#قصص_كهرمانه
#القاضي_والمطلقه
البارت ٢٧
....................
ضي
بهذه اليله غطاني ضياء وباسني
هدئني ونومني ونام وحضني
ضياء: ديربالج على نفسج ماشي
باسني براسي
ضي: ماشي
ضياء: وارتاحي ونامي وانسي كل المواقف السيئه افتحي صفحه جديده بحياتج انسي الماضي واهتمي بلمستقبل
ضي: ان شاء الله
بقى ساعه ساكتين وبحضنه يلعب بأذاني بشعري كمت أغفي
ضياء: نعستي
ضي: اي انت حتنومني
ضياء: اعوفج تنامين ماشي
ضي: ليش وين طالع
ضياء: طالع لان عندي سفر الصبح ولو بأيدي مااعوفج بس والله شغل عندي
ضي: ماشي تروح وترجعلي بسلامه بس عندي سؤال
ضياء: شنو
ضي: منو مروه
ضياء: ههههههه اعرفها قبلج وانسانه عابره مو شي مهم
ضي: شلون عابره وتسهر وياها
ضياء: هههههه صدكيني ماسهران وياها اطمأني
ضي: والله ماسهران وياها
ضياء: شوفي مااحب احلف بس لخاطر تطمأنين والله لاسهران ولا ملتقي بيها
ضي: شلون خابرتها
ضياء: هههههه هذه اسرار المهنه واكوم هسه ماشي غنوجتي
ضي: اطلع خلي ابدل وانتظرني لاتروح
ضياء: ماشي
لبس وطلع بره ولبست ملابسي وطلعت وراه
شفته واكف منتظرني يم الباب
اباوعله شفته حلو
حسيت احساس غريب بهذا الوقت
حسيته زوجي فعلا
وكفته حلوه وشفت بيه حنيه ورجوله
ضياء: يله طالع
ضي: الله وياك تروح وترجعلي بسلامه ربي لايحرمني منك
حضنته وهوه اطول مني راسي يوصل لصدره
باسني براسي وطلع
اباوعله من الشباك شلون طلع وبقى واكف يم الحمايه يسولف
بعدها تقدم صعد لسيارته وراح
كمت ابجي لان راح
اقرب انسان الي وماتحمل بدونه
حتى اذا مايجي ومايسأل عليه بس المهم قريب عليه
ثاني يوم صبح خابرته وودعته
وسافر وبليوم يخابرني مره وحده
يسال عن اخباري يوصيني اروح يم البنات
اكثر الاحيان ريسان طالع
ابقى يم البنات من الصبح للمغرب ضحك وسوالف
تعلقت بيهن وتعلقن بيه
اخوات مو صديقات
احس وحده منهم يطلعوني وياهم
عرفوني على صديقاتهم
ابد مااشوف الخجل بعيونهم مني ويعرفوني أخت الهم
مايستنكفون مني
هذه العائله اذا انطيهم روحي قليل بحقهم
اروح الصبح للبيت انظف اطبخلهم
ادخل غرفة ضياء
اشم هدومه عطوره غراضه كتبه
بديت اشتاقله انام بفراشه
كمت اخذ ملابسه واضمهن بجنطتي واخليهن بكنتوري بيتي
نقلت جزء من غراضه بيتي
عطور ملابس احتياجاته
بدون علم أحد
الصبح وحدي نايمه بفراشه وعدهم نت
اتصلت على ضياء اخابره
ضي: شلونك
ضياء: هلوووو شلونج
ويحجي بلانكليزي بطلاقه ماافهم شي منا
ضياء: ها ضي
ضي: عندك شغل
ضياء: لا كملت هلوو شلونج
ضي: زينه بخير خابرت اسلم
ضياء: بس تسلمين
ضي: اي
ضياء: شوكت تبحبحيها وياي
ضي: هههههههه ضياء
ضياء: عيونه
ضي: اريد اكلك شي واخاف تضوج او تزعل
ضياء: شنو
ضي: تعرف اني هسه وين
ضياء: بيتنا
ضي: شلون عرفت
