#قصص_كهرمانه
#القاضي_والمطلقه
البارت ٢٨
.....................
ضياء
نسيت نفسي وياها وسهرتها للصبح
بوقتها اني وياها الشوك مسهرنا
لاتقبل تتركني ولااقبل اتركها
ب٤الصبح
ضياء: ضي ب٤ حبيبي نامي واني ح ارجع للبيت ماشي وب٨ اكعدج
ضي: ابقى يمي
ضياء: اوعدج بعد العمليه نرتب امورنا وتستقرين بيتي ونبلغ البنات
ضي: لا لا تبلغهم اخاف
ضياء: ههههه هذا موضوع طويل غير مره نحجي بي
ضي: ابقى يمي
ضياء: منو قبل يطردني ..ضياء كوم روح لبيتك واولادك ضياء طلكني ضياء عيش حياتك معليك بيه
ضي: هههههه تقلد عليه
ضياء: اضحك على سوالفج قبل مشتاقتلي وساكته تدرين انتي صبوره اكثر مني واني اسمي نفسي صبور
ضي: انت هم صبور صبرت عليه
ضياء: بلعكس انتي الوحيده ماكدرت اصبر عليج
ضي: تعرف من تبوسني مااصدك افرح من تبوسني
ضياء: ههه بدت تطلع السوالف
ضي: هههههه
غطت وجها بأيدها
استحت مني
ضياء: وين هدومي
ضي: ياهدوم
ضياء: الي ماخذتهن من غرفتي ومحظره نفسج للسبح
خجلت
ضي: ضياء😳
ضياء: هههه غنوجتي راح اسبح واطلع
ضي: شوكت تجي تاخذني
ضياء: لا حبيبي ريسان يجي ياخذج لبيتنا ونطلع من بيتنا للمستشفى .. ونامي ارتاحي وراج عمليه
ضي: ماشي
تغطت ونامت
كمت عنها وعفتها تنام وسبحت وطلعت لكيتها نايمه
ماكعدتها. اباوعلها حلوه مااشبع منها
طلعت من البيت ورجعت للبيتي
سمعت صوت ضحك بلمكتب
دخلت للمكتب شفت ريسان يخابر
ريسان: شوي واخابركم الله وياكم
اباوعله متفاجيء
ضياء: ويامن تحجي
ريسان: ويه جماعه وين جنت بابا
ضياء: ياجماعه ساعه ب ٥ونص وبلمكتب تخابر ليش
ريسان: جنت احظر مادتي اشرحها للطلاب وبقيت هنا نسيت نفسي
ضياء: ريسان ويه منو جنت تخابر
ريسان: وين جنت بابا هستوك راجع
ضياء: جاوبني لاتغلس
ريسان: اجاوبك والله بس مو هسه فتره واسولفلك
ضياء: انت تحب
ريسان: بابا انطيني مجال
ضياء: ريسان تعرف رأي بهلموضوع حب ومخابرات مرفوض تريدها اخطبها وحبها بفترة الخطوبه ترضه اخواتك يحبن ويسهرن للصبح حب وغزل وغرام واحنه زلم نعرف شنو كلام الاحباب
ريسان: شسالفه بابا سويتها قضيه عليه مجرد زميله
ضياء: ريسان زميله ب٥ تحجي وياها😡 تريدها اخكبها ماتريدها اتركها
ريسان: اني مااحجي غزل وياها وعيونك بابا تعرف اخلاق ابنك
ضياء: من الصبح غضب وقهر
كعدت كدامه
ريسان: حجي شبيك
ضياء: اكره احد يلعب بأعراض العالم
ريسان: مااقبل هيج تحجي وياي اني مو حب وعلاقه واني محافظ على بنت العالم
ضياء: شنو معناها تخابر للصبح
ريسان: اني مو طفل
ضياء: لا دكول كبرت وعمري٢٩ واستاذ جامعي اسكتلك اني بهذا بيتي مايصير الخطأ حسب حسابك وتمشي بنظامي وقوانيني لاعبالك احنه اصدقاء اسمحلك على الخطأ
