#قصص_كهرمانه
#القاضي_والمطلقه
البارت ٤٠
...................
ضي
ردت اعترفله قصة حامد وخفت
ضياء: شنو ضي
ضي: شلون عرفت قصة هناء
ضياء: عادي من خلال تسجيل المكالمات عرفت هناء تحجي وياج
ضي: ضياء انت تراقبني
ضياء: مااراقبج بس من ضميتي عليه خليتيني اضطر اكشفج اني باسلوبي
ضي: ضياء الله عليك انت شكيت بيه
ضياء: وعيون اولادي وعيونج
خله ايده على بطني
ضياء: وداعت هذا الطفل الي بعدني ماشايفه اني ماشكيت بيج بشي موزين بس شكيت اكو سر يخص اهلج او البنات او ريسان وتضمين عليه
ضي: تعرف شكد نقهرت من عرفت راقبت موبايلي عبالي شكيت بيه بشي موزين
ضياء: بلعكس ضي اثق بيج
ضي: هناء من خابرتني بلغتني عمو حسن طلك امي وتريد اساعدها وارجعه لماما وكذبتها ومن سألتك وتاكدت عرفت كلامها حقيقه والدليل ثبتت نيتها من ساعدتني بلاوراق
ضياء: ضي بعدج صغيره وماتعرفين الدنيا وعبالج كل ناس طيبين مثلج خليه معلومه ابالج
ضي: شنو
ضياء: الخبيث الذكاء عنده داهيه محد يكدر يوصله اما الفطير فهذا اعتبري غبي ومافاهم الحياة ومايكدر يواجه حياته ومشاكله بلعكس يستسلم
ضي: اني غبيه 😔
ضياء: ههههه مو هيج بس تستسلمين لمشاكلج
ضياء: شنو بعد ضامه عليه
ضي: شي يخص هناء بس خصوصياتها بلجامعه ومااكدر احجيها
ضياء: لا ضي مااطلب منج كل كلمه تنقليها الي بس الي يخصج مااقبل ينضم عليه
حضني وحضنته حيل
ضي: شوكت يجي ابنا متشوقه اشوفه ضياء اريد اجهزه تقبل
ضياء: اكيد شنو تشتهين اله اشتري
ضي: ضياء لاتزعل من ريسان
ضياء: لاتحجين بهلموضوع
ضي: مو بايده من حبها خطيه يقهر من محتار بين حبه وابوه وهوه مختارك ومفضلك عليها
ضياء: سدي الموضوع ضي
التفتت عليه نمت على صدره
ضياء: ديربالج لاتنامين على بطنج
ضي: تخاف عليه
ضياء: اخاف عليكم اثنينكم
حاضنته ويلعب بشعري
غفيت بحضنه ماادري بنفسي
بليلتها للصبح مانايمه ونمت من حجيت وياه
كعدت لكيت وحدي نايمه وضياء ماكو
ب ٩ و مامداومه
خابرته عايفني نايمه لان تعبانه
علاقتي واني ضياء نفسها ماتغيرت
ريسان ايضا ماتغير يضحك يسولف
بس بوجود ضياء يسكت خجلان من ابوه
قليل يضحك ويسولف
يتهرب من ابوه يطلع بره قليل يتواجد بلبيت
يرجع بليل وبس يقره
اني والبنات حياتها مثل ماهيه دوام وركضه والبيت
كملت شهر الثالث ودخلت بلرابع ومايقبل ضياء اعرف نوع الجنين فرفحني
وبيوم الصبح يوم جمعه
كعدت لكيت ضياء ماكو
طلعت مالكيته بلبيت وشفت ريسان يغسل سيارته
ضي: صباح الخير اشو ماكو ضياء
ريسان: صباح النور اعتقد طالع
ضي: وين راح
ريسان: مااعرف
ضي: اليوم تغسل سيارتك شعجب
ريسان: شفتها كدامي غسلتها مابيه حيل اخذها للغسل
ضي: شبيك صاير شي بينك وبين سناري
ريسان: ماكو شي جديد وياها واريد اتركها بس مااكدر حبها يمنعني
ضي: الله كريم الله يفرجها يوميه ادعيلك بصلاتي تنجمع وياها
