#قصص_كهرمانه
#القاضي_والمطلقه
البارت ١٦
......................
قصه حقيقيه
ضياء
بعد ٧ اشهر
يوم جمعه ب١٠ الصبح
ريسان: بابا بابا كوم
ضياء: ها
ريسان: اليوم شعجب نايم ل١٠ خوماكو شي
ضياء: اوووف ب١٠ ماادري
كعدت رأسي يوجعني ألم موتني
ريسان: بابا بارحه رجعت متأخر
ضياء: اي جنت بلمزرعه
ريسان : هم ازوجت
ضياء: ريسان لاتحجي هيج ويه ابوك😡
ريسان: بابا انت متغير واعرفك من تختنك تزوج
ضياء : ريسان اني بلمزرعه وحدي اطمأن ماكو شي تغير
كمت للحمام اغسل توضيت وطلعت
شفت ضي كاعده ع الكرسي
خيالها مايفارقني هذه البنيه ساحرتني
ماافهم قصتي وياها
كاعده ومبتسمه
ضي: ضياء
كعدت ع سرير مقايبل الكرسي واحجي ويه نفسي
ضياء: بعدين ضي شوكت اخلص منج
ضي: من تحس بيه
ضياء: ساعديني وين انتي واخذج
ضي: ضياء تحبني
ضياء: اااااخ
ضياء: استغفرالله ربي شيخلصها كافي روحي انتي خيال مو حقيقيه اطلعي من بالي عذبتيني
استغفرت ربي وكمت اصلي
خيالها كدامي
من ليلة وفاة عمها سامر بعد ماشفتها
ضاعت ومااكدر اوصلها
خايف عليها وتمرضت بسببها احس ضاعت البنيه
........................(تذكر تذكر تذكر)
من شافت عمها بلثلاجات ماتحملت
اغمى عليها
ماصحت للصبح
بليلتها ماغفت عيني ولا لحظه
اراقبها وخايف عليها
بليل نايمه ودموعها بعينها تقربت منها
تلمست بوجها وغمضت عيني
ااااخ على هلرقه
بلحظتها حجابها ع النص
وكعته شفت شعرها
ماتحملت
انتبهت على نفسي اني شسوي
ليش استغل ظروفها هذا الشي حرام مو حقي
ضياء شبيك عمرك ماتجاوز على حق غيرك
غطيت شعرها
ابتعدت عنها
بنفس الوقت احساس داخلي يريدها ماافهم شنو
بس احتاجيتها احس اريد ابرد نار الي بكلبها والي بكلبي بلفراش
بوقتها تمنيتها زوجتي واضمها بقوه وتنام بحضني
كمت افكر بيها كزوجه
ضي سيطرت على عقلي بأيام قليله
بعمر بنتي شلون اشيلها من بالي
ليش ضعفت كدامها وحبيتها
شنو حبيتها يعني اني احب ضي ... معقوله كمت احبها
للصبح ب٧ كعدت ساكته
ضياء: صباح الخير
باوعتلي ودمعتها بعينها
ضي: هم اكو خير بحياتي من بعدهم
ضياء: اكيد ماتعرفين الدنيا شضامتلج
ضي: اكو غير الذل والاهانه ومحد يريدني
ضياء: ابد مااتركج
ضي: ليش انت واولادك زينين وياي
ضياء: الدنيا بعدها بخير
ضي: خاف انتوا مو حقيقه خيال عايش وياي
ضياء: حقيقه اطمأني اني حقيقه
ضي: وين ماما
ضياء: هسه اخابرهم
ضي: مايردوني
ضياء: لايردون هم الخسرانين
كامت تبجي هذه البنيه مااشوف بس دموع منها
ضياء: الله يخليج اهدئي اعرف مو من حقي اسكتج وحقج بس موزين عليج
ضياء: ضي اذا مايردوج اني واولادي نريدج
ضي: اكو دار ايتام يستقبلني
ضياء: لاتفكرين هيج ضي احجي جد وياج اني اريدج
دارت وجها ماقتنعت بكلامي
طلعت واتصلت على والدتها
ضياء: صباح الخير ام ضي تره ضي بلمستشفى
ام ضي: شبيها
ضياء: ماتحملت خبر وفاة عمها ومسكينه تعالي يمها
ام ضي: هسه راح نطلع من البيت
ضياء: ماشي منتظرتكم ضي
ام ضي: ان شاء الله ساعتين ويمها
خابرت البيت
محد يرد عليه عرفتهم بلدوام
اتصلت على ريسان
ضياء: صباح الخير
