#قصص_كهرمانه
#القاضي_والمطلقه
البارت ٩
....................
بلمستشفى اثناء الحرق
نصدمت من سمعت القاضي يحجي ويه بنته
بابا يعالج
عمو سامر وبيبي وينهم
بيبي خطيه مغمى عليها معقوله عافوها
محد هجم بيتنا غير منال
..................... ( تذكر تذكر تذكر)
من صعدت وسمعت منال تحجي ويه ابوي
نصدمت
منال: اكلك مشيها السالفه تره محد ياخذ بتك
صلاح: اعرف ولج كلشي احنه ننطي
منال: انزوجها ونستر عليها
صلاح: بدال مانزوجها بفلوسي اعالجها والف واحد يتمناها
منال: شتعالج انت مصدك ضي الها علاج بصدرها منين يجيبولها ثدي امك تتبرع لو امها العوجه
صلاح: ماادري منال اخاف اورط ضي والولد مايريدها بعدين
منال: لا عاجبته وميت عليها واني احجي وياه وخلينا نساعده خطيه يزوج اهله مايقبلون يساعدو
دااسمع كلام منال وابوي
وطلعت اختي عذراء شافتني
ماكدرت ابقى اكثر
سويت نفسي هستوني صاعده وخليتلهم الصينيه
نزلت بسرعه
خطيه نوح يريدني ومايتمكن
رغم عيوبي حبني الله شكد حلوه هذا الولد ويخاف الله
لازم اوكف وياه
وتحمل المر لاجله
بلاول رافضته ووافقت عليه من سمعت كلام منال
رغم مامستوعبه مساعدة منال
كلام منال ماسولفته لا لعمو ولا لبيبي
حتى ماتصير عرضه بقسمتي وخطيه نوح
فرحانه انسان يحبني بكل عيوبي
عشت احلى ايام افكر بي
اتخيله اسولف وياه واحبه عشقته بهذه الايام
رغم ماملتقيه بي بس مره
بيوم اجتي منال بليل وكاعدين اني وبيبي وعمو سامر وبابا
منال: هذوله الناس خابروا يردون الخبر منا
بيبي: ياخبر
منال: موافقين لو لا
سامر: هوه احنه سألنه عليهم
منال: سأل عليهم صلاح صار اسبوعين فلس الولد
التفتت بيبي على بابا
بيبي: صلاح شو ماسولفتلي تسأل على الولد
صلاح: نسيت المهم الكل مدحت بي
سامر: انطيني رقمهم عنوانهم اسأل عليهم
منال: ليش ابوها مو بعينك
سامر: اني هم ابو ضي ومن حقي اسأل
صلاح: مايحتاج تسال من تصير عندك بنيه وتزوجها ماادخل ومااسال من تخطب
سامر: انت على بتك ماتسال تريد تسأل على بنت اخوك والله بطران
بيبي: سامر لاتخرب فرحة ضي وتتعارك
سامر: ضي انتي عاجبج موافقه على القسمه
ضي: اني ماعندي مانع بس كون يعرفون هوه واهله مرضي
سامر: اكيد لازم يعرفون وثانيا ياعمي هوه اذا يحبج يسويلج عمليه ويعالجج
بيبي: يمه هيج والله وتزوج ضي وتتعالج من بختكم اهل البيت حفيدتي تنسعد
الللللللللللللله شكد حلو كلام ودعاوي بيبي
دمعتها عليه خطيه
منال: الولد يعرف اني سولفتله كلشي بس مايقبل يبلغ اهله
سامر: ليش
منال: يكول هذه عرضي واني الي اعيش وياها مو اهلي اني المهم موافق ومااريد اجرح واحرجها لضي كدام اهلي
بيبي: يا ينطي العافيه يمه شلون ولد
سامر: ضي تعاي اريد احجي وياج
كومني رحنا للغرفه
سامر: ضي اني عمج وماازعل عليج واثق بيج
ضي: شنو عمو
سامر: اكو علاقه بينج وبين نوح واعرف انتي مؤدبه واني وامي ماضاع تعبنا بيج واني رجال فاهم مو متعصب مابيها شي اذا كلبج دك اله وصار شي بينكم حب شريف
ضي: شتريد عمو احلفلك ماكو كل علاقه بينا ومااعرفه والله واول مره شفته من اجه كدامكم وكلمتين سولف وياي وكام
سامر: لاتحلفين اثق بيج بس ياعمي هذا ليش هيج موافق بسهوله مامرتاح اله
