#قصص_كهرمانه
#القاضي_والمطلقه
البارت ٤١
................
ضياء
ماعاجبني وضع خطيبة ريسان
لكن ماكدرت اوكف بوجه وضد اختياره
خطبتها اله على حسب الاصول
رغم كنت اتمنى لريسان انسانه فاهمه مثقفه راقيه بسيطه طيبه حبوبه
لكن هذه القسمه مو كل الي نتمناه يتحقق
بعدت ضي عن الخطبه
اخاف عليها من الهوى واخاف عليها تنجرح من احد
مااريد احد يأذيها ماتحمل اسكت
طلعنا للخطوبه اشوف ريسان فرحان واخواته
روز نظراتها قهرتني
تباوع على العروسه وتتأمل نفسها
تعرف مستحيل زواجها
ربي شوكت تشافى بنتي ليش مستحيل
لاتخليني افقد بنتي اجعل يومي قبل يومها
كملت حفلة الخطوبه وتأخرنا على ضي
رجعت ورهف وروز وياي بلسياره
وصلنا للبيت
روز: بيتنا ظلمه شعجب
نزلت خايف على ضي
ضياء: حامد موجودين بلبيت
حامد: اي عمي قبل ساعتين طلبوا مني لفات اشتريتلهم وموجودين
رهف: ضاربه العشا ضي ونايمه
روز: ههههه لان حامل خطيه ولان ضاجت ماراحت ويانه
دخلت للبيت ودخلت لغرفتنا شفت ضي نايمه
روز: ها بابا
ضياء: نايمه
البنات صعدوا فوك واني كعدت يم ضي اشوفها
ملاك ونايم الاحلى مابيها بشرتها حساسه رقيقه
تلمستها على كيفي فزت
ضي: ضياء رجعت
ضياء: اي ليش نايمه
ضي: مااعرف غفيت
ضياء: شبيج مصخنه صاير شي
ضي: لا ماكو شي بس اعتقد تمرضت اشو نحلانه
ضياء: ارجعي نامي ارتاحي
ضي: كلكم رجعتوا
ضياء: ريسان جماعته اخذوا يحتفلون بي والبنات فوك
ضي: حلوه العروسه
ضياء: ريسان شحب منها
ضي: ههههه البنيه حلوه بس انت لاتغار من خطيبة ابنك
ضياء: ماكمت اشوف البنات حلوات بس انت حلو
ضي: يعني رهف و روز مو حلوات
ضياء: حتى بناتي مو حلوات بس انتي حلوه
ضي: ههههه وبنتك الي بطني
ضياء: انتي احلى منها وارقى منها واطيب منها
ضي: بنتي هم حلوه عزه بس لا تطلع تشبه ابوي لو عمو سامر 🙆♀️
ضياء: هههههه محسب احسابي نص املاكي باسمها حتى يمشي سوكها
ضي: ههههه تقلد على بتنا
ضياء: اني حجيت انتي تقلدين
ضي: اكوم اشوف البنات
اشوفها دايخه وايدها ترجف مصخنه
ضياء: بيج شي ضي صاير شي
ضي: لا اكيد لا
كامت وطلعت صعدت للبنات
اسمعهن فرحانات وتسولف وياهن وتضحك
رجع ريسان لليل متأخر
بعد اسبوع عقد محكمه ريسان وسناري
اني عقدتلهم
المحكمه فرحانيلي ويباركون الي ولريسان
بيومها ريسان معزوم عند اهل سناري
ثاني يوم قررت اعزم سناري
تتعرف على بيتنا وحياتنا
بليل قررت هذا الشي
ضياء: بنات باجر ماكو طلع لخالاتكم او صديقاتكم
رهف: عندي واجب لبنت خالتي
ضياء: اجليها
ريسان: تستاهلين شكد اطلعين ولاعبالك بنيه سيارتج وتفترين
رهف: بابا راضي انت شكو
ضياء: رهف شنو شكو هذا اخوج وحاله من حالي
رهف: ماشي بابا
ريسان: نسوان اله بلعين الحمره
ضياء: وسناري شلون معاملتك وياها بلعين الحمره لو الخضره
