#قصص_كهرمانه
#القاضي_والمطلقه_جزء٢
البارت ٤ والاخير
..........................
ضياء: اريد زوجتي ام ابني
سامر: والحكم وظلمها ... تعرف ضي خطت خطوه اني مقرر اخطيها ومقرر اكتل ابوي على دموع امي يوميه اشوفها تبجي بليل جوه الغطه تعرف شنو مره نحرمت من الحياة وكرست حياتها لابنها ومظلومه ولحد الان مظلومه تمنيت بايدي اني اكتله واشرب من دمه بس للاسف ضي سبقتني ودمرت حياتها
ضياء: ضي دمرت حياتي قبل حياتها
سامر : راح اسولفلك عن ضي وانت احكم
................
سامر
رحت لضي وشفتها بلجامعه
سامر: ضي اكثر من مره طلبت رقمج وماتقبلين
ضي: مااكدر سامر
سامر: ليش لاعبالج اني اجيت واريد فلوس منج او طمعان بزوجج قاضي
ضي: انت شتحجي يافلوس ياطمع انت ابن ماما رغده الي ربتني احلى تربيه معقوله انت ماتطلع مثلها واحسن بس مااكدر لان زوجي يراقب موبايلاتنا ومااريد يعرف انت اخوي
سامر: ليش ماتريدين
ضي: سامر اذا اطلب طلب تساعدني
سامر: شنو
ضي: اريد رقم وموبايل اخابركم بي
سامر: ماشي بس ليش
ضي: افضل سامر كمت استحي من افعال ابوي كدام زوجي يوميه سالفه تطلع كدامه شكله عنك
سامر: احقر بشر ابوي
ضي: الله يرحمه
سامر: الله يحركه ان شاء الله
ضي: لا سامر حرام لاهيج تحجي الله يغفرله ويغفرلنا
بعد ايام اخذت الرقم والموبايل رحت لضي
بعد ٣ ايام اتصلت عليه ضي
مكالمه غريبه
ضي: سامر اذا اريد اخلي امانه يمكم تكدر
سامر: شنو
قصتلي قصتك انت و مروه وتخاف عليك
نقهرت عليها وشفتها مظلومه وتستحق اساعدها
اتفقت وياي من وره المزرعه اوكفلها
ووكفت سياره اني وخالي وزلمه
واخذنا مروه يم امي
غرفه اكل وشرب
وكل فتره دز مصرف ضي
واحنه ماقصرنا ويه مروه
ونعالجها وحالتها تسوء
يوم زينه يوم لا
بلاخير ضي قررت تساعدها وتبدل كليتها
وجماعة خوالي رتبوا الوضع وسافرت لسوريا
وبعد مانعرف شي عن مروه
الاتصل فقط ويه ضي ماتركتها ضي
بعدها فتره طويله
رقم دك عليه باوعت ضي
وضي كل اشهر تتصل علينا مو دائما
تخاف منك
وبيوم اتصلت عليه
سامر: شبيج ضي احس اكو شي من صوتج وسلامج
ضي: اريد اترك زوجي وابني
سامر: شنو ليش
ضي: سامر تعال اخذني من بيتي ح انطيك العنوان ومن تجي اسولفلك السبب
سامر: تجين زعلانه ايام
ضي: من اجي افهمك بس تكدرون تستقبلوني
سامر: اكيد بعيونا نخليج بس ضي لا تركين ابنج لاتصيرين مثل ابوي
كامت تبجي
ضي: محد وصلني لهذا الحال غير ابونا
سدته وثاني يوم الصبح دزتلي عنوان ودلتني
والعصر اتصلت ورحت الها
وكفت بغير فرع واجت تمشي وتعبانه وصلت يمي واغمى عليها
شلتها وخليتها بلسياره
خابرت امي ورحت للمستشفى
وبقت هناك بيومها انهيار عصبي
تصحى تصيح وتبجي يرجعون يخدروها وتنام
وينطوها مهدئات
واني وامي وزوجة خالي تبهذلنا وياها
وامي تبجي عليها
عرفت امي تعرف شي عن ضي وتبجي على ضي
ماتقبل تسولفلي شنو الموضوع
وماتقبل اخابركم وابلغكم اكثر من مره ردت اتصل عليكم وامي تمنعني وتتعارك وياي
بعدين شفت ريسان بلمستشفى
عرفت انت متخربط
دخلت للغرفه بلغت ضي انت متخربط
وتبجي عليك وتون مااعرف شبيها اختي
لدرجة اني والممرضه وامي نبجي وياها
ومانعرف قصتها شنو
طلبت رقم واتصلت على بنتك
اطمأنت على سامر
وبقت الى ان طلعت انت وطلعت اخذناها للبيت
دمعتها مانشفت ماتاكل وبلغرفه كاعده وبفراشها
ماتقبل تتحرك
والقرأن بايدها تقره ودموعها تجري
وتبجي على ابنها واحنه وياها
اليل تلزمه تبجي من ٩ للصبح وتصرخ شهرين على هلحال
ماتقبل تنساكم وماتقبل تعيش حياتها
كل همها ابنها
اخذها تشوفه من بعيد من اطلعوه انتوا
تلطم وتشبع بواجي وترجع للبيت
كامت تتخربط ويغمى عليها
ودكاتره وعلاجات واعصابها تلفت
جانت تبجي الصغير والجبير على ابنها واشتياقها
اني ماجنت موجود
لمت غراضها وطلعت كالت لامي ضياء عرف مكاني
وها جانت تطلع وحدها مانعرف وين تروح
ساعه ساعتين وترجع
بس ترجع مرتاحه وفرحانه
...............
