#قصص_كهرمانه
#القاضي_والمطلقه
البارت ١٢
..................
ضياء
بعد ماسمعت من سامر
اكو حلقه مفقوده بهذه الحادثه ماافهمها
كلامه صح مقنع بس اكو جزء مفقود
وبلغته بوفاة اخوه انهار ماتحمل وفاة اخوه
دموعه نزلت وتأثر
هوه ضاع بسبب وفاة اخوه
ضياء: سامر خليك قوي لخاطر ضي وامك واني ح احاول اساعدك واخليلك محامي شاطر وذكي لاتوكل باسل
سامر: امي لاتخلوها تعرف واتمنى التقي بضي بأقرب فرص اترجاك
ضياء: الله كريم بس بقى سؤال
سامر: شنو
ضياء: ليش محد يم ضي وعايفيها بس يم امك والمرحوم
سامر: ضي من يومها مظلومه وبس اني وامي نحبها خابروا امها تجيها خطيه وحدها
ضياء: تعرف رقم امها
سامر: موجود بموبايلي وسحبوا مني بلمركز
ضياء: ماشي وسامر لاتحجي شي واني ح اوصي عليك وعمري مااوصي ولا اساعد احد بس انت انسان شهم وبريء وماتستحق الأذيه
خطيه ساكت ودموعه على اخوه
قهرني
كمت وطلعت ووصيتهم عليه وخابرت ناس يوصون عليه
طلعت من المركز مختنك
ذكرني بأمي ضاعت مثل سامر
..................... (يذكر يذكر يذكر)
بليلة الي ابوي ضرب امي
اني وظفر مانعرف السبب
كل اعتقادنا حقد وكره
مر اسبوعين من الحادثه و فجأه امي قررت نشيل من الغرفه
نغير المكان
ماقبلنا اني وظفر
لمت غراضنا وجبرتنا نشيل
كعدنا بمكان ثاني
بطلتنا من شغلنا وبطلت من شغلها
كامت بلمنطقه تشتغل تخيط عبي وتخبز
طلعنا ندور شغل ماكو
بعدها قررنا نتعلم اني وظفر نخبز ونساعد امنا
بوكتها حصار
وصعب الشغل كمنا نبيع نخاله خبز يابس
نبيع خبز لامنا والعصر نساعدها بلخبز
ظفر اشطر مني
اشتغل بفرن خباز صارت مهنته
اني بقيت ابيع لامي خبز
ادرس واقره اكثر من ظفر
كبرنا وصرت بلاعداديه
ظفر صار طالب جامعي قسم
فجأه امي صبح تبدل وتريد تطلع
ضياء: يمه وين طالعه
امي: عندي مشوار
ضياء: يمه وين يعني
امي: شو تحاسب امك
ضياء: يمه وين طالعه اني اروح بدالج
امي: ليش يمه صاير تخاف مني اطمأن اني رفعة راسكم
ضياء: يمه مو هذا قصدي بس صايره اطلعين اهواي ومانعرف وين ومن اسالج ماتجاوبيني ومن حقي اخاف عليج
امي: ولدي كبروا ويحاسبون امهم
ضياء: يمه مااحاسبج ولا تحولين السالفه عليه
امي: بس احجيلك حجايتين اني طالعه اخذ حقي وحقكم من هلدنيا
ضياء: شلون يعني
امي: يمه اولادي كبروا وصاروا سندي واحتمي بيهم واريد اخذ حقهم حتى اسلم امانتي واني مطمأنه عليكم
ضياء: يمه شلون يعني
امي: الله وياك يمه وسويتلك ريوك وجايك على الصوبه
طلعت وماقبلت تجاوبني
طلعت وبلباب تلكتها جارتنا يسولفن
ركضت لبست بطروني وقميصي
لحكت اطلع وراها صعدت بلفورتات
وتنزل من سياره لسياره الى ان وصلت للمحكمه
استغربت امي شعدها هنا
اني وراها شفتها وكفت يم رجال تسولف وياه
كعدت على كارتونه وتنتظر مااعرف شنو
شوي واجه ابوي كبران وسبحته بأيده
وياه عمي وواحد مااثنين مااعرفهم
تقدم عمي يسولف ويه امي
امي ماترد عليه ومدنكه ومغطيه نفسها بلعبايه
شفتها ماترد عليه
اشوفه بصق بوجها
ماتحملت وركضت على عمي ضربته
مارحمته نسيت نفسي ونسيت المكان الي اني بي
اضربه كلات وبوكسيات هوه جبير مايكدرلي
امي تفكني وناس ادخلت والامن اجتي
بوقت النظام السابق
اخذوني وامي تتوسل بيهم يتركوني
امي: يمه خاله الله يخليك عوفه يمه اخذوني اني عوفوا ابني
ضياء: يمه روحي للبيت معليج بيه
امي: اسكت ولك لا اضربك بلنعال ماعرفت اربيك تركض وره امك
شرطي: حجيه ابنج مايعوفوا بحاله نصيحه مني روحي لذاك القاضي يفرج عنه قبل ماتكبر