ضياء: لان خابرتي من الفايبر وبيتنا عدنا نت
ضي: ههههه عبالي تحس بيه
ضياء: وبغرفتي ونايمه بفراشي وادني شويه لاتنامين بلنص لا اروح اوكع
ضي: هههههههههههه صح شلون عرفت
ضياء: لان احس بيج
ضي: صح
ضياء: شنو ردتي دكولين قبل شويه خايفه منا
ضي: من ادخل غرفته افتح كناتيرك
ضياء: اي لويش تشتاقيلي
ضي: لا بس اشوف ملابسك
ضياء: هذا الشي خايفه منا
ضي: لا بس جاي اخذ ملابسك بدون علمهم واخاف واخذت عطرك وكم حاجه لبيتنا
ضياء: هههههههه لبيتنا
ضي: لا قصدي البيت الثاني
ضياء: ليش تاخذيهن لبيتنا
ضي: اضمهن ماعندك ملابس يمي
ضياء: زين وشنو الي تخافين منا مسأله طبيعيه والج حق هيج تصرفين وبراحتج حبيبي بس مو كل الملابس تاخذين وتفرغين الكناتير
ضي: ههههه لا بس كم قطعه
ضياء: وليش هيج تصرفتي
ضي: يله ماتروح ماعندك شغل
ضياء: هههههههههه شردت من السؤال
ضي: ههههه مع السلامه
ضياء: لحظه
ضي: ها
ضياء: باجر ريسان ياخذج للجامعه توقيع ويرجعج ماشي
ضي: ضروري اروح
ضياء: اي حبيبي شغلت توقيع
ضي: ماشي
ضياء: ضي ديربالج على نفسج باجر ماشي وخليج ويه ريسان
ضي: ان شاء الله
ضياء: يله اروح لشغلي وانتي روحي نامي بفراشي وتخيليني اعضج بخدج
ضي: ههههههه باي
ضياء: هههههه هم شردتي ماشي باي
سديته وخجلني بكلامه وحلو كلامه عسل
بليل ماقبلوا ارجع للبيت اله ابات يمهم
لان صبح اطلع ويه ريسان للجامعه
رهف اختارت لبسي
تنوره وقميص ويليك وحذاء كعبها متوسط
كل ملابسي اسود وشال اسود
روز توسلت بيه اخلي كحله وماقبلت
اخاف ضياء مايقبل ومااحب هلسوالف
شعور حلو من احافظ على نفسي لاجل زوجي
واخاف واحسب حساب اله
طلعنا اني وريسان للجامعه
دخلت عالم ثاني بنات مصايب
شباب مو شباب كلهم كنافه مثل ريسان
ريسان: شبيج فاتحه حلكج وعيونج
ضي: يا شوف هذوله كاعدين سوه يسولفون
ريسان: هههههههه شبيهم مؤدبين
ضي: يا يتبسبسون ومؤدبيين عندك
ريسان: دشوفي ذاك خجلان واحمر وهيه تغازله 😂
ضي: ههههههه وينهم
ريسان: لاتتلفتين ضي فضحتينا انتي تذكريني بمحمد هنيدي صعيدي في الجامعه الامريكيه
ضي: ههههههههه اي والله عزه هاي شلابسات واني احجي على المولات
ريسان: راح ارجعج انفضحنا من وراج
ضي: ههههههه هاي شبيك خليني اشوف واني متعجبه بروحي والله ضايعه هنا هذه جامعه لرهف و روز هيج نزاكتهن
ريسان: وانتي هم لا هيج تحجين شوفي البنات لبسهن وشوفي المحجبات بهذه الجامعه محد يمشي على ألبس
ضي: لعد على شنو
ريسان: اخلاقها لاتعتقدين الي يلبسن جريء مو زينات لابلعكس اهواي بنات محترمات وبنات عوائل
تذكرت ضياء يحاسبني على ألبس
كون يجي هنا ويشوف
ضي: وشلون هذني هيج حلوات
ريسان: هههههه كمت اشك بيج ولد مو بنيه
ضي: ههههههههه
ريسان: كافي تباوعين
ضي: ماشي اسكت احسن يا شوف ذاك شعره ههه
