#قصص_كهرمانه
#القاضي_والمطلقه
البارت ٣٦
...........................
ضياء
ضياء: من وين تعرفين ابن عم شيلاء
ضي: اريد اعرف منو هذا الشخص ماتحبه
ضياء: شلون عرفتي مااحبه
ضي: اريد اعرف الله يخليك اني زوجتك
ضياء: كافي ضي
ضي: ضياء اذا تحبني اريد اعرف الي بكلبك الله يخليك
ضياء: طالع
ركضت لزمت ايدي
وحضنتها
ضي: قربني من كلبي وخليني ادخل داخله واعرف كل افراحك واسرارك وهمومك خليني اشاركك
ضياء: خلي اطلع تأخرت
طلعت
ضياء: رهف صيحي ريسان
روز: نايم ريسان غافي اليل كله يقره
ضياء: ماشي
طلعت لجماعتي للمزرعه ضحك وسوالف
بس مافرحان ومامرتاح
افكر بأسم محمود غزوان
محمود غزوان
محمود غزوان
ااااااخ محمود حتى وانت ميت أسمك وياي
............(تذكر تذكر تذكر)
بعد أليله الي ضربت شيلاء
ماتحمل بعد استقبلها زوجه الي
تركتها وهجرتها
ومن اتقربلها لاجل غريزتي
اخذ حاجتي واكوم منها
تغيرت عن شيلاء
لا اغازلها لا اعتني بيها لا اهتم بيها
بوقتها صراع ويه نفسي على فراقها
اشتاقلها اريد احضنها اريد اشمها مثل قبل
مااكدر .... واشتياقي يتغلب عليه
اتقربلها بطريقه استحقرها
مغصوب على هذه تصرفاتي
لان مااكدر كرامتي ماتتحمل بعد
ماتمنيت توصل علاقتنا لهلمرحله
بس جبرتني تعبت من شيلاء
كل تفكيرها ابن عمها
كبروا اطفالنا
شيلاء نسحبت من اهلها وزعلت عليهم
من وفاة ابن عمها مااعرف السبب
اشوف شيلاء مااهتمت من اهمالي الها
معقوله متحمله
بهذه الفتره هوايتي المحاماة والقضايه
وترافع عن كل ظالم
كملت الماجستير افرغ طاقتي السلبيه بدراستي وعملي
الى بقدراتي وعلاقاتي وصرت قاضي
كل انجازاتي وتعبي وحدي اشارك فرحتي
واولادي يشاركوني
اما شيلاء تجاملني بفرحتها
وساكت ومتحمل عليها
الى ان بيوم رجعت لكيت رهف كاعده بلهول
ويمها اختها روز نايمه
ضياء: وين ماما
رهف: بلغرفه تسولف ويه ريسان
وصلت للغرفه واسمعها تسولف شيلاء وريسان
شيلاء: بلكه تصير من نصيبك وتحبها وتحبك وتحقق حلم ابوها
ريسان: ماما اني صغير وهيه صغيره بس من شفتها عجبتني
شيلاء: كل فتره وزورهم ويه بيبيتك
ريسان: ماما مو كلش حلوه
شيلاء: تكبر وتحلى
ريسان: واذا بقى شكلها عبد الباسط عبد الصمد
شيلاء؛ حرام ماما تقلد على خلقة الله
ريسان: خلي اكمل السادس والله كريم نشوف سالفتها لبنت محمود
شيلاء: انجب
دخلت للغرفه وباوعت لشيلاء
ضياء: شيلاء شتعلمين الولد ها
شيلاء: مااعلمه
ضياء: ولد بلسادس اتعب وادرس واريدهم يتعلمون ويوصلون وانتي جايه تخلين بعقله حب وخرابيط بعمر المراهقه
شيلاء: انت مثل عمره تزوجت اول مرحله وخليت عينك عليه
ضياء: وماشوفين ماعرفت اختار
شيلاء: جسمي وعقلي ودماغي بعد مايتحمل كلامك القاسي وظلمك الي
ريسان: اني مااقبل تجاوز على ماما
ضياء: شلون تعلي صوتك على ابوك
شيلاء: ريسان معليك بمشاكلنا
ريسان: كبرنا ومانقبل نقلل من قيمتج كافي ماما متعذبه ويه ابوي ويهينج وساكته لاجلنا مانقبل تتحملين لخاطرنا
ضياء: ولك ياخاطر يا أجل
شيلاء: عيب ريسان😠
ضياء: شيلاء شلون تعلمين اولادج يكرهون ابوهم
شيلاء: ماعلمت احد تصرفاتك الي خلتهم يكرهوك
