#قصص_كهرمانه
#القاضي_والمطلقه
البارت ٣٨
..................
ضي
صدمني وتورطت بلمكالمه
ضي: انت تشك بيه
ضياء: مااشك بس اريد اعرف عمتج شنو تريد
اخذت الموبايل منا وفتحته
دكيت على سناري
فاتحه السبيكر ويدك موبايلها
اخذه مني ضياء فجأه
ضي: ضياء عيب ترد انت عليها
رفض المكالمه ورجعه الي
ضياء: اكيد ماارد عليها بس مايحتاج تتصلين اشاقه وياج
ضي: شنو تشاقه
ضياء: اطلعي كملي ريوكي مستعجل
ضي: تدلل
طلعت للمطبخ وريسان واكف مقابيل غرفتنا
شافني يأشرلي واني ساكته
ركضت للمطبخ واجه ريسان وراي
ريسان: شصار ضي
ضي: يمه اسكت مااكدر احجي شوف أيدي شلون ترجف ضياء شاك بيه
ريسان: لا ابوي مو من النوع مايشك بيج اني احجي وياه اذا شك بيج اكوله الحقيقه اطمأني
ضي: لادكوله وتصير بينكم مشاكل
ريسان: المن خابرتي
ضي: دكيت على سناري واحجي بصفتها عمتي وضياء رفضه وكال مايحتاج تخابرين واطلعي كملي الريوك ووجها يضحك
ريسان: اااخ بويه مو خوش سالفه اذا يضحك
ضي: لاتخوفني حباب وضياء يمكن رفضه كال تطلع صدك عمتها وضي تزعل وتكبرها
ريسان: يمكن هيج
ضي: يعني ريسان انت ماحبيت اله سناري وثانيا انت ليش زعلان منها البارحه
ريسان: تعبت من وضعنا كبرت المره وعنست
ضي: هههههه حتى سناري مامخلصه من لسانك
كملت ريوك
صحت ضياء والبنات وريسان كاعد يمي بلمطبخ
ضياء: ها ريسان
ريسان: ها
ضياء: شلونها امك هلايام
ريسان: جاي تسويلي ريوك بعد شريد اكثر من هيج
ضياء: اي عمي مدللتك
كملنا ريوك اني والبنات و روز زعلانه
ضياء: يله ضي
ريسان: اروح وياكم
ضياء: امشي ويانا لان مااكدر ارجع ويه ضي انت رجعها
ريسان: ماشي
طلعنا للمحكمه اني وضياء بلسياره
الاحلى بضياء مايقبل حامد يسوق السياره اذا اني وياه
هوه يسوق سيارتنا
وصلنا للمحكمه
ضياء: ضي اتمنى ماتفشليني
بقيت ساكته
دخلنا للمحكمه شفت منال واخوها وامي وخالي
دخلونا لغرفة صديق ضياء كعدت انتظر
شوي واجه ضياء
ضياء: تعاي ضي
كمت وخايفه
ضياء: شبيج ترجفين
ضي: مااعرف اكره المحكمه واخاف
لزم أيدي وطلعنا
تقربت علينا امي
امي: اني راح اشتكي عليك ماخذ بنتي ويمك ودعاره وجودها بيتك وحرام
ضي: ماما شلون هيج تحجين عليه
امي: انتي اسكتي لاتبيعين اخلاق براسي
ضياء: لاتجاوزين على قاضي وهوه بمحكمته لاتخليني اسجنج
ضي: ضياء كافي الله يخليك
ضياء: وشتريدين تسوين سوي
امي: هسه اشوفك علياء على اصوله ومنو الي يضحك بلاخير القاضي لو علياء
ضي:😲
سحبني ضياء وصافنه على كلام امي
دخلنا لغرفة القاضي
وياي محامي وضياء كعد على صفحه ومحاميين لمنال وامي
القاضي يباوعلي واني عيوني على ضياء
القاضي: اطلب منال وعلياء
دخلوهم للغرفه واني واكفه
القاضي: بابا ضي انتي موقعه على اوراق لمنال
ضي: لا ماموقعه الها
منال: مو الي .. وقعت لامها
القاضي: اسكتي من اسألج تجاوبين
سالوا امي نكرت
امي: سيدي بنتي تنكر لان هذا الرجال مستغلها وضاغط عليها
القاضي: يارجال
ضي: محد مستغلني واني ماوقعت لمنال