ريسان: صباح الانوار وينك حجي ليش مارجعت للبيت وخليت حامد يمها
ضياء: شوي وارجع للبيت
ريسان: اني ٥دقايق يمك
ضياء: لاتجي روح لدوام
ريسان: بالي يمكم
ربع ساعه ووصل ريسان الي
ريسان: ها شخبارها
ضياء: هادئه منتظره امها
ريسان: اتمنى اجر امها من شعرها واخليها بنار جهنم
ضياء: ريسان😡 شنو هلكلام
ريسان: ماتستحق كلمة ام
ضياء: تقهر هذه البنيه اضيع اكيد بس امها ماتريدها
ريسان: ضي قريبه لقصة مروه
ضياء: يامروه
ريسان: عشت وياها ليله وزوجتها وماتعرف قصتها
ضياء: قصدك البنيه من طرف حارث
ريسان: اي
ضياء: وشلون عرفت قصتها
ريسان: من عمي ابو اسعد
تركته وغضبت من ابو اسعد مااحب احد يدخل بحياتي
اول مره ابو اسعد يسولف بخصوصياتي
انتظرنا ساعه ونص شرفت ام ضي وزوجها
ضياء: توقعت ماتجين
ام ضي: ليش مااجي
حسن: قسم بالله سيارتي عطلت وتبهذلنا ورجعتها للبيت وصلحتها ومن الصبح أجيت
ريسان: اكثر يوم ضي تنتظرج ومحتاجتج حتى اذا تعطل تسوين المستحيل وتجين يمها
حسن: مااسمحلك بهذه الطريقه تحجي ويه زوجتي
ريسان: واني مااسمحلها بهذه الطريقه تعامل ضي كل الي يصير بهلبنيه انتي سببه
حسن: لاتخليني اشتكي عليك
ضياء: الزم حدودك واعرف ويه منو تحجي
حسن: اعرف قاضي مو معناها تجاوزون على مره
ريسان: لاتجاوز
ضياء: ريسان اسكت
زلمي تقدموا عليه
أشرتلهم يبتعدون ماقبلت عليهم
ام ضي: ماصار شي كافي ابو اكرم الله يخليك خلينا ناخذ بتنا ونروح
ضياء: ام ضي تره ضي امانه
ام ضي: تأمني على بنتي
ضياء: لا قصدي ضي أمانه من رب العالمين الج يختبرج ارحمي بحالها وعوضيها
ام ضي: ان شاء الله بس اريد اعرف ليش عماتها مايردونها
ريسان: انت توصيها وبالها شلون تترك ضي
ضياء: ريسان امشي روح كافي معليك😠
ريسان: راح اروح وضي تاخذيها بس لاتتوقعين نتركها ماارحم كل أم ماترأف بضناها
ضياء: ريسان ح استخدم القساوه وياك😠
زعل ريسان وعافني ومشى وكف بعيد
حسن: لخاطرك ساكت
ضياء: اسفه على تصرفاته ومن قهره لان ماتعرفون بحالة ضي البارحه وشصار بيها اكثر يوم جانت محتاجه امها
حسن: ان شاء الله نعوضها
ضياء: أي شي تحتاج ضي اني مسئول عنها وتكفل بكل مصاريفها اكل شرب لبس علاج اني عليه اصرف عليها وانتوا بس عليكم تستوطنوها بيتكم
حسن: احنه مسئولين على بتنا مستحيل نقبل احد يصرف عليها
ضياء: ماشي رغم هذا الشي بس تحتاج شي ضي اني موجود وبلا تردد
حسن: بصراحه وبلا زعل اني مااقبل وجودك بحياة ضي صديق عمها ماشي كثر الله امثالك وتوفى عمها بعد ماكو شي يربطكم ويه ضي احنه نريد نسيها الماضي وكلشي مرتبط بأهلها
ضياء:😠
ماعدهم كل احترام باسلوبهم وكلامهم
تركتهم وماعجبني اكمل كلامي
اكره انسان متملق
دخلت امها لضي ماسمعت ضي تبجي
استغربت من سكوتها كمت اخاف عليها
طلعوا واخذوها
اني واكف كدامها
ضياء: مع السلامه ضي
ضي: اكدر احجي وياك
ضياء: تعاي
امها وزوج امها ساكتين واخذتها وتقدمنا عنهم
ضي: اشكرك على كلشي واسفه على طلباتي الصعبه
ضياء: ياريت اكدر امسح كل احزانج بهذا الوقت اطلب منج تشكريني
نزلت دمعتها
ضي: اكدر اطلب طلب
ضياء: اكيد
ضي: اذا فعلا هذه انسانيتك وياي اوصيك لاتتركني
