#قصص كهرمانه
#القاضي_والمطلقه
بارت ٦
..........
ضي
تفاجاة ماتوقعت بهلسرعه القاضي يطلعه
معقوله هيج انسان خلوق
مصدومه
بوكتنا ماكو هيج انسان
قليل ينعدون بلاصابع
وابد ماواجهت شخص بهلاخلاق
كل الي اعرفهم يفكرون بمصلحتهم
الدنيا بعدها بخير
نزلنا
ومنال حضنت بابا وتبجي
رغم خبيثه ولئيمه بس قهرتني
خطيه تحب بابا وتخاف عليه
وتبوسه وتسلم عليه
وبيبي هم حضنته وتبجي وتبوسه
عرفت بيبي ماتحجي من كلبها على بابا
نست الزعل والحزن والجرح
بهذه المشكله
اما اني واكفه بعيد
وكلبي مايحن عليه اسلم عليه
ولا احس اريد اسوي مثلهم
وفجأه منال تبوسني وتشكرني😲
ماتوقعتها
هذه مو منال ام وجه نص فلس
وعمي سامر واكف مثلي ويباوعلي
بابا يبجي وساكت
مايعلق ولا كلمه
واباوع على عمو سامر دايخ
سامر: ليش بسرعه طلعه ها ضي
اني ساكته ومدنكه
تقدم عليه وسحبني
بيبي: ولك عوفها مخبل عوف البنيه
سامر: يمه ماسوي شي اريد احجي وياها
بيبي: شتحجي بهذلتها
اخذني ودخلني للهول وقفل الباب
سامر: تعاي اكعدي خلي نحجي
ضي: بشنو
كعدنا اني وياه
سامر: شيريد القاضي منا هيج يساعدنا
ضي: مااعرف اني مثلك
سامر: اااااخ ااااخ ضي شوفي عمو مهما تكون مشاكل حياتج صعبه لاتفرطين بشرفج اله الشرف عمي مايتصلح
ضي: اعرف عمو ليش هيج تحجي وياي
سامر: خايف من القاضي واخاف عليج
ضي: لا اطمان ولاتخاف عليه
سامر: اعرفج سباعيه بس القاضي قصته قصه
ضي: ليش مانكول يساعدنا لوجه الله
سامر: المشكله بهذا زمنا ماكو الي يخاف الله كلها مصالح
وبفرك بوجها ودايخ
وبيبي ادك بلباب حركت الباب حرك
سامر: ههههه كومي افتحيلها الباب شيخلصنا منها
ضي: ماشي
سامر: لاتسولفين لبيبيتج كلامنا
ضي: اعرف
كمت فتحت الباب ودخلت بيبي
بيبي: يلمعزه شسويت بيها
سامر: علكتها بلبنكه وفريتها ونزلتها .. ااااخ اخ اكوم انطمر ابنج صعد فوك
بيبي: اي مايحجي شو ساكت وصعد
سامر: ههههه مبين محصل جم جلاق ومرجعي
بيبي: يا اكو واحد يضحك على اخوه
سامر: دحمدي ربج طلع بسلامه وطلعنا كلنا منها بسلامه
بيبي: هذا القاضي أدمي وابن ناس
سامر: أي ااااااي اي
بيبي: شبيك تتحصر وشتريد من ضي
سامر: اعتذرتلها استحي كدامج اكلها اسف كرامتي ماتسمحلي
ضي : هههههههه
سامر: نسيت اعتذر منج ياعمي اسف من ضربتج بس من خوفي عليج
ضي: عمو انت ابوي ومن حقك كلشي تسويلي
بيبي: ضي اصعدي سلمي على ابوج
ضي: مااصعد
بيبي: ماسلمتي عليه وتحمدتي طلع بسلامه
ضي: مااسلم عليه واريد اكوم انام باجر يدزلنا السايق القاضي نروح للمستشفى
بيبي: يا شوف المعزايه البطرانه يابيبي انسي يساعدنا ويدزلنا سايق
ضي: بس هوه كال
سامر: شوكت هيج كال
ضي: من خابرته اتفق وياي يدز السايق الصبح ونروح للمستشفى
سامر: باجر اروح وياكم
تفقنا وصبح الصبح
دز السايق ب١٠
وطلعنا اني وبيبي وعمو سامر
بابا من صعد بليل مانزل الصبح ابد
حتى ماطلع لدوامه
ورحنا للمستشفى
والسايق نزل ويانا
اخذنا للدكتور
واستقبلنا
ويحجي ويه عمو سامر
سايق صافن على عمو سامر
توقعنا متخلفين او مانعرف نحجي
