجل يخلصني من شرها
ضياء: اعرف هناء نزوه مو حب بس شلون يحب روز ويبين الها
ضي: هوه كاتم حبه ولكن روز حست بحبه ونسمة حبه وتحبه وخطيه روز فهمته خطأ ومايعرف روز تحبه ومايعرف روز تتاذه بسببه
اباوع سامر نام
ضياء: ضي عوفينا نايمين اني وسامر ولاتكعديني ابد
ضي: ماشي
ضياء: لاتشيلي عوفي يمي نايم
كامت وبقينا اني وياه نايمين
كعدت الصبح اسمع صوت ريسان
طلعت ضي يمه
ضي: ضياء اروح وياه وسناري يم سامر وشوي وترجع رهف ترتاح تغسل وترجع لروز
ضياء: ماشي
مااتحمل اباوع على ريسان طلعت بره
ضياء: حامد حامد تعال
حامد: ها عمي
ضياء: تعال اريدك جوه
دخلت ريسان واكف باب المطبخ
ريسان: ماتروح للمستشفى
ضياء: لا مااروح
ريسان: شتريد من حامد
ضياء: افهم سالفته
ريسان: مو وكتها
ضياء: وكتها اريد اعرف علاقته هوه و روز بلضبط
دخلت سناري وسمعتنا
سناري: ريسان اخذني لاهلي احس ألم موتني خاف اطلك على الاقل يم ماما
ريسان: ترجع ضي وحامد يوصلج
ضياء: انت تاخذ سناري لاهلها من شوكت السواق يوصلون نسوانه ..وعمو اذا صار شي خابريني او خابري ريسان
سناري: ان شاء الله عمو
فتحت باب الاستقبال ودخلت حامد
طلع ريسان و.سناري وضي وسامر بقى يمي
ضياء: اي حامد سولفلي بلاول قصة نوح
حامد: شلون عرفت عمي
ضياء: مو مهم شلون المهم اريد اعرف قصة سايقي كل هذا العمر وياي وطلع عنده اسرار
حامد: لاعمي ماكو كل اسرار
ضياء: تسولفلي بدون كذب ولاتلف ولا ادور
حامد: مااكدر اذحر تفاصيل قصتي الي اكدر اكوله بصراحه زوجتي خانتني ويه نوح ومن رجعت اخوها قتلها وماكدرت اخذ حقي وبقيت اراقب نوح الى ان كدرت اخذ حقي من خيانتهم واضربه وحسسته بكل الم وجرح أذاني بي ومن كملت اخذته شمرته بلمستشفى وعالجته
ضياء: ليش يكول لضي زوجج
حامد: هوه ابد مايعرفني ولا شايفني ومن حجيت كدامه واضربه ذكرت كلتله زوجتي وسكتت فهوه اعتقد ضي
ضياء: زين ليش هيج سويت اكو قانون ياخذ حقك
حامد: صح بس مانكدر نفضح نفسنا ويكفي اخوها انسجن
ضياء: ليش مابلغتني حامد بهلموضوع
حامد: شنو اكلك زوجتي خانتني اقلل من رجولتي افضح نفسي
ضياء: خفت مني اسجنك صح
حامد: لا والله عمي ماخايف من السجن خايف فقط من الفضيحه لخاطر ابني واخواتي
ضياء: حامد تعرف ليش ح اسكت وماابلغ عنك وعن ضربك لنوح
حامد: ليش
ضياء: لان حاليا تعبان وعقلي مو براسي وحتى مااكدر هسه احقق وياك اكثر على القضيه وثانيا موضوع شرف وخيانه ولان ماقتلته وعالجته بنفس الوقت لهذا ح اسكت
حامد: عمي
ضياء: لاتكمل كلامك عرفت قصة نوح بس ماعرفت قصة روز
يباوعلي ووجها اصفر مايعرف شلون يتصرف
حامد: شبيها روز
ضياء: انت فهمني البنيه بارحه منهاره وذكرتك بلموضوع حب وغرام
حامد: اقسملك اني والاخت روز ماكو علاقه بينا شلون عمي اباوع على الي اعلى مني واباوع على اسيادي
ضياء: احنه مو اسيادك استغفر الله كلنا بشر واحد ومن نفس الطين مخلوقين بس اني اريد افهم نوع العلاقه
حامد: ماكو كل علاقه بينا حتى اعجاب ماكو بينا