يأشر ضياء اسكت
ضياء: تقصدني اني
القاضي: شلون يعني مستغلها
أمي: كاعده بيته وماتقربله شي ... وعلاقه غير شرعيه
ضي: 😲
باوعت على ضياء ساكت مايحجي
يا اشو ساكت
يأشرلي اسكت مااحجي وهوه ساكت مثلي
القاضي: ههههه شنو غير شرعيه هذه جنسيتها كدامي ضي صلاح زوجها ضياء صالح
أمي: 😲😲😲
نصدمت امي ضياء زوجي
بعدها القاضي سألني موقعه لامي على الاوراق
محامي امي: هذه الاوراق مزوره
محامينا: هذه الاوراق من بيتها وصلتنا
القاضي: شلون يعني وصلت غصب لو سرقه
ضياء: اكيد مو سرقه
القاضي: ابو ريسان احنه نحجي بلقانون مرفوض هذا الشي
ضياء: اكيد وتعرفني بلقانون نظامي والاوراق وصلتني بدون اي ضغوطات واكو دسك مسجل صوت الي سلمهن الي برضاته وايضا نكدر نستدعي كشاهد بدون ضغوطات
القاضي: منو تقصد
ضياء: هناء حسن
ضي: اختي 😲
امي: بنتي 😲
ماتوقعت هناء تساعدني وتوكف وياي
مستحيل يطلع منها هذا الموقف
القاضي أمر بلاختبار التوقيع اني وامي ومنال حتى يثبت توقيع منو الي بلاتفاق
وأمر بلجلسه القادمه هناء تحظر
طلعت بسرعه
طلعني ضياء بدون ماالتقي بامي
أخذني بره
ضياء: ريسان اخذ ضي واطلع والولد وياك
ريسان: مايحتاج احد بس احنه نروح للموقف السيارات
ضياء: لا وياكم يرحون للموقف السيارات
طلعنا
ريسان: شنو الي صار
ضي: مااكدر هسه اجاوب مخنوكه ومصدومه
ريسان : ارتاحي
صعدنا للسياره تعبانه اريد اصرخ اريد ابجي
امي لهلدرجه تكرهني ليش شنو السبب
ضي: ريسان وصلني للبيت الصغير
ريسان: ليش
ضي: حباب
ريسان: ماشي
وصلني ونزلت من سياره وراح ريسان
دخلت للبيت ماتحمل بعد
صرخت باعلى صوتي
ضي: عمو سامر وينك عمو تعال مخنوكه اريد اجي يمك شوكت تجي تاخذني بيبي وين عفتيني بيبي امي ليش تكرهني شهلامتحان الصعب مااكدر بعد تعبت تعبت ادافعلها وهي تبيعني ياريتك ياعمي ماطالب مني اغضب ربي شلون شسوي عمو كمت استحي من ضياء بافعال امي مهما يحتويني اني يتيمه بدونكم يتيمه اني محتاجتكم
نهاريت ماتحملت بقيت ابجي بفراشي
واعاتب بيبي وعمو
الى ان غفيت ماادري بلدنيا كعدت على صوت الباب تندك
وموبايلي يدك
اباوع ضياء يتصل والباب يندك حيل
كمت للباب فتحتها
ضياء: ضي ليش هيج خبلتيني
حضنته
ضي: جنت نايمه
ضياء: شبيج
ضي: نايمه
ضياء: ليش وجهج احمر وعيونج موره وخشمج صاير طماطه
ضي: تعبانه
ضياء: ليش تعبانه واني يمج شنو مقصر وياج
ضي: انت الانسان الوحيد بهلدنيا من بعد عمو سامر مامقصر وياي انت هديه من رب العالمين
ضياء: ليش اجيتي هنا
ضي: حسيت اريد ارتاح
ضياء: ارتاحيتي
ضي: بحضنك ارتاح اكثر
شالني
ضي: هاي وين
ضياء: انسيج همومج
ضي: لا ضياء تعبانه حباب
ضياء: اعرف تعبانه تنامين
دخلنا غرفتنا وخلاني بفراشي
ضي: ما مااريد
ضياء: ضي لازم تصيرين قويه لاجل ابنج الامومه يرادلها قوه حتى تكدرين تحمين ابنج وتربي
ضي: انت قوي ووياي ماتعوفني
ضياء: اذا اني وياج ليش زعلانه وضايجه
التفتت عليه وحضنته
ضي: ضياء ابد لاتعوفني الله يخليك ماتحمل بدونك
