انو_انو
#القاضي_والمطلقه
البارت ٤٦
......................
ضي
يوم ولادتي
بليل ب ١ بليل
دخلت بشهر العاشر الي يومين وحددتلي الدكتوره عمليتي بعد يومين
وضعي و وضع طفلي صحي
وارقى واحلى الاشياء مسوكه لطفلي وكله بياضات لاوردي ولا سمائي
ضياء مايقبل فقط ابيض اشتري للطفل
جهزنا الطفل كلنا اني وضياء والبنات يشترون اله من يطلعون
اباوعلهن وفرحانه بيهن ومحظره حتى جنطتي
قررت انزع الاسود بيوم ولادتي واستقبل ابني بلالوان
الله ماكاتبلي ولاده طبيعيه اله عمليه
مو مهم المهم اني وياه نكوم بسلامه
وفرحت عمليه لان اخاف من الطلوكه وماكو بيبي يمي
بحضن ضياء نايمه ومختنكه من بطني
بلكوه اتنفس وتعبانه ثكيله ومورمه
يضحكون على شكلي من الورم
بليل نايمه على صدره وطفل يتحرك
ضياء: شوفي شلون يتحرك ملعون عنودي مايقبل يجي اله عمليه على امه طالع
ضي: ههههههه المهم عمليه ولادتي مو طبيعي
ضياء: هههههه الله ساتر من بعد باجر راح تفضحينا
ضي: ههههههه اكلك بوسني
ضياء: لا خايف اكثر من بوسه اطلبين خايف تشرحين ماماما بلتفصيل للعالم
ضي: هههههههههه مو لهلدرجه
ضياء: حقج ماتعرفين نفسج بلتخدير شسوين
ضي: هههههههه احبك اموت عليك
حاضنته ومااشبع من زوجي وحضنه وحنانه
ضياء: شبيج صافنه
ضي: ضياء صدك تريد تسمي بتنا مروه
ضياء: لا لا لا سدي الموضوع
ضي: ممكن اعرف قصتها زين شلون تعرفت عليها ودخلت حياتك
ضياء: تعرفين شوكت تعرفت عليها
ضي: اي
ضياء: احجي بس توعديني عاقله وماتتخبلين وتنفجرين وتتعاركين وتغارين
ضي: لا مجرد اسمع
ضياء: راح نسولف كصديق وصديقه مو زوج وزوجه
ضي: اوك حلو هيج اتفقنا
كمت ابوسه ومغمضه
ضياء: ههههههه خوش اصدقاء منحرفين
ضي: ههههه لا بس لان اشتاقيتلك بوستك
ضياء: شكد احبج واموت عليج انتي نفسي ومستقبلي
ضي: ربي يخليك النا وماتعوفنا وتبقى على وعدك النا وماتتخلى عنا
ضياء: ضي سدي هلموضوع
ضي: ليش دائما تسكتني انت ناوي تعوفني
ضياء: ضي كافي
ضي: اوك راح اسكت خلينا نرجع لموضوع مروه
ضياء: ههههه خليها بعدين نعست اريد انام
ضي: ما كمل قصتك ويه مروه ونام 😡
عضيته بصدره وهوه يضحك عليه
ضياء: ههههه تعرفت عليها قبل مااتعرف عليج بيوم
ضي: يعني شوكت
ضياء: من التقينا اول مره بلمحكمه واغمى عليج
ضي: اي
ضياء: اني تعرف عليها قبل يوم
ضي: شلون تعرفت
ضياء: اجتني هديه من حارث
ضي: شنو هديه
ضياء: بصراحه بوقت محتاج زوجه وماعندي متوفيه وطلبت من حارث بنيه حلوه ومرتبه وبلحلال ازوجها
ضي: اي
ضياء: هدالي مروه وتزوجتها سيد
ضي: اي
ضياء: بس ماحبيت اسلوبها ولا كلامها ولاتصرفاتها رغم حلوه بس ماعجبتني وثاني يوم طلكتها طلاك سيد رغم هي ماعدها مانع بدون زواج بس اني مااحب الحرام
ضي: زواج متعه قصدك
