القاضي والمطلقة

البارت الرابع والعشرين

#قصص_كهرمانه

#القاضي_والمطلقه
ت
البارت ٢٤
......................
ضياء

سمعنا صوت روز
فتحت عيونها وابتعدت عني
اني ذايب بحركاتها
جرت نفس وابتعدت
غيرت اسلوبها وياي
ضي: عمو اريد ارجع للبيت
دخلت روز
اني ذايب ماتحمل وبالي وعقلي ويه ضي
روز: هلاو بابا فرحانه شفت الجامعه تخبل
ضي: كملتي تقديم
روز: لا بعد استماره بس فرحانه لان شفت جامعه ويه رهف ولج تجنن ان شاء الله اني وياج سوه بلجامعه
ضي: انتي كافي
يسولفن وبالي مو وياهن
عقلي توقف على اشتياق ضي
اباوع على ايدها على جسمها
روز: بابا شوكت رجعت
ضياء: ضي حظري نفسج هسه نطلع
روز: وين
ضياء: تخص اهلها ساعه زمان ونرجع
ضي: شكو
ضياء: انتظرج بره
طلعت وماتحمل بعد اريد اخذها للبيت
بلكراج التقيت ب رهف
رهف: هلو بابا شفت بنتك فضحتنا عبالك زعطوطه تفتر بلجامعه
ضياء: عوفيها براحتها فرحانه
رهف: تمشي بسرعه وتعبت بسرعه وكعدتها واجاها خفقان وخفت عليها
ضياء: شلون ماخابرتيني
رهف: ماقبلت
ضياء: هسه ادخل اشوفها
رهف: لا بابا حلفتني ماابلغك وخطيه عوفها اليوم مانحسسها بمرضها وتعبها
ضياء: خليها ترتاح هسه والعصر احجي وياها
رهف: وين طالع بابا
ضياء: بشغله
طلعت ضي
رهف: ويه ضي طالع
ضياء: مانتأخر ويله ضي
ضي: اي
دخلت رهف للبيت
ضي: وين رايحين شبيهم اهلي
كام حامد على حيله
ضياء: خليك وانطيني سويج السياره
اخذتها
ضي: انت تسوق 
ساكت مااجاوبها وصعدنا للسياره
ضي: شبيك عمو
ضياء: هههههههه حولنا على عمو
ضي: شكلك عصبي واخاف منك وانت ماتقبل بأسمك اصيح
ضياء: براحتج
ضي: وين رايحين لامي
ضياء: ماتريدين حضن دافي
ضي: لا امي ابد موحضن دافي
ضياء: هههههه اني وين احجي وانتي وين ... دائما بسوالفج شامرتنا لغير موضوع
ضي: اسفه
ضياء: لاتتأسفين ورايحين للبيت
ضي: والله لعد ماكلت مالميت غراضي رجعني الم غراضي
ضياء: ساعتين ونرجع ماتبقين بلبيت
ضي: ليش انظفه
ضياء: على سوالفج اذا اسوي حادث محد يلومني
ضي: هههه لا صمله بس ليش
ضياء: كلتلج حضن دافي ونبقى ساعتين ونرجع شنو معناها
ضي: معناها
ضياء : اي معناها
ضي: اي شنو
ضياء: ههههههههههههه معناها اريدج زوجتي محتاجج هسه فهمتي
ضي: قصدك ءءء
ضياء: ههههههههههه
ضي: بس اتفقنا مانطورها وانت كلتلي اني مثل عمج ومايتغير شي لويش هسه تريد تغير
كلامها سجاجين بكلبي
لوما فطارتها اكول هذه تضحك عليه
لفيت ورجعتها للبيت
ضي: ضياء
ضياء: اشششش اسكتي وانزلي بسرعه
ضي: ليش رجعتني
ضياء: ضي انزلي بسرعه بلا كلام
عصبي واصيح عليها
خافت مني ونزلت
ضياء: اذا سالوج البنات كليلهم أجاه شغل ورجعني