ضياء: مخبل اعوفج
ضي: حتى ماتموت اني وياك سوه
ضياء: هههه هوه بكيفي
ضي: من يجي يومك اطلب منا تبقى لخاطري رب العالمين يحبك انت تساعد الناس وحقاني اكيد يعوفك لخاطري
ضياء: ضي مااعوفج حبيبتي وادعي من ربي يوميه يطول بعمري لاجلج واجل ابنا واولادي
ضي: اسفه بارحه زعلتك بلكلام
ضياء: هاي شنو
ضي: شنو
ضياء: كيلو خشم طماطه بيش بلا زحمه
ضي: هههههه غاليه سعرها ب ما ما ما
ضياء: هههههههههههههههههههههههه والله ريسان علمج على نصباته
ضي: لا اني كلشي اتعلم منك انت وبس ومااحب اتعلم اله منك
العب بصدره بأيدي وهوه يباوعلي
ضياء: تدرين احسن شي سويتي اجيتي هنا
ضي: اعرف تعرف ليش لان اعرف راح تجي الي وتنومني بحضنك
خليت أيدي على ركبته وبشفايفه وعضاني
ضي: اووي
ضياء: شبيج
ضي: مو هيج تعضني أذيتني
ضياء: شو خلي اشوفها
ضي: شوف هذه اواه سويتلي
لزم ايدي ويبوس بيها
ضي: ضياء
ووووووووووووووووووو
مافتحنا موضوع المحكمه وعشنا لحظات حلوه اني وياه
بقينا بلبيت بليل ورجعنا
رجعت وريسان والبنات يضحكون ويشاقون وياي
يخففون عليه همومي
هذه عائلتي الملائكه افديهم بروحي
نسيت موضوع هناء واسال ضياء عنها
بعد ٣ ايام تذكرت الظهر على الغده
رهف وريسان يمنا
روز بعدها بلدوام
ضي: ضياء هناء شلون انطتك الاوراق
ضياء: هذا شغلي
ضي: اشو احس بيها أنه هذه سالفه
ريسان: شكد ادقق ضي
رهف: هلايام اكو موضوع ناسيته ضي
ريسان: اذا اذكرته ضي هسه اشتريلج رصيد ابو ١٥
رهف: ها ضي عرفتي
ضي: منو كللكم ناسيه موضوع مروه
ريسان و رهف: ههههههههه
ضياء: ههههههههههههههههههههههه ماتوقعته مروه
رهف: مو اكول مامعقوله ضي ناسيه ها ريسان رصيدك وين
ريسان: كل شهر احولج الف خلال ١٥ شهر اوفيج
رهف: ولك لاتضحك عليه والله بليل ترجع وبايدك رصيد
ضياء: رهف رهف
رهف: اسفه بابا
ريسان: ابوي من يصيح علينا يذكرني بعماد حمدي من يكول لحسين فهمي أئوعد ائوعد ياابني
رهف: فلم سعاد حسني
ريسان: اي ولا هسه ررررهف ررررهف ناقصك اسويلك تسريحته الشجره السعيده هوه لاطشها بجم قطرة ماي براسه وانت بماي وشكر لان شعرك ثخين
رهف: هههههه بابا لو مخليني على كلمة ولك افضل من هلنصبه
ضي: وانت توصل لشعره لو لشكله لاتخبصنا بجمالك
ريسان: لا عيني حمديه صالح منو كلج اني جميل
ضياء: هههه انت ماتبطل هذه سوالفك
نضحك اني ورهف عليه
ضياء طبيعي وياي
اتصل على هناء رقمها مغلق
مرت ايام هدوء حياتي
المحكمه ضياء مايسولفلي عليها يخاف عليه
حتى الاختبار مااخذني اخذ توقيعي من البيت
من اساله مايجاوب
بديت اتنسى مابيه حيل وخمول عندي
مااشتهي أكل وانام بكثره
بيوم كعدت العصر ناسيه اصلي صلاة الظهر والعصر
كمت توضيت وصليت
صدفه عيني صارت على شباك اباوع على حديقتنا
شفت روز بره بلحديقه
طلعت بره شفت تحجي ويه حامد
شافتني ودخلت
روز: صح النوم
ضي: اي نايمه وماصليت ناسيه
روز: صلي هسه
ضي: صليت اشو ضياء ماكو
روز: هوه وريسان طالعين بفاتحه
ضي: لعد حامد هنا
روز: ريسان يسوق