ريسان: ادخلي جوه
دخلني للبيت ووكفت يم شباك المطبخ اشوف حامد دخل
حامد: صحتني ريسان
ريسان: اي تعال كملها الي غسلتها وتورطت
حامد: بس بلغهم محد يطلع الى ان اكمل شغلي
ريسان: ان شاء الله
دخل ريسان للبيت
ضي: حامد هنا لعد وين ضياء
ريسان: طالع بهمه سريه بعد المن يكشف سناري واكتشفها مابقى اله جدها السابع عشر يطلعه من الكبر ويكشفوا اله
ضي: هههههه ماتوقعت ضياء هيج
ريسان: عرفت راح يسوي شي مانصدمت من عرف اااخ اااخ
صعد لغرفته مهموم
شوي واجه ضياء شفته من الشباك
فتحت باب المطبخ
ضياء: صباح الخير غنوجتي كاعده من الصبح
بأيده علاليك
ضي: صباح النور
اريد اخذ منه اساعده ماقبل
ضياء: لاتشيليهن ثكيلات
خلاهن على ميز الطعام
ضي: مو لهلدرجه تخاف عليه
ضياء: تعال اريد اصبح عليك
يبوس بيه وادلع عليه
ضي: ليش كعدت وطلعت وعفتني ما وخر عني
ضياء: شنو ماشبعت ما كل ساعه تطلب مني
ضي: هههه جاي اكلك ما وخر مو اريد ما
ضياء: معناها تريدين تعاي للغرفه ماافشلج انطيها الج
ضي: وخر عني انت مشتهي وتستحي ودكلي انتي تريدين
ضياء: هههههههههه هسه طلعت اني استحي
ضي: وين جنت ووحدك طالع
ضياء: للسوك اشتهيت اطلع وحدي واسوك بايدي اليوم اني وريسان نشوي تكه وكباب حظريلي الغراض صاعد اكعد البنات وريسان
ضي: ريسان كاعد بس فوك
ضياء: ماشي اني صاعد بس متأكده مامستحيه مني
ضي: ههههه مااريد روح اصعد
ضياء: شوفي اوصل لدرج بعد يضيع حقج
ضي: ههههههههه مااريد ما ما ما
شالني
ضي: هههههه هاي شسوي مااريد ضياء شبيك تخبلت
ضياء: منو كال ما والما معناها اريد
ضي: نزلني حباب
يبوسني وردنا نطلع من المطبخ وريسان نزل
نزلني بسرعه ضياء
ضي: هههههه همزين
ضياء: مو مشكله حبيبتي لاتعصبين لاتقلقين لاتتوترين تحملي لخاطري الظهر اعوضج
ضي: هههه هاي شبيك 😡 مااريد انت تريد 😡
همزين ريسان ماشافنا
نزل ريسان مبدل
ضياء: وين طالع
ريسان: لجماعتي عازميني
ضي: بعده حامد يغسل سيارتك
ريسان: اخذ سيارة رهف
ضياء: خابرهم اعتذر منهم
ريسان: ليش
ضياء: اليوم كلنا ملتمين واريد اتغده ويه عائلتي لاتطلع
ريسان: منتظريني
ضياء: ريسان😠 اعتذر منهم واريدكم بموضوع
ريسان: ياستار من الموضوع
ضياء: اصعد بدل ملابسك وانزل ساعدني نشوي بره خلي حامد يستعجل يكمل سيارتك
ريسان: ماشي
يباوعلي ريسان دايخ واشرتله مااعرف حالي حالك
صعد ضياء فوك للبنات
ريسان: شكو
ضي: مااعرف
ريسان: اذا مايطلع طلعلي جد جد سناري
ضي: لا اليوم فرحان السالفه بس لا بيها عرس ومزوج😲
ريسان: مروه قصدي منو يزوج
ضي: عزه مزوج مروه
ريسان: قبل شهر قصدي لايمعوده
ضي: صدك تحجي ازوجها قبل شهر
ريسان: حامل قصدي لا هاي شبيج
ضي: ريسان انت كلشي تعرف على ابوك صدك تحجي
ريسان: ابنه الاول بلمدرسه قصدي شعرف ماكو شي يمعوده لاتخافين مزوج ومخلف قصدي يله حظري حظري راح ينزل
