#قصص_كهرمانه
#القاضي_والمطلقه
البارت ٥
....................
ضياء
دخلت لبيتهم
واستقبلوني ضي وبيبيتها
ضي اختفت
ضياء: حجيه صيحي ضي اريد احجي وياها
بيبي: اي يمه
وشوي واجتي ضي
وضايجه احسها ماطايقتني
بقيت صابر على نظراتها ألي
وكعدت مقابيلي وكدرت اقنعها
بس نظراتها ودموعها على والدها ماكدرت اقاومها
تهربت منها وردت اطلع بأسرع وقت
كمت منهم وبلباب التقيت بشخص
قصير.. اصلع .. اسود ... كرشه واصل لخشمه
شكله مزعج ويشبه ام صلاح ضي
اثناء الكلام عرفت ابو ضي
فاجأني بقلة أدبه
ومايعرف كل اصول ويه اهله ولا ضيوفه
يختلف نهائي عن اخوه سامر
وفجأه تجاوز بحق اهله وبحقي
غضبني
بس ماتوقعت تجاوزه عليه ويغلط على امي
اسامح بكل شي اله تجاوزه على والدتي
مااسامح أي ان كان
ماتحملت وضربته
ورجالي ادخلوا وضربوا واخذوا
بهذا الوقت عيوني على ضي
مسكينه خايفه ومنحرجه
وخليتهم ياخذوا للمفرزه
وسامر دخل شاف الوضع
واستحه مني وماادخل بتصرفي
بوقتها ماكدرت اسامحه
اولا لان يأذي ضي وجارحها
ثانيا مامحترم والدته ويتجاوز بسهوله وكل ام ماتستحق الاساءه بحقها
ثالثا والاهم اتجاوز على والدتي ومااكدر اسامحه
جنت اتمنى اعاقب صلاح على افعاله ويه ضي
وصار الي اريده
راح اخذ حقها وحق بيبيتها وحق اخوه سامر
انسان جبان وضعيف
وطلعت عصبي منهم
ورحت لبيتي
متوتر
دخلت للبيت وسبحت وبجيت بلحمام
الكل يتوقع القاضي ضياء ماتنزل دموعه
بس نزلت على امي
ماتحمل شلون ماضربته شلون عفته عايش
شلون اسمحله
معقوله ضي قيدتني
ليش هلبنيه مقيدتني
طلعت من الحمام وللفراش نمت
ماكعدت اله ب١٠ بليل
نزلت ولكيت روز و رهف كاعدات ويضحكن ويسولفن
رهف: هلا بلحلو هلا بلحبيب
روز : ههههههه كافي خبال
رهف : بابا شعليج
ضياء: كم مره اكللكم لاتتعاركون كدامي شقه او مو شقه
رهف: بابا شسالفه لاتصير معقد خليك اب سبورتي
روز : ههههههه هسه جنتي دكولين بابا سبورتي وروحه مرحه
ضياء :وين ريسان
رهف : اكلك انت بس ريسان ابنك اسأل علينا ياحظي كلبنا شوف شبينا مابينا
ضياء : منو قبل يومين مشتريلج موبايل
رهف: مو انت
ضياء: لعد منو بله ست رهف
رهف : ابوي 😋
ضياء: هههههه
روز : بابا شكلك تعبان
رهف: من الحب عيني من الحب يله بابا اعترف وعيونك اخطبلك
روز : شنو تخطبيله لعد وماما خطيه
رهف: ولي لج بابا من حقه يزوج وبابا بداعتي نسوي حفله والبس بدله واركص
ضياء: هههههه ناصبه على ابوج رهف
رهف: لا والله بابا بس شلعتوا كلبي لا انت ولا ريسان تقبلون تزوجون
ضياء: مو ابوج مراهق حتى يتزوج
رهف: شبيك تخبل صديقاتي يموتن عليك يتوسلن بيه اخطبهن الك عايفات ريسان ومعجبات بيك
روز : اي مكاتل عليك بابا
ضياء: شو ناصبات وتضحكن على ابوجن
روز : ابونا شاب يخبل بس بداعتي معليك بكلام رهف ولاتفكر بلزواج بابا لخاطر أمنا
رهف: روز لاتدخلين بابا من حقه يزوج
روز : رهف انتي شنو من قلب عندج .. شلون تقبلين
رهف : يوووو نرجع نتعارك على نفس الموال
ضياء: كافي😡 شنو كاعد يمكم طرطور ماكو كل احترام الي
روز رهف: اسفين بابا
كمت وباوعت على رهف عصبي
ضياء: هذا الموضوع لا بكيفج ولابكيف اخوتج اني اقرر ازوج او لا ومااقبل احد يفتح الموضوع وياي