ضي: اي
نزلت ومشيت بلسياره
مااعرف وين اروح بس مخنوك تعبتني ضي
ومشتاقلها ضي
احبها صح وبنفس الوقت مشتهيها ومانعتني شسوي
ماتحمل بعد ورحت للمزرعه
بلطريق اتصلت على حارث
ضياء: حارث اريد مروه هسه منتظرك
حارث: شمعنى مروه غريب طلبك وصارلك فتره ماتطلب بنيه
ضياء: عجبتني واريدها بهذا الوقت
حارث: ماشي تدلل ساعتين ويمك
ضياء: انتظرك لا تأخرها
حارث: تزوجها
ضياء: اكيد
حارث: ماتقبل مروه زواج تضوج
ضياء: مو مشكلتي شوف شلون تقنعها
حارث: خويه شجاك اله هسه
ضياء: انتظرك الله وياك
غلقته ووصلت للمزرعه نزلت
ابو اسعد: ها عمي
ضياء: خابر سيد يجيني
ابو اسعد: ماشي عمي
نزلت انتبهت اني شسوي شنو زواج شنو مروه شنو فراش
ااااخ ضي بعد مااعرف دربي
طلعت صحت ابو اسعد
ضياء: ابو اسعد لاتخابره
ابو اسعد: ماشي عمي
كرهت نفسي وحياتي كرهت الزواج
كل انسانه احبها اتعذب وياها ليش
شنو ناقصني
شنو ذنبي اتعذب ويه الي احبها
..................(يذكر يذكر يذكر)
اطلع من جامعتي واشوف بنيه حلوه
تنتظر سياره تاخذها
جمالها لفت نظري بياضها وحسنها
اكثر من مره اشوفها
صرت مدمن على شوفتها
انتظرها حتى اشوفها شنو لابسه
انيقه وجميله بشكل
وصدفه شفتها
سياره مااجت بقيت انتظر مااجتي السياره
دموعها نزلت وتباوع على الناس ورجعت
صار عندي فضول اعرف وين تروح ووين تمشي
فرعين ودخلت للبيت
بعدها اسبوع مااشوفها بنفس المكان
اختفت
كمت اروح للبيت الي دخلت بي
مره شفت نفس السياره الي تاخذها يم بابهم
بعدها بنص ساعه طلع الولد
ووياه شاب ورجال ويتسالمون ويضحكون
عرفته هوه اقاربهم
فجأه طلعت هيه وانطته علاكه كدام اهلها
أشرتله بعيونها
شفته مااهتملها
اخذها وطلع لسيارته
ضحكت عليهم لان مبين حب بينهم
بس البنيه عجبتني
بقيت اراقب بيتهم
ناس محترمين
كمت اسأل عليهم مااعرف صار فضول وبعدها اعجاب بعدها تعلقت بيها
ماتركتها حبيتها
شفتها مره طالعه ويه مره جبيره
مدنكه ومقهوره
مشيت وراهم تيهت المره وعافتها
ركضت صعدت بلفورتات
راقبتها راحت لمحل شفتها تحجي ويه نفس الولد
يتعاركون وهوه تخبل عليها
صعدها بعصبيه بسيارته
ماتحملت الموقف حشرت نفسي ودخلت
ماقبلت عليه يضربها
ضياء: عيب عليك تضرب مره هذه مو رجوله
؟: انت منو
ضياء: معليك اني منو وعيب تضرب مره حتى اذا زوجتك او اختك تقلل من رجولتك
؟: مشتهي تنضرب
ضياء: محد مشتهي الضرب غيرك
براسي ضربته براسه تعاركتنا تلازمنا
صاح جماعته لزموني وضربوني
جبناء ٥ بواحد ماكدرت
اخذ السياره وطلع وهي ساكته
بوقتها تاذيت ولسان امي وظفر ماسلمت منهم
قلقت عليها
اسبوع ورحت لبيتهم ماكو البنيه