عمو سامر دارس كلية لغات
بس الوكت ظلمه والجيش
واهواااي امور خطيه ماخلته يتخرج
طلب تحاليل واشعه انواع
دخلوني باجهزه مااعرفها شنو ماشنو
مطفيه وماافهم السالفه
وبس ينزعوني ويلبسوني
وينوموني ويكعدوني
وبقينا ل٢ بلمستشفى
وماافهم شي
ومحد يقبل يشرحلي
وبيبي وياي خطيه
وتغفي من التعب بس كاعده
ودكتور الي فهمته منا بلاتين يخلولي
شنو بلاتين مافهمت
ب٣ وكاعده يم بيبي
ضي: تعبت بيبي
خليت راسي يم جتفها
وانتظر عمو سامر يجيب أخر تحليل
بيبي: يمه تحملي هسه تصيرين زينه ونوح يبوس رجلج ترجعين وانتي ادفري بلنعال
بكلبي احجي
ليش ادفره ارجعله واكمل حياتي وياه
بس اخاف هيج اكول اخاف ترزلني
التفتت واشوف قاضي ضياء أجه
ووياه شاب يملخ يكتل كتل
طويل وضخم وابيض وحلو جمال
عبالك لقم شكله يذبح
ضي: بيبي هذا القاضي
رفعت راسها وشافته
بيبي: بيا عين نحجي وياه على سوايت ابوج
ضي: ليش اجه
ضياء: سلام عليكم
والي وياه هم سلم علينا
وردينا السلام
اجه سايق يركض من شاف القاضي
حامد: اهلا استاذ
ضياء يباوعله ويحجي ويه حامد
والشاب صافن عليه يباوعلي
واني هم اباوعله هذا الولد مو بس لقم غندوره بلحليب
ضياء: شصار ماصار
حامد: اخر تحليل منتظري وبعدها نحجي ويه الدكتور ونشوف كلامه
ضياء: ان شاء الله خير
التفت علينا وشافني ضياء
اباوع على ريسان وفاتحه حلكي
لان مو طبيعي جماله احسه مثل حلاوة الحليب
ضياء: شلونج حجيه
بيبي: هلا يايمه والله مااعرف شحجي شكول على سالفة البارحه
ضياء: ماتحجين أي شي الي صار ماالكم ذنب بي واتمنى تسدون الموضوع
ريسان: شنو الي صار حجي
ضياء: ماصار شي .. حجيه هذا ابني ريسان
بيبي: هلا يابيبي كل الهلا بيك
ريسان: ههه هلا بيج حجيه ....
التفت عليه
ريسان: شلونج ضي
عزه هذا يعرف اسمي
ضي: اهلا 😳
ضياء: شخبارج ضي
رفعت راسي وابتسمتله
ضي: الحمد لله بخير
ضياء احس راحتي من اشوفه
نظرات ريسان غريبه الي
ضياء: ريسان وياكم على الجايات اي شي تحتاجون وياكم هوه
بيبي: يايمه مشكور وعمها سامر ويانا
ضياء: اعرف وريسان وياكم اني ماأمن شغلي بس يم ابني ريسان اثق بي
بيبي: الله يحفظه الك
ضياء: اشكرج حجيه
بيبي: لاتزعل مني ريسان احلى منك الظاهر على امه
ضياء مخلي ايده بجيب بنطرونه وضحك
ويباوع على ريسان
ضياء: ها يعني اني مو حلو حجيه
بيبي: كل الحلا بيك بس هوه احلى
ضياء: صح على امه هوه
ريسان: هههههه امي تشبه ضي نسخه منها
ضي:😲
****************
ضياء
كعدت الصبح متاخر
ب٧
لكيت البنات كاعدات قبلي
ونشيطات
روز: صباح الخير بابا
ضياء: صباح النور ليش عايفيني نايم
روز: احنه نسوي الريوك اليوم
ضياء: ريسان عنده دوام اليوم
روز: طالع ماموجود بغرفته
رحت للمكتب وشفت ريسان نايم بلمكتب وبنص الكتب
قهرني وكعدته
ريسان: غفيت من تعبي تعاجزت اكعد
ضياء: عندك دوام اليوم
ريسان: لا راح اكوم انام بغرفتي
ضياء: ماعندك شي اليوم
ريسان: ماعندي ليش
ضياء: اريد اعرفك على ضي
ريسان: شلون
ضياء: اليوم حامد ياخذهم للمستشفى
ريسان: قررت تعالجها
