#قصص_كهرمانه
#القاضي_والمطلقه_جزء٢
البارت ٢
.......................
ريسان: شنو قصدك
ضياء: سامر بي ريحة ضي امه
ريسان: غير امه
ضياء: ريسان ريحة ضي موجوده باخوك ثالث مره اشتم ريحتها
ريسان : من حبك الها
ضياء: لا مو هيج وين كنت ريسان
ريسان: سامر رجع يبجي واخذته فريته بلسياره ربع ساعه ورجعنا
ضياء: ماشي اليوم ليش رجعته من وكت
ريسان: مو اني مخابره روز عدها شغل ضروري ورجع بابا شنو هلتحقيق وين تريد توصل
ضياء: ريسان تعرف مكان ضي
ريسان: شنو مكان ضي 😲
................... يذكر يذكر يذكر
اصعب ليله عشناها اني واولادي
سامر بيومها للصبح يبجي على امه
رهف و روز ماغمضت عينهم ويبجون ويه اخوهم
بيتنا كأنه حالة وفاة
مختنك من البيت وماتحمل وجودي بلغرفه ضي ماكو
وين ضي وين راحت مااعرف
اعرف مكانها أمان بس مااعرف وين
عقلي توقف مايفكر
صوت سامر وصرخاته بأذاني
حسيت بلحظه كلبي راح يوكف
لزمت كلبي وتخربطت
لساني ثكل مااكدر اتنفس
شافني ريسان طفر عليه
صاح الحرس اخذني للمستشفى
بلطريق ماحس بلدنيا
اشوف طيف أمي فوك راسي ودموعها من دم وغركان جسمها بلدم ومخنوكه
اريد اوصلها مااكدر ومااكدر اساعدها
اشمرلها قطعه بيضه ومااكدر عاجز
أيدي تعبت لان القطعه ترجعلي
وبلكوه أسحب انفاسي واركض وتعبان مثل تعب الشخص يركض بسرعه ومايرتاح
والم غريب زارف كلبي ويدك وخوف رهبه اشوف دنيا جمره وفارغه لا هي صحراء ولا سما ولا بحر
متموجه وفارغه
واركض اريد اوصل لامي مااكدر بلكوه تقربت امسح دموعها الدم وكعدت من حلمي
اشوف اجهزه على صدري وايدي ومااعرف شنو الموضوع
لساني ثكيل
تعديت الجلطه بلدماغ
ريسان فوك راسي وخايف عليه
ضغطي ٢١ ومن هلشي خايفين
بقيت ساكت ومقهور على حالي وحال ابني وحال ضي
دمعت عيني
وصوت ابني بأذاني شلون اكدر اسكته بدون امه
امه تركتنا
للفجر كدرت احجي
طلبت نطلع من المستشفى
ريسان: بابا انت تعبان
ضياء: طلعني ريسان اخوك لا امه ولا ابوه يمه
ريسان: البنات يمه
خنكتني العبره
ضياء: هسه ضي ليلها مانايمته وتبجي على ابنها اعرفها تحبه اكثر من روحها شلون كدرت تعوفه
ريسان: من حبها اله والك عافتنا خطيه ماتريد تفضحنا
ضياء: ياريت مادخلتها حياتنا جانت تتوسل بيه تبتعد وماتقبل بعلاقتي وياها وجبرتها اعتقدت مرضها او مكانها فقرها مارادتني ليش ليش خليتها تحبني واحبها وابنا الضحيه اااخ ياضي اول مره احس نفسي ضايع وجبان ومربوط
احجي ومخنوك وريسان كام يبجي على ابوه
طلع من الغرفه وعافني
التفتت اباوع على الشباك
شروق الشمس
ردت ادعي وسكتت
شنو أدعي ترجع ضي واني ماارحمها
لو ادعي اسجنها
لو ادعي اسامحها او تبقى هربانه مني افضل للكل
نطقت بصوت
ضياء: ماأدعي غير فقط تصبر أبني سلمته الك ربي ترحم بحاله طفل ومايفهم
اذكرت بصغري امي شلون تحبنا وتخاف علينا
تذكرت شيلاء شلون تحب اولادها وتخاف عليهم
اذكرت ضي تبجي ويه ابنها وحتى من يضحك تبجي من فرحتها بأبنها
ليش ربي ليش هيج تمتحني ارحمني
اختار زوجتي لو ضميري
الصبح جبرتهم اطلع
وصلت للبيت ولكيت البنات منتظرينه
دخلت غرفتنا سامر نايم
ويشهك بنومته من كثر البواجي
اباوع غراض ضي موجوده
ماماخذه ولاقطعه من غراضها حتى ذهبها تاركته
تمددت بفراشي واباوع على ابني
افكر بضي
استرجع ذاكرتي
تخاف من السجين ومرات تصفن ودموعها تنزل من تباوع على السجينه
تذكرت تبجي بكبر عمها وتبجي وتعتذر
تذكرت تخاف تظلم امها وماتقبل تاخذ ورثها من ابوها
من اسألها تتهرب مني ماتقبل تشرحلي يوم الحادث
توقعت نفسيتها تعبانه لان خسرت اغلى احبابها بسبب هذا الحادث
ضي شلون تحملت كل هلهم وعمها تحمل القضيه وتوفى ماتحمل الظلم
شلون كدرت تقتل ابوها ومرتين مارحمت بحاله
نفس اسلوب أمي
بلا رحمه من يقتلن ضي بنهيار عصبي وامي ايضا
