#قصص_كهرمانه
القاضي_والمطلقه
البارت ٤٧
..................
ضياء
فرحان والفرحه ماتنوصف
اكثر من ولادة اطفالي فرحت
لان زوجتي تحبني وفرحانه ابنها مني
وفرحان لان ابني صغرني
حسيت حياتي بعدها ومهمه جديده هوه ابني سامر
اربي واكبره وافرح بي ومااقصر وياه حاله حال اولادي
رجعنا للبيت وابنا ويانه
اول شي سويته من وصلت للبيت
صليت صلاة شكر لسلامة ضي وابني
اباوع على صورة امي بلمكتب وفرحان
ضياء: يمه اكيد هذه فرحتي دعاويج الي ااخ يمه شكد مشتاقلج تمنيت عايشه وتلوللين لابني يمه اذكر كلامج من تصبريني على شيلاء تكليلي ربك على مايترك عبده وهسه تشوف شلون الله يعوضك وفعلا عوضني بزوجة مثل الملاك ربي احفظها الي واكدر اسعدها هي وابني واحافظ عليهم وياربي طلبي الاخير تكوم بسلامه روز وتتعالج وارتاح بحياتي
كملت وطلعت لكيت رهف نايمه بلصاله تعبانه
ضياء: اصعدي بابا نامي بغرفتج
رهف: بابا روز تعبت واختنكت اخذت علاجها ونامت خطيه تعبانه وضي محد يمها ابقى الى ان تصحى روز
ضياء: راح اخابر ابو اسعد تجي ام اسعد يمها
رهف: ياريت لان اني مااكدر وحدي و روز مااريدها تتعب وضي خطيه نفسه
ضياء: اصعدي نامي وارتاحي ضي وطفل نايمين واني يمهم اذا يكعدون اصيحج
رهف: ماشي بابا
دخلت للغرفه ضي وابنها نايمين
صعدت فوك
اسمع روز تتنفس بلكوه
فتحت الباب نايمه
تصنع هي نايمه
عفتها مااضغط عليها كعدت يمها
ضياء: دلوعة بابا نايمه
روز: اي
ضياء: بابا شبيج روز لاتضمين عليه من اتعبين ليش تعبانه تره سامر ماياخذ مكانج انتي دلوعتي وحبيبتي وكل فرحتي
روز: ههه لا بابا مااغار من اخوي وفرحانه بي
ضياء: صاير شي
روز: لا ابد بس شوي تعبانه
ضياء: اني احس الي بداخلج ومنتظر انتي الي تسولفين
روز: بابا اني عمري ماراح اعيش هذه اللحظه ومااكدر افرح راح انحرم من الامومه
ضياء: اشششششش لاتكملين كلامج منو كلج انتي رب العالمين شنو تنحرمين كولي ياالله ان شاء الله نلكه متبرع وتتعالجين وتزوجين وتعيشين هذه اللحظه واشيل ابنج واكلج ها روز عشتيها اللحظه
روز: ياربي لاتحرم كل محرومه من الذريه
ضياء: امين ونامي ارتاحي لاتفكرين ولا تعبين نفسج
بستها من راسها وكمت
دمعتي بعيني على بنتي
تفكيرها وكلامها يموتني تفكر وتتمنى واني مااكدر احقق احلامها اااخ
دخلت لريسان شفته نايم والكتب يمه
ورهف ايضا نايمه
نزلت خابرت ابو اسعد
واجت يم ضي والبنات تساعدهم
تبقى من الصبح وتروح بليل
والبنات يم ضي بليل رهف و روز
٣ايام وضي تتحرك عادي وتشتغل وتعتني بابنها
ماتوقعتها شاطره
بليل تسهر على سامر ماينام واشوفها تتعب وماتستسلم
تحضنه وتبوسه وتغنيله وتبجي
حسيتها تريد تعوض سامر الي هي نحرمت منا بطفولتها
بلنهار يساعدوها البنات بسامر وبليل هي تسهر
صار عمر الطفل ١٠ يوم
من يبجي الكل تطفر عليه ضي والبنات واني وريسان صافنين عليهم
ريسان: شنو سالفه عمي صدك راح اغار منا عمي اصيحكم من صبح لليل محد تكلي ها هسه هذا بكد الدكمه بس يكول وه تركضن عليه
ضياء: ههههههه لان طفل فرحانات بي هسه يكبر وينشمر حاله حالك
ريسان: لا عمي مبين حظه كاعد ويه اخواته
ريسان قليل يشوف سامر
لان ضي والبنات مايطلعوا من الغرفه يخافون عليه
ريسان: ليش مايطلعوا
ضياء: سوالف نسوان قديمه يخافون عليه
ريسان: لحد الان ماشايفه زين واستحي من ضي ادخل للغرفه
اضحك عليه
الخطار ماتخلص
