#قصص_كهرمانه
#القاضي_والمطلقه
البارت ١٧
.....................
ضياء
ضياء: شنو دعاره مستحيل ضي دعاره
ريسان: شنو شبيها ضي
غلقت الخط
ريسان: شبيها
ضياء: الي خايف منا صار ليش ضي وين وعدج الي ولعمج
طلع خيال ضي كدامي
طلعت ريسان من الغرفه وقفلت باب
ضياء: ليش ضي
ضي: فرحت بيك كمت تحس بيه وطلعت ماتحس
ضياء: كافي كافي تحس تحس تحس
ضي: لاضياء ابد لاتخوفني منك ماعندي غيرك بهلدنيا وانت هم تقسى عليه
ضياء: مو قصدي اخوفج بس ليش انتي بهلمكان معقوله
ضي: انت تشوفني مو كد الوعد
ضياء: مااعرف
تقربت مني اول مره ضي تلزم أيدي
ضي: صدكني قريبه عليك
ضياء: كافي ارحميني ضي ماتحمل اروح واشوفج
ضي: ماكو فايده ماتحس
اختفت من خيالي
طلعت من الغرفه ودايخ حتى بعد مااعرف امشي
ريسان: اروح وياك
ضياء: لا خليك
ريسان: اروح
ضياء: لا
طلعت واخذني حامد بسيارتي
بلطريق اتخيل شكل ضي
معقوله رخصت نفسها الزمن جبرها
اسامحها شلون اتصرف هسه وياها
بلطريق واذكرت
............................ (يذكر يذكر يذكر)
٤اشهر مااكدر اوصل لضي
قررت باسل من يخابر يبلغهم يجي يشوفها
وتفقت ويه باسل
اتصل باسل على حسن
باسل:الو
حسن: لا هلا مانشوف بس المصايب منكم حياتي نهجمت اطفالي تبهذلوا
باسل: شكو
حسن: لاتتصل وامشي ولي وضي لا يمنا ولانعرف شي عنها
باسل: فهمني شنو السالفه
حسن غلق الخط بوجه باسل
باسل: سد الخط بوجهي
ضياء: شكو
باسل: ماافهم غلط ويكول ضي مو يمي ولا هلا ونهجم بيتي هذه ضي شسوتلهم
ضياء: ضي وين
باسل: مااعرف
ضياء: شنو من تفكير تفكيركم لحمكم ماتعرفون بي وين وماتهتمون لامرهم
كمت من مكاني عصبي
طلعت بره
حامد ركض وراي
ضياء: حامد تعرف مكان اهل ضي
حامد: اندل لحد الجامع قريب على بيتهم
ضياء: انطيني موبايلك
صعدت سيارتي اتصلت على رقم حسن
دك دك مايرد
ثالث مره رد عليه
ضياء؛ الو ابو اكرم
حسن: منو
ضياء: تحجي وياي بعقل وبلا عصبيه لا اسحلك لبغداد وتتعفن بلسجون اسألك تجاوبني مثل البشر
حسن: انت منو
ضياء: اني القاضي ضياء واريد اعرف ضي وين
حسن: انت شنو شتريد منها لازك بيها
ضياء: جاوب وين ضي
حسن: شردت مانعرف وين
ضياء: شردت شلون وليش
حسن: مانعرف
ضياء: بلغتوا الشرطه
حسن: لا
ضياء: من شوكت شردت
حسن: صارلها ٣ايام
ضياء: اني بلطريق للحله
سديته وتخبلت وين راحت ضي
وصلنا للحله اتصلت بحسن وصف بيتهم
كدرنا نوصل للبيت
ضيفوني بيتهم
اني غضبان عليهم بلذات ام ضي ماتحملها
ضياء: ليش هربت ضي
حسن: ضي ماكدرت تتأقلم ويه اخواتها وصارت غيره بينهن وضي كامت تروح لخالتها شوي شوي تعلمت عليها طلبت مني تعيش ويه خالتها قنعتني
ضياء: شلون قنعتك امها وين بلموضوع
حسن: خالتها ماعدها اطفال وفرحت بوجود ضي وتعلقت بيها وضي كذالك
ضياء: زين حلو واخيرا ضي لكت الي يرحمها لعد ليش هربت