صدفه وشفت صديقي يطلع من بيت اقاربه
ركضت سلمت عليه
لان جامعتنا قريب على بيتهم
طلبت منا اسأل عن هذا البيت وعن البنيه
صديقي بلاول ماقبل بس بلغته اريد اخطبها
اخذني لبيت اقاربه
سألت عنها عرفت اسمها شيلاء
اسمها عجبني
الي عرفته محجوزه لابن عمها وماينطوها الي
الي عرفته ابن عمها نفسه الي تعاركت وياه
نقهرت ورجعت لبيتنا
قررت مااراقبها وماالي دخل بيها
لااوصل لبيتهم ولا اروح
فتره وشفتها واكفه بلشارع
فرحت بشوفتها
صارت نظره بينا باوعتلي استغربت
بقت واكفه تنتظر
ضياء: محتاجه شي اختي
شيلاء: لا مامحتاجه شي
تقدمت وعافتني
التفتت عليه
شيلاء: ياولد
ضياء:ها
شيلاء: انت مو نفسك الولد الي تعاركت لاجلي ونضربت
ضياء: لا متوهمه
عفتها ومشيت
ماتقربتلها بعد واشوفها من بعيد توكف توكف وترجع
بعدها بفتره اشهر لااشوفها ولا تشوفني
تركتها
بعدها اجه صديقي الي التقيت بي بفرع بيت شيلاء
اسمه صدام
صدام: ضياء بعدك تريد هذه البنيه
ضياء: يابنيه
صدام: الي سالت عليها ذاك اليوم
ضياء: مخطوبه لابن عمها شلون اريدها
صدام: خربت القسمه وازوج الولد
ضياء: خطيه ليش ازوج
صدام: هذه قسمتها بعد
تذكرت روحاتها وجياتها وياه
سألت عليها اكثر
الكل يمدح بيها وباخلاقها
وباخلاق اهلها
عرفت هذه البنيه ألي أمن تكون زوجتي
اعرف تحبه وتطلع وياه وتلتقي بي
ماهمني
لان تحب وكلنا بشر ونحب ونخطأ
هي ماخطأت هي ذنبها حبته ووثقت بي
وخان هوه الثقه وتركها
رغم ابن عمها
جنت اشوف دموعها واشوف تترجاه
مااعرف شنو وليش
بس الي اعرفه مكسوره وضعيفه وتركها بضعفها
شدتني هذه البنيه
عقلي وياها مااكدر بعد اتخلى عنها
حسيت اني الي اسعدها وانسيها
فتحت الموضوع لامي
ولاخوي
بوقتها مشاكلنا بعدها ويه ابوي والورث
أمي: وين تكعدها البنيه
ضياء: بهذا بيتنا
امي: بعدك مامكمل دراسه ضياء
ضياء: اعرف اريدها يمه احبها والله تسهل بس وافقي
أمي: اروح اشوفها تستاهل لا
ضياء: يمه المهم اخلاقها
امي: يعني مو حلوه اني ولدي اخذلهم حلوات انتوا حلوين وتعبانه عليكم وكبرتكم اريدلكم نسوان تريحكم
ضياء: صدكيني تريحني وتسعدني بس شوفتها تكفيني
امي: ماشي يمه
ظفر: ولك شبيك تفرفح فضحتنا
ضياء: معليك انت
ظفر: هههههههههه رحنا بيها يمه ويه ضياء
امي: واثقه من ضياء مايتخلى عن امه واخوه ومحد يغيره علينا
ضياء: يمه معليج بسوالف ظفر
اخذت امي ودخلت وياها
امي: ضياء روح
ضياء: ادخل وياج
امي: يا تضحك العالم علينا
ضياء: يمه ادخل وياج لاتعاندين
خليتها امام امر الواقع ودخلت وياها
كعدت يم ابوها
امي كعدت يم امها واخواتها ونسوان اخوها
مااستحيت من شي
وجريء بكلامي ومتكلم