وطلعت بره للحديقه
الجو بارد
واتنفس بقوه وبالي يم ضي
ضياء: حامد حامد حامد😡
اجه يركض حامد
حامد: نعم استاذ
ضياء: شصار على هذا الرجال
حامد: اخذوا وشمروا بلمفرزه وباجر يحققون وياه
ضياء: اريد اروحله رتبلي الوضع
حامد: استاذ ابلغهم مايقصرون وياه بدون ماتروح
ضياء: اني اريد اروحله رتبلي الوضع ولاتعلق على كلامي😡
عفته ودخلت للبيت
والبنات كاعدات هادئات
دخلت غرفتي وبدلت وطلعت
طلعت للسياره
وعصبي
اريد افرغ غضبي على صلاح
بلطريق وموبايلي يدك
اباوع رقم سامر عم ضي
هملته ومارديت
مااكدر اسامح ابنهم رغم ماالهم ذنب
رجع اتصل دك ٣ مرات ومارديت
اجتني رساله من رقمه
(سلام عليكم عمو سيدي اني ضي الله يخليك رد )
رغم عصبي وضحكتني عمو سيدي
شكد فقيره هذه البنيه
ومن قريت الرساله بلحظتها اتصلت عليها
ردت بسرعه
ضي: الو
ضياء: ها ضي
ضي: اكدر احجي وياك وبدون مايعرفون اهلي
ضياء: كولي ضي
ضي: الله يخليك لا تأذي ابوي الله يطول عمرك الله يخلي بنتك ويطول بعمرها والله ابوي اعرفه غلط ويتعاقب بس لخاطر اطفاله واحنه ماعدنا هوه هم يساعد عمي بلمصرف الله يخليك سيدي الله يبارك لبنتك اخذني اني ولا تاخذ ابوي مااريد اصير سبب بسجن ابوي الله يطول عمرك
تبجي وتجر نفس ولسانها ثكيل بلحجي من البواجي وتحجي وياي
كسرتني
ااااااخ ضي شلون تاليها وياج
ليش ارضخ الج ومااكدر اقاومج
شمعنه انتي ليش هيج
ضي: سيدي حباب
ضياء: الله كريم ولاتبجين على اب مايستحق مايستاهل اظفرج
ضي: ابوي على راسي والله طيب بس مرته غيرته
ضياء: هسه اتركي هلكلام ويصير خير
ضي: الله يخليك ارحمه عاقبني الي مو اله
ضياء: ضي اسكتي واهدئي وروحي نامي ماشي باجر موعدج وكل خير ان شاء الله بموضوع ابوج
ضي: الله يخليك ربي يوفقك ومايحتاج تساعدني والله مشكور
تبجي مثل الطفل وتحجي
ضياء: هههه هسه ليش تبجين اهدئي خلي افهم منج
ضي: اسفه والله اسفه
ضياء: لاتتأسفين وان شاء الله على موعدج باجر ولاتزعليني
ضي: اي
تحجي وتبجي ونهيت المكالمه
ماتحملت تبجي بسببي
نهيت ومااعرف شلون اصرف ويه ابو ضي
وقضيته صعبه وحكم وسجن
افكر ومحتار
حامد: استاذ وصلنا
ضياء: ماشي ضبط الامور وانزل كبل
دخل حامد
ربع ساعه وطلع حامد ووياه ضابط
ضابط: تفضل سيدي
نزلت ودخلت للمركز
ضياء: وينه
ضابط: بهذه الغرفه
ضياء: بس اني ادخل
حامد: خليني وياك لاتوصخ ايدك استاذ
ضياء: لا اريد بس اني خليك هنا
سحبت نفس قوي
دخلت للغرف
شفت صلاح مكلبشينه وواكف
شافني واخترع
صلاح: سيدي والله اسف والله اسف الله يخليك
ضياء: اشششششش
(ملاحظه :ولجن الاششش يسكته مو عبالجن بوسه)
صلاح: حاظر سيدي بس والله مااعرفك والله مو قصدي
ضوجني صوته مشمئز
صحت بصوت عالي
ضياء: اسكت لاتحجي
صلاح: حاظر سيدي
كعدت على كرسي
ضياء: تعال صلاح اكعد هنا
كرسي كدامي
صلاح: ماشي
كعد بسرعه ومثل الحيوان
مع الاسف رجولته فقط على النسوان
ضياء: صلاح تعرفني منو اني
صلاح: لا سيدي بس مبين واصل وقاضي
ضياء : شلون لا وشلون هسه فصلتني تفصال ها
واحجي بصوت عالي ورعن
صلاح: اي بعدين عرفتك
ضياء: ها من غلطت وانضربت ياله عرفتني
