#قصص_كهرمانه
#القاضي_والمطلقه_جزء٢
البارت ١
.................
بعد ٦ اشهر من غياب ضي
الظهر ب ١
ماكدرت ابقى بلمحكمه اكثر تعبان
حامد: ها استاذ تطلع
ضياء: اي حامد شوفلي السايق
حامد: اوصلك اني عمي
ضياء: لا خليك مااريد اتعبك
حامد: ماشي عمي
كمت وطلعت للبيت
صارت ضي أبالي
مااكدر انساها ولا اكدر اسامحها
مشتاقلها وبنفس الوقت زعلان عليها
رجعت للبيت وماكو أحد
اصيح ماكو
نزلت سناري
سناري: ها عمو الله يساعدك
ضياء: هلا بنتي وين سامر
سناري: ريسان اخذه وطلع
ضياء: وين طلع
سناري: مااعرف كام يبجي واخذه
ضياء: روز بعدها مارجعت
سناري: لا
عفتها ودخلت الغرفه
اااخ ياضي شلون متحمله فراك سامر
خيال ضي ظهر ألي
ضي: لو موجوده هم اعيش على فراكه وانت بايدك تبعدني
ضياء: لان تعرفين نفسج خطأنه
ضي: ماترحمني وماترحم نفسك وماترحم ابنك
ضياء: انتي مارحمتي نفسج من ضربتي ابوج وعفتينا
ضي: يعني اذا ارجعلك ترحم بحالي
ضياء: اكيد لا ومااتراجع عن كلامي
ضي: اشكرك ضياء
ضياء: لاتروحين ابقي مشتاقلج
ضي: انت شنو من بشر واحد ظالم
ضياء: مااعرف تعبت اني صح لو غلط والله تعبت انتي هديتي حيلي
ضي: اني سهلت الامر عليك وتركتك
اباوع من شباك الغرفه شفت ريسان وسامر
طلعت للصاله ودخلوا اثنينهم
ريسان: اليوم من وكت بابا راجع
ضياء: اي من وكت وين كنت ريسان
سامر يمشي على كيفه وتقدم عليه ووكع
شاله ريسان ويضحك وياه ويبوسه
ريسان: عباره عن دب منفوخ شتمشي ولك وينك وين المشي
اباوع على ابني يشبه ضي
..................تذكرت
بعد رسالة ضي حسيت نفسي ضايع
شلون ألكاها
بسهوله عرفت ماترجع لمكانها القديم
رجعت وتايه بدنياي
لكيت الكل كاعد وصافن
روز و رهف عدنا ويبجن
ضياء: شكو
روز: ضي مارجعت وياك مو بابا
ضياء: يعني ضي رجعت الكم و بلغرفه وسوت بيه مقلب صح
رهف: بابا شنو مقلب ضي كاتبه النا رسائل كل واحد كاتبتله رساله تودعنا
ضياء: يعني ضي صدك سوتها وتركتني اني وابنها
اختنكت وحسيت دمعتي ح تنزل كدامهم
دخلت للغرفه شفت سامر نايم بسريره
كمت ابجي وكاعد بفراش ضي
ضي تعرفني وتعرف اذا تعترفلي مااسكت عن الحق
وعدت نفسي احميها واني اذيتها
ماتوقعت تهرب مني واني خصمها
تحمي نفسها مني وهذا الشي حقيقه
ندكت الباب
دخل ريسان
ريسان: شنو هلخبر هستوني رجعت معقوله هذا الحجي
ضياء: اريد اسمع منك ليش مسولفلها عن حادثة أمي
ريسان: بصراحه من زمان اعترفتلي على حادثتها ويه ابوها مره اخذناها اني والبنات للنجف وعفت البنات بلسياره ونزلت تزور عمها وبيبيتها وواكف اني يمها وفقدت كامت تبجي وتلطم وتعتذر من عمها وكلتله ياريت ماكتلته لابوي ياريت اني اعترفت ومادخلتك سجن وتموت بسببي اعرف من الضغوطات وخوفك من السجن ووفاة بيبي بسببي انفجرت ومتت