ضياء: اكيد لا المتعه مااحبها وارفضها اني عقدت عليها مثل عقد زواجنا مهر و مؤجل واني اقرر اكمل حياتي او انفصل عنها المتعه محدده المده وارفض هذا الشي ضده ثم ضده ثم ضده
ضي: زين وشكد بقيت انت ومروه
ضياء: هاي شبيج ثاني يوم طلكتها سيد
ضي: ها وبعدين
ضياء: بعد ماشفتها اله من خابرتني وانتي يمي بمشكلة اخوها
ضي: ها لعد ومن سمعتك تحجي وياها واني بلغرفه
ضياء: ههههه بصراحه واول مره اعترفلج اني شفتج بغرفتي وانتي معذبتني ماتقبلين اتقربلج وسويت نفسي اخابره بنيه وصدفه نطقت اسمها حتى اغورج وتتقربيلي وتحبيني
ضي: يعني ماخابرتها احلف
ضياء: وعيونج ماكو بوقتها اتصال بيني وبين مروه مجرد اغورج
ضي: بعد ماتزوجتها
ضياء: شنو اتزوجها وانتي زوجتي وحلالي وكيمر حياتي
ضي: زين صار شي بينكم
ضياء: ضي قبل مامتزوج بس هسه تزوجتج مستحيل اخونج
ضي: اعرف بس قصدي من تزوجتها صار شي بينكم
ضياء: هههههه شهلسؤال
ضي: جاوب
ضياء: اي
ضي: يعني يعني ممممممما
ضياء: هههههههههه
ضي: جاوب
اضربه بصدره وعصبيه
ضياء: ها اتفقنا اصدقاء
مسحته بصدره ومبتسمه بس بداخلي ميته
ضي: يله صديقي بعد روحي العفو رفيقي وجاوبني
ضياء: زعطوط تسكتيني هههه
ضي: لاضوجني جاوب😡
ضياء: شنو
ضي: صار بينكم ممما
ضياء: اي
ضي: ماخفت تحبل منك
ضياء: ضي كافي
ضي: ضياء كمل
ضياء: لا ماتحبل
ضي: وشسويتوا
ضياء: ههههههههههههههههه مااذكر
ضي: جاوب لاتخليني هسه احرك الدنيا
ضياء: ها شتفقنا
ضي: بلا اتفاق بلا نيله واريد هسه اعرف شنو الي صار بلتفصيل
ضياء: مستحيل وتصبحين على خير
كمت على حيلي وكعدت كدامه وهوه نايم
ضي: ضياء هسه تسولفلي شصار مااخليك تنام والعب لعب
ضياء: ههههههههه ولج كافي وتعاي نامي
ضي: ما ما ما سولفلي
يضحك ضياء واضطر يسولفلي
يضحك عليه وبلكوه يسولف اسأله وهوه يجاوب
مااعرف شصار بيه
اختنكت ماتنفس بعد احس جسمي نار
جسمي يرجف وتخيل ضياء وياها
طبعا تركصله وميته عليه مدللها الافندي حالها حالي
ضياء: تعاي نامي
ضي: عوفني ولا تنطق وياي ولا كلمه
عفته ولبست وكمت من فراشه طلعت بره
رحت للمطبخ للصاله للمكتب
مخنوكه افتر بلبيت
طلع وراي
حضني صدره على ظهري وايده على بطني
ضياء: ضي شي ماضي وانتي مو بحياتي ليش زعلتي
ضي: لا لازم اركص وافرح وازفك وخر عني
ضياء: هههههههه تعرفين متعجب على نفسي شلون ساكت واقبل على كلامج اني الكل يخاف مني ويحسبون الف حساب وياي وانتي دكليلي ازفك واركصلك
ضي: عوفني ضياء وخر عني وثانيا اني زوجتك مو محامي او متهم
ضياء: حاليا اني المتهم ومحامي ادافع عن نفسي وانتي القاضي واريد تحكمين بلعدل ياسيدتي القاضي ارحميني وخلي زوجتي تصالحني
يبوس بيه ويسولف وعباله اصالحه
ضي: وخر عني ما مااريدك
عفته ودخلت للغرفه اطلع بملابسي
ضياء: وين
ضي: معليك بيه
حصرني بلكنتور ويبوسني
ضي: عزه الم الم اه اه يمه هذا شنو وكع
ضياء: صدك لو تشاقين
ضي: وخر بسرعه شوف
