#قصص_كهرمانه
#القاضي_والمطلقه
البارت ٢١
.........................
ضي
فاجأني بطلبه بقيت صافنه وساكته
ضياء: اعرف تفاجأتي ومامتوقعه هلشي اطمأني زواج ورق لأجل رعايتج وسلامتج
ضي: شلون تزوجني
ضياء: لان بكد بنتي مستغربه
ضي: لا مو على العمر بس انت شخصيه مهمه تاخذ مطلقه ومريضه وماعدها اهل
ضياء: ضي انت مابيج شي والكل يتشرف يزوج وحده مثل اخلاقج وبصراحه زواجنا بس على ورق وبلسر حتى بناتي مايعرفن
ضي: ليش بلسر
ضياء: بس اخذ حقوقج واسندج ننفصل وتعيشين حياتج وازوجج احسن رجال
ضي: عمو ليش كل هذا تسوي الي
ضياء: كم مره نسولف بهلموضوع وتعرفين الاسباب
ضي: زين ليش اله زواج
ضياء: حتى مااتقيد وانت هم ماتتقيدين وياي وماتخافين مني اصير زوجج وجودي يمج مايوترج صح لو لا
بقيت ساكته
ضياء: فكري بلموضوع وصدكي وعيون اولادي اغلى من روحي توافقين او ترفضين مايغير شي بلموضوع وابقى اساعدج واسندج
طلعت من مكتبه محتاره بكلامه
صعدت للغرفه دايخه اوافق عليه لا مااعرف
بقيت ساكته افكر
مااريد اخون البنات وهوه خطيه اظلمه وياي
ياربي شهلامتحان الصعب
مانزلت استحي منا
اسمع صوته اركض للصاله الفوك من الدرج اسمعه
البنات جوه يمه
اباوعله من فوك يضحك ويه بناته ويبوس روز
مؤدب وخلوق
اسبوعين ماانزل ومااخلي يشوفني بس يسمعني صوته
بعدها أجتي روز ألي
روز: ضي بابا يريدج بلمكتب
ضي: شنو يريد
روز: ههه شمدريني خاف على قضيتج
ضي: ها
روز: شبيج تستحين مااختنكتي هنا كاعده
ضي: استحي وحتى عمو وريسان ياخذون راحتهم بلبيت
روز: بابا قليل يتواجد بلبيت واما ريسان مايستحي من احد
دخلت رهف للغرفه
رهف: بابا مو كلج صيحيلي ضي
روز: اي كتلها شبيج
رهف: اعرفج تنسين
نزلت لضياء بلمكتب
دخلت لكيته منتظرني وخجلانه منا
ضياء: تعاي ضي اكعدي اريد اشوفج ليش شارده مني
ضي: عمو اني موافقه
*****************
ضياء
تركتها تفكر واسبوعين ماتنزل
اشتاقتيلها وماتقبل تنزل اشوفها وروحي عليها
اسمعها صوتي
ماتنزل حتى تسلم عفتها براحتها
ريسان: ضي وين
روز: تستحي تنزل عذبتني اتوسل بيها ماتقبل
رهف: انقهر عليها ماماخذه راحتها هنا
ضياء: بنات ضي ح تنتقل من بيتنا
روز: وين تروح
ضياء: لبيت اهلي رتبته واثثته تكعد بي
روز: ليش
ضياء: اولا مايصير تكعد ويانه صعبه وحرام وثانيا هي خطيه متقيده ويانه واحنه كذالك
رهف: شلون تعيش وحدها
ريسان: ليش احنه وياها نروح ونجي عليها وهي تزورنا وبابا يخليلها حمايه بلباب
رهف: بس خطيه نطردها وعبالها مانريدها
ضياء: لا بلعكس نفكر براحتها وتستقر ومانتركها
ريسان: رهف ضي صعب تعيش ويانه حتى اذا نحبها ونريدها
رهف: وهم صعب تعيش وحدها لعد وين الرحمه نترك بنيه وحدها
ريسان: منو يتركها احنه وياها
روز: بصراحه اني عجبتني الفكره واحنه مانعوفها يوميه يمنا او احنه يمها صح كلامهم رهف