ضياء: اني وامي اجينا نتقدم لبنت حضرتك
عمي: يابنيه منهم
ضياء: شيلاء
عمي: وين شايفها
ضياء: بصراحه مره اجيت ويه صديقي بيت فلان وشفتها عجبتني سألت عليها وعرفت اسمها
عمي: شنو تشتغل
ضياء: اني ادرس قانون
عمي: اي
ضياء: اذا احجيلك قصتنا يمكن ترفضني بس هذه قسمه ومااحب اجذب اني ابوي تاركنا من صغرنا مشاكل عائليه ولحد الان مشاكل ورث بينا وامي تعبت علينا اشتغلت اشكال خبازه تخيط عبي واحنه وياها نشتغل حماميل ونبيع بلبسطيات واخوي حتى بفرن صمون يشتغل الى ان هسه صار عدنا بيت ودكان من بيتنا اني واخوي وندرس وامي بعدها تشتغل خياطه وتخيط عبي وتساعدنا بلمحل نبيع روبه وابو جيس هي بايدها تسوي النا والحمد لله وشكر الله رازقنا وعايشين
عمي: والله ياعمي انت معدل واسلوبك وتحجي بثقه وماتستحي من حياتك اني اتشرف بيك عجبتني شخصيتك وقوتك
ضياء: اشكرك عمي واني اتشرف بيكم واتمنى القسمه تصير
عمي: ان شاء الله خير
وبقينا نحجي ونسولف عن القانون ودراستي ويسمع مني الى ان طلعنا اني وامي
امي: ها يلمصخم فشلتنا ودخلت وياي
ضياء: ابنج لوما داخل ماينطونا مره
امي: شلون
ضياء: طكيتها كلها بوجها وحجيتله على حياتنا وماحجيت لازايده ولا ناقصه كلت يعرفون من عدنا احسن
امي: واني مامقرره اجذب
ضياء: اعرف يمه بس اني حجيت افضل
امي: كتلهم شنو
ضياء: كتلهم هذه الايد الحلوه ربتنا وكبرتنا وصرفت علينا وخلتنا زلم نخاف الله
امي: يايمه بعد كلبي انت واخوك
بستها من راسها واحنه نمشي
ورجعنا للبيت وامي نعجبت بلبنيه شافت شيلاء حلوه
بعد يومين بلجامعه وشفت شيلاء واكفه بلطرق
ضجت هذه مو تركته ليش واكفه هنا
تقصدت امشي كدامها حتى تشوفني
شافتني وصاحتني
شيلاء: ضياء
شفتها تقدمت عليها
ضياء: شلون تعرفين اسمي
شيلاء: شفتك من اجيت ويه امك تخطبني وعرفت اسمك
ضياء: ها زين شعندج هنا
شيلاء: اجيت حتى اشوفك
ضياء: ليش
شيلاء: انت جنت تراقبني وتعرف جان ابن عمي يريدني
ضياء: اي اعرف ومامهتم للامر واعرف اعجاب بينكم وماصار نصيب مو نهاية العالم من ماكو نصيب ومانجمعتوا
شيلاء: مامهتم شلون
ضياء: اذا حبيتي ابن عمج او غيره مااهتم ماصار نصيب مو معناها انتي موزينه سالت عن اهلج وعنج
شيلاء: اني جنت احبه صح وماتوفقنا وتركني وتزوج
ضياء: شيلاء الماضي مااريد اعرفه ومااسمعه الي عليه بلحاضر مااقبل بعد ينذكر اسمه مااقبل تفكرين بي مااقبل تحجين بي مااقبل يطخ لسانج وياه لا سلام ولا كلام لان ماارحم الي يخوني حتى كتفكير
شيلاء: ماشي
ضياء: تعاي اوصلج
شيلاء: لا مااريد
ضياء: ليش
شيلاء: يشوفك ابوي
ضياء: واذا شافني اكله شفتها وحجيت وياها لان من حقي وحقج نحجي
