#قصص_كهرمانه
#القاضي_والمطلقه
البارت ٣٣
..................
ضياء
فاجأة ريسان بوجودي وبطلبي
ريسان: شنو جنتك
ضياء: هيه بلجامعه اداوم اريد اشوفها اتعرف عليها
ريسان: ههههه حجي شعندك اليوم
ضياء: اريد اشوفها حتى لو من بعيد
ريسان: اليوم مامداومه
ضياء: ها ماشي خوش عذر
ريسان : ههه شنو عذر ماموجوده
ضياء: ماشي اجي ويه ضي باجر واتعرف عليها ضي تعرفها
ريسان: اي تعرفها
ضياء: اي بارحه سألتها
ريسان: اي
اباوعله دنك
ضياء: شبيك تخربطت احوالك
ريسان: ماكو شي هههه ليش تتخربط هاي اني كدامك
ضياء: ضي مامتعرفه على حبيبتك وماتعرفها شايفتها من بعيد
ريسان: لا تعرفها
ضياء: بارحه نكرت
ريسان: لان اني محلفها ومعلمها انت تبوك لسانها
ضياء: ها يعني تعلم زوجتي تجذب على زوجها
ريسان: معلمها باسراري ماتسولف مو تجذب عليك
ضياء: زين ليش هيج معلمها استاذ ريسان
ريسان: بابا هذه حياتي
ضياء: تعرف مااحب الف وادور اسالك سؤال
ريسان: جواب
ضياء: انت تحب مروه
ريسان: يامروه🤔
ضياء: لاتسوي نفسك ماتعرف
ريسان: لا والله مااعرف منو تقصد يامروه
ضياء: الي مزوجها بلسر
ريسان: حجي تحجي صدك شلون احبها شلون افكر بيها انسانه رخيصه ورخصت نفسها وزوجتك قبل بعد شلون احبها وتعرف كلش زين مااقبل على الخطأ
ضياء: ليش تلتقي بيها
ريسان: ماملتقي مره وحده سمعت قصتها ونقهرت على اخوها مو عليها وطلبت اساعدها واسولفلك ونسيتها
ضياء: شبي اخوها
ريسان: مسجون ظلم
ضياء: اليوم العصر التقي بيها تمشي وياي
ريسان: اوك اروح وياك
ضياء: انتظرك ونطلع سوه
ريسان: اوك
عفته وطلعت التقيت بنوح بلجامعه
شفته نصدمت بوجها هوه يمشي مايعرفني
ضياء: نوح
نوح: نعم
ضياء: عرفتني
نوح: لا والله
ضياء: اني القاضي الي طلكتك انت وطليقتك ضي
نوح: اهلا استاذ انت ابو ريسان اهلا بيك استاذ
ضياء: ليش هذا شكلك وتعبان
نوح: مااريد اعرف ... خليني ناسي
ضياء: شلون وليش من هيج مسوي بيك
نوح: اصعب شهر من تعذيب عشته
ضياء: منو عذبك
نوح: مااعرف ومااريد اعرف
ضياء: شنو سبب
نوح: مااعرف واترخص منك
ضياء: نوح التقيت بضي
نوح: اي شفتها حالها احسن من حالي
ضياء: وحسدتها على حالها وانت شمرتها مثل الجلبه حتى ماوكفت وياها من توفوا اهلها
نوح: خدعوني شلون اوكف وياها
ضياء: لحد الان مامتغير وبعدك تلوم ضي
نوح: صح ضي ماخدعتني بس اهلها خدعوني
ضياء: وهيه شنو ذنبها عذبتها وعاقبتها
نوح: انت شتريد تسولف بضي اني مااريد لحد الان لعنتها وراي حتى شغلي هسه انقلت بسببها
ضياء: ضي مو لعنه هذا عقاب من ربك على سوء اعمالك
نوح: انصحك تبعد ضي من حياتكم لان لعنه ومنحوسه
ضياء: لحظه هسه انت ماعرفتني شلون عرفت ضي ساكنه عدنا
نوح: ها لا مااعرف هيج كلامي بلصدفه
ضياء: شلون صدفه شلون عرفت هي عدنا ومزوجه
نوح: مااعرف ومااريد اعرف اترخص
تهرب مني اباوعله وحسيت وراه شي
واما شكله يقهر اسنانه مقلعات وقرص بوجها محترك بخده وضعيف وشاحب
هسه عرفت ليش ضي ضاجت عليه
طلعت من جامعه وصعدت لسيارتي
اتصلت على ضي ماترد عليه عفتها براحتها نايمه
وصلت للبيت
ضياء: حاد ب٣نطلع للمزرعه
حامد: تدلل عمي
دخلت للبيت تعبان وجسمي متكسر ومهموم
سالفه نوح وريسان والبنات وضي
ااااااااااخ من هموم الدنيا ومشاكلها
دخلت للبيت هدوء وعطره طيب ودخلت غرفتي نزعت ملابسي ونمت بفراشي تعبان
مااكدر لا اسبح ولا اصلي
متكسر ومهموم ومااشوف اله أيد على ظهري
التفتت اشوف ضي
ضياء: ضي