ريسان: المطلوب شنو مني
ضياء: اريد اعرف البنيه منو وشنو
ريسان: ليش
ضياء: مو عاجبتك نخطبها
ريسان: بابا ماكو بعد زواج بهلاسلوب
ضياء: ليش الله نزل ايه قرأنيه غير طريقة الزواج لو جيلكم السخيف بكيفه يغير
ريسان: شبيك هيج تعاملني وين جنت ورجعت عصبي عليه
ضياء: فاجأتني بتصرفك وعلاقتك ومخابراتك
ريسان: بابا اعتقد انت حبيت امي وضي لاتحلل لنفسك وتحرم على غيرك
ضياء: اعترف حبيت وتزوجت وماصارحت وحده بحبي الها بقى بكلبي الى ان خطبت وتزوجت
ريسان: وعلاقاتك الحميمه
ضياء: اني رجل والي غريزه وازوج الي برضاتها وبلحلال وهن حتى اذا مو حلال ماتفرق عدهم بس تعرفني كلشي بلحلال وزواج سيد وانطيها كل حقوقها الحاضر والغايب بزواجي وياهن
ريسان: اني ماجرمت اني تعرفت عليها وهذه ثاني مكالمه الي اريد افاتحها بلموضوع ومرتبك شكد شخصيتي قويه بس مرتبك ويه هلبنيه
ضياء: خلي رهف او روز تحجي وياها
ريسان: ضي حجت وياها وهي خابرتني
ضياء: ضي شوكت حجت وياها وشنو هي تخابرك يعني مامستحيه من موضوع الزواج عمي شنو بنات هلوكت
ريسان: ههههه لا مو هيج بس خابرت رادت تسمع مني بس صار مكالمتين نتخابر ومااكدر افتح الموضوع وياها
ضياء: ريسان توعدني وتحلف بأمك ماتخابرها بعد وشوكت ماتريد اخطبها الك
ريسان: اوعدك بس حجي وكتنا تغير
ضياء :بس ربنا ماتغير
ريسان: ان شاء الله الي تريده يصير
ضياء: ضي ليش ماسولفتلي على هلموضوع
ريسان: اني بلغتها مااريد احد يعرف
ضياء: لاتعلم البنيه تضم عليه
ريسان : ضي رافعه راسك بلجامعه اطمأن
ضياء: متأكد منها هلشي
ريسان: بابا ضي لازم تلبسها حلقه ويعرفون مزوجه تره العين عليها
ضياء: منو مخلي عينه عليها
ريسان: اني بلغتكم الحر تكفي اشاره
عافني وصعد
ضياء: وين ب٨ تروح لضي
ريسان: ماجبتها وياك ضياء افندي
ضياء: ٥ اروح للبنيه تعاي وياي
ريسان: ايبااااااه على اساس ماسهران للصبح وياها وراجع للبيت ب٥
ضياء: 😡😡
ريسان: ههههه اطمأن اروحلها ب٨ اجيبلك امي واجي
ضياء: ههههه غضب انته
ريسان: اريد اغير جنسيتي
ضياء: ليش
ريسان: اسم الام احوله من شيلاء ل ضي صلاح
ضياء: هههه اصعد اصعد بعد العمليه اشوف سالفتك
ريسان: الله كريم
دخلت غرفتي ودايخ بكلام ريسان العين على ضي
حلوه وصغيره
اااااخ هذا الي يحب ويزوج صغيره يبقى يخاف عليها
ب ٨ اتصلت على ضي
ضياء: صباح الخير
ضي: صباح النور
ضياء: يله تكعدين ب٨ اخرت ريسان حتى ترتاحين اكثر
ضي: كاعده وسبحت وهسه ح ابدل
ضياء: ليش سابحه شكو
ضي: ههههه يله انتظر ريسان اروح ابدل