ضياء: شنو تصرفات شفتيني احب وحده وهاجرج لو ابجي على حبيب القلب ... ثانيا تعاي صدك منو الي تريدين ريسان يحبها ويزوجها يامحمود
ريسان: بابا اني اختاريت مو امي وبنت عمو محمود
ضياء: يامحمود
شيلاء: ريسان روح لغرفتك ماما
ماتحملت اسكت كمت اصيح باعلى صوتي
ضياء: شيلاء شسوين انتي لهلدرجه وصلت بيج النذاله
شيلاء: هوه شافها شعليه
ريسان: لاتغلط على امي
ضياء: شيلاء يسميج أمي شدكولين تستحقين تكونين ام😠 .. جاوبي تستحقين اسميج زوجه
ركضت رهف للغرفه واني اصيح واتعارك
رهف تبجي وريسان يراددني
شيلاء: كافي ماشوف بنتك تبجي وابنك خايف كرهوك كافي اطلع من حياتنا عوفنا روح
ضياء: ماشي شيلاء اطرديني من حياتج
شيلاء: اطلع تعبت منك ذليتني
ضياء: شلون ذليتج ها جاوبي
شيلاء: مااكدر احجي كدام جهالك لاعبالك راضيه على استحقارك الي
ضياء: ليش عندج احساس اتجاهي اذا حساسج ويه حبيب القلب ولج مااستحيتي تخلين ابنج يزوج بنت حبيبج ولج ماتستحين تسولفين لابنج تحققين حلمه شوكت حلم واتمنى محمود ها شيلاء شوكت سولفتي وياه
بقت ساكته وكمت اصيح
ريسان: بابا شنو تحب واحد
ضياء: ها شيلاء جاوبي ابنج يسأل
رهف: ماما الي تسولفيلي عنا حبيبج مو تعتبري اخوج ماما من تبجين عليه لان حبيبج مو اخوج وابن عمج ماما تخليني ابجي وياج على حبج
نهارت رهف وتبجي مقهوره من امها
ضياء: شيلاء شمسويه باولادي ولج شنو انتي
ريسان: يمه جاوبي كلام ابوي صح
شيلاء: قبل احبه وانتهى امره واعتبره اخوي
ضياء: اولادج كبار سولفيلهم شلون هجرتي زوجج بلفراش لان تحبي سولفيلهم انتي بحضني وتبجين عليه
شيلاء: كافي عيب اسكت استحي من اطفالك
ضياء: انتي خليتي بيها مستحه
طلعت من البيت ماتحملت ابقى
تمنيت اموت ولا اشوف زوجتي تتخيل اطفالي ابوهم محمود وتشاركهم حزنها عنا
تأخرت ورجعت بليل للبيت
دخلت نمت بلهول بدون مااروح للغرفه
نمت بلكاع واجت رهف
بأيدها فراش و مخده وغطه
ضياء: ليش كاعده باباتي
رهف: لاتنام بلكاع
فرشتلي ونمت
أجت ونامت بحضني
رهف: بابا تحبني
ضياء: احبج انتي وريسان وروز وماما انتوا ماي عيوني
رهف: شلون تحب ماما
ضياء: مو مهم تحبني المهم اني احبها حتى اكدر اسامحها لعيونكم
رهف: بابا مخنوك وماتريدنا صح
ضياء: كل الصبر أصبره لعيونكم وماي بارد على كلبي
رهف: بابا اني بعد مااحجي ويه ماما
ضياء: لا بابا ازعل عليج واني وماما يوم يومين ونتصالح وحجيت بساعة غضب عليها
رهف: بابا ماما تزوجت غصب جبرتها
ضياء؛ ههه لا
رهف: ماما دكول غصبوني على ابوكم وبعدها كمت احبه
ضياء: هههههههههه غصبوها اي بابا غصبوها
رهف: بابا محمود ليش ماازوجته لان انت اخذتها منا
ضياء: رهف شنو هلاسئله😡
رهف: لعد ليش ماتحبك
ضياء: ماما تحبني وكافي نامي خلينا انام
رهف: بابا اريد يمك انام
حضنتها ونمنا اني وياها للصبح
كعدت روز طفرت على بطني
فززتني
الصغيره والدلوعه ومعاملتها تختلف عن اخوتها نخاف عليها وعلى قلبها ومانريدها تتعب
ضياء: ااااخ ليش هيج بابا
روز: حتى تبطل تجي متاخر وماتخليني اشوفك
ضياء: واضربيني
روز: اموتك اذبحك اقتلك