شيلاء: ماتخاف
ضياء: من شنو اخاف
تباوعلي مستغربه ومشت وياي
وصلتها لبيتهم 
شيلاء: الله وياك
ضياء: شنو الله وياي
دكيت الباب
شيلاء: شجاي تسوي
ضياء: اسكتي يجيج الصافي
طلع عمي من البيت
ضياء: شلونك عمي
عمي: شيلاء
ضياء: التقيت بشيلاء براس الفرع بلصدفه وهي بيت جيرانهم وحجيت وياها كم كلمه حتى تفهمني وافهمها واسف على تصرفي ياعمي بس من حقي وحقها
عمي: ادك الباب وبيتنا تحجي وياها
ضياء: والله عمي حقك واعرف اني خطأن واسف مايتكرر هذا الشي
عمي: اسامحك لان بلغتني بتصرفك 
ادخلي بابا شيلاء
باوعتله هذوله من جماعة بابا
بس حلوه شيلاء عجبتني
شوكت عمي يزوجني بنته ويحن عليه اريدها
فتره وقبلوا اهل شيلاء
صارت القسمه
امي المسكينه جهزتني واشترتلي غرفه وظفر صار بغرفة امي وانطاني غرفتنا اعرس بيها
وربك فرجها وكدرت احظر لزواجي
وجهاز العروسه
النيشان والذهب والنضد والفرشه
بوكتها ناسنا طيبه وطلبات المره سهله
ممنوع اطلع ويه شيلاء
اشوفها بس بيت اهلها وبوجود اهلها
قليل اكعد وياها وحدنا
احبها واموت عليها يوم بعد يوم احبها
قبل زواجنا بأيام شفت شيلاء واكفه براس الفرع
بقيت واكف
اجتي السياره
صار كلام وماصعدت شيلاء
شفته نزل و ابن عمها
بقت تتعارك وياه
بوقتها الدنيا صارت سوده بعيوني
مااشوف دربي
مااكدر امشي واواجها ولا اكدر اخطي خطوه وحده
محتار محتار شسوي
شفته هوه ناعم وياها وهي عصبيه عليه
وعافته ورجعت لبيتها
هوه صعد ومشى
مااعرف شنو اتصرف والعصر رحتلهم
ضياء: عمي من رخصتك اريد احجي ويه شيلاء وحدنا
عمي: مابقى شي لزواجكم يومين وبراحتك وياها
ضياء: على راسي بس اريدها بموضوع والباب مفتوحه
عمي: ماشي ابني
طلع عمي واجت شيلاء الي
ضياء: شلونج شيلاء
شيلاء: شلون خليت بابا يوافق اكعد وياك
ضياء: كدرت
شيلاء: انت الوحيد تقنع بابا بكلامك ورزانتك
ضياء: شيلاء راح يصير زواجنا بعد يومين
شيلاء: اي
ضياء: متاكده تكملين حياتج وياي
شيلاء: اكيد
ضياء: شيلاء الماضي طلع من حياتج
شيلاء: شنو هلسؤال الغريب
ضياء: جاوبيني
شيلاء: اكيد طلع من حياتي وماافكر بي ولاتعتقد اخونك بس ضياء اكو امور مااسولفها الك لان ماتستحق احجي بيها واطمأن كد الامانه اني ومحافظه على شرفك
ضياء: مراح اتعمق بلكلام وياج وخلاص اثق بيج بهلكلمتين واترخص اني لان وعدت عمي دقايق احجي وياج
شيلاء: ابقى شويه قليل اشوفك واحجي وياك
ضياء: هانت يومين وانتي يمي واشبع منج شوف ومااتركج ولا لحظه
خجلت شيلاء
شيلاء: اصيحلك بابا
كرصتها بخدها
ضياء: هههه حلوه من تخجلين
طلعت بسرعه خجلانه واضحك عليها
وبعدها صار زواجنا