رهف: مااعرف بعد
ضياء: بابا مستحيل اتركها بس فتره نخليها بهلبيت
رهف: براحتك بابا
ضياء: روز صيحيلي ضي للمكتب
انتظرتها نزلتلي خجلانه
ضياء: تعاي ضي اكعدي اريد اشوفج ليش شارده مني
ضي: عمو اني موافقه
صدمتني بهلسرعه نطقتها وبدون مقدمات
زين شنو عمو شنو موافقه
هذه البنيه ح تخبلني شلون رهمتها
عمو وازوجك
ااااه شلون برائه عدها تموتني
باوعتلها وابتسمت
ضياء: ماشي يعني ابلش بأجرأت الزواج
ضي: مايحتاج حفله
ضياء: هههههههه شعدنا نسوي حفله والله ياضي
صدك ضحكت من كلبي على سوالفها
ضياء: قصدي اوراقج وزواج سيد ومحكمه
ضي: شوكت اروح للبيت
ضياء: الوقت الي يعجبج
ضي: بكيفك بس سؤال
ضياء: شنو
ضي: كلهم مايعرفون لا البنات ولا ريسان ولا اهلي
ضياء: حاليا فقط ريسان والبنات مايعرفن لان مااريد يفهمن غلط ومااريد تصير نحاسه بينكم واما اهلج مايعرفون من يوكفون بوجهي بوقتها نبلغهم واصدمهم اوك
ضي: ماشي
ضياء: محتاجه شي بعد
ضي: اي
ضياء: شنو
ضي: ازور عمي وبيبي الله يخليك
ضياء: من عيوني بس اصبريلي يومين
ضي: صدك والله
ضياء: اي والله
فرحت
ضي: ممكن طلب
ضياء: هههه اكيد
ضي: ليش ضحكت
ضياء: اضحك لان من دكولين ممكن طلب اتخيل طلبج صعب ومن تنطقي يطلع طلب بسيط
ابتسمتلي
ضياء: شنو طلبج
ضي: بيتكم ماكو صوره لام ريسان اريد اشوفها ومااكدر اطلب من البنات واذكرهن واقهرهن
خرررررب بدت تشتغل الغيره معقوله
واستغربت من طلبها
ضي: هلمره طلبي صعب صح
ضياء: هههههه لا بلعكس بس صورها محتفظ بيهن بمكان
اخذت المفاتيح وفتحت جرارة المكتب
طلعت صور المرحومه
ضياء: هذه
اخذتها وشافتها بقت صافنه عليها
ضياء: شبيج
ضي: تخبل احلى من بناتها ريسان يشبها
ضياء: البنات على امي وريسان يشبه خواله
ضي: الله يخليهم الك بس ماتشبهني
ضياء: شلون عرفتي نشبهه بيج
ضي: ريسان يشبهه بيه واشوفه يحزن من يشوفني نظراته خطيه تقهرني لان أذكره بأمه
ضياء: لان يحبها واقرب انسانه بحياته أمه
ضي: الله يرحمها
طلعت من المكتب وصعدت فوك
قليلة الكلام وياي
تعذبني تموتني بأبعادها عني
ثاني يوم الصبح كعدت من وكت
سويتلهم الريوك
ريسان: صباح العسل
ضياء: صباح الشهد
رهف: شكو عسل وشهد بينكم
ضياء: ههههه وين ضي صيحوها تتريك ويانا
روز: تستحي من اطلعون تنزل تتريك
ضياء: لا بلغيها تنزل تتريك لان ح تطلع وياي
رهف: وين
ضياء: اخذها للبيت
رهف: اااوف خطيه بابا تعيش وحدها
ضياء: حجينا بلموضوع
روز: وتعرف ضي
ضياء: اي تعرف
صعدت روز تصيحها وشوي ونزلت
ضي: صباح الخير
ريسان: صباح النور
ضياء: صباح الانوار
ريسان: تره بس نور كافي مايحتاج انوار خلي شوي نور النا
ضياء: ههههه
روز: هههه شكد تنصب صاير شبيك متخبل
اباوعلها ساكته وخجلانه
ضياء: ضي نتريك وبعدها اصعدي بدلي ولمي غراضج
ضي: ماشي
صعدت ضي وشوي ونزلت
ودعت البنات وطلعنا