ضي: لا عمو كول ياالله
سامر: ضي هذا زواج مو لعب ياعمي
ضي: زين عمو من رخصتك خلوني احجي وياه واني ابلغه خاف منال جذابه وماكلتله وتصير كارثه بعدين
سامر: هم خوش حجايه حتى اذا موافق يعني الولد شريف وابن ناس وشاريج
كملنا كلامنا وطلعنا الهم
عمي سامر طلب من منال
نوح يخابرني ويسولف وياي قبل الخطوبه الرسميه
منال رفضت وتعاركت ويانا
سامر: اكلج ضي ماتسولف ويه الولد سدي الموضوع ماكو زواج
منال تخبلت كامت تتوسل وترهم
حتى رادت بابا يرفض مثلها
بس بابا رأيه من رأينا وموافق على كلام عمو سامر
ثاني يوم الظهر
جاي اغسل ماعين الغده وصاحتني منال
صعدتلها
منال: راح يخابرج نوح حجيت وياه
ضي: ماشي
منال: ضي لاتلحين بسالفة صدرج عيب هسه يكول هاي البنيه كلامها جريء والرجال مايحب المره الخفيفه والجريئه
ضي: لعد شكله
منال: هوه يعرف بس كليله قصة صدري تعرفها وانتي خجلانه وبلكوه احجيها ماشي
ضي: ماشي والبهاق
منال: عادي كليله بس كليله جسمي كله تعالج من البهاق وهوه شافج الولد
ضي: ماشي
منال: وعيب مو تلحين بسالفة صدرج ويروح يسحبج لكلام موزين خوش
ضي: اي اي
منال تعلمني وتفهمني اكيد مو حبآ بيه
انما تريد تتخلص مني
حتى من قنعت بابا يساعدني
فهمت تريد تتخلص مني وتريد اطلعني من البيت
وشوي واتصل نوح عليه
منال: راح ابقى يمج اعلمج
ضي: استحي كدامج احجي
منال: لا تستحين بلعكس اساعدج واعلمج
مخليه ورقه وقلم يمها
حتى تكتبلي واحجي وياه
المهم رديت عليه كلمة الو ذوبتني
نوح: الو
ضي: الو😶
نوح: مرحبا ضي شلونج
ضي: الحمد لله زينه بخير
نوح: ان شاء الله دوم زينه
بقيت ساكته
نوح: ليش ساكته سمعت تريدين تحجين وياي
ضي: اي
نوح: تدرين شكد فرحت من عرفت تريدين تتعرفين عليه اني هم اريد اسولف وياج واعرفج اكثر
ضي: اني اريد احجي وياك بسالفه
نوح: هههه سالفه ان شاء الله نشبع سوالف مو بس سالفه بس اريد اعرف رقمج
ضي: ماعندي رقم ولاموبايل
نوح: صدك شعجب ماكو بنيه بهذا وكتنا ماعدها موبايل
ضي: اني
نوح: اطلبي من بابا كليله بابا راح انخطب واريد موبايل احجي بي ويه خطيبي
ضي: ان شاء الله بس خلينا نحجي هسه
نوح: شنو كولي
ضي: نوح انت شنو تعرف من عمه ام عذراء
نوح: منو عمه ام عذراء
ضي: زوجة ابوي
نوح: ليش هي مو امج
ضي: لا مو امي
نوح: عبالي امج
ضي: اهلك يعرفون مو امي بيبيتي بلغتهم
نوح: ماادري وعادي مو مشكله بس امج وينها
ضي: مزوجه بلحله
نوح: ها وزوجة ابوج شلونها وياج
ضي: امي الثانيه😒
نوح: الله يحفظكم
ضي: رحمله والديك
نوح: ضي اني اعرف كلشي بأمراضج ومامهتم ولاتخافين ولاتقلقين مو مهم عندي المهم الاخلاق واريد مره توكف وياي بلحلوه والمره وتسمع كلمتي وتحبني وتحب اهلي واني اخليها بعيوني
ضي: اني مو بس مريضه بلبهاق
نوح: اعرف واعرف تخجلين من الموضوع واعرف بموضوع صدرج وسدي الموضوع رحمه على اهلج واني لعيونج هذا الشي يبقى سر بينا وماابلغ اهلي بي
ضي: اشكرك نوح
نوح: من عيوني وضي حاولي يصير عندج رقم بس مؤقت من ننخطب اني اشتريلج
ومنال تأشر براسها لا ولا
ضي: اعذرني مااكدر مايقبلون
نوح: ماشي خليها بعد الخطوبه ادزلج بأيد امي ماشي