ضياء: احبج من تخجلين ويله حبيبي كملي حتى ادز ريسان
ضي: ماشي
ب٩ واجه ريسان وضي
ريسان: اني اجيكم الظهر ماشي طالع عندي شغل
ضياء: ماشي
روز: شلونها نفسيتج
ضي: مااعرف بس عطشانه
روز: مايصير تشربين ماي
ضي: اعرف
اباوعلها حلوه تخبل مشتاقلها
روز : اكمل لبس بسرعه حتى نطلع
ضياء: لاتتأخرين روز
صعدت روز فوك
ضي: وين رهف
ضياء: بلدوام وتاخذ اجازه وتلحكنا للمستشفى
تقربت منها وتلمس بوجها
ضياء: شبيج لاتخافين
ضي: مااخاف وانت يمي
دنكت بستها وبسرعه وخرت
ضي: لاتنزل روز وتشوفنا
ضياء: ههههه جبانه
سحبتها ودخلنا للمكتب
حاضنها كلبها يدك بسرعه عرفتها خايفه
ضياء: ضي لاتخافين سهله وناجحه العمليه
ضي: ضياء اريد اخابر امي قبل عمليتي
ضياء: ليش
ضي: حباب
ضياء: من رقمي مو رقمج
ضي: ميخالف
اخذت موبايلي واتصلت عفتها براحتها وطلعت
نزلت روز
روز: ها بابا
ضياء: تريد تحجي ويه امها دتخابرها
روز: خطيه تريد احد من اهلها
ضياء: بلغت زوج عمتها الموعد والمكان بلكه يجون
روز: كون امها تقبل تجي
ضياء: اني شلون نسيت لازم ماتتصل بيها
نسيت قصة المحكمه
ضي من بحضني افقد وانسى
دخلت للغرفه ضي ساكته
ضياء: ها ضي
روز: يله
ضي: يله نروح
روز: شبيج
ضي: مابيه شي
طلعنا والطريق كله ساكته اباوعلها من المرايه
حزينه
دخلنا للمستشفى مااكدر احجي وياها
كعدت روز واخذت ضي للصالة العمليات
ضياء: ليش خايفه
ضي: والله ماخايفه ومااخاف من الموت بلعكس افرح اروح لعمي وبيبي بس خايفه مااريد اتركك
كلامها أذاني
ضياء: ضي خابرتي امج
ضي: لا خفت تفشلني وسديته قبل مايدك
ضياء: ماشي يله روحي واقري الفاتحه منتظرج ماشي
ضي: اوك
دخلت للصاله وتباوعلي
قهرتني وقلقتني
..............
بعد العمليه
ضي اثناء التخدير
دخلت رهف و روز للغرفه
اني وريسان نصدمنا
لان ضي تبجي وتحجي بلبوسه
ريسان: يله بنات خلونا نطلع
رهف: ليش
روز: خطيه خلونا يمها
ضياء: حتى اني طالع
ريسان: يله نطلع نعوفها ترتاح
روز: شترتاح غير من تصحى تلكانه هاي شبيك تطردنا
ادعي من ربي ضي تسكت
على اعصابي ويه بناتي وتخدير ضي
طلعهن ريسان بره
طلعت وياهم وبعدها بربع ساعه طلعت الممرضه
ممرضه: مريضه تسأل عليكم منو روز
ريسان: اكوم اني اشوفها
روز: اني صاحتني انت روز
يباوعلي ريسان
رهف: اكوم وياج
روز: تعاي
ريسان: ادخل وياكم
اني مااعرف شنو اتصرف بس بقيت ساكت وكاعد
شيصير خلي يصير ضي فضحتنا بعد
وقضت علينا بهذا تخديرها
ريسان: ضياء رحت بيها
ضياء: لازم اعاقب الدكتور على هلتخدير الاكشر
ريسان: ههههههههه خرطتهن ضي كلهن
ضياء: ههههههه اااخ ياضي اااخ منج
ريسان: شكد فطيره وفقيره هلبنيه