ضي: لاتشاقه وياي صدك لو كذب
بس يضحك مايجاوب
نزل ضياء والبنات
اني اريد ابجي من ضياء اتخيله مزوج مروه
كاعد ويانه بلمطبخ ويسولف ويه ريسان شكله فرحان
ضي: ضياء شبيك فرحان
ضياء: ههه ليش حرام افرح
ضي: انت مزوج ضياء
ضياء: شنو مزوج شكو شبيج
ضي: صارلك شهر من مزوج صح لاتكذب عليه الله عليك
روز: يا بابا حلتلك سالفة الزواج منو مزوج 😲
ضياء: ضي شنو هلسالفه
باوعت على ريسان ويضحك عليه
ضي: تحجي صدك لو جنت ناصب عليه
ضياء: انت ماتبطل سوالفك
ريسان : هيه شكو تصدكني
رهف: عمرك ح يصير ٣٠
طلعوا يشوون وحظرنا اني والبنات السفره
وكعدنا ملتمين نتريك
ضياء: شبيج ضايجه
ضي: مابيه شي
روز: لاتصدكين بريسان ماتعرفين سوالفه
ريسان: ههههههههه تشكين في كوزك ليه ليه ده ابو عيالك مش مكسوفه من نفسك بذمتك خلي بالك على كوزك
ضياء: اليوم متحول مصري ريسان
ريسان: فيك ايه ياراكل مش عاوزني اتكلم ليه تخاف من ايه مش مكسوف متكوز على مراتك ياكدع
ضي: ريسان لاتوترني الله عليك ضياء شنو شصاير
ضياء: هسه اسكته الج حبيبتي
ريسان: ياكدع تسكتني مش عاوزني اتكلم كنت فين امبارح
ضياء: لا ياكدع تعرف كنت في بيت سناري محمود غزوان
غص ريسان من لكمته
ضياء: ههههههه
روز: منو سناري
ضياء: اخوج معجب ببنيه اسمها سناري وسألت عليها خوش بنيه ومؤدبه وعدها اخ اكبر منها من ابوها وامها وعدها اخوه اصغر منها من امها وزوج امها متوفي صارله ٤سنوات وامها موظفه مدرسه محترمه واخلاق واخوها الجبير ملعب سوالف بنات بس مااله اذيه على احد الناس تمدح بي كمظهر زين واما سناري حب حياتها ريسان وماعدها ولا علاقه قبل او بعد ريسان قليلة الصداقه ويه البنات كثيرة المشاكل ويه ريسان حبابه ومؤدبه بس عدها نوع من الغرور نوعا ما حسب رأي ومبذره تشتري وتلبس تحب تعيش عيشة الملوك بس ظروف اهلها لاباس لا اغنياء ولا متوسطين الحال بين بين وهي واخوتها مدللين املاكهم بيت زوج امها وبيت ابوها وكاع باسم امها وعدهم سياره باسم امها واخوها الي يستخدمها وطبعا واخيرا واهم شي صديقة ضي بس ماتحب ضي ثقيله على المعده مو صح ريسان
ريسان: ههههههههه انت شمسوي بابا داخل على كل تفاصيلها تعرفها اكثر مني اكو معلومات اني مااعرفها
ضياء: زوجة ابني اكيد افلسها
ضي: يعني وافقت😍
ضياء: اكلها ماتحبج تكلي وافقت وتضحك
ضي: عادي مرات اكو انسان مااستلطفه مو معناها مو زينه
ضياء: صح وهي صغيره وغيرة بنات
ريسان: بابا انت حتى موبايلي مراقبه
ضياء: مستحيل اراقب موبايلك فقط موبايلها ردت اعرف افكارها اخلاقها واني كاخلاق واهل موافق عليها
رهف: يعني بابا نكول مبروك لريسان
ضياء: بكيفه هوه
ريسان: بابا من الصح تجسس على البنيه
ضياء: اكيد لا مو صح بس هذه مو أي بنيه ومااريد الماضي يتكرر وياك فهمت قصدي
ريسان: اني واثق منها