تزوجنا وسعيد ويه شيلاء
امي مدللتها وهي تحب امي وتحترمها
مامقصر وياي شيلاء
رغم بنت دلال
واني ماالح عليها ولا حتى امي
براحتها تنام براحتها تكعد براحتها تروح لاهلها
اطلعها اونسها ولكن على كد حالي
اول سنه احلى حياة عشت ويه شيلاء
صار عدنا ريسان
اول فرحه
شيلاء تعلقت بي وحبته لريسان كل حياتها ريسان
تحبه اكثر مني
اغار منا ماتحمل اشوف حبها الي
اتعارك وياها وتضحك عليه
شكد فرحانه وياي بس شيلاء بعيونها حزن
بعدها باشهر نتغده بيت اهلها
دخل ابن عمها لبيتهم شافته وغصت كامت من الاكل
عافت حتى ريسان
ضجت من تصرفها ونجرحت
مااكدر اتحمل الموقف
صبرت كمنا من الاكل
واخذتها وطلعت بحجة شغل ومااكدر ابقى مستعجل
الطريق كله ساكت مااحجي وياها
فهمت وعرفت اني زعلان
كمت اسأل عنا
عرفت من تزوجنا بعدها باسبوع انفصل
وترك زوجته
كمت انتبه شيلاء من تروح لاهلها ترجع وعيونها حزينه
رجولتي ماتسمح احجي وياها
وماتسمح ابقى ساكت
مااعرف شلون اتصرف وياها
بنفس الوقت مشاكل الورث ويه ابوي زادت
بمره دخلت الغرفه لكيتها تبجي 
ماتحملت اسكت بعد
ضياء: تعاي شيلاء
شيلاء: خلي اروح لعمتي اخبز وياها
ضياء: ماتروحين تعاي اكعدي اريد احجي وياج
شيلاء: شكو
ضياء: انتي شكو
شيلاء: ماكو شي
ضياء: ليش تبجين
شيلاء: ريسان كام يبجي ومايسكت وتعرف مريض وبجيت عليه
ضياء: شيلاء شوكت تنسين الماضي كافي ارحميني لاتتوقعين ابقى ساكت
شيلاء: انت شتحجي شنو ماضي انت تخبلت اني عرفت ح يجي يوم وتعيرني وتشك بيه
ضياء: ولج شنو اشك بيج اني مااشك بس اشك اضربج واقضي عليج اني عرضي وشرفي اهم من كلشي بهلدنيا بس اعرف تذكرين الماضي وتنقهرين ليش شيلاء شفتيني مقصر بحقج
شيلاء: لا مامقصر
ضياء: فكري شيلاء بحياتح زين حرام تفكرين بغير زوجج يعتبر زنى واني رجال لا عبالج مو رجال واشوف وانجرح واسكت لان دااعاملج بما يرضى الله لو غيري يكتلج لو يطلكج ويعوفج بس اسامح وامشي الحياة لخاطر هذا الطفل
سوتها عركه وياي وطلعت من الغرفه عصبيه
طلعتني اني المذنب
كمت اشتغل بلتجاره ويه جماعتي
ارجع للبيت متاخر
كمت ماتحمل شيلاء واهمالها الي
كل حياتها ابنها اله اني
لاتفكر تسهر وياي لاتفكر تعتني بيه
من اسالها دكلي تعبانه شغل البيت وابنك
كل حقوقي مقصره
ماتحملت اهمالها شكيت لامي ولامها
ماكو فائده شيلاء هاملتني
ويوم بعد يوم تهملني اكثر
حقي الشرعي بلكوه اخذه منها
فرغت حياتي لدراستي وشغلي
لاجل اصبر وانسى
بعدها اجت رهف لدنيا وروز
مامقصره شيلاء ويه اطفالها
ولا ويه اهلي
تزوج ظفر وزوجته عذبتنا
مشاكلهم ماتخلص ويه امي وشيلاء
احمد الله واشكره شيلاء طيبه ويه امي مو مهم وياي
