صص_كهرمانه
#القاضي_والمطلقه
البارت ١٩
.......................
ضي
وصلت للامام وسكنت بلصحن
محد يكدر يطردني منا احد
اطلع اغسل واكل وارجع للامام اصلي واقره قرأن
ارتاح بلضريح شوي وارجع ازور
الاكل الي يوزعونا اني اكله منا
فلوسي بدت تنقص
خلال ٣ اشهر خلصت فلوسي
مااعرف شلون اتصرف
تعرفت على المفتشات والي بداخل الصحن
الكل عرف قصتي
يحبوني لان مااقبل مساعده او صدقه منهم
يتوسطون اشتغل ومايصير لان ماعندي جنسيه
الى ان خلوني موظفه بيناتهم انظف الامام
خادمة موسى الكاظم بلتنظيف
ويلمون بينهم فلوس وينطوني يوميتي
النهار اشتغل والظهر ارتاح شويه
ارجع اشتغل العصر
و لليل وقتي لصلاتي لبيبي وعمي
دموعي مانشفت عليهم مشتاقتلهم
اتمنى اعرف مكانهم وازورهم
تذكرت القاضي وعدني بعد الاربعين يزورني
مازعلانه منا لان ساعدني وساعد عمي سامر
حتى اذا بعدين تركني هوه الوحيد ماأذاني
بيوم حاره وتعبانه
لفلفت نفسي بعباتي ونمت
اسمع مره توزع واهليه
اشتهيت جكليته
رفعت راسي طلبت منها ماسمعتني
ضي: خاله خاله
ضياء: هذه جكليته
ضي:😲
ضياء:😲
ماصدكت مستحيل هذه القاضي
ضياء: ضي
ماتحملت اشوفه دموعي نزلت
تقربت مني
ضياء: ضي
رفعت راسي اباوعله
انحب بواجي ماتحملت اسكت
ضياء: ضي انتي خيال لو حقيقه
باوعتله صافنه شنو قصده
ضياء: جاوبي انتي حقيقه
تقرب موظف خدام الامام الي
موظف : ضي اكو شي
ضياء: هذه ضي صح يعني تشوفها
موظف: تعرفها
اباوعله مستغربه هذا شنو يسأل مامصدك اني ضي
التفتت عليه وكعد على ركبته
ضياء: ليش ضي هيج سويتي بيه ليش مثل المخبل ادور عليج
صدمني
شنو يدور عليه وهوه مايريدني
ضي: اي اني ضي الي عمها وبيبيتها توفوا بنفس اليوم
ضياء: هههه مجنونه عبالج ناسيج واني اذكر كل دقيقه وثانيه وياج
ضي: مو شفتك ماتعرفني
ضياء: لان خبلتيني قبل شوي جنتي تسولفين وياي وتركتيني وطلعتي من ذيج الباب
يأشر على باب الامام وصافنه عليه
ماافهم شي من كلامه
ضي: عمو اني ضي
هذا الرجال حتى ماانطاني مجال اكمل بواجي
مخبل لو اني مخبله
اشوفه عيونه بيها لمعه
كأنه يريد يبجي
ضياء: وينج ضي
استحيت منا مااكدر اكله امي ذبتني
ضي: عند امي
ضياء: يعني شنو عند امج
ضي: ويه امي عايشه
ضياء: وينهم ليش وحدج
ضي: بلزياره هسه يجون
ضياء: ضي
باوعتله
ضياء: ضي اعرف كلشي انتي شردتي من اهلج
استحيت طلع يعرف
ضي: منو كلك
ضياء: اهلج امج وزوج امج
ضي: ماشردت
ضياء: حتى اعرف قصة زوج خالتج
ضي: شتعرف
ضياء: ضربتي زوج خالتج وشردتي
ضي: عايش لو ميت هم قتلته
ضياء: لا اطمأني عايش ضي ماصدكت بكلامهم
ضي: شنو كلامهم