ريسان: هههههههه اله اكول لابوي تباوعين على الولد
ضي: لا والله شكله يضحك
دنكت وامشي اخاف من ريسان يسولف لضياء
اول مره اخاف من ضياء
بديت احس اني زوجه شكد حلو
ياربي شوكت يرجع ضياء الي
كمل تقديمي ريسان ووقعت وكملنا
ضي: نطلع
ريسان: اي
اخذني يمشي
ريسان: شنو رأيج بذيج البنيه
ضي: وينها
ريسان: الي لابسه قميص سمائي
ضي: تنورتها قصيره
ريسان: اي
ضي: ادبسزز
ريسان: هههههههه مو صوجج صوجي سألتج
ضي: فوك الركبه تنورتها وشعرها ولابسه نص ردن قميصها بعد شنو الحلو بيها
ريسان: المهم الروح روحها حلوه
ضي: تعرف شنو روح الحلوه
ريسان: شنو
ضي: حجابها وعفتها واحتشامها امام ربها وترضي ربها قبل ماترضى الناس واذا خلوقه وتحترمها الناس ورب العالمين مااله حق عليها تحسبله حساب وتحتشم بلبسها
ريسان: مامأذيه احد بلبسها
ضي: شلون انت مو تباوعلها وغيرك هم عارضه نفسها والله شنو خلوقه يله امشي امشي ابني
ريسان: خرب صايره احسن مني وتنصب عليه
ضي: عزه بس لا هذه الي تحبه وماتقبل تحجي بيها عزه شدكول لابوك تلبس قصير وربع ردن وحتى بارده شجاها
ريسان: ههههههههههه لا مو هيه ردت اشوفج شكلها حلو
ضي: احساسي مايخيب هسه تطلع هيه
ريسان: هههههههه
رجعت باوعتلها
ضي: بس والله حلوه قنبله هلبنيه
ريسان: هههههه هسه اطلع امشي ويه ضياء مو ضي
ضي: هههههه
طلعنا من الجامعه ورجعنا للبيت
رهف و روز استلموني اسولفلهم على الجامعه
فرحانه واسولفلهم
وبليل خابرت ضياء وسولفتله على جامعه
بقى ساكت ماعلق على كلامي
مااعرف شبي
التهيت اشتري للجامعه البنات يساعدوني
مااقبل اشتري قليل
والبنات يضغطون عليه
ضياء فجأه قرر يخلي نت بيتنا مااعرف ليش
بس فرحت لان اخابره براحت
بعدها بأسبوعين بده دوامي بلجامعه
اتصل الصبح ضياء بيه
ضياء: كاعده
ضي: اي اليوم اول يوم دوامي
ضياء: اي ومتحظره وفرحانه مبين
ضي: اي ومستحيه
ضياء: دزيلي صوره
ضي: ماشي
ضياء: خليج قويه شخصيتج ماشي ولاتخافين من احد وأي شخص يأذيج بلغني وخليج طبيعيه ويه الكل حتى الشباب سلمي عليهم بس لاتلحين وياهم ضحك وشقه
ضي: ضياء
ضياء: ها
ضي: شوكت ترجع صار تقريبا شهر
ضياء: ليش
ضي: لاعبالك عاجبتني الكليه عدم وجودك مااكدر افرح بيها ولاتخاف عليه
ضياء: اثق بيج اكثر من روحي بس حبيبي اخاف عليج
ضي: ضياء
ضياء: ها
ضي: جاوبني شوكت ترجع منتظرتك
ضياء: بعد مااعرف والله
بقى يسولف عن جامعه مايقبل يكول شوكت يرجع
اول يوم روز وياي
حتى مااخجل وتعرفت على بنات
صديقاتي نبأ لوجين
مؤدبات وحبيتهن
بس مايعرفن شي عن حياتي كتومه
مااعرف شنو اكلهم
بديت اهتم بدراستي واقره يوم بيومه
دراستي صعبه وريسان ورهف يساعدوني
يضحكون عليه لان اقره اكثر من اللازم
لان اريد احقق امنيت عمو سامر