ضي: ههههههه اكيد صفره
رهف روز: هههههههه
ريسان: مااجاوب افضل اخاف على سمعتي الاستاذيه
ضياء: سالتك سؤال وجد بسؤالي
ريسان: اكيد بابا حمره بس بمايرضي الله وتخاف مني
ضياء: المهم تحترم مو تخاف
ريسان: اكيد
ضي: تحب ريسان تموت عليه وتخاف منا وتحترمه اضحك عليها من تزعل وتريدني اصالحها عليه
رهف: دفاع الهجوم دافع لسناري
ريسان: احسن منج
رهف: لا والله احبها وفقيره ومحبوبه سناري بس ديربالك من امها تقره براسها
ضياء: ريسان باجر معزومه بيتنا سناري تتعرف علينا وعلى بيتنا وطبايعنا
ريسان: ان شاء الله
دنتعشا واتصل رقم غريب وضي تباوع على الرقم
رديت عليه
ضياء: الو
مروه: ضياء اني مروه
ضياء: اهلا وسهلا
مروه: اكدر اشوفك ضياء
ضياء: ليش صاير شي
مروه: اني بلمزرعه محتاجه اشوفك
ضياء: امر ضروري
مروه: الله يخليك ماعندي غيرك
اباوع ضي تباوعلي
ضياء: ماشي شوي واني بلمزرعه
غلقت المكالمه وكمت
ضي: وين
ضياء: بلمزرعه
ضي: ليش
ضياء: لاتحققين ضي
ريسان: اكيد جماعه تريده ضي اسكتي
سكتها ريسان
دخلت للغرفه اجت وراي
اعرفها ماتتركني بحالي
ضي: منو اتصل
ضياء: جماعه
ضي: لا مو جماعه مروه اتصلت صح
ضياء: من ارجع نكمل كلامنا
ضي: وين طالع مستعجل
ضياء: هاي شبيج ضي
طلعت وضي تباوع مستغربه
رحت للمزرعه شفت ابو اسعد
حامد: اشو عمي ابو اسعد بلباب غافي
ضياء: لعد وين مروه
حامد: اكيد مدخلها جوه
حامد: ابو اسعد
ويدك الهورن
كعد شافنا ونزلت من سياره
ابو اسعد: ها بويه
ضياء: مروه وين
ابو اسعد: اجتي وراحت ماخليتها تبقى تعاركت وياها
ضياء: اتصل عليها خلي تجي
ابو اسعد: ياعمي توكعك بمشاكل
ضياء: دزها الي
دخلت للبيت انتظرتها ساعه واجت
دخلت للبيت اشوفها لابسه عبايه اسلاميه
ضعفانه و وجها شاحب
ضياء: شبيج مروه
مروه: تعبت ومحد يعالجني غيرك
ضياء: شنو قصدج ليش ماترحين مستشفى ومصاريفج توصلج بأيد ابو اسعد
مروه: ضياء اريد اتوب وعلى ايدك اريد اكون تحت رعايتك
ضياء: مو اني الي اساعدج انتي لازم تساعدين نفسج
مروه: مااكدر حارث وباجياتي مايخلوني مااكدر
ضياء: شلون ماتكدرين موقعى على اوراق
مروه: اي اوراق اتفاق بمبلغ يكسر الظهر
ضياء: وتريدين اساعدج وانتي مرخصه نفسج شنو من بشر انتي
مروه: اعرف الله يخليك شتريد تحجي احجي بس ساعدني
ضياء: وشنو يثبت اتوبين
مروه: اني مو هيج الظروف جبرتني ماعشت الي عشته اني
ضياء: زوجتي عاشت اكثر من الي انتي عشتيه وحافظت على نفسها الي يريد يحافظ على نفسه لا الظروف ولا غيرها تجبر البشر
مروه: توقعت توكف وياي
ضياء: اعتبري الموضوع انتهى واساعدج لاجل التوبه بس مروه ماارحمج اذا ترجعين
مروه: طلب ثاني اريد مكان اعيش بي شغل شريف
ضياء: ابو اسعد يحل هذه المشكله