شلون سكتت ضي ومااعترفت
ضي وين ممكن تكون
كمت واسجل بلورقه شخص شخص من عائلتها
حتى حامد سجلته من ضمن القائمه
حبيبت عمها سامر
نوح واهله
منال وعماتها واقربائهم من بعيد
امها وعمها حسن
الظهر اتصلت على نجاح من ارقى الضباط
وشغله بأحتراف واخلاص
تعاملت وياه بسريه تامه وشرحتله القصه
لازم أشوف ضي وين
انعزلت عنهم كلهم ابني لاحول ولا قوه
اسمع واسكت والبنات وياه
رهف بقت ٦ايام يمنا
سناري عافها ريسان يم اهلها حتى ماتعرف القصه
٥ايام ردلي الخبر الاكيد نجاح ماكو من الي ذكرتهم
ضياء: اليوم أني أجيك للبيت
نجاح : اهلا بيك سيد ضياء
بليل اخذت السياره ورحت للبيت التقيت بي
نجاح: لو طالب مني اني أجيك
ضياء: لا لان مااريد اولادي يعرفون
نجاح: تدلل ابو ريسان
ضياء: نجاح كلهم اريدهم تحت المراقبه
نجاح : تدلل بس اذا انت دكول ذكيه وتعرف خطواتك وتفكيرك متأكد ماتروح للاماكن الي ذكرتها الي ودليل ماكو وهم مانترك الموضوع نستمر
ضياء: اريد بنتي رهف و ابني ريسان تحت المراقبه
نجاح : اولادك😲 شي غريب
ضياء: من حبهم الها يساعدوها اعرفهم
نجاح: ماشي ابو ريسان تدلل
ضياء: اريد اعرف اذا اكو رقم باسم ضي او ريسان غير الي عدهم وايضا اريد اعرف رقم مروه ادزلك اسمها كامل اي رقم بأسمها واريد تسجيلات مكالماتها
نجاح: ابو ريسان كل هذا تريد تسويه
ضياء: ورقم مروه القديم اريد تسجيل مكالماتها وايضا رقم حامد
نجاح: ماشي تدلل ابو ريسان بس يرادلنا وقت
ضياء: اتمنى تستعجل ببقضيه
نجاح: ممكن سؤال شخصي وفضولي
ضياء: تفضل
نجاح: اذا ام سامر لكيتها شنو مقرر
ضياء: اترخص لان اتأخرت
كمت منا وطلعت
بعدها رجعت ومااشوف نفسي اله بلبيت الصغير
وكفت بلباب ردت ادخل
ماكدرت
طلعت من البيت ورجعت لبيتنا
لكيت البنات ويلعبون سامر
شكله يقهر مبين فاقد امه
دايخ ضي شلون متحمله بدون ابنها
معقوله كل هلحب الي ولابنها
تضحي تعوفنا لاجل سمعتنا
بدينا نشتغل اني ونجاح
قليل الكلام والتواجد بيتنا
ريسان: بابا ٢بليل شوكت تنام
ضياء: محتاج شي
ريسان: صار اكثر من شهر قليل الاكل والكعده ويانا هذا الطفل لا الابو و لا الام يمه هم خطيه
ضياء: ماتاركه
ريسان: بابا شمقرر ويه ضي اذا لكيتها
ضياء: تسلم للعداله
ريسان: ليش لعد ادور عليها وهي عافتك لاجل ماتفضحك وهم مسجونه هسه خطيه لاابنها ولا زوجها
ضياء: هي اختارت هلشي
ريسان: لاتمثل كدامنا مامهتم على اختفاء ضي
ضياء: اطلع اريد اكمل شغلي
ريسان: بابا اتركها
ضياء: اريد الكاها واقرر مااعرف افكر اله الكاها
ريسان: بابا تذكر من سناري تهمت ضي
ضياء: اي
ريسان: بوقتها هناء تهمتها وقرت براس مرتي
ضياء: اي
ريسان: فعلا اكو شخص بس اصغر من ضي وشفتها تحجي وياه وصغيره شكله مبين مراهق بلمرحله الرابعه شفته
ضياء: يعني شنو
ريسان: مااعرف ضي تبجي وماافهم شي سألتها كالت اقاربي من بعيد وتركت الموضوع
ضياء : اخوها اكرم
ريسان: لا مو اخوها
ضياء: اسمه شنو
بهلاثناء اتصل نجاح
ضياء: ها نجاح
نجاح : مروه اخر مكالمه الها بلرقم القديم الصبح يعني ماالها مكالمات نستفاد منها
ضياء: رقم بنتي رهف
نجاح: بصراحه من المستشفى ضي مخابرتها
ضياء: شوكت وشلون دزلي تسجيل مكالمتهم
ريسان: ها بابا
ضياء: ااخ ياضي والله ذكيه ناتوقعتها بهلدرجه صعبه
ريسان: ماتتصل علينا ولاتسأل علينا
ضياء: متصله على رهف
ريسان: مستحيل ليش مابلغتنا رهف😲
.................... رجع من الذاكره
ريسان: بابا شنو التقي بضي شلون هيج تفكر انت تعبان وادور عليها واني اعرف مكانها اسكت واعوفك تتعب واضحك عليك مو لهلدرجه اخلاقي ولو اعرف اكيد ارجعها واحميها منك وماالعب وياها حيه ودرج وضي نشكت عنها وربنا الوحيد يسامحا
ضياء: مستحيل اسامح ضي عل جريمة قتل
وللحكايا بقايا