ضياء: اااااخ اااخ تقتلين بابا
روز: وادخل سجن قاتلت ابوها
ضياء: ههههههه تعاي خلي اني اقتلج ويسموني قاتل لعابتي
اشاقه وياها وتضحك
روز: رهف وخري عني هههههه اخ بابا وخر هههه
هجمت رهف عليه وابعدها واثنينهم اتعارك واعض واشاقه وياهن ويضحكن
احلى لحظات ويه اولادي
الله عوضني باطفال يعشقوني
ريسان مستحي مني واخذ ايام واسابيع ساكت
مصدوم
حاولت اغير نفسيتي
اغير اسلوبه ويانه
تعب ريسان بهذه الفتره
غيرت معاملتي ويه شيلاء للاحسن
اغازلها واضحك واسولف وياها لاجل ريسان واولادي
لكن علاقتنا بارده بغرفتنا
ماتحمل فراقها ماتحمل جفاها
اشوفها كدامي احبها اريدها
يمكن اني الغلط عذبتها بهجري
ليش ماسامحتها ليش بقيت زعلان عليها
بس ليش ماحاولت تقربني منها
حاولت ارجع علاقتنا بس شفت صعب
احبها واكتم حبها بكلبي
ريسان ماطلع معدل وذكائه يستحق طب
طلبت منا يعيد السنه وماقبل يعيد
بمعدله دخل اداره
ضياء: ريسان بابا تقبل اسولف وياك
ريسان: شنو
ضياء: انت داخل جامعه لاتفكر تحب بنيه وعلاقه
ريسان: ليش
ضياء: انت صاحب اخوات تقبل احد يصادق اخواتك وحب وغرام
ريسان: اكيد لا
ضياء: اذا ماتقبلها على اخواتك لاتقبلها على بنات العالم تحب وحده حبها ونعجب بيها وشوفها وراقبها واسال عليها وتأكد من مشاعرك وبوقتها قرر تخطبها من اهلها بدون حب وكلام فارغ
ريسان: ماشي بابا
ضياء: ولا تفكر تتزوج اله وانت معتمد على نفسك
ريسان: اكيد بابا اني تربيتك
ضياء: ونعم واعرف انت رجال وكدها
ريسان: ابن ابوي
ضياء: كبرت وصرت رجال واعتمد عليك
ريسان: وان شاء الله ارفع راسك
ضياء: اي وايدي هم ترفعها
ريسان: هههههههه لا ارفع رجليك واضربك بلعوده
ضياء: ولك 😡
ضياء:هههههه اشاقه وياك شبيك
ضياء: ماشي هم محتاج شي
ريسان: اني مامحتاج شي بس بابا احجي الي بكلبك تره فاهمك
ضياء: بنت محمود
ريسان: لاتفكر بيها من لحظتها كرهتها ومااطيقها حتى مو حلوه تشبه سعد الحلي
ضياء: هههههه لاتقلد على اي احد
ريسان: بابا اطمأن ولاتفكر بهذا الموضوع من سابع المستحيلات
بعدها بسنه شيلاء راحت ويه اخواتها للزياره
بدون اولادي
منعت اطفالي يطلعون ويه امهم للنجف ويه اهلها
لاجل مايزورون قبر محمود
بعدتهم عن الزياره وحدهم ويه امهم
بيومها تأخرت صار اليل وماكو شيلاء
اتصلت على اهلها ماكو
ب١٠ بليل خابروني
اخو شيلاء
حادث سياره واختها الجبيره توفت وشيلاء بلمستشفى
مثل المجنون اني وريسان وبناتي نركض بلمستشفى
دكتور بلغنا نشلت شيلاء
ماتحملت اشوف حب حياتي مدده بلفراش وعاجز مااكدر اساعدها
حاولت كل الطرق اعالجها ماكو فائده
اولادها يعتنون بيها
ماقرت رهف ويه امها وحتى روز
اما ريسان المسكين مايتحمل يشوف امه بهذا الحال
اشوفه يبجي مثل طفل على امه بغرفته
اني ماقصرت وياها
وماتركتها ولادقيقه ماانام اذا مو بحضني
احضنها بكل قوتي وانام
مااشوفها غير بس دموعها مااعرف الي بداخلها
الي اعرفه تحبني
واخيرا شيلاء حبتني وكدرت ادخل كلبها
اشوف نظرات حبها الي
تمنيت انطيها روحي
تمنيت صحى ونعيش حياتنا ونفتح صفحه جديده
لكن للاسف ماتحملت شيلاء وضعها من القهر