ضي: ماشي يله اترخص
نوح: بعد وكت
ضي: اريد اكمل شغلي وهذا رقم عمه وخاف تريده
نوح: ماشي براحتج وديربالج على نفسج
ضي: ماشي
توادعنا وسديته ومنال فرحانه
اكثر مني فرحانه منال
ماافهم شنو سالفتها
وبليل سولفت لعمي سامر وبيبي
وفرحنا وبعدها ايام
اجتي الخطابه وتفقوا على كلشي
طلباتنا جدا بسيطه وام نوح ورده حبابه فقيره
ونيشان ذهب اشترولي وملابس قليله
مااهتميت بس الذهب اعرف من ابوي
مو منهم
منال ساعدت نوح بدون علم اهله
ومايدرون اني اعرف
ومشت ايام وعقدنا محكمه وسيد بنفس اليوم وبلمحكمه
وياي منال وبابا
منال ماخلتني اكعد ويه نوح
مااعرف ليش
دكولي عيب ولاتصيرين خفيفه وخلي يعرف انتي صعبه
جنت اسمع كلامها واسكت مااحجي
ونوح بلمحكمه يخبل شكله
مبين ابن خير وشهم
مامصدكه هذا الي
شكله تفاحه مو طبيعيه اذا اكلها يغمى عليه
من اباوعله انقهر عليه
خطيه ياخذ وحده بثدي وبهاق
شنو ذنبه اني شلون وافقت عليه وظلمته
مااعرف يمكن صرت انانيه بوقتها فكرت بنفسي
كملنا وعقدنا محكمه وسيد هم بلمحكمه عقدنا
رجعنا للبيت ونوح ويانا بيبي عازمته
خجلان من عدنا واني هم خجلانه منه
عمو سامر يضحك ويشاقه وياه
بيبي كل ساعه توصي عليه
منال بينا ماتقبل تعوفني دقيقه ماتخليني اكعد يمه ماافهم شبيها تغار مني
عفتها براحتها واسمع كلمتها لان تساعد نوح خطيه
وطلع واني ماكعدت يمه ولا ثانيه
مااهتميت لان فرحانه بحياتي
ومرت ايام وماكو نوح مااعرف اخباره
اسمع عنا من منال
عمي سامر انتبه احنه مانتخابر
سامر: ضي ليش ماتخابرين نوح تتعرفين عليه
ضي: استحي وخليها بعد الزواج احسن
سامر: شنو ولج بلكه مايعجبج طبايعه سوالفه نظامه هوه مانعجب بيج باسلوبج بطبايعج الخطوبه تعارف وتقارب وتفاهم
منال: يا هم عوزها ضي ماتنعجب بي فوك كل عيوبها موافق بيها هجم بيت الباميه الي تتفلسف
بيبي: ماضربناه على ايده هوه ميت على بتنا
سامر: وشبيها ضي تتعالج وتصير زينة البنات وهسه هي زينة البنات
ماانقهر مثل قبل من منال واصبر لخاطر نوح
اني اتمنى اخابره وتعرف عليه بس منال ماتقبل
ودزلي موبايل ومنال اخذته وبلغته ابوها مايقبل
حتى ماتخلي يزورني للبيت
قنعت بيبي وابوي مايصير يدخل اله بعد العرس
عيب من الناس
وكلامها مقنع وكل تصرفاتها على حسب الاصول
اني جهزت نفسي للعرس
بيبي وعماتي ماقصرن خطيه ماتشتهي نفسي واكثر اشترولي
بس جانت الفرحه ناقصتني بسبب جسمي
ماجنت اشتري ملابس نوم دلع كلها محتشمه
عمتي خياطه وخيطتلي شغلات حلوه للنوم بحيث صدري مايبين
وتفقت ويه صالون ومكياج
سوولي حفلة حنه ولبست بدله عمتي خيطتها تلف على الرقبه
حتى ماتبين كدام اهله
وصار يوم زواجنا
أجرت بدلة المحجبات
اجه نوح وشفته يخبل
ويباوعلي ويغمزلي ومبتسم
كعد يمي واني كلبي يدك
نوح: ليش لابسه بدله محجبه
خجلت ودنكت استحيت منا
لبستها استحي من صدري
لزم ايدي وكومني
شبعت بواجي ويه عمي وحضني وخطيه كام يبجي
وشاورني
سامر: لاتتوقعين اعوفج أي شي تحتاجين تجيني وبس يزعلج كليلي وديربالج على نفسج ياعمي
وحضني وباسني براسي
وابجي اني وياه
وويه بيبي حتى بابا سلمت عليه وحضنته
رغم مافد يوم حن عليه وحتى بزواجي مانقهر