امي: ياغرفه اني اروح احجي وياه
ضياء: يمه ارجع لاتخليني هسه اضرب حتى القاضي واورط نفسي
شرطي: ولك انت ماتسكت تريد تورط نفسك وتورط امك غير تروح بلرجلين بس تحجي ويه القاضي خأيب انت مخبل
امي: لا ابني تسودن ويريد اضربه وادبه بس خلي يطلع وشوف شسوي بيك
راحت امي للقاضي وتترجاه
صاحوني وصاحوا عمي وابوي
اول مره اشوف محكمه وقاضي وماافهم السالفه
مااعرف شي عن المحاكم
القاضي: ليش ولك ضربت عمك
ضياء: غلط على امي وبصق بوجها ماتحملت
القاضي: ليش بصق بوجها
امي: لان اريد اخذ حقي بلقانون حلالي وحلال ابوي
ضياء: يمه تاخذين حلال منو من شوكت
امي: اسكت ولك
قاضي: هاي شنو وين انت اسكت😠
سكتت ودنكت
قاضي: كملي
امي: هوه ابو اولادي طردني قبل سنين وهوه بيتي بس ماعندي سند اخذ حقي منه وماعندي التجأ للحكومه واخذ املاكي
قاضي: يعني هوه طاردكم ومايدري عنكم
امي: مايعرف حتى اولاده من كبروا
قاضي: كم ويلاد عندج
امي: اثنين واحد بلجامعه والثاني هذا
التفت على ابوي ويباوعله
قاضي: شنو رأيك بكلامه
صالح: جذابه وشردت وماادري عنها وين
ضياء: شلون ماتدري وبصغري اني اجيتك تخلصنا وطردتني وصحت الجلب عليه
قاضي: انت تاليها وياك اسكت بابا
سكتني ويباوع لبابا
القضيه مو يمي وعدكم جلسه وبلنسبه للولد افرجوا عليه وخلوا يروح لامه
صالح: ضرب وتعدى على عمه
قاضي: ها زعلان عليه لان ضرب عمه لو لان مامؤدب
صالح: الاثنين
قاضي: لو ماطاردهم وكاعد على ابنك تربي مايضرب ويتهجم على عمه وانت تحب اخوك ماتفكر بأبنك يتعاقب
صالح: سيدي
قاضي: عيب عيب عليك وعلى شاربك 😠
رزل ابوي وطرده
قاضي: اخذي ابنج واطلعي وانت سبع ورجال ديربالك على امك وانتبه على تصرفاتك لخاطر امك اليوم اني رحمتك باجر عكبه محد يرحمك
امي: اشكرك يايمه اشكرك الله يحفظك ويخليك لاهلك
قاضي: شفت امك خطيه شلون تتوسل ابد لاتسمح يتكرر هذا الموقف لخاطر امك
ضياء: ان شاء الله امي فرحاي حتى ظلمها الي جنه
طلعنا والقاضي صاحني
قاضي: ابني ضياء
التفتت عليه باوعلي
قاضي: الله وياك
تحصر ودنك وطلعت
نظراته حسيت يريد يوصلي شي وماافهم شنو
لحد هذا اليوم مااعرف شقصد بنظراته
الف معنى بنظرته
من ضمنها حسيت نظرة حرمان
بيوت اسرار
بقينا بلمحكمه ودخلت امي وابوي للقاضي
طلعت امي وابوي خازرها
اني اباوعله ماعجبني
ضياء: شبيك تخزر امي عندك شي احجي وياي😠
امي: امشي يلمصخم شبلاك اليوم تريد تتعارك استر علينا
صالح: امشي فرخ امك
ردت ارجعله وامي لزمتني
امي: بس تتعارك اتبره منك ليوم الدين وماارضى عليك
ضياء: يمه اني مره تسكتيني
امي: لا اكتشفت زعطوط مو رجال
ضياء: صالح ابن ابوك اني اتشرف اني فرخ امي مو فرخ مرتي
امي: امشي ولك شلون الطم اشك ثوبي
سحبتني وطلعنا
الطريق كله نتعارك اني وياها واني مرتاح رديت غلى ابوي
امي ماترضه نتجاوز عليه لان ابونا
ماتريد الله يغضب علينا لان مهما يكون هذا اب
وصلنا للبيت وشفنا ظفر راجع
سولفتله وتعارك ويه امي
طلب من امي تسولفله عن المحاكم والورث والقضيه
زعل على امي لان ضمت علينا
بده هوه وامي يرحون ويرجعون للمحاكم
وماتركنا امنا
الى ان كسبنا القضيه واخذت امي حقها من ابوي
واجرأت القرار تأخرت
صار تميز وطعن بلقرار محامي ابوي شاطر
تزوير بلاوراق والدعوه مستمره
بقت سنين القضيه
بيوم تهجموا زلم بيتنا
هذه اليله غيرت كل حياتي
...................................(رجع من الذاكره)