ضياء: وعد مااتركج شوكت ماتحتاجيني اتصلي عليه
ضي: بعد طلب
ضياء: اطلبي
ضي: اروح لكبر عمي وبيبي
ضياء: مايصير هسه بس يكمل اربعينهم وعد ترحين الهم واخذج لكبرهم بأيدي
ضي: صدك تحجي لو تضحك عليه
ضياء: وعيون بنتي روز كل كلمه انطقها وياج حقيقه ومااكذب ولا اضحك عليج بس ممكن اني اطلب منج طلب
ضي: شنو
ضياء: تنتبهين على نفسج وتحافظين على روحج وكلام عمو سامر خلي ابالج مهما تكون الظروف لاترخصين نفسج وتغضبين ربج اوعديني
نزلت دموعها
ماخفت ولاترددت بلحظتها
مسحت دمعتها وابتسمتلها
دنكت ومشت تقدمت وكفت يم ريسان
ريسان: خليج قويه
اشرت براسها
ومشت ماكدرت تنطق ولا كلمه وياه
ودعتها بنظراتي
تمنيت امنعها واخذها بحضني وترجع وياي للبيت
ورجعت للبيت
افكر بيها بالي وياها
كل ٤ايام اخلي روز او رهف يتصلون عليها
من يتصلون يفتحون الاسبيكر
ضي كلامها هاديء وقليل وتتهرب منهن
فهمت اهلها يمنعوها
بعدها رقمها نغلق
تخبلت عليها وبالي وياها
حياتي تغيرت من حال الى حال من ظهور ضي بحياتي
رقمها المغلق جنني
اسبوع خليت روز تتصل على امها
مغلق رقمها
صار اسبوعين ورقم ضي وامها مغلق
اتصلت على زوج امهم
ضياء: السلام عليكم
حسن: وعليكم السلام
ضياء: اني ابو ريسان من بغداد
حسن: اهلا وسهلا
ضياء: ضي مغلق جهازها و ام ضي كذالك وبالنا يم ضي شخبارها
حسن: ضي بخير ورقمها ورقم امها اني غيرته الهم بصراحه ضي مثل بنتي ومااقبل احد يتصل عليها
ضياء: بناتي مو أي احد صديقاتها
حسن: ضي عدها صديقات ومستقره وعايشه بأمان وبدينا نسيها حياتها القديمه
ضياء: اسلوبك الجاف غيره وياي وتعلم تحجي بأحترام وياي وضي افرحلها تتغير حياتها بس احنه مانطلع من حياتها خليها ابالك
سديته بوجهه
ارتاحيت لان عرفت ضي بخير وامان
بعدها بأسبوع بالي يمها
مااكدر اتصل على زوج امها
بعملي فكرت باسل الي يساعدني
دزيت عليه
باسل: ها استاذ
ضياء: باسل شخبار ضي
باسل: يم امها
ضياء: هم اجتي للاربعين عمها وبيبيتها
باسل: لا عماتها طارداتها
ضياء : باسل زوجة صلاح وين
باسل: بعد مااتوفى اختفت يم اهلها ومن يخابروها البنات اهلها يردون يتعذرون نايمه طالعه تشتغل
ضياء: شلون تطلع وهي بلعده
باسل: راحوا لبيت اهلها ماكو لا هي ولا جهالها
ضياء: يوم الحادث اكو حلقه مفقوده
باسل: لا ماكو واضحه مثل الشمس يوم الحادث
ضياء: لعد وين زوجة صلاح
باسل: املاك صلاح كله بأسمها واعتقد ضربت العالم حتى اهلها وناسها وعايشه وتتمتع هي واطفالها بحلال صلاح
ضياء: ضي ماالها حصه بحلال ابوها
باسل: امها رفعت دعوه واكتشفت كل املاك صلاح باسم زوجته ورجعت رفعت دعوه على بيت الجبير واكتشفت نصيب ضي قليل واذا تحصل تخسرهن على المحامي فانسحبت
ضياء: كل هذا الحجي بهلشهرين شنو هلبشر
باسل: محد يحزن بهذا وكتنا
ضياء: ضي محد يسأل عليها
باسل: بصراحه محد يسأل
ضياء: باسل اريد تخابر زوج امها وتسأل على ضي كل اسبوع
باسل: مااكدر ادخل بين الاهل
ضياء: هذا موقفك انساني بعيد عن الاهل واني اطلب منك تتصل كل اسبوع تسأل على ضي وصحتها وتحجي وياها وتشوف شنو محتاجه واني اتكفل بمصاريفها