مروه: ضياء
ضياء: مروه اسمي ابو ريسان
مروه: ماشي واطلب طلب اخير اتمنى تخليني قريبه عنك وتحت ظلك وموافقه بدون علم احد
ضياء: انتي بديتي تتغيرين للافضل لاتخلين ابالج شرور ولاتتوقعين الي ابالج يتحقق
مروه: مو قصدي بلحرام
ضياء: لاتكملين كلامج واذا كملتي كلام ارجع لبيتي
مروه: ماشي واني اسفه مع السلامه
طلعت وطلعت بعدها للبيت
افكر بكلامها اساعدها او لا
فعلا تتغير مروه وتتغير او تكذب
رجعت للبيت وشفت ريسان كاعد بلحديقه ويخابر
عفته ودخلت للبيت شفت ضي كاعده بلصاله وحدها
ضياء: ليش كاعده
ضي: وين كنت اعرف بلمزرعه واعرف جماعه بس متو وليش
ضياء: ضي لاتحققين وياي اني مو طفل او مراهق
ضي: اني زوجه والي حق اسألك
ضياء: اني مو شاب اني رجل والي كلمتي حتى اذا زوجتي ماالج حق تسالين
ضي: ماالي حق لعد وين الحق الي انت تحجي بي بلدين والقانون مايصير الزوجه تسال زوجها القاضي وين طالع ومايقبل يكول لزوجته
ضياء: انتبهي على كلامج😠
ضي: انت اذا مامهتم للطلعه كول وين جنت واني منتبهه على كلامي انت انتبه مزوج وزوجتك حامل وبالك يم مروه
ضياء: مروه شنو
ضي: ضياء لاتتوقع زوجتك ضعيفه وماالها احد تستغلها وتحب وتعشق مروه واسكت والله اعوفك وارجع للامام اكعد اني وابني
ضياء: ضي شلون هيج تحجين وتجاوزين بكلامج وشنو تهدديني وشنو مستغل ضعفج
دخل ريسان واحنه نتعارك
ضي: اريد اعرف ليش طلعت ورحتلها شنو معناها انت حتى مااهتميت لمشاعري كدامي تحجي وياها وتروحلها
ريسان: شكو
ضياء: كافي ضي روحي لغرفتج نامي
ضي: مااريد انام بيتك ولا غرفتك خلي مروه تنام
لزمت ايدها حيل ماتحملت كلامها
ضياء: لاعبالج اسكتلج تستغلين حبي الج
ضي: ياحب هذا وانت رحت لمروه تركض عليها
ريسان: شنو مروه ضي بابا طالع لجماعته
ضي: سمعتها بأذني صوت بنيه وكالت اني مروه صح لو لا ضياء
ضياء: اني مانكرت ولا نفيت مروه
ضي: شلون من سالتك منو جاوبتني جماعتك ماذكرتها
ريسان: مروه شبيها بابا
سحبت ايدها مني ودخلت للغرفه تبجي
ريسان: شنو الموضوع بابا
ضياء: ماكو شي
دخلت للمكتب ودخل ريسان وياي
ريسان: شبيها مروه فعلا رحتلها
ضياء: اي
ريسان: انت مزوجها
ضياء: ريسان لا انت الثاني هم شنو مزوج
ريسان: شنو معناها حقها تزعل ضي منك
ضياء: رحت لقاء طلبت مساعده توقعت شي خطر وسالفه مهمه طلعت سالفه عاديه وتريد اساعدها
ريسان: شنو الموضوع
ضياء: حسب كلامها اتوب واوراق عليها وتخاف
ريسان: هههههههه مروه اتوب اذا هي خانت زوجها باسم الظروف اتوب من شغلها بكل هذه ظروفها بابا اعتقد مايحتاج تساعدها
ضياء: اذا اتوب اساعدها عسى ولعلى فعلا تتغير
ريسان: بابا لاتخرب بيتك بسبب مروه وانت هستوك بديت حياتك واول طفل بلطريق وماصدكت زوجتك