اتصلت على ابو اسعد
ضياء: كلشي جاهز ابو اسعد
ابو اسعد: اي عمي
ضياء: والسيد
ابو اسعد: ساعه زمان يمك
ضياء: ان شاء الله
وصلنا دخلنا للبيت
ضياء: اكعدي بلغرفه شوي واصيحج ماشي
ضي: ماشي
سديت باب الغرفه واجه السيد
واثنين قضاة احترمهم واعزهم يشهدون على زواجي
هلمره الي يشهد على زواجي لا ابو اسعد ولا حامد
زواجي من ضي يختلف عن البقيه
على حسب الاصول تزوجتها
اخذت السيد بلصاله اني وضي
عقدنا وضي خجلانه وساكته
كملنا عقد ورجعت دخلت للغرفه
وطلعوا كلهم من البيت
ضياء: ضي ضي تعاي
طلعت
ضياء: مااكدر اكولج علخير خاف ماتحبيها
ضي: عادي
ضياء: العصر حظري نفسج نطلع
ضي: وين
ضياء: اخذج لدكتو تجميل
ضي: ليش
ضياء: بخصوص ايدج وعمليتج القديمه ماصارت نرجع من جديد نراجع ونحدد موعد
ضي: مااريد مايحتاج
ضياء: ضي اترجاج لاتعبيني واني شنو اكول اسكتي ونفذي والعصر اخذج
طلعت بسرعه تركتها
لان ماتحمل ابقى يمها
هي مو مرتي وردت اتقربلها
هسه مرتي وحلالي ماتحمل اقاومها
رجعت للبيت والعصر بدلت وطلعت
حامد: ها عمي وين نروح
ضياء: لا حامد مايحتاج اني اسوق
حامد: ماشي عمي براحتك
اخذت السياره ووقفت الحرس مااخذت احد وياي
رحت وحدي
بوقتها حاجز لضي يم دكتور تجميلي
اتصلت عليها بلطريق
ضياء: ضي متحظره
ضي: اي بس حجابي اكمله
ضياء: اخابرج اطلعين
ضي: ماشي
وصلت خابرتها طلعتلي
لابسه جبه سوده وحجابها اسود وجنطه وحذاء فلات كله اسود وهي بيضه ثلج وبدون مكياج منوره
وكفوفها ماتقبل خطأ لازم تلبسهن
صعدت وره وماقبلت خليتها تكعد بلصدر
ضياء: حلوه زين نزعتي العبايه
ضي: لان رايحين لدكتور والبنات اشتروهن الي
ضياء: قبل شتلبسين
ضي: جبه او عبايه اسلاميه
ضياء: ها ... شخبار البيت عجبج
ضي: اي كلش حلو
ضياء: والوحده هم ضجتي
ضي: لا عادي بصراحه ارتاحيت اليوم بس اسالك هذا الحارس أمان
ضياء: اكيد ولاتخافين منا كل حمايتي أمان
ضي: اني اخاف لهذا اسألك
ضياء: امان بس خليج حازمه وياه حتى يخاف منج ولاتنطي مجال
ضي: اصلا ماافتحله الباب ولا ألي دخل بي
ضياء: المنطقه حلوه وامان وناسها طيبين
ضي: معليه بيهم لا اطب ولا اطلع
ضياء: عفيه بمرتي الحلوه
اباوعلها دنكت وغلست على كلامي
وصلنا للعياده
دخلنا بلاول شاف أيدها
سهله عملية تجميليه لايدها ترجع طبيعيه وحددلها عملية ايدها
بعد اسبوعين الحجز لايدها
طلعنا من الدكتور بلمصعد وحدنا
ضي: مااريد اخاف
ضياء: ههه شبيج
ضي: مو صعدنا بلدرج شكو ننزل بلمصعد ادوخ
ضياء: اني يمج لاتخافين
سحبتها من ايدها ودخلنا للمصعد
لازمه بايدي
اخ ضي لو تحضنيني يكون افضل
ضياء: خايفه
نزل المصعد
ضي: يمه بسم الله ياربي يارحمان يارحيم
ضياء: ههههههههه
لزمت ايدها بقوه ووكفت بصفها
تمنيت تحضني ماسوتها والمصعد يتاخر
بس بثواني نزلنا
طلعنا وبقت لازمه ايدي صعدنا سياره.