ضياء: حامد دااكلك لاتلف ولا ادور
حامد: صدكني ماكو حب
ضياء: انت تحبها صح
حامد: لاعمي لا احبها ولا مفكر بيها روز على راسي ومو اني الي احبها تستحق الي مثلها واحسن ولا لحظه مفكر بيها ولا احبها ولااريدها ونظرتي الها مجرد اخت
ضياء: ماشي اريد تجي ام اسعد يم سامر لان تعبان ومااكدرله
حامد: هسه اخابره وابلغه
ضياء: وصل ام سعد النا وبعدها روحلهم للمستشفى
وبقوا ايام تروح وتجي ضي للمستشفى
وام اسعد يم سامر
اني ماخذ اجازه ومااكدر اداوم ومااطلع فقط بلبيت وجودي
ماتحمل اطلع واشوف احد
رهف تعبت وخايفه على اختها وريسان ماتركهم ولادقيقه
اني رافض اروح للمستشفى مااكدر
مجبور اتصرف هلتصرفات لاجل روز
٦ايام وكاعد بلحديقه وسامر يمي يلعب بحضني
ضي ورهف وريسان وروز دخلوا البيت
اباوع روز تمشي على كيفها وضي لازمتها
ماصدكت طفرت عليها
هي تباوعلي مبتسمه وتعبانه
ريسان اخذ سامر مني
حضتها وبوستها فرحان رجعتلي روز
مافشلتني ورجعتلي بنتي
ماتحملت نزلت دمعتي ومامصدك وجودها وقوتها
ضي: اني رجعتها الك شوف شكد احبك
ريسان: على اساس اني المنقذ انتي دكتور ولا سايق ولا الي معتنيا بيها بس لزمتيها خطوتين طلعتي مرجعتها
ضي: هسه جاي احجي ويه رجلي شعليك
ريسان: لاتسوين جميل براسنا اني ورهف بابا اني رجعتها
ضي: ضياء منو رجع روز
ضياء: اكيد مرتي
ضي: ها ريسان هههههههه
ريسان: يجاملج لان ام ابنه وشيخلصه من لسانج واعذره حقه
ضي: ضياء صدك
ضيأء: هسه اتهنى بنتي لو مشاكلكم
رهف: علايام ريسان وضي واحد ضد الثاني
ريسان: هذه اسمه تفرقة الام من اجه سامر كامت تفرق
ضي: على اساس انت ابني وعمرك ٦سنواتةوافرق
اباوعلهم يتعاركون
وروز راسها على متني وتضحك وياهم
اخذتها وصعدنا للغرفه
ضياء: عرفت ترجعيلي
روز: اسفه بابا على كل اذيه وقلق سببته الكم واوعدك اتغير وارجع روز القديمه مو روز هسه كل هدفها الزواج والحب والمشاعر مااعرف لويش بلحظه تغيرت وماافكر بهدفي بلحياة وصدكني راح اتغير لخاطرك بابا وماافشلك
كلامها طمأني
حسيت بلامان ويه روز
من يومها مااعاني من روز
بعدها باسبوع ولدت سناري
وشرفوا بحياتنا ٣ اولاد
سماهم ريسان وماقبل احد يدخل بأسماء اطفاله
ايهم _ادهم _اياس
دخلوا حياتنا ونورونا ونورت حياتنا بوجودهم
واحتفلنا بطهورهم وولادتهم
عائلتي سعيده
اله مرض روز وقصتها ويه حامد مااعرف شلون احلها
الى ان قررت قرار يخلص روز من حبها لحامد
ضياء: حامد اني قررت تترك العمل وياي
حامد: ليش عمي
ضياء: راح اساعدك بمبلغ تفتح مشروع وتبقى فقط موظف بلمحكمه وبدون سايق افضل الك
حامد: يعني شلون
ضياء: شوفلك مشروع العصر تشتغله وانت فقط بلحراسات امام باب غرفتي وكل يومين يوصل السره الك وراتبك حكومي مايتغير فرق يقل ١٠٠ وافضل الك ترتاح وتستقر بحياتك وحياة ابنك واخواتك وماتوصل للبيت
وافق حامد على قراري وحزن
ومايوصل لبيتنا حامد فقط بلمحكمه
وابتعد عن حياة روز واستقرينا
وعايشين حياة مستقره