ضياء: ولك كوم من يمي ماناقصك ولاناقص تشاقه وتنصب
ريسان: طالع تصبح على خير
ردت اروح للغرفه بس عفتها ترتاح وزعلت من كلامها
ماتحملت تهددني
ضي تصرفات طفله وصغيره وطفله وحقها تغار وتسأل
لكن عمري مايسمح استقبل هذا الكلام وتصرفات منها
رجعت للغرفه ونمت ولا اهتميت لامرها ولا اهتمت لوجودي
شفتها مغطيه راسها ونايمه
بقيت افكر لكلام مروه حسيت اكو خدعه بلموضوع
ماارتاحيت لكلامها اكو لغز
بليل واسمع ضي تبجي
تعتقد اني نايم
اااخ ياضي شكد احبج وماتحمل اشوفج مكسوره
حبج جنني بس ماتفهمين وماتعرفين حبي الج
ضياء: ضي ضي
ضي: ها
ضياء: ليش تبجين
كامت عصبيه اخذت الغطا مني والمخده ونامت بلارضيه
ضياء: هههههه وين كايمه لو ادري ماسألتج
ماترد عليه ونايمه
خلتني اشتاقلها واسامحها بسرعه بسبب سوالفها
عرفت تريد اصالحها وتدلع عليه
كمت الها
ضي: ضياء حامل ولاتعصبني بهليل كوم بفراشك نام بعد لا زوجتك ولا تتقربلي تحرم عليه
ضياء: ههههههه هذه قويه تحرم عليه وحدج تحرمين وتحللين وين سامعتها يافلم
ضي: لاتضحك كوم اني مااضحك ولا اشاقه وياك
ضياء: بربج قاضي شطوله شعرضه ينزل لغنوجته يصالحها وترفضه
ضي: مروه ماترفضك روحلها
ضياء: هههههه الله لايوفقني ذكرت اسم مروه ذاك اليوم بس عمي هي ام الخير بسببها خليتيني اتقربلج وانام بحضنك
حضنتها ودفعتني
ضي: كوم من فراشي ضياء اصعد بفراشك
ضياء: انطيني ما واكوم
كامت تبجي وتحجي نص كلامها مافهمته
ضي: لا انت والوكت عليه ابد لاتصير ويه الوكت تجرحني وتاذيني صبر ماكو حيلي نهد احبك ماتحمل تخوني واسكت لان ساعدتني او لميتني من الشارع تستغل ضعفي وتروح تحب وتزوج غيري ولازم اني اسكت ومااحجي ليش الكل يريد ضي تصبر وتتحمل تنهان وتسكت ليش انت الوحيد املي بهلدنيا
تفرفح ودموعها تجري
ماتحملت كلامها معقوله اني مأذيها لهلدرجه
ضياء: ضي لانايم وياها ولا خاينج ولا مستغلج
ضي: عوفني طلكني وروح عيش حياتك ويه مروه
ضياء: ضي شنو اطلكج شنو مروه مو بالي افهمي مجرد انسانه اساعدها
ضي: اني هم ساعدتني وازوجتني
ضياء: لاتقارنين نفسج بيها😠
ضي: اني حالي حال كل بنيه عابره بحياتك شبعت مني تركتني ورجعت لمروه
ضياء: ضي شهلكلام تخبلتي
ضي: انت ماتحس بلنار الي بداخلي زوجي ونور عيني ينام ويه ثانيه كل حركه ودلع تسوي الي اتخيلك وياها شلون بعد ماتريد اتخبل
ضياء: تعبت من كلامج وماتقبلين تقتنعين بكلامي
كمت عنها طلعت من الغرفه
ضي: روح اطلع عوفني بقهري وانت فكر بلمستقبل وياها😢
بقيت بلمكتب اقره كتاب قانون عجبني
(ربيع دمشق ..قضايا ، اتجاهات،نهايات)
نسيت نفسي وللصبح اقره
اسمع صوت البنات
طلعت من مكتب تعبان مصدع
روز: صباح الخير بابا
ضياء: صباح النور باباتي سويلي كهوه ودخليها لغرفتي