ضي: ها
روز: حامد وصيته على لفات وعصاير وحلويات جوعانين اني ورهف وحسبنا حسابج ويانه
ضي: مشتهيه لفة كبده
روز: يا بس لا راح خلي الحك اركض اشوفه
ضي: لا اني اخابر ضياء اريدها منا اكل هسه وياكم هذه لفات
روز: ههههه بس تحجين وماتاكلين كله مااشتهي ومااشتهي
ضي: اي بلكوه اكل ولخاطر غذاء طفل اكل
روز: بس هلشهرين وتخلصين من التنساوه
ضي: اروح فدوه لدكتورتنا
ضحكنا وكعدنا بلصاله ورهف ويانه
شوي واجه ريسان
ريسان: سلام بنات هذه شنو العلاليك انطانياها حامد
روز: اني وصيته على اكل وشغلات النا
ريسان: حسبتوا حسابي
روز: اي
اخذتهن منا و راحت للمطبخ
اخذت علاكه وشفتها صعدت فوك
ونزلت بسرعه
ضي: لعد وين ضياء
ريسان: طلعنا من الفاتحه وصلته لصديقه وخابر حامد يروحله
ضي: اخابره مايرد عليه
ريسان: شبيج خانكه الرجال عوفي يرتاح شويه منج
ضي: وين خانكته من صبح لليل طالع
رهف: والله الزلم اذا دكعدون ساعتين بلبيت تعتبرون المره خانكته تحسسونا مسوين فضل علينا وانجاز عظيم
ضي: اي والله
ريسان: عيني رهف اعصابج شبيج انهديتي عليه وثانيا من تحجين على اساس انتي جبيره وعندج خبره بلحياة وفاهمه وضي دكلج اي والله يعني عود انتن سيدات المجتمع ومصدكات الدور
ضي: ههههههههههههه
رهف: خلي نكوم ناكل ماارد عليك
ريسان: على اساس تعرفين تردين عليه والله ياربي
روز: لا ناكل هنا بابا ماكو خلي نخرب النظام
ريسان: ابوي فد يوم يجينا يكللنا ناكل بلشوكه والسكين القهر اخاف اكل بلشوكه واني اكص اللحمه اطير لجيرانا واتخيل نفسي اني والشوكه نركض وره اللحمه
ضي: ههههههه كون يمك ضياء
ريسان: ابوي يعوج حلكه ويكول ريييسان ريييسان
روز: اي والله بابا كل ساعه مرزلنه واحنه مانبطل سوالفنا يريدنا مثل الاله
ضي: لاتحجون عليه تغارون منا
ريسان: اكلي واسكتي لاتخليني انصب وابجيج
كعدنا ناكل بلصاله ونضحك ونسولف
وريسان ماتخلص سوالفه
وتعارك ويه روز على المقبلات وزعلها اكلها كلها 😂
وماعافلنا من المقبلات وروز كامت تبجي
واني ورهف نضحك وهيه تضرب بي
ضي: اجه ضياء
سكتنا ومثل المخابيل شلنا الاكل من الصاله
ريسان: هلا بلحجي اطمان محد دز على اكل ولا احد اكل بلصاله ولا احد غلط على الثاني ولا ذكرناك ولا قلدنا عليك كل هذه مسويناها الك كاعدين وحبابين حتى تعال شمنا اذا ماكلين
رهف: لو نعترفله احسن من هذا كلامك
احنه نضحك وضياء عصبي
ضياء: ريسان ضي تعالوا للمكتب
ريسان: ايباه روز الي دزت على اكل اني شعليه
روز: هههه هسه فضحتنا كافي
دخل لمكتبه عصبي واحنه نضحك
ريسان راح يغسل
واني دخلت للمكتب قبل ريسان
ضي: شبيك عصبي
ضياء: وين ريسان
ضي: ضياء علمود اكل زعلت
دخل ريسان وراي
ضياء: ضي منو دزلج رساله بليل ذاك اليوم
ضي: منو شوكت
ضياء: بليل قبل فتره وسالتج
ضي: اي عمتي
ضياء: ريسان شنو رايك بكلام ضي
ريسان: شنو السالفه
ضياء: زين ضي منو سناري
ضي: ها هذه صديقتي
ضياء: ريسان سناري محمود غزوان شنو رأيك بهلاسم
وللحكايا بقايا