ولكن اني الي حق عليها
الله وسعها عليه برزقي
تحسنت ظروفي
ظفر ايضا تحسنت ظروفه
بعدها مريت بمشاكل بس الله يعلم
ويه امي
سر محد يعرفه بس اني وامي
الي خلاني اخسر امي
تمنيت شيلاء قريبه وتحس بيه
شيلاء احبها بجنون وماتحس بيه
كل حياتي هي واطفالي
الى ان بيوم تعاركنا تعبت من شيلاء
اتقربلها تتهرب بارده وياي
ضياء: شيلاء كلتيلي انت اهواي تتقربلي وماتقدر تتعبي كمت يابنت العالم كل يومين اتقرب مره وهم ماراضيه عليه وبعدين شيلاء ومن انام بارده وياي اريد اعرف ليش
شيلاء: ها تشك بيه
ضياء: ليش من احجي وياج تحوليها لغير سالفه ودكولين تشك بيه وبعدين شيلاء تاليها وياج
شيلاء: انت طلعت من كلبي من اليوم الي شكيت بيه
ضياء: اني اهواي صابر عليح كافي على شنو متعجبه بنفسج ولج تتعدلين وتصيرين مره معدله ويه رجلج لا تخليني اتصرف وياج تصرف مايعجبج انتي انسانه حاقده تضمين بكلبج على كلمه مانطقتها ومافكرت بيها
شيلاء: اني حاقده واضم وانت الي تراقبني مراقب اذا ارفضك ماانام وياك تضوج
ضياء: ولج اني رجال وانتي راحتي
شيلاء: كل همك الفراش
ضياء: شيلاء فد يوم رجعت وتلكيتيني بكلمه حلوه فد يوم لكيت محضرتلي الحمام مثل باقي الزلم فد يوم كعدتي الصبح سويتيلي ريوك بس الغده والعشا تصبي الي ورحمه الله والديج دااتعبج وها تغسلين ملابسي
شيلاء: ماتقدر تعبي
ضياء: لا اقدر تعبج ويه اطفالج والبيت واني
شيلاء: عرفت ح اتندم على زواجي منك
ضياء: شنو ولج تتندمين
شيلاء: ضياء فراشك مااحبه مااريدك افهم
حسيت نفسي اريد اخنكها
تمالكت نفسي وطلعت
اطلع لاجل ماامد ايدي عليها
بقيت اعاني وكمت اسكت حتى اني ماالي نفس بيها
بس من اشوف ضحكتها ويه اطفالها اشتاقلها
ماتحمل مااصبر احبها
اخاف عليها اي شي حلو اشوفه اشتري الها
استسلمت الها بقيت اني احبها
ارضيها بلشغلات الي تحبها ونقطة ضعفها اطفالها
وفرحها باطفالها
شيلاء اشوفها تعبانه اسالها ماتجاوب
كامت تتقربلي شوي شوي
افرح حسيت نجحت خليتها تحبني
بعد فتره عرفت ابن عمها مريض بلخبيث
عرفت شيلاء تبجي وتعبانه عليه
سكتت وماحجيت وعبرت
لان اعشقها واحبها بجنون وهي محافظه على شرفي
لكن مو بأيده تفكر بي
كامت ادللني ومعتنيه بيه
تغيرت تغير جذري شيلاء وياي
اني فرحان بيها
رغم حزين لان اعرف حزينه وتغطي على حزنها
اتقربلها وتستجوبني تجاملني
وبيوم تقربتلها واثناء العلاقه الحميمه نزلت دموعها
ضياء: شبيج شيلاء
شيلاء: محتاجتك انت اقرب انسان اريد احجي وياك
ضياء: شنو
شيلاء: اليوم مات
كامت تبجي
عرفت مات ابن عمها
ضياء: وتبجين عليه وانتي بحضني اكيد تخبلتي
