#قصص_كهرمانه
#القاضي_والمطلقه
البارت ٤٤
.....................
ضياء
شكل ضي تباوع بعصبيه
ضي: اشو من سألتك ماعرفتها
ضيا: ههههه هذه مروه ولا ادري بيها لان مامنتبه عليها
ريسان: شكو تعاركت ويه حارث غير لان حظرت الحفله
رهف: يعني مروه موزينه
ضياء: ريسان شنو هلموضوع هذا 😡
ضي: اكيد يشاقه لان شلون هيج تسوي كدام زلم وهي مريضه وطلبت نساعد اخوها وتبجي عليه
ريسان: ااخ ضي شكد ماخذه الدنيا بفطاره
حجيت بيني وبينها بهدوء
ضياء: سد الموضوع مااحب نسولف بي كدام البنات
ضي: خوش عذر
ضياء: ضي لا زعليني منج
سكتت والزعل بعيونها شوي وكامت لغرفتها
رهف: سناري اصعدي لغرفتج نريد نحجي ويه بابا
صعدت سناري
رهف: بابا النا حق نعرف سالفة مروه شنو
ضياء: ماالكم حق
رهف: احنه اولادك والنا حق شنو بنت ليل وشنو نساعدها معقوله بابا تساعد وحده مو زينه
ريسان: لاتحكمين عليها الزمن وصلها لهذا الحال
روز: لا نكول الزمن كافي ننطي اعذار لاخطائنه وماتستحق نساعدها
ضياء: كملتوا كلامكم يله كل واحد لغرفته
رهف: بابا مو زعطوطه اني اريد اعرف قصتها
روز؛ حتى اني
ضياء: بعدين واصعدوا ناموا خلاص خلص الكلام بهذا الموضوع
روز: بابا اهواي صاير تضم علينا
ضياء: لا ماتغيرت بس اسراري دتنكشف هلايام يمكم مااعرف شنو السالفه
ريسان: يله بنات اصعدوا
دخلت لضي ونايمه وتبجي
ااااخ ياضي شلون هسه اراضيج
ماتحمل زعلج
نمت يمها وحضنتها
ضياء: ليش تبجين
ضي: عوفني اريد انام
ضياء: بوسيني واعوفج
ضي: ضياء عوفني رجآ😠
عفتها براحتها خليتها تهدء
مرت ايام اني ساكت مااحجي بموضوع مروه
وهي ساكته لاتناقشني ولاتحجي وياي وبارده وياي
سناري و ريسان علاقتهم تحسنت
فرح ريسان بخبر حمل زوجته سناري
يحبها ويعتني بيها ومدللها
ابتعد عن اهلها مجرد يوصلها بلباب وياخذها من الباب
افضل اله والها يتجنب المشاكل
ضي دخلت بلثامن ومتغيره وياي
بارده تصرفاتها وهادئه وماتناقش ولا تدلع
خايف من تصرفاتها احس اكو شي تريد تسوي
اخاف اخسرها
كاعدين على الغده و موبايل ضي يدك
روز: هذا موبايل منو
ضي: بلغرفه موباياي
ضياء: عوفي كملي غداج
ضي: لا ضروري ارد
ضياء: منو عندج ضروري دكومين من غداج
كامت ضي للغرفه
سناري تباوعلها باستهزاء
رهف: شبيج سناري
سناري: متعجبه على ضي تريد ترد بسرعه
رهف: يمكن صديقه او شغله تخص جامعه
روز: هي شعدها المسكينه غير صديقاتها واحنه
سناري: اي اي ماعدها غيرنا
ريسان: سناري 😡
ضياء: انتي شنو تقصدين لا انتي ولا احد من اولادي تسيئون لضي ولا تستهزئين بضي ولا مسموحلج هلنظرات فاهمه لو لا
ريسان: ماتقصد سناري
ضياء: تقصد ماتقصد ماتصرف هلتصرفات بهذا بيتنا احنه عائله محترمه ومااحب هلسوالف يابنتي تعلمي الادب واذا اهلج مامعلميج اني اعلمج