بلغرفه اريد اطلع العصر
ضي: وين تروح وتعوف مريتك
ضياء: الي يسمعج عايفها بلصحراء
ضي: سايقك الجديد شلونه مرتاح وياه
ضياء: خوش ولد بس متعود على حامد وافتقده وافضل حل يبتعد حامد عن حياتنا
ضي: وشخبار حامد
ضياء: زين بس شكله تعبان وضايج
ضي: اوووف يلحب يلوع
ضياء: 😡 شنو يلوع
ضي: ملوعني وياك من خوفي وغيرتي عليك
ضياء: اكلج شي بمناسبة غيرتج
ضي: شنو
ضياء: اتمنى اعرف وين اخذتي مروه
تقربت وكعدت بحضني وتتلمس بوجهي
ضي: ماتدري
ضياء: شنو
ضي: فص ملح وذاب مروه وماتعرف مكانها
ضياء: هههههه اخ من كيد النساء
ضي: سامر نايم ومشتاقتلك خليك وياي ولاتطلع
ابتسمت وبدت تبوسني
بقيت لخاطرها
ربع ساعه اندكت الباب
ضي: اعرف حظي اذا مو ابنك الصغير ولدك الكبار يكطعونا😡
ضياء: هههه زين اني شعليه زعلتي عليه
اباوعلها غنوجه وتدلع ولبست وفتحت الباب لروز
ودخلت روز لغرفتنا
روز: بابا الباجر يجون ناس على رهف
اباوع ضي مبتسمه
ضياء: منو
روز: ابن حلال
ضي: هههه طبعا ابن حلال لغز كوليله منو
روز: مابلغتي انتي
ضي: انتي افضل حتى رهف تفرح
ضياء: شنو
روز: الولد الي تقدملها قبل فتره ورفضته راح يرجع يخطبها
نزل ريسان وصاحته روز يمنا
ريسان: شكو
روز: نحجي على قسمة رهف أجوها ناس
ضياء: قتيبه
ضي: شلون عرفته
ضياء: ههههه قبل فتره من اخذت الاسم سألت عليه وعرفت منو وشنو
ريسان: غرد ابو سامر بلمعلومات
ضي: هههه
ضياء: خوش ناس ونسب ..شكله حلو عجبني وعنده اخ صيدلي وزوجته دكتوره واربع اخوات اصغر منا اثنين مزوجات وخريجات واثنين طالبات وخلوقات وامه متقاعده وابوه متوفي
ريسان: معناها امه محتاجه رجل وبأذن الله ابوي وامه نزوجهم بنفس يوم زواج رهف وقتيبه
ضياء: هههههه
ضي: شو تضحك اخلص من مروه انوب ام قتيبه وحلوه
ضياء: تخبل عبالك بنت عشرين
ضي: 😡😡😡😡
روز: نرفضت القسمه من هسه لان بيها ام قتيبه
ضي: لا حبيبتي نزوجهم بس ام قتيبه هم اطيرها مثل مروه
ضياء: ههههههه
ريسان: الي ضأمه مروه عدهم ح ينملى بيتهم نسوان😂
ضي: معليك يقبلون
ريسان: رهف شنو رأيها
روز: موافقه وفرحانه
ريسان: شنو شغله
ضياء: موظف ويه رهف بلحسابات ورئيس قسم
ريسان: حلو خوش قسمه
ضياء: ناس مرتبين والولد مكون نفسه وعنده بيت والعصر يشتغل ويه اخوه بلمضخر صيدليتهم ملكهم
ريسان: اي هذه القسمه الزينه الله يوفقها ومن نصيبها
ضياء: امين وروز بلغي رهف يتفضلون
روز: ان شاء الله بابا
انشغلنا بلخطوبه
وانخطبت رهف لقتيبه
ضي تخرجت هي وسناري
وروز بعدالها سنتين على تخرجها من طبيه
بعد تخرج ضي تزوجت رهف
واستقرت بحياتها
بس اصعب يوم بزواج بنتي
اختنكت وبقيت بغرفتها نايم
اتمنى ارجعها لبيتي ولغرفتها
ماارتاح اولادي بعيدين عني
وبعدها ضي رفضت تتعين ماتقبل
حياتها لابنها ولزوجها
سناري تكمل درسات ويه زوجها وامها واحنه نساعدها بأولادها
ضي تحب الاطفال ووقتها لولد ريسان وابنها سامر
انسانه خلوقه وهادئه وتقبل بلقليل
اله بحبها لضياء انسانه ثانيه