واريد ارفع راس ضياء
واحسب بلوقت على رجوع ضياء
صار ٣ اشهر وضياء مارجع
مااعرف السبب
ريسان واولاده يكولون شغل
اسأله يكول شغل
مااعرف شبيه وليش
احس ريسان يعرف شي ومايكولي
رجع دكتور التجميلي للعراق
واتصل على ريسان لاجل موعد عمليتي
مااكدر اسويها بدون ضياء
ريسان بلغ ضياء بعمليتي
اتصل ضياء بيه
ضياء: ضي الدكتور حدد عمليتج بعد ٥ايام
ضي: مااسويها اله ترجع
ضياء: تخبلتي ضي لاتعذبيني
ضي: مااسوي العمليه اله ترجع
ضياء:اني راجع هلاسبوع وان شاء الله اوصل قبل موعدها بس خاف مااحصل حجز قبل موعد عمليتج
ضي: مااسوي مو بلازم
ضياء: ضي لا اضوجيني
ضي: ضياء لا اضوجني
ضياء: ههههه تقلديني
ضي: لعد لاتلح لان مااسوي اله انت وكافي ضجت
ضياء: ماشي ضي معناها تريدين تزعليني
ضي: بلعكس لاهيج تحجي
ضياء: اذا تعزيني سوي العمليه بموعدها لاتأجليها
ضي: بس
ضياء: بدون بس وبلاكلام
سداه زعلان من كلامي واني وافقت لخاطره
تحددت موعد عمليتي ٤ايام اني معانده اله هوه
وهوه مايكدر يجي
اتصل قبل موعد عمليتي بيوم بليل
ضياء: هلو نايمه
ضي: كاعده
ضياء: باجر الصبح عمليتج
ضي: اعرف وزعلانه عليك
ضياء: ليش
ضي: وعدتني ترجع
ضياء: شغل مااكدر
ضي: مااريد ادخل للعمليات بدونك خليني اجلها
ضياء: لا ضي بداعتي لاتزعليني منج
ضي: راح اسوي العمليه بعد شكو تزعل
ضياء: هههههههه
ضي: تمنيت انت هنا ويمي انت اقرب انسان ألي ومااكدر بدونك
ضياء: شوي واخابرج عندي شغل
سداه بسرعه
نص ساعه وندكت الباب استغربت
اباوع من الشباك الحمايه موجود بلباب لعد منو دك الباب
ضي: منو
ضياء: عاشق ولهان
اسمع صوت ضياء بس مستحيل
ضي: منو
ضياء: نبقى للصبح نكول منو افتحي الباب
ضي: انت ضياء لو الخيال
ضياء: لا اني الشبح افتحي الباب ضي
فتحت الباب شفت ضياء
ماتوقعته اباوعله وهوه مبتسم عليه
ضياء: شبيج
كرصني بخدي واني صافنه
ضياء: ههههههه ولج شبيج
ضي: شلون وصلت بهلسرعه
ضياء: ههههههه
اباوعله مامصدكه بي هوه يمي
حضنته حيل
ضياء: شلونج
بسته بخده وحاضنته
سد الباب ودخل للبيت
ضي: شوكت رجعت
ضياء: العصر وسويتها الج مفاجأه
ضي: يعني راجع وتخليني ابجي وانت بغداد
ضياء: صايره حلوه جامعيه
اباوعله مشتاقتله
كمت كعدت بحضنه
ضعت بحضنه وضخامته
صغيره وياه بكولشي بلعمر بلجسد بلعقل
فعلا اني بنوته غنوجته
ضياء: هيج ماتحمل
ضي: تستاهل حتى تشوف شلون متحمله غيابك
مشتاقتله اريد ابوسه
بس شلون ح ارفضه شلون اقنعه مايتقربلي
هوه راجع من سفر
اني مشتاقتله
كل مره اموت الف موته ومن امنعه اكره نفسي
ياربي انطيني القوه مشتاقه لزوجي
تجرأت وبسته بشفايفه
اشششششششسش
********************
ضياء
ماتوقعت ضي تكعد بحضني وتبوسني
شفتها لابسه تراك شتوي اسود لازك على جسمها