ضياء: تعاي نتعشا
ضي: لا حباب مااريد بره
ضياء: لعد اخذلج عشا
ضي: مايحتاج بلبيت اكو مسواك اشكال حتى اكو بيهن مااعرف شنو
ضياء: اخذلج عشا واوصلج
ضي: عمو وين السايق
ضياء: ههههه ضي
ضي: ها
ضياء: سميني ضياء من اني وياج ضياء وبس من اكو احد سميني حجي ابو ريسان
ضي: حجي ابو ريسان ماشي
ضياء: اني وياج فقط ضياء
ضي: ابو ريسان فقط
ضياء: هههههههه ماشي براحتج نرجع لسالفتنا السايق وين قصدج حامد
ضي: اي مو استغربت انت تسوق
ضياء: صح قليل اسوق فقط بخصوصيات حياتي مااقبل احد يتورج عليها ومن اختنك احب اطلع وحدي بلسياره افتر وارجع
ضي: ها
بقت ساكته
باجر الصبح اجي اخذج
ضي: وين
ضياء: للمستشفى نحلل بعدها نروح نعقد محكمه
ضي: لعد شلون زواجنا سر وشلون نعقد محكمه
ضياء: ههههه الظاهر نسيتي مهنتي
ضي: يا اي لعد منو يعقدلنا محكمه اذا انت
ضياء: اني شنو
ضي: يعني انت قاضي وانت الي
ضياء: هههه الي ازوج
ضي: اي
ضياء: ههههه اني ازوجج ضياء من ضي
ضي: ههههههههه يصير
ضياء: اكيد لا وعادي باقي القضاة يعقدون
ضي: ها
ضياء: بس العقد مو بغداد
ضي: لعد وين
ضياء: بلنجف
ضي: كول والله يعني نروح لبيبي وعمو
ضياء: الصبح نطلع للمستشفى نكمل اوراقنا ونطلع لمحكمة النجف نعقد وبعدها نطلع للمقابر
ضي: احلى خبر باجر التقي بيهم
ضياء: ان شاء الله
ضي: مااعرف شلون اشكرك
ضياء: بعد مايصير تشكريني هذا واجبي كزوج
ابتسمت ودنكت
ياربي هذه البنيه شلون اخليها تحبني
وشلون تتقربلي
شوكت تحبني وتريدني ماتحمل ربي
اكثر شي احبه بضي من تحتاجني
وتلتجأ الي
دك الموبايل
ضياء: الو
رهف: بابا ضي ماكو والحمايه ماكو
ضياء: ليش ماكو وينه وشلون عرفتي ماكو
رهف: اني و روز أجينه نزورها وماكو
ضياء: ضي وياي طالعين
رهف: وين
ضياء: للدكتور التجميلي وهسه بلطريق راجعين
رهف: ماتخلينا نتعشا بره ماطول ضي طالعه وياك
ضياء: ماشي وين انتوا هسه
رهف: بيت جدو
ضياء: اطلعولي لهلمكان .... نلتقي واتصلي بريسان ايضا
رهف: ماشي
ضياء: وعلى كيفج بابا بلسياقه انتبهي
رهف: ماشي
سديته
ضياء : ح نلتقي ويه البنات نتعشا وارجعج
ضي: مااريد
ضياء: اني اريد
ضي: وصلني وروح وياهم
ضياء: تعرفين وين رهف و روز
ضي: وين
ضياء: يمج بلبيت ومالكوج خابروني قلقانين عليج
ضي: اكيد انتوا ناس مو طبيعيين
ضياء: هههه ضي تعرفين بنيه غيرج تخطأ وانتي حافظتي على نفسج
ضي: اي
ضياء: قليل بهذا وقتنا بنيه تحافظ على نفسها هي بنص الاهل وتخطأ مو وحدها وبلا اهل
ضي: كل واحد وترتبيته
ضياء: اها واحنه ايضا هذه تربيتنا يعني لو تتمكنين ماساعدين المظلوم