روز: ماشي
رهف: بابا من صبح
بابا: راسي مصدع
دخلت للغرفه شفت ضي نايمه بفراشها
صليت وكعدت بفراشي
دكت الباب روز ودخلت
روز: شعجب بعدها ضي نايمه
ضياء: بابا سدي الاضويه من اطلعين
روز: هاي شنو بابا راح ترجع تنام
ضياء: لاتكعدونا ماشي
روز: بابا غير عازمين خطيبة ريسان
ضياء: ضي شوي وتكعد
روز: ماشي
طلعت وشربت كهوتي نصها واخذت مسكن
ونمت بلفراش ضي كامت طفرت
تعبت منها معانده هلمره
ضياء: ضي تره تعبان
ضي: طالعه من الغرفه
ضياء: ارجعي نامي انتي اليل كله سهرانه وموزين عليج
ضي: معليك بيه
ضياء: ههه اللهم صبرني
كامت ادردم وسوالفها تضحك رغم عصبيه
غسلت وصلت وادردم
اسمعها واغفي ومبتسم مااكدر اجاوبها
الظهر كعدت اباوع ب١ ونص الظهر
معقوله اليوم نايم لحد هذا الوقت
طلعت لكيت ريسان و روز
ضياء: ليش عايفيني نايم
روز: ضي ماقبلت نكعدك
ضياء: ريسان وين مرتك
ريسان: الاجواء متوتره اجلتها على العشا
ضياء: وين ضي
ريسان: ياراكل تزعل مراتك وبتسأل عنها اشوف فيك يوم
ضياء: روز وينها
روز: فوك نامت بغرفتي تعبانه
ضياء: ماشي اني راح ابدل و طالع
ريسان: وين
ضياء: شنو سالفه منو الاب والجبير بهذا البيت ماكو نظام ماكو احترام كل ساعه واحد يحقق وياي لاتتمادون وياي ولا عبالك انت كبرت او اخواتك كبرن وتفرضون كلامكم عليه
ريسان: شسالفه اعصابك
تعاركت ويه ريسان واصيح بلبيت اسمع ضي
روز: اسويلك غده
ضياء: صيحي ضي بسرعه تحظر هدومي كليلها اريد اطلع
صعدت ونزلت بسرعه روز
روز: بابا اني احظرها الك
ضياء: وين ضي
ريسان: البنيه تعبانه عوفها ترتاح
روز: خطيه نايمه اني ابدالها بابا
ضياء: اني هسه شحجيت وياكم لاتفرضون وتتحكمون بكيفكم
ضياء: ضي ضي
اصيح باعلى صوتي
روز: نايمه
ضياء: روز😠 امشي اصعدي لغرفتج بسرعه
ريسان: شسالفه حركت البيت
نزلت ضي عيونها مورمه ووجها احمر
دخلت للغرفه طلعت الملابس وحظرت غراضي
وبقت كاعده واني البس
ضياء: نامي هنا اني طالع
ضي: انت مسئول وحجايتك تمشي بهذا البيت على عيني وراسي بس مو عبده يمك انام وين مايعجبك وانت شكو بيه روح لحبيبتك
ضياء: ماشي ضي لحد الان ساكت وصابر عليج
ضي: محتاج بعد شي
ضياء: ماطلعين اله من اطلع من الغرفه ومن البيت ياله تعوفيني وتصعدين
بقت كاعده وساكته
طلعت عصبي
ريسان: تجي على العشا
روز: سناري تجينا
ضياء: اعرف افتهمت اكيد اني بلبيت ومن ارجع مااريد الوجه مغندب كدام البنيه عيب
اباوع على ضي
ريسان: والله ياحجي بلغ نفسك لاتغندب علينا كدام البنيه وتسويلنه حفله مثل هذه حفلتك
عفته وطلعت
صعدت للسياره حامد يسوق واعصابي متوتره
حامد: عمي اكدر احجي وياك بموضوع
ضياء: تفضل حامد
حامد: موضوع مااريد ست ضي تعرفه
ضياء: شنو
حامد:؟؟؟؟؟
*******************