ضياء: تتحارشين بزوج خالتج وضربتي من كشفج كدام خالتج
ضي: لا والله مستحيل لو سأل أمي تسولفلك اني خابرتها قبل الحادث كتلها يتحارش بيه وماصدكت بيه توسلت بيها ارجع للبيت وتهربت مني
ضياء: شلون يعني امج تعرف
ضي: اي
ضياء: ضي وين عايشه
ضي: برعايته
ضياء: منو
ضي: بضريح امامي عايشه بحمايته
ضياء: بعدين نكمل كلامنا كومي وياي
ضي: وين
ضياء: ضي صار ٧ اشهر مااكدر اوصلج و٣ اشهر من عرفت تركتي اهلج اريد ماخليت مكان مادورت عليج تعبت واني ادور ااااخ ضي اهواي كلامي عندي بس مو وقتها
ضي: اهلي هم دوروا عليه
ضياء: تريدين الصراحه
ضي: اي
ضياء: اني قدمت شكوه عليهم بسبب اختفائج
ضي: وامي
سكت ضياء عرفت امي مااهتمت لغيابي
ماتحملت الموقف وبجيت
لزم ايدي ضياء
موظف يراقب من بعيد
موظف: ضي منو الاخ
ضياء: يله ضي كومي وياي
موظف: وين تاخذها
بهلاثناء زلم القاضي وحامد يتمشون باتجاه القاضي
حامد: ضي هذه ضي عمو ابو ريسان شلون لكيتها
ضياء: اي هيه
يا حتى حامد مستغرب بوجودي
ضياء: يله ضي
موظف: وين
حامد: ويامن تحجي انت القاضي ضياء
موظف: واذا قاضي فلان عليك مو عليه وضي ماتروح وياكم
ضياء: انت منو
موظف: ضي بحمايتنا وماتمسها وماتاخذها وياك
ضياء: اطمأن مااذيها
موظف: ماشي المهم ماتطلع منا ضي
ضياء: اني من اهلها
ضي: اطمأن مايأذيني اعرفه
موظف: ضي لايضحك عليج معليج انتي بحمايتنا
زلم القاضي تنرفزوا من كلام الموظف
ضياء: اطلعوا بره انتظروني
طردهم من المكان
ضي: اعرفه اطمأن و اعرف الي يضحك عليه
موظف: اكيد ضي
ضياء: اني أحيك على رجولتك وخوفك على ضي اشكرك على حمايتك الها وخوفكم عليها
التفت عليه
ضياء: يله ضي
ضي: مااكدر اروح وياك
ضياء: ليش
ضي: مااكدر
ضياء: روز و رهف تعرفين شكد ح يفرحن بوجودج اخواتج منتظراتج تذكرين كلامي بابي مفتوح الج
ضي: اذكر بس انت الي طردتني من حياتك من خابرك عمو حسن
ضياء: هههه اه ضي مااعرف شحجي اهلج سينما وسيناريو وتمثيل كومي ضي
كدر يقنعني وكومني
وكفت
مد ايده الي
ضي: شنو
لزم أيدي ومشينا طلعنا
باب الامام وكف
ودع الامام ونزل لكاعه باس أرضه
تقشعر بدني بأسلوبه وتصرفه
ودعت الامام وياه وطلعنا
ووياه زلمنا يمشون ورانا
اباوعلهم ومااعرف امشي
ضياء: شبيج
ضي: حلو تمشي وزلم وياك يحموك
ضياء: ههه انت هم حلو تمشي وضياء لازم ايدج
باوعتله مستغربه وخجلت
صعدنا لسياره واخذني لبيتهم
ضي: اني وين اعيش
ضياء: بيتنا
ضي: ها
فرحت اعيش بيت اعرف ح اخدمهم وبعيوني اخليهم
المهم اعيش بأمان
ضياء: نورتي حياتي
عزه هذا شيكول
******************
ضياء