ضياء: بس اني ماواثق لان مااعرفها ولازم اعرفها هي واهلها وناسها
ريسان: انت مطلع حتى على رسائلنا
ضياء: لا مادخلت بخصوصياتكم والله شاهد على كلامي بس ريسان لو غير بنيه اني مااسوي هذا الشي وشلون عرفت ماتستلطف ضي لان من دزت رساله بليل لضي وراقبولي رسائلها كاتبه لصديقتها مااريد اراسلها مااستلطفها هلبنيه ثقيله واما موضوع مشاكلها وياك لان ايضا كاتبه لصديقتها ردت عليها وكاتبه انتوا يوميه ٩٩مشكله انتي وريسان وهذه الرسائل ضلت ابالي
رهف: زين سويت بابا من فلستها للبنيه
روز: هذه معقوله وكحه او تاذي
رهف: مو شرط مرات احنه ونحجي على صديقه تغثنا تره البشر مامعصوم
ضي: هسه شوكت نخطبها
ضياء: يتفق ريسان ويه البنيه نخطبها
ريسان: خلينا نحجي اني وياك بلاول
ضياء: اني افضل تسكن خارج هذا البيت واذا تحب هنا اسكن
ريسان: اني مااطلع من بيتنا مستحيل
ضياء: براحتك
روز: اي لاتطلع حتى اولاد اخوي ويانه يعيشون
ضي: ويه عمهم الصغير لوعمتهم واملخهم تملخ اخذ حقي من ريسان على نصباته اليوم
ريسان: هاي البسيطه اضرب ابنج واركض اختل واخليج تركضين ونلعب غميضه
ضي: هسه تشوف اله اعلمه يضربهم
ريسان: ها حجي شو مادكول لضي ضضضضي ضييي كافي مااقبل هيج .. اشو بس ويانه
ضياء: ضي لاتحجين هيج ولاتعلمي ماشي
ريسان: والله كلفت نفسك
رهف: يا بابا مايحاسب ضي بس احنه لعد وين العدل والانصاف بابا
ضياء: هههههه مرتي شلون اصيح عليها
ريسان: اي عمي طلعت سوالفك بديت تبيع بزرك
ضياء: نرجع لسناري محمود غزوان
ريسان: هسه شكو تذكر كرعة غزوان
ضي: هههههههه مايعرفها ضياء
بقينا نضحك ونسولف
واتفق ضياء ويه ريسان على الخطوبه
والفرحه مليانه بوجه ريسان صعد فوك
والبنات يفكرن شنو يلبسن وشلون الحفله
ضياء كام للمكتب
دخلت وراه وقفلت الباب وكعدت بحضنه
ضياء: هسه منو مستحي اني لو انتي
ضي: ضياء فرحان من كل كلبك
ضياء: بصراحه لا بس هوه يحبها ووعدها
ضي: شايف شي عنها
ضياء: كأخلاق البنيه نضيفه بس ثرثاره ومااكدر ارفض لان يفهمني خطأ
ضي: تره حبابه البنيه وفقيره بس انت ماحبيتها
نمت على متنه وحضنته
ضي: لهلدرجه تحب شيلاء هنيالها على حبك
ضياء: وانتي هم احبج نفس حبها واكثر
ضي: اذا تحبني ريحني وسولفلي عن مروه شنو قصتها خليني ارتاح
ضياء: البنيه صار فتره مااسمع شي عنها بس انطي المبلغ لابو اسعد يساعدها
ضي: ماشي
ايام وريسان بلغ سناري وفرحت
ضياء طلب ابتعد وماادخل بينهم ولا بلزواج
عباره عن متفرجه وفعلا ماادخلت بشي
خالة ريسان الي مااعرفها وماملتقيه بيها ورهف ورةز راحوا خطبوا لريسان
رجعت رهف مصدومه بذوق ريسان
رهف: مو كلش حلوه جمالها عادي
ريسان: اخلاقها سوالفها حلوه
ضي: محبوبه البنيه
روز: هههه رهف بدت تشتغل عمه على سناري
اباوع ضياء صافن على الوضع
ضياء: ابوها جان اكرع ومو حلو