حسن: بدت ترغب لزوج خالتها وتتقربله وشافتها خالتها لزمتها لزمت ايد تتحارش بي هي ضربت زوج خالتها بلسجين بكف ايده دخلتها كلها وشردت منهم
ضياء: خالتها شافت ضي تتحارش ليش ماضربت خالتها ليش تضرب زوج خالتها وهي تحبه كلامك مايدخل العقل
حسن: حسب كلامهم هوه بلغ زوجته وكلها هسه شفتي شلون تتحارش بيه وضي شافت نفسها نحصرت وخافت فضربته وشردت ماندري بيها وين
ضياء: هذا الكلام بلتحقيق كله تسولفه
حسن: ياتحقيق احنه مانريد نفتح قضيه
ام ضي: تالي عمرنا ننفضح بلمراكز
ضياء: لحظه شنو شدكولين انتي تالي عمرج تنفضحين يعني ماهمج امر بنتج شردت و٣ايام وماتعرفين عنها شي
ام ضي: اكيد رجعت لاهلها عينها صلفه وكدرت تشرد
ضياء: لا مارجعت وهسه ضي وين تعرفون اني شنو اسوي هسه بيكم
حسن: شنو
ضياء: كلكم اسحبكم للتحقيق واشتكي على ام ضي الي ماحافظت على بتها واذا تحارشت بزوج خالتها مراهقه و مرت بظروف صعبه نكدر نسامحها ونعلمها ونرشدها للطريق الصح
حسن: اني مااقبل اني وعائلتي ندخل مراكز وضي مامسئول عنها اني صاحب بنات
ضياء: اذا صاحب بنات لازم تخاف عليهن اكثر وماتظلم بنيه يتيمه كافي 😠
فقدت اعصابي واصيح
طلعت منهم واتصلت بجماعتي وقدمت شكوه بخصوص اختفاء ضي
حققوا ويه زوج خالتها وخالتها وحسن وامها كلهم نفس الكلام
القضيه تحولت ضد ضي
اشتكه زوج خالتها على ضي بسبب الضربه
بهذا الوقت تخبلت على ضي وين اختفت
ماخليت احد ماوصيته على ضي يدورون عليها
مراكز مستشفيات دوائر بكل مكان ادور
صرت مجنون بضي
كل اهلها واقاربها وناسها ادور عليها
حتى وصلت لحبيبة سامر سألت عن ضي ماتعرف شي عنها
رحت لنوح واهله وناسه مايعرف شي عنها
تعلقت بضي وروحي صارت يمها هذه البنيه اريدها
ماتحمل بعد اختفائها
مامليت منها شهرين كل وقتي ادور على ضي
بعدها كمت اتخيل ضي
تحجي وياي وتسولف وتكعد وياي
كأنه اشوفها حقيقه موخيال
بدت ضي تحجي وياي الغاز ماافهم
اتمنى دكولي وين هيه تتهرب من سؤالي
تختفي فجأه من اسالها انتي وين
تخبلت بسبب ضي
احجي ويه نفسي بعدت عن الناس كلها حتى اختلي بنفسي
لاجل اتخيل ضي واسولف وياها
مره كاعد بلمزرعه وصارت ضي كدامي
ضي: شكلك تريد تجيب مره وتخوني بس تخاف مني اظهر
ضياء: ههههههه مااخاف من احد
ضي: مو تخاف مني اذيك تخاف على مشاعري
ضياء: لا وانما انتي سديتي نفسي عن كل نساء العالم
ضي: ليش بله
ضياء: عشقج وصل لحد الموت وياي
ضي: تعشقني وماتحس بيه
ضياء: شلون احس بيج
ضي: مااعرف ياريت اعرف اني تأذيت ومحتاجتك شوكت تجيني تعبت مشتاقه لعمو سامر ولبيبي وبابا هدمت حياتي بسبب منال
ضياء: منال شلون مامفكر اروح لمنال يمكن انتي يمها
اختفت ضي
شفت الوقت ب٣ بليل
لبست وبدلت وطلعت رجعت للبيت
احس نفسي كلي طاقه
فرحان كدرت اوصل لضي
ضي يم زوجة ابوها اكيد يمه شلون ناسي
الصبح ب٦
اتصلت على حامد يوصلي لعنوان منال
هلمره اني اروح مااخلي احد يروح
ب ٩ صبح عنوانها يمي
الطريق كله افكر شلون التقي بضي