باسل: تأمر امر ابو ريسان
اتصل باسل على حسن كدامي
كل اسبوع يخابره
يطمأنه على ضي بس مايقبل ضي تحجي وياه
كل مره يتهرب
قلقت عليها وبالي يمها
احساسي مايخيب اعرف ضي مامرتاحه يمهم
مر شهرين على نفس الحال
باسل يتصل ويسأل عليها
صار ٤ اشهر مااكدر اسمع صوت ضي ولا اكدر اوصلها
...................... (رجع من الذاكره )
كملت صلاتي وشلت سجاتي وكمت
اليوم صار ٧ اشهر ومااعرف عنج شي
معقوله انتهت قصتج وياي
يعني لازم اطلعج من حياتي
رجع خيال ضي وياي
ضي: مو اكلك ماتحس بيه
ضياء: ضي كافي عوفيني راح تخبليني
ضي: مليت مني تريد اروح
ضياء: لا ولج شلون امل نفسي وانتي نفسي
ضي: هههه هسه طردتني
ضياء: ضي اريدج اريد اندل وين انتي جاوبيني
ندكت الباب
روز: بابا اسويلك ريوك
ضياء: لا بابا مااريد
طلعت وكمت طلعت وياها
كعدت بلمكتب طلعت كتبي
طلعت كوبي ادخن
تذكرت اغنيه ابالي صارت
اغنية المطرب زكري ناصيف
(يا عاشقة الورد ان كنت على وعدي
فحبيبك منتظر يا عاشقة الورد
حيران أيا ينتظر؟ والقلب به ضجر
ما التلة ما القمر ما النشوه ما السهر
ان عدتي الى القلق هائمة في الافق
سابحة في الشفق فهيامك لن يجدي
يا عاشقة الورد ان كنت على وعدي
فحبيبك منتظر يا عاشقة الورد
نجم في الافق بدى فرحا يشدو رغدا
اليوم وليس غدا فليصدق من وعد
ياملهمة النجوى لا تنفعك الشكوى
فحبيبك لا يهوى الا ورد الخــــــد
يا عاشقة الورد ان كنت على وعدي
فحبيبك منتظر يا عاشقة الورد)
ضي: ضياء شلون تعرف احب الورد
ضياء: تحبين الورد والحيوانات الاليفه كلشي اعرف واحس
ضي: تحس بكلشي اله اني ماتحس بيه
ضياء : ضي خايف
ضي: منو شنو
ضياء: ليش اتخيلج ابالي معقوله الي بالي صح
ضي: شنو ابالك
ضياء: بس الميت يجي طيفه للاحبابه
ضي: الللله ضياء بديت تحبني وتفهمني
ضياء: شنو قصدج
دك موبايلي وخيال ضي اختفى
حارث: ها ابو ريسان
ضياء: هلا بحارث
حارث: ابشر
ضياء: شنو
حارث: ضي لكيتها الك
ضياء: مستحيل وين لكيتها
دخل ريسان واني اخابر
حارث: اسمها ضي صلاح
ضياء: اي
حارث: تجيني لو اجي اخذك
ضياء: اني اجي بس وين
حارث: برساله ادزلك العنوان وانتظرك
ضياء: ماشي نص ساعه واني يمك لكيتها بغداد
حارث: اي هنا
ضياء: ماشي
سديته منا
ريسان: شنو حجي
ضياء: ضي
ريسان: شبيها
ضياء: لكاها حارث
ريسان: الحمد لله وين
ضياء: بغداد هسه يدزلي عنوانها
رحت البس
ريسان: اروح وياك حجي
ضياء: ماشي
دز رساله حارث
ضياء: هذه رساله من حارث شوف وين العنوان
ريسان: بابا هذا شنو العنوان
ضياء: شنو
ريسان: مركز شرطه بهذه بمنطقه
ضياء: شنو مستحيل
اخذت الموبايل واتصلت على حارث
ضياء: حارث ضي وين لكيتها ووين هسه هيه
حارث: بلسجن
ضياء: ليش
حارث: قضية دعاره
وللحكايا بقايا
ملاحظه
١_كلام ضي ويه ضياء خيال يتخيلها ويتكلم ويه روحها
٢_ وبلبارت اكو تقديم وتاخير بلزمن يعني لا ادوخون بداية البارت الزمن متقدم وبعدها تذكر من توفوا عم ضي وبيبيتها وبعدها رجع من ذاكرته
٣_ واهم نقطه القصه والاحداث كلها حقيقيه الكل يسأل عن هذا الشي