وصعدت بلسياره ونوح يسوق ويركص ويه جماعته
واخذنا صور وفرحانه
ح اعيش بعالم ثاني هذا انسان مو طبيعي
شكد حلو وطيب
طلعنا واخذوني للفندق
اخته حجزتلنا بلفندق هديتها
شبعت بجي على بيبي
ودعتني هي وامه ومنال وطلعوا
بقينا اني ونوح بلغرفه
نوح: تخبلين احلى عروسه
اني مدنكه خجلانه
ومستحيه مااريد ينزعني
وخله ايده على خدي وتقربلي باسني
غمرني بحنان بوسته
ذبت على بوسته
بعدها كام يساعدني انزع الحجاب
ومسرحه شعري وماغيرت لونه اسود بقى ماقبلت منال
نعجب بشعري وبوسه
نوح: شعجب ماملونته
ضي: مااعرف ماقبلوا اهلي
نوح: هم هيج حلو وتخبلين
حضني ونزعني سحابه على كيفه
واني مستحيه ماتحمل
ولازمه البدله
ضي: نوح خلي ابدل حباب
نوح: ليش
ضي: بداعتي استحي وساعدني لاتصعبها عليه
نوح: ماشي بدلي وحدج واروح اتوضى واجيج
دخل للحمام واني بسرعه بدلت
طلع شافني وباسني من راسي
وصلينا اني وياه
وقت كلش حلو اتمنى مايخلص
وانسان عاقل وحلو ومرتب
نوح: قبل الله
ضي: قبل الله اعمالك
نوح: اعتقد بدلنا وصلينا وتشكرنا هسه شنسوي
ضي: ههههه نعيد صلاتنا
نوح: هههه ليش الحجه حتى نصلي للصبح
ضي: نتعشا
نوح: ماشي نتعشا وبعد العشه شنسوي
ضي: نلف راسنا ونام
نوح: ههههه ونكعد الصبح اروح لشغلي وارجعلج لاهلج شنو رأيج
ضي: ههههههه
وتقربلي كام يبوسني وشالني للسرير
نوح:😲😲😲😲
.............................( رجعت من الذاكره ضي)
بلمستشفى
ضي
كعدت ولكيت ريسان فوك راسي ولازم راسي يقره
ريسان: هلو ضي
نزلت دموعي
اريد اسأله على بابا مااكدر اسأله
ريسان: ضي كلهم بخير اطمأني
طمأني ومااكدر احجي
دخلت البنيه
؟: ريسان تعال بسرعه
ويسكتها ريسان
شافتني كاعده وسكتت
ريسان: شبيج
شاورته
ريسان: تعاي بره
طلع
عرفت اهلي بيهم شي
كمت على حيلي
شفت أيدي ملفلفه
مشكليلي مغذي
كمت بلكوه واريد اطلع شفت نفسي بلدشداشه
اسحب بلمغذي وردت اطلع
سمعت كلامهم
ريسان: الله يرحمه
ضي: 😢😲
**********************
ضياء
بعد مااجاني ريسان ضي حاركه نفسها
كرهت ضي شلون تحاول تنتحر
شكد ضعيفه
سمعت روز الخبر
روز: خلي اروح وياكم
ضياء: لا
روز: بابا الله يخليك ماتعرف شكد متعلقه بقصة هلبنيه الله يخليك خليني اروح وياك
اله تروح ويانا
ريسان: خليها تمشي وشوي ويرجعها حامد
وافقت وطلعت ويه ريسان
صعدت بسيارتي للمستشفى
ماكو احد من اهلها بس جيران
اثنين زلم
عافوها من وصلنا
دخت بيهم ليش تركوها ووين اهلها
دخلت للغرفه ويه المرضى
والمكان وصخ
حاولت انقلها بغرفه وحدها بلخاص
ودخلنا اني و روز
شفتها المسكينه ايدها محتركه
مااعرف شنو وضعها وشبيها
مامبين حاركه نفسها
شوي وأجه ريسان الي
ريسان: حجي بيبيتهاو ابوها هنا بلانعاش
ضياء: شكو شنو الي صاير
ريسان: ماافهم بس مخبوصين
ضياء: ماحاولت تفهم من عمها سامر
حامد: استاذ ابو ريسان سامر بلسجن
ضياء:😲
وللحكايا بقايا
تأخرت بلنشر لان ماعندي نت والاكثريه ماعدهم نت مثلي وبليل اعوضكم بارت ١٠
للتوضيح اللغز الاول انتهت مخترع نوح لويش اكيد نصدم بوضع ضي ولويش نصدم
واللغز الثاني ضي سمعت ريسان يترحم منو مات من اهلها
اللغز الثالث ضياء نصدم سامر مسجون شنو السبب ولويش مسجون شصاير بيت ضي