ابتعد ودفعته ودخلت للحمام
ضياء: هههههه تلعبيها عليه مو ضي ماشي
دخلت سبحت
بقيت جوه الدوش وابجي جسمي يرجف
حسيت خوفه بجسمي وكلبي يوجعني
شعور غريب مااعرف شبيه
تاخرت بلحمام اريد النار الي بكلبي يطفى ماكو
ضياء: ضي ضي وين صرتي
ضي: هسه طالعه
طلعت من الحمام ومااباوعلها
كرصني من خدي وبعدته عني
دخل للحمام وراي واني وحدي بلغرفه
نشفت شعري واحس بألم بطني تقلصات خفيفه تروح وتجي الم غريب بس مايوجعني
احس شي بطني يريد يوكع ويخوف ماافهمه شنو
طلع شافني كاعده وايدي على بطني
ضياء: ليش منايمه
ضي: مخنوكه ح اطلع بره
ضياء: شبيج ضي
ضي: عوفني
عفته وطلعت اتمشى بلبيت
الالم يخف عليه وفجأه يجي قوي ويعصرني عصر
ساعتين افتر نعست وتعبت واكو الم
مافهمت هذه طلوكه كل اعتقادي طلوكه بسرعه الم واطلك
وزاد الالم واروح كل ساعه حمام ماافهم شبيه
زاد اكثر واكثر ويعصرني
كمت اخاف وابجي
صعدت ب٦صبح لكيت ريسان كاعد وفاتح الباب يقره وشافني كدامه
ريسان: خير ضي
اني الوب واهز بجسمي وخايفه ارجف
ضي: اريد اكعد روز محتاجتها بشغله
ريسان: شنو
ضي: هيج
فجاه وكع ماي عليه ولزمت أيد ريسان أصيح
ضي: احس الطفل مات مااعرف شبيه
ريسان: تعاي اكعدي خلي اصيح البنات
ضي: مااكدر الالم يموت اجه اجه الالم اااااه
ابجي وبلكوه احجي مااريد اكعدهم
كام يصيح ريسان البنات
ريسان: رهف روز رررررهف رووووز يمعودات
اسمع غرفة ضياء طلع
البنات طلعوا شافوني
روز: شبيج ضي
ضي: مااعرف ابني مات الم الم احس اكو شي بلطفل
روز: هذه طلوكه
شاورتها
ضي: اكو شي يوكع عليه
رهف: كومي بسرعه خلي ناخذج
صعد ضياء وشافني
ضياء: شكو
ريسان: يمكن تطلك
دخلوا البنات لغرفهم يلبسن عبايتهم الاسلاميه والحجاب
ضياء نزلني جوه
ضياء: اشيلج
ضي: لا لا مااكدر اني انزل
نزلت ودخل بسرعه لبس ضياء ريسان كدامي واكف
ريسان: اقري ايات قرانيه لاتخافين ضي
زاد الالم والمغص يجي قوي يهد حيلي
كمت اصيح من يجي
ضي: اااااااه ضياء ابني ضيااااء
شعور يرهب ويخوف
اخذوني وطلعوا للمستشفى ضياء والبنات
بلسياره روز كاعده يمي
من يجيني الالم اعصر ايدها وأسمي واستنجد باهل البيت
رهف: بابا اوراقك جبتها
ضياء: نسيت هويتي وهويتها حتى فلوس خابري ريسان يلحكنا
يباوعلي من المرايه وخايف عليه
ضياء: حسيتي بالم احجي ليش بقيتي ساكته وتفترين بلبيت اليل كله
ضي: اجه اجه الالم
روز: هسه نوصل مابقى شي
دخلوني للمستشفى وروز دخلت وياي
ممرضه : طلوكه ان شاء الله
دخلوني بلخاص وروز و رهف وياي
روز: شوفي يجيج الالم ادفعي بكل قوتج ماشي ضي كل فكرج ابنج يطلع ويعيش لاتخافين لازم تنقذين طفلج وماتخنكي
ضي: اخاف اموت ومااشوفه
رهف: ضي لاهيج تحجين
ضي: روز الطفل ولد لو بنيه
روز: ولد ولد الطفل
كمت ابجي وادفع واصيح صار كدامي عمو سامر
اني طفله عمري ١٣ سنه ووكعت بلشارع وهوه يشتريلي