ماصدكت لكيت ضي
فرحت عايشه بهذا المكان
تقشعرت
انحي كدامها على اخلاقها وتربيتها
مانحرفت وحافظت على نفسها واخلاقها العاليه احتمت بأفضل مكان
اعتبر ضي المثل الاعلى لكل البنات
قليل الي يتصرف مثل ضي
دائما نبرر لاخطائنا بسبب ظروف
لكن ضي علمتني درس واني بهذا العمر
مهما تكون ظروفنا قاسيه مااضعف للحياة
قهرتني بكلامها
عرفت اهلها ظالميها
رغم كنت متأكده مظلومه
صار كلام قليل بينا وبلاول رفضت تروح
قنعتها وطلعنا
تشكرت امامي على ضي
ماتوقعت بهلسرعه مافشلني موسى الكاظم
رجعتلي ضي
اخذتها من ايدها وامشي فرحان واخيرا رجعتلي
مرتاح فرحان
اباوعلها تمشي ومدنكه وتعبانه
وجها منور
ااااااخ ياضي شكد نظيفه
ياسبحان الله رحت للسجن على قضية دعاره
طلعت بالامام الكاظم
لكيتها بمكان نظيف واطهر مكان
مامصدك ضي وياي هي تصرفها بارد
معقوله ماتحس بيه ومااجيها بلخيال
اسالها اخاف تضحك عليه
وصلنا للبيت
دخلنا واستغرب ريسان بوجودها
رهف و روز استقبلوها بوسوها حضنوها
مسكينه تبجي ومستحي
عرفت خجوله ومستحيه ولازم ارفع الخجل منها
وتصرف بهذا البيت طبيعي حالها حالنا
ريسان يباوعلي
ريسان: حجي
موبايلي يدك رقم غريب
دخلت غرفتي
رديت ماكو صوت نغلق الخط
مااهتميت
دخل ريسان للغرفه
ريسان: حجي خابرت حارث كال مو هيه لعد هاي شنو
ضياء: شنو ماهيه
ريسان: ضي مو بلسجن بنيه غيرها
ضياء: اي صح واختنكت رحت ازور وشفتها نايمه بلامام
ريسان: يعني شنو بابا
ضياء: يعني عايشه بلامام الكاظم خطيه
ريسان: هذه البنيه شنو من بشر
ضياء: تسالني مستغربه على طيبتنا واحنه مستغربين على اخلاقها
ريسان: بابا شنو مقرر وياها
ضياء: تعيش ويه البنات ونحافظ عليها
ريسان: بابا مجتمعنا مايقبلها وحتى حرام تعيش ويه اجنبي
ضياء: اعرف
ريسان: يعني مفكر بطريقه
ضياء: لا بعدني
ريسان: ههههههه علينا مو حتى ملينا ادور شهور وايام ودقايق حتى تجي هسه دكلي بعدني اااخ ضياء منك
ضياء: امشي ولي اطلع
ريسان: ابني ضياء لاتخجل من ابوك ريسان رايدها اخطبها الك
ضياء: هههه ريسان اطلع ولاتشاقه هيج وياي
ريسان: لاتخجل لاتخجل اني ابنك والمثل يكول اخطب لابوك ولاتخطب لابنك
ضياء: 😡 اطلع
ريسان: ضياء عيب سوالف المراهقات اعوفك حتى تفكر وتسرح بلخيال بعرسك
ضياء: ريسان 😠
طلع واني اضحك على كلامه
صعدت فوك يم البنات
روحي تفرفح عليها
افتر بلبيت واحس منور بيتنا وبالي يمها
اتمنى اصعد اشوفها شلونها وشسوي
افتر بلبيت
ريسان كاعد بلصاله
ضياء: ليش كاعد هنا مو بغرفتك
ريسان: البنيه عدنا ومااريدها تستحي تاخذ راحتها فوك
ضياء: ها