اشوف جسمها سمنانه وحلوه
موتتني
صايره احلى من قبل
فاجأتني من تبوسني
ماتحمل بعد شلتها اخذتها للغرفه
خليتها بفراشها ونايمه بحضني
ضياء: ضي
ضي: ها
ضياء: مشتاقلج اريد اسلميلي نفسج ماتمنعيني
ضي: خليها بعد العمليه
ضياء: انتي مشتاقه اكثر مني
ضي: شلون عرفت
ضياء: من بوستج الي حسيت
غمضت عيونها
ذوبتني بحركاتها وبستها على كيفي
بكل مكان بوجها
اشوف ابتسامتها وفرحتها
بديت اتلمس بيها ولزمت أيدي
ضياء: بداعتي لاتمنعيني وعوفيني براحتي بكل مكان اتلمسج وابوسج
ضي: ضياء
ضياء: اششششش
من بستها شفتها سحبت نفس قوي
تركتني وسلمتني نفسها
اول مكان بسته الها الي خايفه منا ومستحيه
ماحسيت اله مكان يرويني بجسد زوجتي
ماكو أي اختلاف عن باقي جسمها
شعور حلو ومازعجني ولا ضوجني ولا رعبني
بلعكس اكتشفت احب ضي بجنون
احبها بعيوبها وبمحاسنها
ضياء: احبج
وووووووووووووووووووووو
من أجمل ليالي عمري
ويه اجمل انسانه واجمل زوجه
حسيت نفسي رجل واكدر احمي زوجتي واحتويها
كدرت انجح واخلي ضي تواجه مشاكلها وعيوبها
كدرت اخلي لضي ثقه بجسدها وماتخاف وماتستحي
احلى هدف حققته ويه ضي هذه اليله
كملت ونمت مرتاح وفرحان
من بعد وفاة شيلاء ماحسيت بلفراش اله ويه ضي
رغم بنات اشكال وبلحلال
بس ماتمتعت اله ويه ضي
اكتشفت شيلاء وضي هم حب حياتي وحلالي اثنينهن
كل وحده تختلف عن الثاني
كامت ضي ونامت بحضني
ضي: شبيك صافن
ضياء: لان كلش حلوه انتي
تباوعلي مبتسمه
ضياء: انتي كل حياتي وروحي تدرين ضي أبد مامفكر ازوجج ورق وهيج سولفتلج حتى تقبلين نزوج
ضي: حسيت بهلشي من بقينا وحدنا بلمطبخ
ضياء: بوقتها فاقد اريد ابوسج لوما حرام واخاف عليج
ضي: لهلدرجه تحبني
ضياء: عايشه بروحي وبخيالي
ضي: خايفه من العمليه
ضياء: ليش
ضي: البلاتين الي يخلو الي حديد
ضياء: هيج شي ليش تره عادي وماكو اضرار عليه
ضي: واذا زنجر
ضياء: هههههههههههههههههههههه
ضحكتني لدرجه مااكدر اسكت واني بنص الذوبان وياها
ضي: لاتضحك
ضياء: نصبغه ونوخر الزنجار هههههه
ضي: لاتضحك عليه وتنصب
ضياء: بله هذا سؤال
ضي: خايفه
ضياء: ضي اني قابل زوجتي هيج اذا تخافين ولاجلي تسويها لاتسويها العمليه مااريد واذا ترديها لاجل نفسج سويها نحن بيها اختاري وقرري واني وياج وعيونج
ضي: اريدها لاجلك ولاجل نفسي
دارت وجها
حضنتها وابوس بأيدها على كيفي
حسيتها مستحيه
ضياء: ضي
ضي: ها
ضياء: اني شنو بلنسبه الج
ضي: يصير بعدين اجاوبك
ضياء: ليش
ضي: افكر صدك يصبغون البلاتين الي
ضياء: هههههه
عضيت شفايفي كزكزت عليها
حضنتها حيل
ضي: ااااوي ضياء
بقيت اتشاقه وياها واضوجها
انسيها الموضوع وخوفها من العمليه
ضي: كافي شوكت انام وخر عني
ضياء: بشرط
ضي: شنو
ووووووووووووووووو
وللحكايا بقايا