صديقات ضي وجماعتي وصديقات البنات
وتفاجأة اهل شيلاء وجبونا وزارونا
اخواتها ونسوان اخوها
بيتنا عباره عن خطار
والهدايه والواجبات كومه
عمر سامر صار ٢٧يوم
بلغده كاعدين و سامر نايم
ضياء: ضي يوم الجمعه يصير عمر سامر ٣٠يوم صح
ضي: اي
ضياء: نطهره واذبحله ذبيحه لسلامته
ريسان: والله عمي حافظ عمره بله بضميرك حافظ عمري ايام وسنين
ضياء: عمرك ٢٩سنه و٨اشهر و٦ايام
ريسان : خجلتني حجي 😳 زين والدقايق شكم دقيقه
ضي: انت شكو مخلي بالك ويه ابني
ريسان: همزين خشته بكد خريطه العراق ماشايف طفل مااله بدايه من نهايه وجها بس خشه
ضي: ريسان لاتقلد😡على ابني
ضياء: هذا الحبيب يوميه ادافعيله وتوكفين ضدي لخاطري
ضي: هههه اي احبها بس مو يقلد على ابني
ريسان: مااقلد بعد بس عيونه اموت واشوفهن حالهن حال الهلال ب ٦ايام ياله نشوف هلال العيد
يضوج ضي ويضحك
كملنا والبنات يعزلن الاكل واني وياه بلصاله منتظرين الجاي
ريسان: ليش من وكت اطهره
ضياء: افضل صغير ومايفتهم
ريسان: خلينا بلمزرعه نطهره
ضياء: ماكو حفله وهوسه شعدنا بلمزرعه
روز: اولا شي صحي يطهر ولازم اول اسبوع علميا ثانيا بابا بلمزرعه نحتفل بي الله عليك خاف ماالحك على عرسه
انتبهت على كلامها وسكتت
اني و ريسان سكتنا اشوف رهف وكع من ايدها الماعون
ريسان: روز موبايلي بغرفتي جيبي الي
صعدت روز فوك ورهف ركضت للمطبخ
كمت وراها اشوف ضي تسكتها
ضياء: شبيج رهف
رهف: مابيه شي بابا
ضياء: مااقبل تضعفين كدامها وتحس بينا وتضعف
ضي: اسكتي لاتخليها تشوف دموعج
رهف: ماشي
ضي تباوعلي وبعيونها خوف
طلعت رهف
تقدمت وحضنتها وبستها براسها
ضي: ضياء بداعة سامر لاتعوفنا
ضياء: ههههه ليش حضنتج لان اعرف نظراتج
طلعت لكيت روز يم ريسان
رهف تغسل
كعدت يمهم وملتمين نشرب جاي
سمعنا صوت سامر
ريسان ركض قبلهم وسد باب الغرفه
ابد مايكبر وسوالفه مايبطلها
ضي: ريسان افتح الباب الله عليك
طلع ريسان وشايل سامر
ريسان: تعال اعرفك على بيتنا
رهف: ديربالك ينمتن
ريسان: اششش اسكتي معليج احنه زلم ونسولف لاتدخلون خانكين الولد بلغرفه
ريسان: تعال ادخلك بدولة الاستقبال وهذه دولة الصاله وهذه دولة مكتبت ابوك
ضي: هههه لاتصعده فوك
ريسان: اصعده اشوفه غرفنا وانزل لاتجون وراي
ضياء: عوفوا
ضي: خاف يوكع
ضياء: لا يعرف يشيله
واسمعه يضحك ويعرف سامر على بيتنا حتى المخزن دخله
روز: ولك المخزن ليش
ريسان: انزلي شعليج
وطلعه للسطح والبنات يفرفحن
ونزل طلعه للحديقه واخذه للحمايه ولحامد ويضحك
دخل للبيت ويضحك على البنات
ريسان: هسه صار رجال حتى شواربه طلعت
ضياء: هههههههه
اشوف ريسان يباوعله فرحان
ضياء: حلو ريسان
ريسان: ناعم وصغير
ضي: ان شاء الله تفرح بأبنك وتكوم بسلامه سناري
ريسان: فرحانين بسمسم لا اضوجوني بلسم
ضياء: اطلب طلب ولاتفشلني
ريسان: شنو
ضياء: رجع مرتك
رهف: ريسان جاي تخابرنا وتخابرك وتعتذر خطيه رجعها
روز: قبل الطهور رجعها تره انكرصت خوش كرصه وتعلمت ماتكرر خطأها
ضي: بداعة سامر اخوك رجعها وخلي تفرح ويانه بطهور سامر وكلنا طلبنا منك لاتفشلنا
ريسان: مااكدر
ضياء: لا تكدر الي يحب يسامح ولخاطر طفلك وهي حامل تحتاجك يمها رجعها ح تشوف احنه بسهوله سامحناها وتستحي وتتغير
ريسان: اشوف الله كريم
ضي: يعني اي الحمد لله والشكر
ريسان: ههههه