ريسان: بابا كتابي فوك اصعد جيبلياه
ضياء: ولك شنو هذا طلبك😠 ابوك يصعدلك
ريسان: هاي شبيك ياحجي صار ساعه تفتر اريد اصعدك واريحك عندك حجة كتاب ريسان فوك
اخذت كوب كهوتي اريد اشمرها عليه
شافني ضحك وشرد مني
ضياء: اريد احركك حتى تتعلم تحترم ابوك
ريسان: ههههههههههه علينا
شرد صعد اخذ كتابه ونزل
ريسان: ضياء خطبوله مره يله حيو حيو كل السحر بعيونها خايفين لا يحسدونها صلو على محمد حيووووو
شمرت الريمونت عليه
يضحك دا يدخل للمكتب
ونزلت روز
بقى واكف ريسان
ضياء: شخبار ضي
روز: خجوله وتستحي خطيه
ضياء: صيحيها اريد احجي وياها
نزلت رهف ويه ضي
رهف: نزلنا
ضياء: هلا بيكم
رهف: بابا نريد نطلع للسوك
ضياء: شكو
ريسان: اي ليش لا يابه رهف وين كاعده
رهف: انت بابا
ريسان: منا ورايح اني ضياء وابوي ريسان نقلبت الادوار من اليوم
يبسمرني
باوعتله وضحكت عليه
ضياء: جاهل واكتشفت ناقص عقل
ريسان: ههههه حجي من اليوم اني صرت مراهق
ضياء: خليك خليك اعرف شلون اسكتك
رهف: بابا يله نطلع بسيارتي
ريسان: شكو بيها احنه عائلة تركيه
ضحكت ضي على ريسان
ريسان: ضي منوره البيت اني ماسلمت عليج لان البنات مخابيل ماشايفات بلسلام اكلنج اكل وهذا بيتج وحالج حال رهف و روز اختنا وان شاء الله ازوجج على ايدي واوصلج لبيت زوجج بأيدي
ضي: اشكرك خويه
رهف: ريسان اسكت خلي اكمل كلامي ويه بابا
روز: عيب بنيه يمنا لاتخليها دكول عليك مخبل
ريسان: ايباه وانتي العاقله
ضياء: ريسان بنات شسالفه شبيكم 😠 ورهف وين طالعين
رهف: نفتر بلمول ونسوك كم حاجه النا
فهمت يطلعون يسوكون لضي
ضياء: ريسان اخذ البنات وطلعهم
ريسان: مااطلع وياهن ماالي خلكهن
ضياء: ريسان اطلع وياهن
ريسان: اطلع انت
ضياء: ولك منو الاب اني لو انت
ريسان: حجي شسالفه بسرعه تنسى مو كلنالك اليوم اني الاب
ضياء: بدلوا بنات ياخذكم ريسان
ريسان: ح اطلع لخاطر ضي
انتظرت من يطلعون
نزلت ضي مامبدله
ضياء: ها ضي
ضي: مااكدر اطلع ومااريد اطلع
ريسان: بعد شكو نطلع
رهف: ولك احنه مو بعينك
روز: احنه نطلع وضي غير مره تطلع ويانه خليها ترتاح هذه الايام
ضياء: ضي اريد اسويلي شاي معدل من ايدج واريد اسولف وياج
ضي: ان شاء الله
روز: تعاي أدليج
رهف: بابا لاتشغلها خطيه لانستغلها
ضياء: اريد اسالج شكو طالعات وهي مو وياكم
رهف: ماعدها ملابس وماعدها شي خطيه نطلع نشتريلها ونجي
ضياء: ها ماشي
روز و رهف طلعوا
ريسان: ابني ضياء تره شيطان شاطر اصبر
ضياء : ولك ليش تخليني اضربك
ريسان: الله وياك
ضياء: ريسان لحظه
ريسان: شنو