ضياء: اي
ريسان: الله يوفقك بابا
ضياء: اريدك انت الي تسوي هذا الشي اني مشغول
ريسان: ليش
ضياء: عمل الخير احب ابني يسوي
ريسان :ماشي حجي
صعد لغرفته وتريكت وطلعت لشغلي اني و روز
مثل كل يوم
والتهيت بشغلي واريد اكمل باسرع وقت
رغم عندي قضايه كومه بيومها
ب٢ واجه ريسان فاجأني
ريسان: بابا خابرت حامد بعده بلمستشفى
ضياء: اعرف خابرته
ريسان: حجي راح اروحلهم اتعرف على الجماعه تروح وياي
اسولف وياه واوق على الاوراق واشتغل
ضياء: ماشي نروح ليش لا
ريسان: ههههههههه
ضياء: ليش تضحك
ريسان: انت ابوي وافتخر بيك
ضياء: ههه ضحكتك ماتوالم كلامك
ريسان: انتظرك بره وبسيارتي نروح
ضياء : ماشي
كملت وطلعت اني وريسان للمستشفى
ريسان: بابا هم تفكر تزوج
ضياء: اكيد لا
ريسان: واذا وحده تشبه امي
ضياء: ريسان سد الموضوع
ريسان: حجي انت مشتهي ومستحي
ضياء: ريسان لاتجريء بلكلام ويه ابوك
ريسان: انت علمتني الصراحه
ضياء: مو خوش تعليم علمتك
ريسان: هههههههههه
وتحصرت بقوه تذكرت ام ريسان
ريسان: ليش حجي تتحصر
ضياء: تذكرت امك الله يرحمها
ريسان: بابا انت تحب ضي صح
ضياء:😲
.............................
ضياء
بعد عملية ضي
ضي: ضياء تسمعني
ضياء: اي اسمع اسكتي مو وكتها بعدين نحجي
لازم ايدها واسكتها
ضياء: شنو وضعها
دكتور: وضعها مستقر وهسه يكمل عمليته الثانيه دكتور فريد ويجاوبك على حالة ضي
ضياء: ان شاء الله
دخل ريسان
ريسان: السلام عليكم
دكتور ضياء: وعليكم السلام
ريسان: ها شخبارها نجحت عمليتها
دكتور: ان شاء الله
ضي: ضياء اجه وكتها
ضياء: شنو هذا
ضي: مو وكتها خلصت واجت هسه
ضياء: لا بعد شويه
دكتور: ههههه تره تحت تاثير المخدر
ضياء: شوكت تصحى
دكتور: شويه وتصحى سولفوا وياها وتصحى
ريسان: هسه نصيح رهف بربع ساعه تصحيها هههه
دكتور: هههههه
طلع دكتور والممرضه
ريسان: حمد لله على سلامتج ضي
ضي: حلو اخوك
ريسان: يااخو
أشرت لريسان يسكت
يأشرلي ريسان بأيده شكو
ضياء: ماتعرف شتحجي
ريسان: منو اخوي
ضي: ابني
ريسان:😲 ابنج
ضياء: ضي اسكتي
ريسان: ولج هذا يخبل احلى مني 😂
ضياء: ههههه ريسان اسكت لاتحجيها
ريسان : شسمي لابنج
ضي: ضياء صار وكته احجي
ضياء: بعد شويه
ضي: 😭😭😭 ليش ماتسامحني
ضياء: مسامحج اسكتي
ريسان: هههههه شتحجي
ضياء: اسكت
ضي: بوسني هلمره اسكت مااحجي 😭
ضي تبجي وتحجي
ضياء: ضي كافي اسكتي
ضي: اريد بوسه يله بوسني😭😭 ااااه اريد بوسه😭
تنحب وتبجي مثل الطفل
ريسان: هههههههههههه ضي تريد الطفل الثاني هههه مستعجله هههههههههههههه
ضياء: ههههههههه كافي اسكت نفضحنا
ريسان: اقوى شي تبجي على بوسه شوفها ماتقبل تسكت .. حجي فضحتك ضي
ضي: يله بوسني يله😭
ريسان: شمسوي بيها حجي الطفله تبجي على بوسه هههههههههه
ضياء: اسكت واطلع لاتخلي اخواتك يسمعن ابقى يمهن
ريسان: ههههه راح اطلع وسكتها بوسه 😂😂😂
ضياء: ريسان😡
بهذلتني ضي بتصرفها
وسبب تخديرها ماتدري بنفسها شنو تحجي
نفتحت الباب
دخلت رهف و روز
ريسان :😲
ضياء:😳😳😳😳😳
للحكايا بقايا