كمت ابجي من الالم وهوه يبجي وياي
ضي: عمو ليش تبجي اني مابيه شي
سامر: ابجي من الالم الي بصدري
ضي: وشنو الالم
سامر: ألمي مثل ألم المره من تطلك وتحس روحها راح تطلع
ضي: يمه هيج يخوف وانت لهلدرجه متألم
سامر: كومي نرجع للبيت
ضي: مااكدر امشي
شالني واني هستوني بفترة المراهقه واستحي منا ويضحك عليه
سامر: والله شكلج انتي ابد مااطلكين ومابيج خير ألم بسيط ماتكدرين تمشين
رجعت للواقع واشوف روز ورهف لازمات أيدي
سحبت أيدي من رهف وعضيت الخاولي بكل قوتي
اصيح بأسم عمو سامر
كل همي أريد ابني يطلع
يجي الم قوي ودفعت بكل قوتي وطلع الطفل
وسحبوا مني
اشوف روز دموعها نزلت من شافت الطفل
اسمع يضربون بي
بلكوه احجي وتعبانه
ضي: عايش
بهلاثناء جاوبني ابني بصوته ويبجي
كمت ابجي وياه واني اسمع صوته واني تعبانه
ودموعي تنزل وشفايفي ترجف على ابني
روز: خلو بحضن امه بلاول
اشوفه كله دم ومااعرف شنو بي قشره ماافهم
بس مااهتميت وبسته
احلى شعور من نايم على صدري ويبجي وابجي وياه
رهف و روز دموعهن وياي وفرحانات
دقايق واخذوا مني
كملوني وغيرت ملابسي ولبستني روز والممرضه
دشداشه ماروني وطلعوني
مابيه حيل احجي تعبانه وجسمي كله يوجعني
ضي: وين ابني رهف
رهف: هسه يجيبونا روز طلبت منهم يغسلوله وينظفوا زين
ضي: لايضيع
رهف: هوه دوده حتى يضيع
ضي: بابا شافه لو بعده
رهف: لابعده هسه يطلعوج وتشوفينا ويشوفه وياج
ضي: حلو
رهف: يخبل ابيض احمر العين عين الحوريات والخدود مثل الكمر والحلك مثل المصقوله بربج هوه اني شفت منا كله دم ويبجي
ضي: ههه عبالي صدك هيج مواصفاته
دخل ضياء الي وشافني نايمه
أجه باسني من راسي
ضياء: الحمد لله على سلامتج
ضي: شفته
ضياء: وين اشوفه
دخلت الممرضه و روز والطفل يدفعونا بلسرير صغير
ضياء شافه قبلي
روز: بابا ماتكبرله وتسمي
ضي: ضياء سمي سامر
رفع الطفل وكبر بأذانه وسماه سامر ابن ضي وضياء
اشوف ضياء يكبر لابنه وابجي
مامصدكه فرحانه بزوجي وأبني
رجعلي عمو سامر بحياتي ابني الي يصبرني على فراكه
دخل ريسان
ريسان: علخير بابا
يبوس ضياء وشاف سامر بحضن ابوه
ريسان: من هسه شايله وذبيتني ما اله هسه تشيلني وياه تره ابسطه
ويضحكنا
اخذته رهف من ابوها وتبوس بي وخلته بسريره
ضياء: تعال اشيلك اجه دورك
ريسان استحه ووخر من ابوه وضياء ناصب عليه
روز: تستاهل حتى تبطل تنصب
يباوعلي ويضحك ضياء تقربلي ودنك عليه
ضياء: حلو الماروني عليج
ضي: ههههه
ضياء: لو ادري من زمان اسولف بمروه واخليج اطلكين
ضي: لاتذكرها باحلى يوم بحياتي
ريسان: شسالفه مستعجل تريد الثاني انتظر نطلع وشاور مرتك
ضياء: 😡
ريسان: ولد مو
رهف: اي
ريسان: شسماه ابوي مرو اسم الذكر لمروه
ضي: اسمه سامر
وللحكايا بقايا
يارب لاتحرم كل أمراه هذه اللحظه والشعور بلامومه
ويرزقها الذريه الصالحه
بليل بارت ثاني