ضي: اكيد اساعد بدون تفكير
ضياء: خلاص بعد لاتستغريبن من عدنا
ضي: ان شاء الله
سحبت ايدها لزمتها
ضياء: ثقي بيه حياتج كلها تتغير وللاحسن
ضي: ان شاء الله اثق بيك
ووصلنا للمكان
ضي: استحي
ضياء: اني وياج تعاي ندخل
امشي وياها واغار على كل شخص يباوعلها
اغار حتى من حامد مااريد يشوف مرتي
دخلنا والتقينا بلبنات وبعدها اجه ريسان وتعشينا وتونسنى افترينا بلاسواق
البنات يشترن وضي حتى ماتباوع على المحلات ومامهتمه
تباوع على البنات وفرحانه
ضياء: مامشتهيه شي تشتري
ضي: لا كلشي عندي
ضياء: ادخلي اختاري وياهن
ضي: مااريد
ضياء: ضي اني زوجج واصرف عليج هذا الشي واجبي يعني لا دكليلي مااريد يله روحي اختاري الي تشتهي واشتري الج
ضي: مااريد
ضياء:😡 لاتعاندين ولاتستحين مني
ضي: ابد لاتعصب عليه وتخوفني منك
بثواني هدئتني
نفس كلامها ضي الخياليه يعني ضي تحبني
ضياء: ياعيني اريد اسقط الرسميات بينا واخليج طبيعيه تصرفين ومااعصب على بنوتي اطمأني
ضي: هههههههه
ضياء: شبيج
ضي: قبل شوي دكلي لادكولين عمو
ضياء: ها على كلمة بنوتي هذه شرحها طويل مو هنا اشرحها الج
بله هذه شحجي وياها ادلعها عبالها اعاملها مثل بناتي
سكتت والبنات تقربن يمنا سكتنا
اخذوها و رهف و روز خلوها تشتري وياهم
اباوعلها مبتسمه وفرحانه فرحتلها
نظرات بينا من بعيد
ريسان: حجي اليوم تبات وين
ضياء: شهلسؤال الغريب يايوم بايت بره
ريسان: سألنا شبيك عصبي شفناك تتبسبس عبالنا بره
ضياء: ولك لاتشاقه وياي 😡
ريسان: يعني ماتبات بلبيت الثاني
ضياء: اكيد لا بس خايف عليها وحدها خاف تخاف
ريسان: اكيد متخاف شافت ضيم وضلايم تخاف من النومه وحدها
ضياء: سبعه وكدها ضي
ريسان: هههههههههه اسكت احسن اي عمي امدح بلمره
ضياء: هاي انت على اساس سكتت
ريسان: ههههههههه
كلمنا ورجعنا
رهف: نوصل ضي
ضياء: لا اصعدي بسيارتج وريسان كدامكم لاتترك اخواتك
ريسان: اكيد
ضياء: اوصل ضي وارجع
ريسان: حجي بات يم ضي للامان لان اول ليله
روز: خلي تجي ويانه
ضي: لا مااريد عادي ابات بلبيت وحدي عادي ومااخاف
رهف : بليل باتي يمنا الى ان تتعودين
ضي: لا خلوني براحتي
طلعنا اخذتها للبيت وصلتها
ضي: ح تدخل
ضياء: تريدين ادخل
ضي: براحتك هذا بيتك
نزلت بسرعه
نزلت وراها
دخلنا للبيت اني وياها
تفتح بمفاتيح البيت مديت ايدي وياها
هي تباوعلي
واني افتح وياها مفاتيح البيت ومااكدر اباوعلها اضعف وابوسها
بعدها خجلت سحبت ايدها ودخلت للبيت
ماكدرت ادخل للبيت
ضي: ماتدخل
ضياء: هههههه لا اطلع احسن بس محتاجه شي
ضي: لا
ضياء: حظري نفسج من الصبح
ضي: ماشي