اباوع لضي شكد طيبه وتسامح بسهوله رغم سناري أذتها وجرحتها وتهمتها بس كلبها جبير وتسامح
ااااخ ضي شلون معذبتني بحبج ومشتاقلج
صايره ماتهتم بيه وكل اهتماها بابنها
بليل وريسان رجع سناري
دخلت تبجي وبوست ضي والطفل واعتذرت منها
وبوست البنات وسلمت عليه
بستها من راسها
سناري: يخبل وشكبره الله يخلي
رهف: يوم الالج ونفرح بيكم انتي وريسان
ضي: امين
سناري: اني عندي بشاره الكم كلكم
رهف: شنو
روز واكفه يم ضي واسمعها
روز: الله ساتر من بشارتها مااطيق حلكها من يحجي
ضي: اشش انجبي
باوعتلي روز وسكتت
عرفت مااقبل على كلامها
سناري: اني حامل ب٣ توأم
ريسان:😨😨😨
رهف: والله
روز: يمه احلى خبر صدك سناري
اباوع على ريسان صافن
ضحكت عليه
ضياء: هسه فهمت ليش طلبت ترجع مرتك
ضي: اني اعرف ضياء بلغني
سناري: عمو منين تعرف
ضياء: زوج دكتورتج صديقي واسالها عنج دائما
ريسان: ليش مابلغتني
ضياء: حتى ترجع مرتك لشخصها مو لاجل اطفالك
سناري: اشكرك عمو على كلشي
رهف: اطلع اشتريلنا كيكه وعصاير وكرزات وسويلنا حفله بهلمناسبه وبدربك كل وحده رصيد ابو ١٥ وبطريقك عشا مرتب
ريسان: ٣ اطفال تعرفين شنو ٣ يعني جيبي فرغ من هسه
ضياء: هههه اطلع اشترياهم ومن عندي
ريسان: انطيني واطلع ماكو اطلع وبعدين تنطيني
دخلت للمكتب ودخل وراي
ريسان: بابا رجعتها لعيونك وخايف منها
ضياء: اطمأن ماتكدر تسوي مشكله اني احجي وياها
ريسان: ان شاء الله
ضياء: ريسان بعدك تحبها
ريسان: احب سناري القديمه سناري من عرفت امها لحد هسه مخبله صايره هيه مو هيج
ضياء: شلون اسجن امها ونرتاح
ريسان: بروح ابوك ماتنزل قانون سجن العمات الخبيثات وبلذات ام سناري اكتب هلفقره مهمه ام سناري سجن المأبد
ضياء: دمشي راح تصير اب ل ٣ اطفال وهذا عقلك والمصيبه دكتور
طلع ريسان واشترالهم وتعشينا واحتفلن البنات
اباوع على ضي محلوه وكبرانه
وحلو الالوان عليها مشتاقلها
بليل اشوفها تنوم سامر
ضياء: كومي افتري بي لمدة نص ساعه ينام
ضي: شلون انومه
ضياء؛ مو مشكلتي
تباوعلي صافنه
ثلث ساعه ونام اشوفها تباوعلي وتضحك
نامت بحضني
ضي: احبك
ضياء: مبين من اهمالج
ضي: اني هاملتك
ضياء: منتبهه حتى البوسه كل ٥ايام وابنج كل ثانيه بوسه
ضي: هههه غوار ضياء اريد اطلب طلب
ضياء: شنو
ضي: تقبل اروح للصالون اغير من شكلي
ضياء: شلون يعني
ضي: يعني اصبغ شعري اكصه قبل طهور سامر
ضياء: براحتج روحي
ضي: واريد اشتري ملابس الوان الي
ضياء: ماشي وعادي براحتج مايحتاج تستأذنين مني
ضي: احب ابلغك ارتاح
حضنتني ونامت
ضياء: اذا تنامين هسه اطردج بلمكتب انتي وابنج
ضي: ههههههه هاي شبيك اشاقه وياك
حضنتها ونغمرت بحنانها شكد مشتاقلها مشتاقتلي
شوي وكعد سامر
ضي تباوعلي وخايفه
ضياء: كومي
ضي: ها عوفه شوي يبجي
ضياء: علينا مااعرف بالج يمه
طفرت على ابنها وعفتها ونمت
بليل فزيت اشوفها حضنتني ونامت
ضياء: ساعه شكد
ضي: ب٣ وثلث
ضياء: هستوه نام
ضي: اي
حضنتها ونمنا اثنينا
ثاني يوم البنات طلعوا للصالون
ودزت ضي على ام اسعد بقت يم سامر
متشوق ومنتظر ضي
المغرب رجعوا
ضياء: ليش تاخرتوا
ضي: رحنا للسوك وبعدين صالون
اباوع على ضي لابسه حجابها وباب غرفتنا مفتوحه واخذت سامر تحضن وتبوسه
وريسان كاعد بلصاله
طلعت ام اسعد وضي ملتهيه بسامر والعشا ويه البنات
ريسان: بابا حامد يريدك
ضياء: شكو
ياشرلي اطلع
طلعنا بره
ضياء: ها حامد
حامد: .....