ضياء: فطيره وفقيره اي بس قويه وصبوره
ريسان: اكوم اشوف ضي وصلت يارقم بلبوس
ضياء: ههههههههههه ريسان مااقبل تصحكون عليها
ريسان: لا والله خطيه ضي حساسه ماشوف مااشاقه وياها
ضياء: روح شوفهم شوي وادخل
دخل ريسان للغرفه
طلعت موبايلي شفت ضي ماسحه رقم امها من السجل
رحت على اخر المكالمات المده
شفت ٤دقايق و٣٧ ثانيه
طلعت اخر مكالمه الي ضي و٥٥ثانيه
خابرتها كتلها بلطريق ريسان وغلقته ماطولت بلمكالمه وبعد ماخابرت
يعني ضي اتصلت على امها وكذبت عليه
خابرت صديقي شركة اسيا
ضياء: شلونك حبيب
حبيب: هلا بابو ريسان
ضياء: اريدك بشغله
حبيب: تأمرني امر
ضياء: اريد اخر اتصال الي على رقم هسه راح ادزه الك برساله اريد تسجيل المكالمه
حبيب: ماشي باجر الصبح يمك
ضياء: تسلم
غلقت المكالمه ودخلت للغرفه
ريسان: اجه الحجي
شفت ضي كاعده بس تتألم
ضياء: الحمد لله على سلامتج ضي
ضي: اشكرك عمو
رهف: ولج ياعمو قبل شوي بهذلتينا تبهذل زوجتي وحبلتي نفسج وبابا تسمي ضياء لعبتي جوله
تهز براسها من الالم
ضياء: رهف لاتعبيها هسه عوفيها براحتها
ريسان: مره صديقي تخربط علينا ركضنا بي بلمستشفى كالوا لازم نشيل الدوده الزائده اله احنه بس جماعته وياه ماكو اهله وافقنا وخابرنا اهله ودخل الولد يسوي عمليه وبعدها طلع من العمليات مخدري طبعا الولد ماعنده بس اخو اسمه تحسين وهوه اسمه رائد وعنده ٣اخوات المهم كعد يبجي من طلع ..ها ولك شبيك ... ومثل الطفل يبجي اااخ بويه ااخ ليش ابوي نام ويه امي وخلف محمود ولك منو محمود ويبجي ولكم اكتلوا مااريد محمود وحولنا من محمود لعبة العراق يبجي اااخ ليش سقط العراق كله من وره عدنان اليوم اذبحه اله ماازوجه امي وكلنا نضحك عليه كلناله المدرب شعنده يزوج امك بوكتها صار تصنيف
ضحكنا كلنا وضي بلكوه تضحك
وتبجي من الالم
ضياء: كافي لاتضحكها
روز: ولاضي طلعت دكول ابني عايش
ريسان: وكامت تبجي تريد تبوس ابنها
ضي: تكذبون عليه
مبتسمه وتتألم من الالم
رهف: لا والله صدك هيج تحجين وردت اصورج وبابا ماقبل
ريسان: يعني ماتذكرين البوسه
ضياء: ريسان كافي عوف البنيه
وبقوا يضحكون ويشاقون وياها
دخل الدكتور وبشرنا بعمليتها ناجحه
وعلم روز ورهف تمارين رياضيه علاج بعد ٢٠يوم
لازم ضي تسويها
وعلاجات انطاها
للعصر رجعت اني وريسان للبيت
احس راسي طبل ماتحمل ابقى ومانايمه
تركت روز ورهف يمها وحامد وياهم
رجعت للبيت بملابس نمت ماكعدت اله ب١٠بليل
رحت بليل للمستشفى
شفت ريسان يمهم
رهف: وينك بابا
ضياء؛ اخذتني النومه
ريسان: عفتك نايم ماكعدت
ضياء: ضي تكدرين اطلعين اليوم اريد اطلعج ماتبقين بلمستشفى