توفت بعد الحادثه ب٦اشهر
...............................( رجع من الذاكره)
انتبهت على جماعتي والسمج
والسفره الي ماتشتهي نفسك بيها
كمت وعفتهم
اعتذرت منهم بلغتهم البيت محتاجني
يعرفون اذا البيت يحتاجوني اروح بلا تردد وماانشغل عنهم
بلطريق حامد يسوق
اتصلت على ضي
ضياء: ضي ربع ساعه واني يمج
ضي: ليش شكو
ضياء: اخذج لبيتنا
ضي: ليش
ضياء: ارمشلج اطلعي
ضي: ماشي
وصلنا للبيت
ضياء: حامد اني اسوق مااحتاجك اشكرك
حامد: تدلل
طلعت ضي بلشمس وخدودها حمر ماتتحمل الشمس
ضي: شبيك
ضياء: اصعدي
صعدنا وطريق كله سين وجيم
ماتسكت ضي
بهذا الوقت محتاج حضنها مثل طفل يريد حضن امه ويبجي ويحتمي بريحة امه
تعبان اكو اهواي هموم بكلبي اجه وقتها ابوح بأسراري
وصلنا للبيت
ضي: هسه غير يفهمني ضياء شبي
ضياء: ههههه اريد افتح الباب مااعرف دوختيني ماترحميني وتسكتين شويه
فتحت الباب ودخلت
ضي: دخلنا للبيت كول شبيك لاتقلقني عليك
ضياء: تعاي
سحبتها دخلنا غرفتنا
ووووووووووووووووووووو
بحضن ضي يبرد غضبي وقهري
احس مخلوق جديد بهلدنيا
الاحلى تنام بحضني وتسولف وياي
احلى لحظات بينا اني وضي هذا الوقت
كل مره فقط اسمع منها
فرحها احلامها حزنها حياتها
ضي: ضياء
ضياء: ها
ضي: اشكرك واحبك
ضياء: هههه على شنو تشكريني
ضي: لان رجعت جنت مشتاقتلك عبالك تحس بيه
ضياء: اكيد احس بيج
ضي: ضياء احسك مامرتاح
ضياء: يصير اليوم اني انام على صدرج واسولف
ضي: اكيد لو اكدر اشيل همومك واخليها بكلبي
ضياء: وانتي ناقصه هموم
ضي: اني اتحمل واصبر اذا اشوفك مرتاح
ضياء: تعرفين منو محمود
ضي: ابن عم شيلاء من روز عرفت
ضياء: وحبيب شيلاء
ضي: شلون يعني حبيبها😲
قصيتلها القصه كلها
ضي: هسه عرفت ريسان ليش شجعك على زواجنا
ضياء: ليش
ضي: لان اشبه امه ورادك تعوض عن الحرمان وراد يشوف علاقه سعيده وناجحه الي يتمناه يشوفه بحياة امه وماشافه
ضياء: اول مره انتبه على ريسان بهذه النقطه
ضي: لان معتبرني امه ويسرني على كلشي من يتعب من يفرح من يضحك استغرب يسولفلي ماتوقعت هلهلدرجه متعلق بأمه
ضياء: ضي ريسان يحب بنت محمود صح
ضي: لا
ضياء: ضي اعرف ابني يحبها بس اول مره بحياتي استغبى ماتحمل اختياره وماتحمل يكون حقيقه
ضي: نفرض يحبها ليش ماتتحمل البنيه وريسان شنو ذنبهم
ضياء: واني شنو ذنبي
ضي: انت ذنبك اب ولازم تسعد اولادك وانت الله عوضك وتزوجت ومالازم ترفضها بلعكس تعتبر وجودها بحياتك حالها حال أي بنيه وثانيا شيلاء ومحمود متوفين
ضياء: هي يحبها صح
ضي: لا بس جاي نتناقش على هلموضوع
ضياء: مااوافق ومااريدها وماتدخل بيتي
ضي: وتكسر قلب ريسان ابنك الوحيد والجبير
ضياء: وهوه ليش مافكر بأبوه وجروحه
ضي: القلب ومايهوى ضياء ليش من اختفيت ادور عليه ومانسيتني وماتركتني لان حبيتني وحبك مو بأيدك وريسان مثلك
ضياء: ضي اني احبج لان تفهميني
ضي: فاهمتك ومقدره مشاعرك والله بس ضياء انت علمت اولادك على الحق والصدق وريسان اذا حبها وانطاها كلمه مايتخلى عنها وانت ترفض معناها يتراجع عن كلامه ومو كد كلامه ويكسر قلب بنيه وسبب انت الي علمته ماتصير كلمته اثنين