سناري: مااسمحلك هيج تحجي وياي اني ونعمه الادب والاخلاق يكفي ومحافظه على شرف بيتكم وشرف ابنك
ريسان: اكيد تخبلتي سناري
كام وكومها لزمها من ايدها
سناري: اتركني تمد ايدك على مره وحامل هذه الاخلاق الي ابوك علمك عليها
ريسان: اليوم شكو واحنه نكول سناري تغيرت وعقلت
سناري: اني ماتغيرت ومثل مااني واعقل منكم شوفوا انتوا الي مخابيل وحده تبجي بمرضها وتصنع هي زينه وثانيه تبيع مثاليات علينا والله يعلم شسوي بدون علمكم والاب مسوي نفسه حق وماحق وهوه مخليكم مثل العبيد جوه ايده واما ام البهاق ربع ثدي تتلوكولها ومااعرف شمسويتلكم ومدمغه ابوك ومكوشه على البيت كله وتتنعوص بلطفل علينا
ضياء: شهلاخلاق الزفت طبعا بنت ابوج محمود اذا لعب على بنت عمه وتركها ولعب على امج وتركها شتوقع من بنته
سناري: ياريت توصل لابوي
ضياء: خلينا ساكتين ابوج مات بمرض فضيحه واحنه نكول بمرض خبيث
ريسان سحبها من شعرها وضربها
التفتت لكيت ضي واكفه تسمع وتبجي
البنات ركضن خلصنها من ريسان
وسحبته ماخليته يضربها
ريسان: امشي ولي لاهلج مره الي بعد مااريدج اني شسويت بعمري انتي مره عار
سناري: اني عار اني ماعندي واحد مصادقته وزوجة القاضي ابو الحق مرته تلعب من وراه
ضي: شنو قصدج
ضياء: ضي ادخلي للغرفه
ضي: لا ماادخل شنو قصدج
ريسان: كافي اسكتي لاتخليني اضربج بطنج
رهف: والله تستاهلين ريسان يضربج
سناري: سكتوني تخافون تسمعون الحقيقه اسالوها منو هذا رجال تلتقي بي بلجامعه
ضي: 😲😲
ضياء: ريسان اخذ مرتك
سحبها من شعرها
ضياء: ريسان مو هيج 😡
سحبتها من ايده واخذتها وكومتها
سناري: اني اشوفك ريسان منو سناري الي تمد ايدك عليها
ضي: سناري اريد اعرف قصتي مااطلعين اله اعرف قصة الرجال
سناري: اي تخافين احجي الي اشوفه همزين ريسان يعرف كلشي وساكت يخاف على ابوه
ضي: ريسان من شنو خايف
ريسان: سناري كافي
ضياء: ريسان شنو هلكلام شنو الموضوع
ضي: ضياء تسأل ريسان يعني خايف مني
ريسان: مااعرف شي
سناري: يوميه اكله تره رجال بلجامعه وكم مره شفته ويه ضي يمشي
ماتحملت كلام سناري
تقدمت عليها وضربتها بوجها
ضياء: اصعدي غرفتج واعوفج هنا لاجل ابنا بطنج
ريسان: مااريدها تولي لاهلها
سناري: لان فضحتكم ماتريدوني
ضياء: للاسف خسرتي قيمتج واخلاقج بهلكلام لاتتوقعين انتي او غيرج يهدم بيتي ابوج ماكدر مو انتي الزعطوطه تهدمين حياتي واولادي وبيتي اصعدي بسرعه لغرفتج ولا اكل ولا كعده ويانه فقط بغرفتج وجامعتج وزوجج
ريسان: اذا تبقى بلبيت اني اطلع وماارجع
ضياء: مرتك حامل
سحبها وصعدها بلغرفه لمت غراضها
كاعد بلصاله متخبل من سناري
ماتوقعت بهلسرعه تسوي الي ابالها