ضياء: لاتتوقع استغل ظروف ضي وعايفك وحدك تضحك وتشاقه لاعبالك الي بالك موجود
ريسان: بابا اعرف ضي مو مثل بقية البنات واعرف هذه تختلف
ضياء: ديربالك على اخواتك
ريسان: ماشي وديربالك على أمي
ضياء: سرسري
كاعد بلصاله
خيال ضي ظهر
ضياء: ضي هاي شنو
ضي: عبالك اعوفك
ضياء: لكيتج ليش بعدني اتخيلج
ضي: ضياء قربني منك
ضياء: بعيوني اخليج
ضي: محتاجه حضنك
سمعت صوت اباوع اختفى خيال ضي
كمت رحت للمطبخ
ضي واكفه ع الطباخ
ضياء: ضي
ضي: ها عمو
ضياء: كلامنا اهواي من وين تحبين تبدين
ضي: شلون يعني
ضياء: بكيفج
ضي: وين الاستكاين روز دلتني بس على الشاي والقوري
ضياء: بهذه الخانه
فتحت الخانه اراقبها
طلعت الاستكاين
شفت ايدها لابسه كفوف
ضياء: بعز الحر وبلبيت لابسه كفوف ليش ضي
ضي: احسن
ضياء: بشنو احسن من عدنا لابسه
ضي: لا
ضياء: ضي مانأذيج لا اني ولا ريسان
ضي: اعرف ماخايفه منك
ضياء: لعد من شنو
ضي: ايدي متشوهه ومااريد أزعج احد بمنظرها
كمت على حيلي ولزمت ايدها
اول مره اوكف كدامها ونظراتي الها اعجاب وحب بجنون
نزعتها الكف الاول
ضي: لا مااريد
ضياء: اششش
ونزعتها الثاني وهي تباوعلي
نسيت نفسي وياها شفت ايدها احس هي الجنه
مااهتميت لشكلها عسل على كلبي
ضي: اني مااحب اشوفهن
نصيت صوتي الها بهدوء
ضياء: اني احب اشوفهن
سحبت ايدها ودارت وجها للطباخ
حسيتها خجلت
رجعت كعدت بمكاني
ضياء: ضي
ضي: عمو اني وجودي بهلبيت صعب اعيش وياكم
ضياء: اعرف واني ح احل هذه المشكله
فاجأتني ماتريد تعيش ويانه
يمكن فهمتني غلط من غازلتها
نقهرت عليها لان اني غبي خوفتها من نفسي
لكن من اشوفها انسى نفسي بلكلام
خيال ضي قربني لضي الحقيقيه وتعلقت بيها
ظهر خيال ضي
(ضي: شمنتظر تقرب مني
ضياء: مسكينه تعبانه لا
ضي: منتظره ماي شفايفك ارويني )
ضي: عمو شلون ح تحلها
ضياء: ضي مفكر ازوجج
ضي: مستحيل
ضياء: ليش مستحيل اريدج ترتاحين وتستقرين
ضي: منو يرضى بيه لا اهل لا ناس ومريضه وبلاخير تشوهت أيدي
ضياء: لاهيج تحكمين على نفسج واكو الي يتمنوج اهواي
ضي: مااريد
ضياء: ضي اخاف عليج ومااكدر
ضي: اريد ازور عمي وبيبي
ضياء: وعد ازورج بس بلاول لازم نستلم اوراقج الرسميه ونرفع دعوه على اهلج واشوف زوج خالتج شلون يتنازل عن القضيه
ضي: ياقضيه
صار كلام بينا وسولفتلها ماتركتها اني
وعمها حسن طردني
وسولفتلي كل حياتها
دموعها تجري انهارت بلدموع
كمت وكفت يمها
حضنتها بهذه اللحظه
ضي راسها على صدري ذوبتني
ضياء: اااااخ ضي
نسيت نفسي
ضياء مسحت دموعها وعيوني بعيونها
بقينا صافنين دقيقه تقريبا
قربت نفسي الها
للحكايا بقايا