روز: ليش
ضياء: بلبيت افضل
رهف: اي والله مايحتاج نبقى هنا
ضي: اي عفيه رجعوني للبيت
رهف: للبيتنا ترجعين
ضي: اعرف
عفتهم ورحت كملت الاجرأت ووقعت على مسئوليتي وطلعناها من المستشفى
رجعنا للبيت
ضياء: خلوها بغرفتي
ضي: لا اصعد فوك اكدر
روز: أكيد
ضي: اي أكيد
اباوعلها مشتاقلها تمنيت اني اسندها واصعدها مو البنات
وبالي كله وياها مااكدر اصعد يوميه
خميس وجمعه والسبت تبهذلت
مااكدر اشوفها قليل وكدام البنات
بده الدوام
رهف و روز و ريسان يرحون للدوام
تأخرت على شغلي وعفتهم يطلعون
صعدت الها لكيتها نايمه
ااااخ شكلها يموتني
شميتها كعدت
ضي: ضياء لعد وين البنات
ضياء: كلهم طالعين وتأخرت على مودج
ضي: مشتاقتلك
ردت احضنها وتتألم بعدت عنها
ضي: مااكدر يوجعني
ضياء: فتره ويروح ماكو ألم مشتاقلج وخايف عليج وملهوف عليج
ضي: خلي ارجع للبيت
ضياء: ضي اريد احجي وياج
ضي: شنو
ضياء: ليش كذبتي عليه وكلتي مااتصلت بأمي
ضي: ماكذبت واني منتظره الوقت المناسب احجي وياك بهلموضوع
ضياء: ضي اعرف عرفتي قصة المحكمه
ضي: ليش مامبلغني تخليني اسمع منها وشلون مشتكي على امي
ضياء: لان بسببها انتي بلشارع
ضي: ضياء هذه امي مايصير
ضياء: لاتسكتين عن الظلم حتى اذا امج اني رجل قانون ومااقبل بلظلم والاجرأم اني شعاري كلمة الحق فوق كل شي
ضي: لو امك تسجنها او تشتكي عليها
ضياء: اسكتي ضي
ضي: ليش اسكت جاوب لو امك تشتكي عليها
ضياء: لاتصيحين وتعلين صوتج على زوجج وانتي مسويه عمليه
ضي: الحق بس ويه امي وامك ماعندك حق لعد اني الي حق ادافع عن امي
ضياء: حتى امي ماارحمها اذا ظالمه
ضي: مو من كلبك تجاملني
ضياء: طالع مع السلامه
ضي: لحظه اني اريد اتنازل وخليهم هم هم يتنازلون
ضياء: تنازل مااتنازل
ضي: شلون ماتتنازل هذه قضيتي تخصني الي
ضياء: مااتنازل ومااسمحلج ترفعين صوتج على الحق
ضي: ضياء احنه مو بلمحكمه اني زوجتك لاتكون وياي قاضي
ضياء: ضي زوجتي على عيني وراسي بس دنتناقش على موضوع يخص عملي اذآ مااتنازل عن القضيه واريد حق زوجتي
ضي: واني اتنازل ومااقبل
ضياء: تعانديني
ضي: امي افهم شنو أمي
ضياء: شنو امج شمرتج وذبتج وأذتج
ضي: واذا مو انت تحجي بلحق والدين ربنا طلب نأذي الوالدين
ضياء: انتي ماتأذين بس اني أخذ حق زوجتي افهمي
ضي: مااريد
ضياء: اني اريد
ضي: اختار القضيه لو اني
ضياء: ضي😲
للحكايا بقايا
اسفه بلكوه كتبت هلبارت الكم حبايب
وبس يصير تجاوز القصه تنمسح
تره مشكله بين رجال ومرته ويومين ويتصالحون يعني لاتكبروها وتخبصون الدنيا وتبلشون تذمون بضي
ماعلى الرسول اله البلاغ لاتفشلوني حبابين