ماتكبر وياي وماتتغير ويوم بعد يوم تصغر وتدلع
مره بلمحكمه كملت دعاوي من وكت
باوعت علوقت ب١٢
اتصلت على ضي
ضي: ها ضياء
ضياء: شخباركم
ضي: زينه
ضياء: اليوم الصبح ضايجه شبيج وبقيتي ابالي
ضي: مابيه شي
ضياء: لابيج شي
ضي: لان تعبانه وشغل والجهال
ضياء: اليوم مشتاقلج نروح لبيتنا الصغير
ضي: ماشي سناري تاخذهم اليوم
ضياء: سامر خلي يم روز
ضي: ماشي
ضياء: شعجب وافقتي سامر مايروح ويانه يوميه اتوسل وتعارك وماتقبلين اله ويانه
ضي: افضل
ضياء: شبيج ضي بارده
ضي: مابيه والله شبيك
ضياء: ماشي شوي وامر عليج
ضي: اوك خلي اخابر روز اشوفها شوكت ترجع
ضياء: وتحظر ياحلو الي
ضي: اموت عليك احبك
وكامت تبجي
ضياء: شبيج ضي
ضي: مابيه شي احس محتاجتك تعبانه من شغل
ضياء: بلبيت اشوف شبيج
رجعت للبيت ولكيت ضي تبوس وحاضنه سامر وتشم بي
روز تضحك عليها
روز: شكو هي كم ساعه تختفين
ضي: مااعرف مخنوكه على سامر وضياء
ضياء: شصاير ضي
ضي: ماصاير شي
بوست روز وبوست سامر ودموعها على ابنها
صعدنا سياره ومخنوكه
ضياء: كلولج ماخذج ادفنج للنجف تبوسين وتبجين عبالك تودعين احد
ضي: لا شنو اودع بس من اريد ابجي ابوس واحضن
ضياء: هههه بوسيني الي واحضنيني وابجي
ضحكت ومسحت دموعها
وصلنا للبيت
ضياء: اريد اعرف شكو ضامه شي عليه صح
ضي: لا
ضياء: اي ومتأكد
ضي: اسولفلك بس مو هسه
ضياء: شنو
سحبتني لفراشنا وتبوس وحاضنتني
اول مره ضي جريئه وياي
وتظهر اشتياقها الي بجنون
احلى يوم وياها بلفراش وعشنا احلى لحظات
الى ان نمت وخليتها على صدري
ضياء: شنو هلدلال والتغيير
ضي: لان احبك ومشتاقتلك
ضياء: اروح فدوه للمشتاق ..شبيج ضي
ضي: حباب لاتسأل خلينا نعيش لحظات حلو ومن تكعد من النوم وناكل اسولفلك
بقت تبوسني على كيفها
كل بوسه تنطق كلمة احبك
حسيتها مامرتاحه وغريبه اليوم
عفتها براحتها حتى ترتاح الى ان غفيت
ماكعدت اله بعد ساعه ونص
ماكو ضي بحضني
ضياء: ضي ضي وينج
كمت بلبيت افتر ماكو
خابرتها جهازها بلغرفه يدك
مره ثانيه افتريت بلبيت ماكو
خفت على ضي
بلباب اشوف ورقه
رساله من ضي
( اعرف حاليا بوضع استغراب وصافن ومامصدك ومحتار اني وين
لان احبك واخاف عليك اختفيت من حياتك لان خفت على مركزك ومركز ابني وسمعته وعلى سمعتكم وسمعت بناتك انتوا عائله ملائكيه ماتستحقون ضي توسخ سمعتكم وتفضحها
اعرف انسان حقاني بس ماتوقعت لدرجة حتى على امك كلمة الحق
سمعت من ريسان قصتك وتفاجاة ومخنوكه من يوم الي عرفت ولحد الان ووجودي بحياتكم خطأ
لان مااريدك تعيش نفس اللحظه وياي ويتكرر الماضي وتتأذه وتنفضح بسببي
اسفه لان دخلت حياتكم وحبيتك وتزوجتني
المفروض انسحب من البدايه بس جنت اكول انت تحبني ويبقى سر العمر كله
ماتوقعت انت ماترحم احد بكلمة الحق
صعب تسلمني للحكومه ويحكموني وانسجن او يعدموني ماتحمل ولخاطر ابني ايضا شنو ذنبه سمعت امه قتيله
اكتب يوم الحادث وانت ح تعرف سبب هذا تصرفي واختفائي من حياتك