صلاح: والله اسف سيدي اني صاحب عائله وتوبه بعد مااسويها ابوس رجلك
وكام يبجي
ضياء: كافي لاتتبكبك اسكت😡
صلاح: ماشي سيدي
ضياء: تعرف ليش اتعامل هيج وياك
صلاح: لان غلطت عليك سيدي وحقك ابوس قندرتك وخليها على راسي وسامحني
نرفزني وبلا وعي ضربته
صفعته على وجها 👋
سكت ومدنك وورم خده ووجها صار اصفر
ضياء: هذه الضربه مو لان غلطت عليه تعرف هذه المن
يهز براسه لا مايعرف
ضياء: لان تغلط بحق امك
وضربته ضربه الثانيه 👋
ضياء: وهذه لان هامل بنتك وماتعرف شي عنها
كام يبجي
ضياء: اني مااضربك واوصخ ايدي لمره بس ضربتك اريد اكلك امك وبنتك تأذيهن او تقصر بحقهن قسم بالله وروح امي الي غلطت عليها انت اليوم ..والله اسجنك وابهذل احوالك وصير حباب وياهم
صلاح: ماشي سيدي
ضياء: نذل تعرف ليش اجيت لبيتكم
صلاح: لا
ضياء: شفت لان مقصر بحقهم وماتعرف شي على بنتك .. اجيت اساعد بنتك بعلاجها واخليها تعيش مثلنا
صلاح: اشكرك سيدي
ضياء: انجب زمال انت منو حتى تشكرني نذل
تقربتله ولزمته من ياخته
ضياء: ادفنك اذا اسمعك تغلط على اي أم مهما تكون
صلاح: ابد سيدي كلهن جوه نعالهن اني
ضياء: هنا مثل المره وهناك صاير رجال ويه امك
ساكت
ضياء: ارحمك لخاطر ضي فاهم شنو لخاطر ضي
صلاح: الله يخليك سيدي
عفته وطلعت
حامد: ها استاذ
ضياء: فتحتوا تحقيق وياه
ضابط: لا سيدي باجر من الصبح نحقق وياه واليوم نربي الك سيدي حتى يبطل يتجاوز على اسياده
ضياء: لا طلعوا خلي يولي
حامد: استاذ ابو ريسان شلون نطلعه
ضياء: 😡😡😡 حامد
ضابط: ماشي سيدي يعني مانفتح قضيه وياه
ضياء: لا
عفته وطلعت
مختنك ماارتاحيت
ماتمنيت اترك صلاح
جنت ناوي اضربه للصبح واشرب من دمه
ضي صارت كدامي وماكدرت أذي أبوها
هذه البنيه ب٤ايام غيرتني
بهذلت احوالي
الهي صفي نيتي
حامد: نرجع للبيت
ضياء: اي رجعني للبيت
ورجعت ودخلت غرفتي
اقره كتاب
" التطور التاريخي لعقود الزواج في الاسلام "
بقيت اقره الى ان تعبت
شفت الوقت ب٢ ونص
غلقت الكتاب وكمت
طلعت صعدت لغرف البنات نايمات
دخلت غرفة ريسان ماموجود
خابرته قلقت عليه
ضياء: ريسان وينك
ريسان: بلبيت
ضياء : يابيت ريسان انت ماموجود بغرفتك
ريسان: حجي بمكتبك اقره
واني احجي وياه رحت للمكتب وشفته
ريسان: وين اروح شسالفه حجي
ضياء: عبالي بره بايت بلمزرعه
ريسان: لا بس البنات يضحكن ويسولفن بلصاله الفوك ومايقبلن يسكتن ويخلني اقره عفتهن ونزلت للمكتب
ضياء: الله يوفقك ابني وبابا راح تصير ب٣ كافي عيونك انتهت
ريسان: اطمأن حجي عيوني عال العال ومن اتعب اصعد انام
ضياء: ماشي
درت وجهي وردت اطلع
ريسان: بابا شسويت على قضية البنيه
ضياء: يابنيه
ريسان: ضي
ضياء: تعبان نأجل هذا الموضوع لباجر
ريسان: ماشي حجي وتصبح على خير
ضياء: اجمعين ابني
ورحت نمت
**********************
ضي
طلع القاضي من عدنا عصبي
وبيبي ومنال يلطمن ويبجن
وعمي سامر يكول حيل وحيل
وكل ساعه يتعارك هوه وبيبي
وتخربطت علينا
وخابروا عماتي وعمي باسل
وكام يلطم على راسه عمي باسل
خاف على مهنته وموقفه ويه القاضي
وطلع من بيتنا زعلان
وسحب مرته وطلع
صدمنه