طلعت وعفتها
مااكدر مااتركها مجبور اترك ضي وحدها
رجعت للبيت
بليل خابرتها
ضياء: نايمه
ضي: بعدني
ضياء: ليش خايفه
ضي: لا ابد بس دااقره قرأن واصلي
ضياء: ها لعد اخليج براحتج بس لاتسهرين اهواي نامي من وكت
ضي: ان شاء الله
ضياء: اذا تخافين او تحسين بصوت او أي شي اتصلي بيه
تركتها براحتها واليل كله افكر بيها وقلقان
اتصلت على الحمايه كاعد وضي بأمان
الصبح كعدت اتصلت على ضي
ضياء: صباح الخير
ضي: صباح النور
ضياء: شخبار الحلو نام لا
ضي: منو
ضياء: هههه قصدي انتي
ضي: ها اي نمت الحمد لله
ضياء: بعدج بلفراش
ضي: اي هسه اكوم واكمل قبل ماتجي مااتأخر
ضياء: خليج بلفراش نايمه
ضي: بطلنا نروح
ضياء: لا😒
ااخ ضي باردة وبلفهم صعبه
كمت على حيلي مثل كل يوم وطلعت من البيت
حامد: ها عمي
ضياء: هم مايحتاج اني اسوق بس الزلم وياي
حامد: ان شاء الله
طلعت رحت لضي اخذتها
رحنا للمستشفى
نص ساعه وكملوا التقرير
اخذناه وطلعنا
وطلعنا للنجف
الطريق كله تقره قرأن
وصلنا للمحكمه عقدنا
ضي كل بالها يم المقابر ومامهتمه للزواج
اووووف يا ضي من هليله اغير افكارج كلها بيه
اخذتها للمقبره
ضي: تيهت
ضياء: حامد وصفلي المكان هسه اخابره
ضي: بس اريد اعرف حامد خارطة العراق كلشي يندل
ضياء: هههههههه لا وصيته يعرف المكان ويروحله يتأكد
ضي: ها مو اكول
ضياء: حلو تنكتين
ضي: ههههه هيه الدنيا منكتتني وانكت وياها على الواهس
ضياء: ههههههههههه
وصلنا للمقبره وضي تأشر
ضي: اي هناك هذاك قبر جدو مقبرتنا
نزلت مثل الطفل تركض اشوفها تقره بلاسماء
ركضت على اول كبر
سفطت السياره ونزلتلها توقعت بيبيتها اول شي
اباوع بقبر عمها تبجي
ماتوقعت لهلدرجه تحبه
سمعتها تعتذر منا استغربت
سكتت من وصلت وكامت لقبر بيبيتها
استحت مني
قريت الفاتحه للكل ونسحبت منها
عفتها براحتها تبجي وتفضفض براحتها
بقت ساعه ونص يمهم
لاتعبت ولا ملت ولاشبعت
بعدها رحت يمها سحبتها سحب منهم
اخذتها صعدتها
ضي: ماشبعت منهم
ضياء: وعيونج اكررها الج وتجيهم شوكت ماتحبين بس كون اجازه عندي مو اثناء الدوام ماشي
ضي: ماشي
ضياء: هسه وين نروح
ضي: وين
ضياء: هسه ب٤ نروح للفندق نرتاح ونتغده واخذج تزورين
ضي: فندق ليش
ضياء: مااكدر بليل ارجع اسوق اتعب
ضي: يعني نبات
ضياء: اي
ضي: لعد خلينا نرجع هسه
ضياء: شلون مانزور
ضي: ماشي براحتك
وصلنا للفندق نزلنا اني وياها سوه
دخلنا للفندق وهي تباوع
ضياء: شبيج
ضي: حلو هذا الفندق مبين كلش راقي
ضياء: اي هذا اليله بورقه
ضي: عزه وعليمن هلورقه مقابيل الامام اليله ب٢٥ ومابيها شي ماخليتنا نروح لهناك مقابيل الامام