ماتحملت كلامها
غلبتني بكلامها
غيرت الموضوع
ضياء: راح اخابر حامد اوصي على غده
ضي: اريد كص
ضياء: هههه صار اسبوع تشتهين
ضي: ضياء خلينا العصر اروح لدكتوره
ضياء: ليش شاكه بنفسج
ضي: ضياء اذا حامل تفرح لو تزعل
ضياء: اكيد افرح انتي زوجتي وطفل يربطني بيج اكثر بس تدرين اتمنى ولد مو بنيه وادعي من ربي ولد
ضي: عزه اول مره تفكر بعنصريه
ضياء: لا مو لنفسي بلعكس احب البنيه اكثر من الولد بس حتى اذا تغمض عيني مطمأن ابنج هوه سندج
ضي: صمله لاهيج تحجي يارب يومي قبل يومك ومااعيش لحظه الفراق والموت كافي تعبت من الحزن
ضياء: يمه وتعوفيني منو يكولي بعد ماماما
ضي: ههههه اجيك بلحلم واسويلك
ضياء: ونسوي ماماما بلحلم
ضي: زين شلون اسبح اني
ضياء: هههههه دايخه بلسبح
ضي: واخنكك تتقرب لمروه ماارحمك اموتك
ضياء: عمي اني اموت واخلص من لسانج كومي حظريلي الحمام وانطيني الموبايل اخابر حامد
ضي: اريد كص
ضياء: اني ادز على سمج تاكلين وياي
ضي: كص وسمج
ضياء: ههههههه
دخلت للحمام واتصلت على حامد
بلحظه دك موبايلي رقم غريب
ضياء: الو
؟: سلام عليكم
ضياء: وعليكم السلام
؟: ابو ريسان
ضياء: نعم تفضلي
؟ : ........
******************
ضي
دخلت للحمام ومصدومه بكلام ضياء
مسكين شلون متحمل هذا القهر والهم
المره ماتتحمل رجلها يفكر بغيرها هوه شلون رجل
مااعرف احب شيلاء اكرها
ريسان مسكين يحب سناري
شهلورطه
اذكر ريسان ووصفه لحبه وحبيبته انقهر عليه
ومسكين مايريد يجرح ابوه
يوميه يريد يتركها ومايكدر
ااااااه يلحب شكد يأذي ويعذب البشر
ريسان بحرب بين حب ابوه وحب سناري
يارب سهلها عليهم
طلعت من الحمام وضياء صافن سارح
ضي: شبيك
ضياء: ها مابيه شي
ضي: دكوم تسبح
ضياء: اي حظرتي
ضي: ملابسك جوه
ضياء: تسلمين ياعمري
كام وصافن
خطيه مقهور ذكرته بلماضي
دخل للحمام واجه حامد
ضي: ضياء اجه حامد تتأخر بلحمام لو تطلع اطلعله اني
ضياء: اطلعي انتي
لبست وطلعتله
اخذت الغراض منا
حامد: الصبح ردتي تحجين وياي بموضوع حسيت ماتريدين عمي يعرف
خفت احجي ومااكدر احجي وياه بهذا الوقت
ضي: اي بس مو هسه غير وقت ان شاء الله
حامد: بلخدمه اني
ضي: تسلم
اخذت الغراض ودخلت للبيت
تغدينا وضحك وسوالف وضياء اخذ غفه
للعصر كعدته
طلعنا للدكتوره طلبت احلل
ضياء: ها
ضي: لازم نحلل
ضياء: تعاي نحلل
ضي: اكره الابر والله تعبت منهن
ضياء: يسحبون مو يضربون
دخلنا للتحليل وسحب مني
كعدنا بره ننتظر
ضياء: شنو كالت الدكتوره
ضي: ضياء مااكدر ارضعه لابني بلمستقبل من صدري بس ثدي واحد
ضياء: اعرف
ضي: ليش ماكايلي
ضياء: مو شي مهم
ضي: توقعت تعالجت نهائي
ضياء: ماكو شي نهائي انتي سويتي اجماليه فقط
ضي: اي
ضياء: شكو ضايجه ضي نرضعه حليب عادي مو اله طبيعي
ضي: ابني اريد كلشي اوفرله الي نحرمت اني منا اعوضه بطفلي
ضياء: ان شاء الله
طلع ابو المختبر صاح اسمي
اخذت تحليل ومابلغني حامل او لا
ضياء: ماسالتي
ضي: مااعرف نسيت
ضياء: هههه انطيني تحليل اقراه
اخذه يقره تحليل
ضي: ها
ضياء: حامل
وللحكايا بقايا