روز: بابا لاتصدك بكلامها
ضي: ليش سكتها
ضياء: ضي تعاي
دخلنا للمكتب
ضياء: اكو شي ضامته عليه اريد اسمع منج
ضي:شتقصد
ضياء: بكيفج فسريلي كلام سناري
باوعتلي مصدومه
عافتني وطلعت
محتار بلمكتب
اسمع ريسان اخذ سناري لاهلها
شوي واسمع رهف و روز تمنع ضي
طلعت شفتها بعبايتها وحجابها
رهف؛ وين ترحين
ضي: ارض الله واسعه
ضياء: وين ضي انتي ماعندج مكان غيرنا
ضي: متوهم اهل البيت يحرسوني ويحرسون ابني مامحتاجتك ولا تتوقع حياتي متوقفه عليك وعفتلك خيرك وجامعتك وراجعه لاصلي
روز: معليج بيها ضي
طلعت بره
وطلعت وراها
ضياء: انتي زوجتي وماالج حق اطلعين من بيت زوجج
ضي؛ اعتقد ماالي مكان شلون تخلي وحده بيتك تخونك
ضياء: ضي اني سالتج ولازم تثبتين برائتج
ضي: فهمني شلون اذا اني مااعرف شتحجي شسولف شكول ماعندي اثبات غير بس مااعرف الي تحجي
ضياء: تصرفج هذا تثبتين على نفسج كلامها
ضي: هاي شنو كلامك ضياء اني مو هيج والله مو هيج شلون اخون الي ساندني ولمني من الشارع شلون بهلسهوله اخونك وعوفنا من كل هلكلام اني اصلي واخاف ربي وبقيت بلشارع وماغضبت ربي هسه من تتوفرلي كل الاجواء الامان اطلع من طريق
رهف: بابا ادخلوا جوه
روز: بابا شلون تصدك بكلام سناري اني اسمعها يوميه تهدد ضي تهجم بيتها وتطردها من بيتنا
ضياء: ادخلي ضي
ضي: وخر عني ماادخل
طلعت وصحت حامد
ضياء: حامد وصل ضي للبيت الصغير
ضي: مااريد
ضياء: مو بكيفج وماترجعين لهلبيت اله تثبتين ماكو شي
عفتها ودخلت للبيت
رهف: اروح وياج
ضياء: محد يروح ويه ضي
دخلت للبيت مجبور اتركها اول مره اخلي حامد يوصل ضي مو اني او اولادي
رهف: بابا شسويت
ضياء: محد يسولف وياي
دخلت للغرفه وقفلتها
اسمع البنات يحجون شوي واجه ريسان يدك الباب عليه
لبست وطلعت
ريسان: بابا شنو صار
ريسان: احجي وياك بابا شنو الموضوع
عفتهم وطلعت بره
مختنك وين اروح بقيت محتار
حسيت محتاج امي اروحلها
رحت للنجف ساعه ب٤
بقيت يمها ساعه زمان حجيت وياها
الي بداخلي واخيرا نطقته ويه امي
اشوف موبايلي يتصلون عليه اولادي
غلقته وكمت زرت ورجعت لبغداد
وصلت للبيت ب١٠ بليل
ريسان: وين جنت بابا
ضياء: بلنجف
رهف: ضي ماكو بلبيت طالعه
ضياء: يعني شنو
ريسان: يعني اختفت وتاركه موبايلها بلبيت وماماخذه شي وياها
ضياء: اكيد بلامام
ريسان: ماكو رحنا الكل دور عليها
ضياء: يعني شنو
ريسان: يعني ضيعت ضي ثاني مره
وللحكايا بقايا
البارت قصير بس اليوم انشر بارتين واعوضكم
تركت البيج يومين وماارد لا على تعليقات ولا الرسائل حتى ارتاح من التهجم ومااضعف ومااختم قصتي باختصار لان ماتستحق اختصرها واني تعبت عليها واسفه لمتابعيني من الانتظار واشكر الكل الي قدرني