ضياء: ههههههه
وصلنا للحجز الموظف سألني
موظف: كم غرفه
ضياء: غرفه هذه زوجتي
ضي:😲
********************
ضي
فجأه وافقت على زواج
فكرت صح حياتي وياهم صعبه واني اريد الستر والعافيه
مايهمني ازوج ماازوج
واحتاج شخص يحميني ويسندني
القاضي الوحيد الي يكدر
حتى اذا زوجته افضل مااخاف من وجوده وياي
مااخاف اذا طمع بيه
بلحلال سهله السالفه اني حلاله
رغم مامفكره بي كزوج
ولا ابالي الزواج
ثاني يوم تزوجنا
والعصر اخذني للدكتور
احس اكو ميول اتجاهه مستقبلته
براحه احجي وياه مااخاف منا مثل قبل
اخذوني لاماكن ماشايفتها بحياتي
تعشينا وضحك وسوالف
البنات يسوكن مايشبعن
بلكوه قبلت اشتري وياهن
غصبني غصب اشتري
ارتاح من اباوعله
ريسان: ليش اهواي تباوعين لابوي
ضي: لا مااباوع
ريسان: ههههه حلال تشوفي هوه زوجج
ضي: عزه عيب البنات يسمعن وهذا عمي ماتغير شي
ريسان: هههههه شنو عمج
ضي: اي عمي
ريسان: من الله غريزه بعد الزواج تتغير القلوب بينهم
ضي: اله اني
ريسان: كلها ماتتغير اله انتي اول وحده تتغير واما ابوي تلكي حتى قبل زواج متغير ههههه
ضي: هههههههههههه لاتخجلني
ريسان: احنه اصدقاء ليش تخجلين
ضي: المهم اني مقتنعه واعرف مااتغير
ريسان: علينا هلسوالف ليش مو بنيه وعندج مشاعر
ضي: حاليا مشاعري ميته
ريسان: لا بربج يعني راح بيها الحجي
ضي: ههه
اجت يمنا روز واحنه نمشي وسكتنا
غير الكلام
ريسان اهواي يقربني منا كصديقه
يحببني بأبوه وهوه يحب امه
شلون مستقبلني مااعرف
حتى طلب مني اوافق واطلب من عمو ضياء صورة زوجته
مااعرف ليش بس سويت الي طلبه مني
بعدها رجعنا للبيت واستغربت خله ضياء ايده بأيدي.
يفتح بلبيت واني نسيت نفسي اباوعله
اباوع لخدوده لشفايفه لخشمه لعيونه
بعدها انتبهت وبسرعه دخلت للبيت
همزين ماشافني اباوعله بدقه
شكد عيب منا
طلع وعافني
بقيت اصلي واقره قرأن لبيبي وعمو
بليل اتصل عليه
ركضت رديت فرحانه
وتفق يكعدني والصبح طلعنا للمحكمه وبعدها للمقابر
مااهتميت للمحكمه بالي يم عمو وبيبي
من وصلنا نزلت اركض
اريد قبر عمو سامر مشتاقتله
اجيت لقبره واني رافعه راسي حافظت على وعدي
وحافظت على شرفي
تزوجت بلحلال القاضي حتى احمي نفسي من الدنيا
عافني براحتي القاضي
بس مااشبع منهم وبلكوه قنعني اكوم منهم
بعدها اخذني للفندق
استغربت اله فندق
وافقت حتى نبقى بليل بلامام والاجواء حلوه
وصلنا دخلنا للفندق
حلو وضخم وراقي بعيد عن الامام
الموظف سأل ضياء كم غرفه
توقعته غرفتين
صدمني بغرفه وحده
ضياء: غرفه هذه زوجتي
عزززززززززززززه غرفه شنو
وللحكايا بقايا