ماتحملت اسكت كمت وسحبتها من شعرها
ركعتها بلحايط وطلعت من البيت
اول واخر مره اضرب وامد ايدي على حرمه

...............................(رجع من الذاكره)

ابو اسعد: عمي مروه بلباب
ضياء: رجعها مااريد
ابو اسعد : ماشي عمي
انتبهت على الوقت العصر
رجعت للبيت اتصلت على رهف
ضياء: بابا شخبار روز
رهف: طالعين
ضياء: وين
رهف: ريسان يعرف
ضياء: ماشي
فهمت رهف ماتكدر تحجي عرفت روز وضي يمها
اتصلت على ريسان
ضياء: ريسان وين البنات
ريسان: طلعن لدكتور روز تعبانه ومتوسله برهف ماتبلغك وتبلغني ورهف بلغتني واخذتها
ضياء: شبيها روز
ريسان: اطمأن زينه بس مراجعه وتطمان على نفسها وترجع
ضياء: انت وين
ريسان: طالع وهسه راجع للبيت
ضياء: ماشي
رجعت للبيت وقت الغروب
لكيت سيارة ريسان واصل قبلي
دخلت للبيت وشفت ريسان كاعد بلصاله
ريسان: هلا بلحجي
ضياء: هلو
عفته ودخلت للغرفه
اباوع اكو شي وره البرده ورجلين طالعه

****************
ضي

من نزلني زعلته نقهرت
دخلت للبيت استغربوا رجعت
كلتلهم عنده شغل غير مره ياخذني
بقيت كاعده وصافنه
روز فرحانه بلجامعه وتحجي وتكمز
بالي يم ضياء
ضي: روز عمو ابو ريسان شنو يحب اكلات
روز: يحب الدولمه البرياني الباميه
ضي: وبلعشا
رهف: اكلته المفضله بليل نحمس بتيته ولحم ورشاد
ضي: وكسنجبيل
رهف: اي صح
ضي: تقبلون اني اطبخ لان عمو اهواي تعب لخاطري واتمنى اسوي شي اله ومااعرف غير الطبخ
رهف: براحتج سوي الي يعجبج
روز: بس راح نطلع
ضي: مااطلع
رهف: ليش
ضي: مااريد
روز: مايصير تشتغلين نخاف على ايدج
ضي: مااتعب على كيفي حبابه
روز: ماشي بس هلمره
ضي: اي
طلع ريسان قبل البنات
ريسان: بنات لاتحسبون حسابي على عشا طالع ويه جماعتي بليل ارجع
رهف: احنه طالعين نسوك ماشي ريسان
ريسان: ماشي
طلع ريسان وبعدها البنات فرحت
طبخت بلمطبخ واحظر الاكل لضياء
اريد احسسه اني طبخت لخاطره حتى ارضي
بيبي الله يرحمها
دكلي اقرب مكان لقلب الرجال المعده اعلفي وهوه يصير عبد جوه رجليج
حشا ضياء بس جانت هيج تنصحني وتضحكني
وسويت العشا
دخلت للحمام سبحت ونسيت الاكل ع النار
تذكرت
لبست دشداتي بسرعه بسرعه ونزلت ليجوه
بلا حجاب وبس الدشداشه لابسه
بلمطبخ اني وشفت ريسان من الشباك
ركضت وتوازيت مااكدر بعد اصعد
دخلت لغرفة ضياء وتوازيت
الموبايل مو يمي حتى اخابر البنات ينقذوني
تفاجاة رجع ريسان يارب شرجعه هذا
ياربي ابقى هنا شلون شسوي
ردت ريسان يدخل غرفته كعد جوه بلصاله
يارب شسوي وشوي واسمع صوت ضياء
اروح وارجع اروح وارجع مااعرف وين اختل  
وين انطي وجهي ختلت وره البرده
عززززززززززززززززه

للحكايا بقايا