ضياء: اوويلي كله هذا بكلبها وساكته ضي ومامعترفتلي شكد اسالها واستجوبها تتهرب مني وتحجي طبيعي
ريسان: بعدين اعترفتلي من ضغطت عليها ومن رجعت روز دايخ بضي وانت بلغتها بقصة بيبي حتى تعرف تتصرف بس ماتوقعت تتهور والسالفه صار اكثر من اسبوع ومقررين اني وياها نواجهك واوكف وياها اني واقنعك ماتسلمها
ضياء: شلون صار الحادث
ريسان: كلتلي فقدت وخنكت ابوي واجت منال حركتني ودخل عمها سامر يتعارك ويه ابوها وهي ضربته بلسجينه لان بلحظتها مو بوعيها وعمها ضربها وبعدها بهلاثناء منال رادت تحركها ومن شايفه دم وحرك منال شارده بره هي وجهالها وسامر جاي يطلع امه بره دكول شفت أبوي يون من الالم سحبته وشمرته بلنار رجع عمي سامر وشافني ضربني حيل واغمى عليه ماكعدت اله بلمستشفى وعمها راد ينقذ اخوه ماكدر
ضياء: لهذا ثبت على سامر هوه حارك اخوه يعني ضي مجرمه بمعنى الكلمه
ريسان: لا مو مجرمه ليش مانكول ضحية اهلها شتتوقع من اب باعها لزوجها ويذلها ويعيرها وياذيها هوه ومرته وبلاخير يريدي يطردها بلشارع ويضربها وحارمها من عطفه وحنانه ليش ماتسمي هذا الشي جريمه بحد ذاتها يعني لو طاردها وعمها ماكو مو تبقى وتصفى بلشوارع ضي ولعلمك ضي تنحرف لوما تربية عمها وبيبيتها لو ماكو بحياتها ضي تطلع عن الطريق
ضياء: لاتحجي مواعظ ضي خطأنه وجريمة قتل بشعه مرتين حاولت تقتل ابوها اقره بلرساله مامعترفتلي صح
اخذ قره الرساله ريسان وسكت
ريسان: يعني انت وكعتني بلكلام
ضياء: ريسان شنو وكعتك اني ابوك وهذا الموضوع مالازم نكذب هذا حق وحلال وحرام وروح انقتلت اذا ابوها أذاها مو معناها تقتله
ريسان: لو بيبي ماقتلت ابوك انت وعمي يموتون
ضياء: ياريت متت ولاعايش بهذه الحياة
ريسان: عرفتك ضي وكلتلي ابوك مامتندم قدم امه للعداله بس متندم لان استعجل بلحكم عليها مامهدلها الموضوع يعني انت فعلا ظالم مو صاحب حق
ضياء: انت تفهم شنو قاضي وشنو روح وبطريقه بشعه اني الظاهر ماربيتك صح
ريسان: افهم بابا افهم بس هذه امك وهذه مرتك
ضياء: ليش رب العالمين يخليني باختبارات صعبه ابوي قاسي وامي قتلت وامك تخوني بمشاعرك وانت حبيت بنت عدوي وبنتي مريضه وبلاخير ضي مجرمه وتركتني تعبت ماعندي صبر ولا ايمان بربي
كمت اصيح وريسان واكف ومقهور
دخلن البنات ويسمعون كلامي
روز: امي بشنو خانتك وسناري ليش ابوها عدوك وبيبي شسوت وضي ليش مجرمه
رهف: روز مو وقتها
روز: لا وقتها اريد اعرف شنو الموضوع ليش الوحيده ماتعرف شنو بهذا البيت
ريسان: بابا تعبان عوفي هسه
روز: كلنا تعبانين لازم نعرف قصة ضي ليش اختفت
رهف: بابا عرف ريسان
ضياء: حتى انتي تعرفين
رهف: قبل يومين عرفت من ضي سولفتلي قصة بيبي وقصتها وقهرتني بجت بواجي وخايفه منك وخايفه عليك خطيه بس ماتوقعتها تختفي من حياتنا