رهف: شايفته وتشبه ابوها بس ماخذه من جمال امها
روز: عجبتني نزاكه بس ريسان احلى منها بكومه
ضي: والله متوالمين وريسان كل البنات مايستاهلنه
ضياء: ليش يابه امام ريسان وماادري
ريسان: شوف الغيره انا من ربي مابزعل منك لو شو ماصار بسميها حسد عيشا
ضياء: اي بلعافيه عليك عيشتك
روز: خاله سألت على ضي رادت تشوفها ورهف ماخلتها تنزل
ضياء: زين سويتي
بقيت ساكته وصافنه ضياء ضايج
خطيه ساكت وصابر لخاطر ريسان
ويضحك ويسولف يمشي الحياة
ايام وردوا الخبر النا
فرحنا بلخبر
خطبوا خطوبه رسميه
تفاجيء ضياء بطلبهم لمهر سناري
رفض وريسان ايضا رفض
بعدها بأيام اثنينهم وافقوا
اني والبنات صافنات عليهم
صارت المشيه وحددوا الخطوبه
طلعت رهف وخالتها ويه سناري وامها
اني بعيده عن الموضوع بس اسمع وافرح لريسان خطيه
بس احس مافرحانين ماكو فرحه بهذا البيت
لا ريسان ولا ضياء ولا رهف
طلعن العصر وضياء وريسان بلبيت
اني وحدي افتر بلبيت
دخلت للمكتب على ضياء
ضياء: ها حبيبي
ضي: ضياء اخذنا لبيتنا الصغير
ضياء: هسه
ضي: اي
ضياء: حبيبي خلي ننتبه على طفل هلايام هاملين سالفة الحمل واخاف عليج
ضي: ما كوم لبيتنا هسه
ضياء: عندي شغل خليها غير مره
عفته وطلعت للحديقه طلع ريسان بلكراج
ضي: طالع
ريسان: كرهت الدراسه شويه اغير جو
ضي: شبيك ريسان
ريسان: مابيه شي
ضي: احسك مافرحان
ريسان: مقهور على ابوي مااعرف شبيه
ضي: ليش مقهور
ريسان: احسه مافرحان بزواجي
ضي: بلعكس يوميه بليل يحلم شلون عرسك ويتخيل عروستك بيتنا ويوصيني عليها وفرحان بيك لاهيج تخلي ابالك
ريسان: ليش اشوف حزن بعيونه
ضي: ولا اكو حزن تلكي دايخ بمريوه
ريسان: هههههه والله بطرانه
ضي: روح اطلع غير جو وبعدها روحلهم وصل عروستك للبيت فاجأها هذه احلى ايام عيشها
ريسان: هم عشتيها هذه اللحظات
ضي: لا بس ضياء عوضني مو مهم خطوبه وهلسوالف المهم الحياة والحمد لله مرتاحه بحياتي وسعيده ويه زوجي
ريسان: الله يسعدج خلي اكوم اروح
ضي: سلملي عليها
ريسان: يوصل
طلع واني كاعده وحدي ضايجه
ضياء: تعاي ضي
دخلت للبيت
ضي: ها
ضياء: شبيج ضايجه
ضي: اريدك وانت مشغول ووحدي كاعده
ضياء: حبي لوما مشغول مااتركج وحدج
خليت ايدي بخده وبوسته
اشششششش
ضياء: لا تعطليني
ضي: بس شويه وصلني للغرفه وارجع للمكتب
سحبته لغرفتنا ونسيته المكتب
بهلاثناء اتصلت رهف
ضي: رهف تتصل عليك
انطيته الموبايل
ضياء: ها بابا
رهف: بابا هذه اختارت تخم ب٩ ملايين غير الحلقه وتراجي ٣ صغار لان ثاقبه ٣ثقوب وكلاده قران وتريد تشتري حرف R على اسم ريسان وتريد بتوت
ضياء: يعني غير التخم هذني
رهف: اي وخالتي وياهن واني مااقبل رفضت هسه اني
ضياء: رهف روحي لصايغنا واني هسه اخابره اتفق وياه واني اعامله ماشي
رهف: اله صايغهن
ضياء: اخذيهن لصايغنا ولاتوافقين هذا الموجود وين كاعدين بنك نشتري كل هلذهب منو ماخذين