خنكت بابا من شفته شمر بيبي ويريد يكتلها ويطردني بعد ماتحمل ظلم فقدت عقلي بلحظة ضعف وخنكته ومنال ضربتني وخلصت بابا مني
منال: حقيره تريدين تموتين ابوج
سحبتني هي وبابا للطباخ وفتحوا الطباخ
حركني بأيدي واصرخ
معقوله هذا بابا ماكو محنه عليه ويحرك بنته
زين اني لازم اخلص نفسي واعاقبه واشوفه نفس العقاب والاذيه شلون
دخل عمو سامر وياريته مادخل
لزم بابا وضربه عركه بسيطه بينهم
اباوع منال وبابا ضربوا عمي
حسيت لازم اساعده
واباوع لبابا مااشوف غير شيطان مو انسان
اخذت السجينه وضربته مرتين بطنه
احس بنفسي استمتع من اضربه
حسيت بفرح وراحه واضحك
عمو سامر لزمني واخذ السجينه من ايدي ويضرب براسه
وحضني وخايف عليه
كام يريد ينقذ بابا
منال فتحت النار رادت تحركني بس التهت بابا تنقذه وبيتنا احترك
بابا شمرني للنار وسحبته ودفعته وحركته
عمو سامر كدر يخلصني وماكدر يخلص بابا لان اني شمرته بنص النار
منال سكتت لان هي هم تتحاكم وتنسجن عمو سامر فهمها
لان نار بسببها وبقت ساكته
وعمو سامر تحمل هوه القضيه لان ماراد اتاذه وانسجن واني بنيه وشابه
وبقيت احس بندم لان نهجم بيت جدو وتوفى ابوي وبيبي وعمو بسببي اني
لاتعتقد فرحانه بألي صار لحد الان اطلب المغفره والسماح من ربي وعذبني ضميري
اريد اعترف واخاف ومااكدر
ومااريد بايدك تسجني
ومااكدر انتحر واغضب ربي
اني اوعدك ح اسجن نفسي بعدي وفراقي عنكم
ولكن وعد احافظ على نفسي وشرفي
والمكان الي اني بي امان ويحبوني ويخافون عليه
وماتلكاني
لا ادور عليه ضياء مستحيل تلكاني
مكاني مااله وجود
وديربالك على ابني ولاتحقده عليه
واني واني كل فتره اطمانك عني برساله واتابع اخباركم
ضياء ابني ابني امانه ومجبوره اتركه
فكرت اذا انسجن هم انحرم منا وبعار ابتعد
احبك واغلى من روحي وعمري وحياتي
كل الي سويته لاجل حبي الك
احبك ياابوي وزوجي واخوي وابني وكل ناسي
احبك ياابو ابني
احبك ضياء مااعرف شلون ح اتحمل فراكك من هسه ميته على فراكك وشلون ح اصبر بس الله يعلم
اتمنى الله ياخذ امانته ومااعيش فراقكم
احبك )
حزن يغتالني
وهم يقتلني
وظلم حبيب يعذبني
آه .. ما هذه الحياة التي كلها آلام لا تنتهي
وجروح لا تنبري
ودموع من العيون تجري
جرحت خدي
أرقت مضجعي
وسلبت نومي
آه يا قلبي يا لك من صبور على الحبيب
لا تجور رغم ظلمه الكثير وجرحه الكبير
الذي لا يندمل ولا يزول
ما زلت تحبه رغم كل الشرور
ما زلت تعشقه رغم الجور والفجور
ما زلت تحن إليه رغم ما فيه من غرور قلبي ..
ويحك قلبي إلى متى .. إلى متى؟؟
اخبرني بالله عليك إلى متى ؟؟ هذا الصبر
وهذا الجلد
والتحمل إلى متى هذا السهر والتأمل ؟
إلى متى هذه المعاناة والتذلل؟
كف عن هذا كف فاكره كما كرهت
واهجر ما هجرت وعذب كما عذبت
واظلم كما ظلمت واجرح كما جرحت
فلقد عانيت كثيرا وصبرت كثيرا وكثيرا
على حبيب لا يعرف للحب معنى
أما آن لك يا قلبي أن توقف كل هذا فبالله عليك يا قلبي كــــف وارجع الى حبيبك الفقير
وللحكايا نهايه 😔