ضي انطتني اشاره عن وجودها
دكيت الباب
طلعتلي منال
من شافتني تخبلت عرفتني
منال: شرايد
ضياء: اريد ضي
منال: ضي روح لعماتها شوف ضي اني مو امها
ضياء: اعرف مو امها اعرف زوجة ابوها ضي مختفيه صار شهرين ونص
منال: وين مختفيه
ضياء: لو اعرف مااجيج ضي مااجتج
منال: بيا عين تجي ضي الصلفه
ضياء: ليش بيا عين
منال: الي سوته بينه وهجمت بيتنا وموتت ابوها وعمها وبيبيتها
ضياء: ضي مو يمج اكيد
منال: اكيد ولو توكع بأيدي املخها
ضياء: ليش هذه يتيمه انتي هسه عايشه بخيرها وضي صفت بلشوارع
منال: خير زوجي وبأسمي
ضياء: هذا موضوع ثاني مااريد اتناقش وياج بي واسف على الازعاج اعتقدت ضي يمج
منال: لا مو يمي
رادت تسد الباب وصار سؤال ابالي
ضياء: لحظه
منال : شنو
ضياء: اكدر اعرف شسوت ضي بيوم الحادث
منال: خنكت ابوها رادت تموته لوما اني ضربتها وخلصته وبعدها دخل سامر وشاف الوضع وصارت هوسه وصياح وضرب وبعد مااعرف صار الحرق واحترك صلاح وضي وسامر كل همه ضي نقذها وموت اخوه وحوبت رجلي طلعت بسرعه انسجن سامر ومات وضي ملطلطه هسه بلشوارع ربك ماينسى عبده
ضياء: ههههههه وانتي ربج ناسيج بلدنيا بس ماتعرفين شلون ح يذكرج بلاخره على افعالج ويه ضي
منال: اني ماماذيه احد ولا هجمت عائلتي وعندك بعد شي
ضياء: لا مشكور
من سولفتلي يوم الحادث ارتبكت بلكلام
حسيت كذابه او اكو حلقه مفقوده بلقصه
رغم كلامها مشابه لسامر
حسيت هي سبب بلحرق
رجعت للبيت خاب املي
اعتقدت لكيتها
اني غريب وبالي وعقلي يمها
امها شلون مامهتمه لامر بتها
طبعا كل يومين اتصل بيهم اسالهم ماكو اخبار عن ضي
اتخيلها
ضي: ها ضياء وبعدين
ضياء: انتي بعدين وياج
ضي: ليش ماتنساني
ضياء: ياريت اكدر انساج بس احس مسئول عنج خايف عليج
ضي: اني بمكان مرتاحه بي والله مرتاحه
ضياء: مااصدك بعد بكلامج لو مرتاحه ماتجيني
ضي: اجي اطمأنك عليه واريدك تحس بيه
ضياء: طمنيني اكثر وكليلي وين انتي
اختفت بنفس السؤال تختفي
........................ (رجع من الذاكره)
حامد: عمي ابو ريسان عمي عمي
التفتت لكيت حامد يصيحني
ضياء: نعم
حامد: وصلنا صار دقايق واكفين
ضياء: ماادري شردت بأفكاري
حامد: الله يساعدك عمي
نزلت لكيت حارث بلباب
ضياء: شفتها
حارث: خابرتك كومه ماترد شنو سالفتك
ضياء: ماادري مااسمع الموبايل
حارث: اريد اكلك وين انت
ضياء: خلينا نصعد نشوفها
حارث: امشي
امشي ورجلي نملت مااكدر اكمل خطواتي
اااخ ضي شسويتي بيه
حارث: صيحلنا البنيه
الشرطي طلع
حارث: اريد اشوف ضي الي معذبه احوالك
ضياء: يتيمه وفقيره سبب الاهل وصلت لهنا
حارث: اكلك انت بس لا تحبها بس صغيره عمرها ١٨ انت ماتحب الصغار اعرفك تحب امهات الثلاثينات
ضياء: 😠😠
حارث: اسكت احسن هسه انت مزاجك منتهي مااورط روحي وياك
ضياء: يكون افضل تسكت
دخل الشرطي
شرطي : تعاي ضي ادخلي
ضياء: 😲😲😲😲😲
للحكايا بقايا