رهف: خابره واني راح اقنعهن اخذهن
ضياء: رهف لاتخابرين ريسان ولاتبلغي واني ح اتصرف
رهف: ماشي
اشوف ضياء ضايج
ضي: شكو
ضياء: مشكله على الذهب يعني هذه تريد ذهب ب١٥مليون وين احنه كاعدين
اتصل على الصايغ واشوف ضياء عصبي ضايج
حاضنته وهوه يخابر اخفف عنا ضوجته
ماادخلت حتى ماسألت ضياء
بس فهمت من اتصل على الصايغ وبلغه يعرض التخامه الذهب الاسعار المناسبه وتفق وياه على كلشي
ضي: شدعوه هلكثر تريد سناري
ضياء: عرفتها على طمع اااخ ريسان اااخ
ضي: بداعتي لاتقهره خطيه قبل شوي حجه وياي مقهور عليك وخجلان منك
ضياء: اني ماعاجبتني البنيه بس مانكدر نبطل لان بنات العالم مو لعبه
ضي: لاصمله لاهيج تحجي
اتصل على رهف
رهف: بلطريق بابا رايحين لصايغنا لاتخاف علينا اي اي ماشي بابا
ضياء: ماتكدرين تحجين يمج
رهف: اي اي
ضياء: ماشي اني اتفقت وياه
رهف: ماشي مانتاخر
ابوس بضياء واسمع رهف
اضحك عليها
ضي: هههه يمها
ضياء: ليش تعذبين بيه واني اخابر
ضي: ههههههه خبيثه
حضني ونمت وياه
قبل مايرجعون كمنا
اجه ريسان قبلهم
ضي: شو رجعت مارحت لخطيبتك
ريسان: شوف هاي بابا لاتتأثرين بلمسلسلات
ضي: يا
ريسان: شفت صديقي ورجعت عندي دراسه
ضياء: باجر تروح وياي
ريسان: وين
ضياء: سالفة ابن حجي اسماعيل
ريسان: اي اروح وياك
رجعت رهف وروز عصبيات
اول دخلتها للبيت تحجي عليهن
رهف: امها وخالتها زباله وهيه بس تضحك وساكته
ضياء: لاتغلطين على الاكبر منج
روز: بابا ماتعرف شنو من بشر
ريسان: شكو
ضياء: ماكو شي انت معلم اخواتك يغلطن ويتجاوزن على الاكبر منهن من اقل حركه
ريسان: شنو سالفه رهف
رهف: دخلنا المحلات تختار ذهب بلجمله خبلوني
روز: ووين الثكيل والغالي والله لاعباتها صح
ضياء: شصفى
رهف: اختارت تخم وحلقه وكلاده قرأن وتراجي ورادت بتوت ماقبلت كتلها احنه نشتريلج صبحيتج ونهديها الج وغندبت علينا
ضياء: شنو سعر التخم
رهف: ب ٧ و٨٨٥ والحلقه مطعمه الماس تريد وماقبلت
ضياء: ليش ماخليتيها تختار الحلقه الي تريدها جم مره ازوج ريسان
رهف: ماالبسها حلقه الماس لو اموت
ضياء: رهف لاهيج تصرفين ويه زوجة اخوج
ريسان: سناري موافقه
ضي: اكيد ماموافقه بس ماتكدر تفشل امها خطيه
روز: ساعه زينه ساعه لا
ريسان: اني اشوفها واحجي وياها
ضياء: عيب لاتحجي وتصير هلسوالف عادي المهم تمت على خير واشتروا الذهب
سد الموضوع ضياء
وانطوها مبلغ للملابس
وصار يوم الخطوبه وريسان يلبسها حلقات
رهف: ضي انزعي الاسود لخاطر ريسان
ضي: مااكدر بعدني مجروحه على عمي
رهف: شنو تلبسين اليوم ماقبلتي اطلعين تشترين ويانه
باوعت على ضياء وسكتت
ضياء: ضي ماتروح ويانا اليوم
ريسان: ليش
ضياء: عدها امتحان وتبقى بلبيت ماتروح
رهف روز: مستحيل
ضياء: شنو مستحيل ضي ماتروح
ريسان: ليش ماتروح
