#قصص_كهرمانه
#القاضي_والمطلقه
البارت ١٠
.................
ضياء
ضياء: ليش بلسجن
حامد: مااعرف الجيران يكولون مانشوف اله الشرطه والاسعافات
ضياء: حامد شوف شنو السالفه
ريسان: ابوها مضروب بلسجين
ضياء: ليش
ريسان: اكو مره بس تدعي على ضي وسامر ونسوان يسكتنا
ضياء: زين بيبيتها شبيها
ريسان: بيبيتها جلطه بلدماغ وشلل كلي
ضياء: سترك ياربي شهلمصيبه
دخلت لضي بقيت يمها واباوعلها
روز: بابا مو تشبه ماما
ضياء: لاتشبهين احد بأمج مهما يكون
روز: بابا لانضحك على نفسنا شكلها يشبه ماما
ضياء: ماشي بابا يله كومي خلي حامد يرجعج
روز: لاخطيه محد يمها بنيه واكيد تحتاج وحده يمها خليني يمها الله يخليك
ضياء: بابا مااريدج تبقين بلمستشفى
روز: بابا بعد كم يوم حياتي ح تصير بلمستشفى غير اني دكتوره
ضياء: هههه الاحلى بيكم تغلبوني بلكلام كبرتوا
روز: بفضلك كبرنا ونفهم الحياة
كمت اباوع على ضي
شفتها تتحرك
ضياء: ضي ضي
فتحت عينها قليل شافتني ورجعت غمضتهن
دكتور: جروحها عميقه بلأيد
ضياء: جروح لو حروق
دكتور: مجروحه وفوك الجرح محتركه
ضياء: معناها تشوهت
دكتور: بعمليات التجميل يتعالج ماكو بهذا وكتنا شي مستحيل
ضياء: ان شاء الله دكتور
دكتور: شلون صار والدها
ضياء: مانعرف بعدنا
دكتور: استغفر الله ليش البنيه منتحره
ضياء: مااعتقد
دكتور: جارحه ايدها بلوريد وبعدها محتركه
ضياء: مو غريب بلوريد وتحرك ايدها الي ينتحر يحترك او يجرح ايده او يشنق نفسه او بلمسدس يضرب نفسه ماكو تفكير بنيه شابه تجرح نفسها وتحرك نفس الجرح
دكتور : بصراحه اني شاك مو هيه يطلع التقرير ونعرف
ضياء: هيه اليوم عدها موعد عمليه وتبدي حياة جديده ليش تنتحر
دكتور: الله يعلم
طلع دكتور من الغرفه
روز: بابا بربك هو هذا هم دكتور تناقشه كلشي مايفهم
ضياء: هه بابا مو بس طبنا فاشل هي الدنيا كلها خربت وبأيدنا كون حالة ضي بره والله العالم يحترك حرك عليها
روز: اي والله شكد فاشلين
وبقيت اراقبها وشوي وكعدت
تريد تنطق وماتكدر تنطق
تعبانه لدرجة ماتكدر اطلع صوتها
روز يمها تساعدها وتفهمها اكثر مني
خابرني ريسان
طلعت بره
ضياء: ها ريسان
ريسان: ابو ضي انفاسه الاخيره سكرات الموت يعالج
ضياء: ليش
ريسان: من كلام مرته دكول سامر ضاربه
ضياء: ليش
ريسان: على اساس ضي منتحره وسامر ضارب صلاح حسب كلام زوجته وامهم متخربطه
ضياء: ضي من قررت تنتحر ليش حاركه بس ايدها
ريسان: ابوها مشتعل كله
ضياء: اكو لغز بقصتهم
ريسان: ضي كعدت
ضياء: لا تكعد وترجع تنام
ريسان: يعني مانكدر نعرف منها
ضياء: لا
ريسان: سامر مامسموحلي التقي بي
ضياء: ريسان تعال يم ضي حتى اوصل روز للبيت واروح اشوف قضيتهم
ريسان: ماشي
دخلت للغرفه وطلبت من روز ترجع وماقبلت اله تبقى يم ضي
عفتها وطالعت للمركز رحت لسامر
حاولت التقي بي
شفت اوراقه وتحقيق مايقبل يعترف
ومايحجي
وصيت عليه
والتقيت بي
سامر: سيدي
ضياء: تعال سامر اكعد
سامر: شلون عرفت بوجودي هنا
ضياء: عرفت بس الي مااعرفه ليش ضي بلمستشفى وليش امك واخوك بلانعاش فهمني شنو القصه
سامر: ضي شلونها وامي شلونها صلاح شلونه
ضياء: سامر اخوك يعالج يعني راح يموت
سامر: اني مامسوي شي ولازم اني يمهم
ضياء: شنو الي صار
سامر: قصتنا طويله محد يفهمني
ضياء: اريد افهم منك واعرف قصتكم
......................
(سامر تذكر الماضي)
ضي