الانسان ينكشف بلمواقف
ماتوقعت هيج الناس رخيصه صايره
وبلا ضمير
وماكو مخافة الله
وبيبي لليل تون تبجي
عمي سامر نايم
واخذت موبايله بسكوت وطلعت
بارده ثلج وتلفلفت وكعدت بقفص الدجاجات
وخابرت القاضي
ومايرد عليه
اخابر ومايرد
دزيتله رساله
وخابرني همزين
رديت بسرعه حتى مااخسر من رصيد عمي ويكتشفني
وتوسلت بي
توقعته يطردني
بس رحب بيه واحترمني
هذا الانسان محسسني بقدري
ومكبر قيمتي
دخلت للبيت وشفت عمي سامر
سامر : ويامن تحجين
ضي: ويه الدجاجات
سامر: ضي سمعتج ويامن تحجين😠
ويصيح بأعلى صوته وعصبي
اول مره يصيح عليه
ضي: عمو والله
سامر: لاتحلفين😠
كعدت بيبي على صوت عمو سامر
بيبي: شكو
سامر: احجي ضي
كمت ابجي خفت
ضي: مااحجي ويه احد
سامر: ولج سمعتج تحجين وتبجين بواجيج فضحتج وكعدتني من النوم يادجاج الي تبجين وياه
ضي: هوه وياهن
بيبي: ولك شكو
سامر: وين موبايلي ضي😡
ضي: اكلك بس لاتضربني
نزلت منال
وسمعت صياحنا عبالها بابا بي شي
منال: يمه صلاح شصار بي
سامر: احجي ضي
ضي: خابرت القاضي
دكت بيبي على صدرها بقوه لطمت
بيبي: يمه يلمعزايه شسويتي
سامر: ليش تخابري
ضي: توسلت بي يطلع بابا
سامر: شلون تخابرين الرجال ولج فوك ضيم ابوج انوب انتي ولكم شسوي وياكم تعبتوني ملختوني
ضي: عمو والله اسفه
ضربني بوجهي
سامر: شلون تخابرين الرجال وبدون علم اهلج😠
بيبي: سامر😡 تخبلت تضربها
كمت ابجي وركضت للغرفه
وهوه بقى يصيح ويتعارك ويه بيبي
دخلت بيبي للغرفه سويت نفسي نايمه
ولليل دخلت منال
منال: نايمه ضي
بيبي: اي نايمه
منال: ردت اعرف شحجت ويه القاضي وشكلها
سامر: كل همج رجلج شوفي شسوه بينا باسل راح يتأذه وضي خربت سالفة عمليتها وهوه نسجن والله يعلم شيسوي بيه وماعدنا نخلي محامي لزمال البيت
منال: اني اخلي لرجلي اخوتي يساعدوني
وتعارك هوه ومنال
واثناء العركه ندكت الباب
بيبي: يمه منو هذا
سامر: الله يعلم بس خليكم كلكم هنا لحد يطلع
منال: يا جهالي فوك
بيبي: اصعدي يمهم وخلي اكعد ضي تصعد وياج
سامر: كعدوا ضي تصعد فوك وماتنزلون
بيبي: اني اطلع يمه خليك هنا لو اصعد اطفر على سطح بيت ابو مخلد
سامر: شسالفه يمه
كعدت وصعدونا
سامر: تسمعن صوت اطفرن على بيت ابو مخلد لاتنزلن
خايفه اني ومنال وصعدنا
واني بقيت واكفه بلدرج
مانسمع اله صوت ابوي
منال: هذا صوت صلاح
ضي: بابا😲
............................
ضياء
بعد ماطلعت من العمليه ضي
روز : هاي شتحجي
ضياء: بابا تحت تأثير المخدر
رهف: اي والمخدر يخلي الواحد يحجي الي بكلبه
ضياء: بنات خلونا نطلع
رهف: ليش نطلع
ضياء: رهف خلينا نطلع
ضي: ضياء ضياء
روز: بابا دكلك ضياء😲
ضياء: خلونا نطلع كافي 😡
رهف: يله روز خلينا نطلع
طلعوا وخليتهم بره
اجه دكتور ودخلت وياه
روز: ندخل وياك
ضياء: لا ابقي هنا 😡
رهف: تعاي روز خلي بس بابا يدخل😒
نظرات رهف استهزاء
وضي خربطت احوالي بسوالفها
دخلت ويه دكتور وضي تتألم
وفحصوها وضربوها ابر
ضي: ضياء الزم أيدي
تقدمت ولزمت أيدها ودكتور يباوع
بموقف محرج بسببها
وكل همي تسكت
ضي: ضياء تريد اجاوبك هسه على سؤالك البارحه انت شنو بلنسبه الي
ضياء:😳😳😳😳😳😳
وللحكايا بقايا