روز: شسوت ضي
ريسان: ماسوت
ضياء: ليش ماسوت جاوبها لو تخاف تسولفلها لان روز الوحيده تفكيرها مثلي
روز: شنو الموضوع
ريسان: بعدين
ضياء: لا مو بعدين ضي بيوم الحادث ضربت ابوها بلسجين وبعدها حركته ولازم نكول بسبب ضعف وتهور وتعال ضياء اسكت وسامح واصير حالي حال الشيطان
ريسان: لا مو شيطان الله بعظمته وجلاله يسامح وانت ماتسامح
روز: بس قتلت يعني جريمة قتل 😲
ريسان: مو بوعيها
ضياء: ريسان لاتخبلني اني احب ضي وافديها بعمري بس هذا حق ومااكدر افهم لو بايدي اسكت بس تعلمت على هذا الشي وموبأيدي
روز: امي شبيها
رهف: كافي روز
روز: امي شبيها
ضياء: امج عاشت عمرها تحب محمود ابو سناري وماقبلت ولايوم تستقبلني زوج الها
رهف: لاتزعل مني بابا وماحاسبتها على خيانتها
ضياء: منو كلج ماحاسبتها
رهف: عفتها بيتك وكملت عمرها وياك
ضياء: عقاب المشاعر ربج يحاسبها مو البشر ماخانتني جسديا
رهف: خيانة المشاعر اكبر من خيانه جسديه
ضياء: صح بس مو احنه نحاسب ربنا يحاسب
على الي بداخلنا ليش الكافر والي يكفر بربه ماينقتل والي يقتل روح ينعدم وياخذ جزائه
ريسان: لان هوه وربه الكافر ومامأذي أحد
ضياء: اني مو ضد امي او ضد ضي واني اتألم اكثر منهم وياريت شيلاء قاتله ولاضي لان احبها وحبيتها حتى اكثر من حبي الكم حبها مثل حبي لامي ومتفاجاه بنفسي وماتوقعت ربي يرجعني من الصفر وبنفس الموقف
روز: لهذا ضي اختفت حتى اطلعك من عذاب الضمير
ريسان: ماعدها احد اله بلحله راحت
ضياء: لا
ريسان: شلون عرفت
ضياء: اتصلت بابو اكرم ومو يمه وتخبل على ضي وراح لامها وكال مو يمها
ريسان: لعد خاف رجعت للائمه
ضياء؛ ماترجع واثق ومتاكد لان تعرفني اول مكان أدور بلائمه
ريسان: لعد وين ندور عليها
رهف: ضي ماتختفي اذا ماواثقه عدها مكان
ضياء: اي صح واثقه وواثق ضي مختفيه بمكان محد يعرفه ومستحيل لان ماقبلت تبلغني وين مختفيه مروه وواثقه من نفسها بأختفاء مروه
روز: مروه غير ريسان ساعدها
ريسان: قسم بالله ماساعدتها وحاولت اكثر من مره اعرف وين ماقبلت تبلغني
ضياء: لا ريسان مايعرف بس اكيد انتي او رهف تعرفن
روز: لو اعرف بسرعه اكول اني عبالي ريسان ساعدها
رهف تباوعلي وساكته
ضياء: رهف
رهف: ها بابا
ضياء: ليش ساكته
رهف: صدكني مااعرف مكان مروه ولا ضي ابد لاتشك بيه الله عليك بابا وتزعلني منك
ضياء: وين زوجتك ريسان
ريسان: اخذتها لاهلها
روز: شنو تسوي بابا حتى تلكى ضي
ضياء: اعرف وين الكاها
عيني على رهف و ريسان
............ رجعت من الذاكره
شلته وابوس بي ويضحك
كبران ودنفوش ومحبوب وهستوه كام يمشي
ريسان: صاعد ابدل روز على رجعه
ضياء: ريسان وين كنت
ريسان: نفتر بلسياره ورجعنا
ضياء: ريحة ضي موجوده بسامر
ريسان: ها 😰
للحكايا بقايا