ضياء: مااريد مرتي تلتقي بخالاتكم ونسوان خالكم اخاف عليها
رهف: احنه وياها
روز: بابا ماياذوها شحدهم
ضياء: ماتروح افضل اخاف عليها وحلوه وصغيره يرحون يخطبوها
غمزلي ويضحك وياي
شكد احبه واحب خوفه عليه
رهف: بابا خليها تروح لاهيج تسوي
ضي: فعلا عندي امتحان ومااكدر اروح مو بس ضياء مانعني بس اني حزينه ومااكدر ادخل مناسبه
روز: صار سنتين شنو حزينه
ضي: بعده حزني عليهم مانشف
رهف: قهرتوني واني فرحانه اشوفهم ضي واقهرهم
ضياء: شنو حرب لو عرس
ريسان: وكت تقهرن خالاتي والله بطرانات
ريسان: ضي دراستج وقت خطوبتي اكو ام ماتروح لزواج ابنها
نزلت دمعتي على كلامه
ضي: الله يرحمه لو عايشه تفرحلك يوم عرسك
باوعلي ضياء وضاج وكام
نسيت سناري بنت محمود
رهف وروز نقهرن على امهن ودمعت عيونهن وياي
ريسان كام بسرعه وطلع
العصر وحظرت ملابس ضياء واساعده بلبس
ضياء: زعلانه
ضي: لا والله ابد اكثر من مره اكلك ماازعل منك انت روحي وحياتي على حفله وتخاف عليه ازعل عليك
ضياء: كملي دراستج بليل مو تجيني اريد اقره وخر عني ضياء اوووي وخر
ضي: ههههههههه
اباوع لضياء عبالك شيخ المشايخ مو قاضي
هيبه وشخصيه
التموا الزلم بيتنا
نزلن البنات يخبلن فساتين يخبلن ولابسات صاياتهن وحجابهن
شافهن ضياء وماقبل يطلعن بهلمكياج
لبسن شال خفيف اسود ومثل البوشيه ويه الصايات
طلع شكلهن مثل الخليجيات ويخبلن
الله يحفظهن
وريسان لابس قاط جويتي ومزين وطالع كنافه بلكيمر والجبن والفستق الحلبي يخبل شكله عين الحاره بارده عليه
ريسان: حلو
ضي: تخبل بس ضياء احلى
ريسان: نعرف احلى بس اني حلو
ضي: حلو بس ضياء احلى ههههه
ريسان: صدك ابوي احلى من حمديه صالح
ضي: هههههههه اكيد احلى مني
ضياء: يله ريسان مو وكت تنصب
ريسان: حلو بابا
ضياء: حجي لو بويه😡 رجال شطولك وعريس وتسميني بابا
ريسان: هسه جاوب
ضي: احلى عريس
ريسان: بس ضياء احلى
ضي: هههههههه
ريسان: اني اسال حلو لان فشله اكعد يم سعد الحلي اني احلى منا
ضي: عزه تسمي سناري سعد الحلي
رهف: لاولك تخبل طلعت بلصالون راح تتفاجيء بيها
ريسان: حجي يصير اجيبها وياي واستعير اليوم غرفتك
ضياء: ريسان 😡 كدام اخواتك ومرت ابوك
ريسان: مرتي وحلالي
روز: ههههههههه بابا حباب اليوم لاتحاسبنا
طلعوا واني اقرالهم المعوذات وادعيلهم بلخير
بقيت وحدي
اني وابني عزلت البيت وصعدت لغرف البنات عزلتهن هوسه
دخلت لغرفة ريسان عزلتها
حتى بيوم الخطوبه يقره
لميت كتبه ودفاتره عزلت غرفته
كملت نزلت جوه
اقره والتهيت بدراستي
وحدي بلبيت والحمايه بره
جعت طلعت بره شفت ضياء عايف حامد بلبيت يمي
صحت حامد
حامد: نعم ست
ضي: حامد اريد تشتريلي عشا لفات
حامد: تأمرين أمر
ضي: حامد اسألك سؤال
حامد: تفضلي
ضي: انت تعرف جوابه ولاتنكر
حامد: تفضلي ست ضي
ضي: اعرف انت ضارب ومعذب نوح طليقي
وللحكايا بقايا
