#قصص_كهرمانه
#القاضي_والمطلقه
البارت ٨
...................
ضي
سمعت صوت القاضي
وعيوني مااكدر افتحهن
واكو الم الم مو طبيعي
ومااذكر ومااعرف الي صار
بابا وين صار موتنه لو لا
بيبي عايشه ميته
اني وين
رجعت بغيبوبه
رجعت اذكر طفولتي
.......................
عمري ٨سنوات
وعيت على الدنيا بيبي هي امي
وعماتي مزوجات
عمو سامر شاب
من صغري اشوفه يشتغل ويركض على العيشه
جدو متوفي
بابا اااااخ من بابا
طلك ماما وتزوج واني عمري ٣سنوات
ماافهم الدنيا
ماافهم بابا يحبني لا
زوجته الثانيه رغد
طيبه وحبوبه
حسب كلام بيبي وعمو سامر
تحملت بابا
وجبرته اني وياهم بلغرفه اعيش
تشتريلي وتصرف عليه
وتحبني
وتلبسني وتغسلي وتوكلني
صارت ام الي
وعوضتني عن حنان الام
اذكر شكلها
سمره وعيونها وساع خضر رغم سمره وقصيره ودبدوبه
واخذها من القرى والارياف
شكلها حلوه تنحب جمالها يجنن
بابا محظوظ بزوجاته
جانت زينه وياي ويه بيبي وعمو سامر
حتى ويه عماتي
هيه قايمه بلواجب التنضيف طبخ
حتى ملابس عمي سامر تغسلهن
وكل وقتها الي
ومن تروح لاهلها تاخذني وياها
تعلقت بيها
صار عمري ٦ سنوات
كمت افهم
اذكر تلبسني وتغنيلي
وتسوي كصايب
رغد: كوكوكتي كوكوتي وين اختي ..بلحله وشتاكول باجله وشتشرب ماي الله .. وين تنام بأرض الله
ومن تكمل اطفر واكلها عيديها ماما
تتعمد تسكت حتى اطلب منها وتغني
جنت افرح وهي تفرح
ونغني وندرس ونلعب سوه
جنت اضوج من شكلي بهاق
اشوف ناس ينقهرون عليه ويسالون
من اطلع ويه يمه رغد او بيبي
كمت ابجي مااقبل اطلع وياهم
رغد: يله يمه كومي نشتري بيض نتريك من الدكان واشتريلج مصاصه
ضي: مااريد مااطلع
رغد: ضي شبيج يمه
ضي: ماما شبي جسمي ابيض واسود
رغد: مابي وعادي
ضي: ليش مو مثلكم
رغد: ليش سمره مثل جسمي وبيضه حلوه مثل بيبي
ضي: اريد اصير مثلج يمه
رغد: من تكبرين يصير جسمج ابيض كله ابيض وحلو حلو حلو وكلها تتعجب عليج شكد حلوه
ضي: اريد هسه
رغد: هسه صغيره اله من تكبرين يوكع هذا ويتغير وتصيرين تخبلين
ضي: واصير حلوه مثلج
رغد: احلى مني
ضي: وعيوني مثل عيونج
رغد: ههههه بت صلاح ابوج عيونه زروف شلون اسوي عيونج مثل عيوني
تضحك عليه وتشاقه وياي
تخليني اكوم وياها اطلع
يوم من الايام
تغنيها وتبجي
اباوعلها دموعها تجري
استغربت نقهرت عليها
بستها بخدها
وامسح دموعها وهيه تحضني
وكامت لبست عبايتها
مثل كل يوم اخذتني للمدرسه
مدرستي قريبه على بيت جدي
ولزمت ايدي
لحد الان اذكر كلامها
رغد: يمه اسمي ابد لاتعوفين دراستج ضي تريدين ابقى احبج اريدج تكملين وادرسين وتصيرين احسن دكتوره ولاتزعلين عليه يايمه وابقي اذكريني ماشي
اني هزيت براسي
اي
وبوستني بكل قوه وحضنتني
كامت تبجي
بقت واكفه تباوعلي وتمسح دموعها بلعبايه
بوقتها مابجيت
بس من اذكر هذا الموقف ابجي
ابد مايروح من بالي هذا الموقف
وبعد ماشفتها من يومها
تاذيت ابجي عليها
بيبي تسكتني
عمو سامر يطلعني يشتريلي قمر الدين بلتمر
جنت من اروح لبابا
ابجي على ماما يضربني
محد يقبل ياخذني الها
ومااعرف وين راحت واختفت
فجأه بعد اشهر
اجتي مره بلبيت
مااعرفها
اخذت مكان ماما
وكنتورها
ومااحبها وابجي
اكلهم هذا كنتور ماما بيبي
وتسكتني بيبي
تحليني على رجلها وتهز بيه
واني طويله وبلمدرسه
وتعاملني مثل الطفله عمرها ايام
وتون على اغنية دللو
جنت اسمعها بصوت بيبي ابجي
وبيبي تبجي وياي
واريد امي
ومحد يرحم بحالي
ابقى نايمه بحضن بيبي للصبح
اغفى بحضنها ودموعي على امي
الزوجه الثالثه منال
منال ضعيفه عباره عن عظم من يومها ضعيفه
لحد هذا اليوم نفس ضعفها وجسمها
تسمي نفسها رشيقه انوثه
وهي عباره عن جلد وعظم
حنطيه
وبنص خدها عدها علامه نص دائره
ماتقبل دكول شنو هاي
بس شكلها مثل النص فلس
وشكلها لاحلوه ولا قبيحه
بس افعالها واخلاقها قبيحه
ابد ماحبتني
ونزلت غراضي لبيبي
جانت فوك ٣غرف لعماتي وابوي وعمي سامر
من تزوجن عماتي غرفتهن تحولت مخزن
من تزوج ابوي منال
صارت مشاكل وماتقبل وجودي بحياتهم
على اساس تغار على بابا
خاف يذكر زوجته الاولى من يشوفني
الى ان شوي شوي
بديت انسى امي رغد
وبلمدرسه اقره
عمي سامر يقريني
ومرات عماتي
بيبي ربتني تحبني اكثر من روحها
الي تكدر عليه خطيه تسوي ألي
بدت بيبي دزني اشوف امي الحقيقيه اتعرف عليها
زوجها مايقبل
وساعه زمان وترجعني
عندي اخوات واخوه من امي
بس كبرت ومااعرفهم
كل ٨اشهر و٣ مرات شافتني
وبعدها ماتقبل نلتقي
بس تخابرني وتسأل عليه ومن تخابر كل شهرين
كأنه تخابر زميله ٥دقايق وتشرد
شلونج ماما شخبارج محتاجه شي شلونهم وياج
اني جوابي الها بس زينه وبعدها تنهي المكالمه
اما منال تكرهني
وكرهت بابا بيه
فتره طويله مايصير اطفال عدهم
كبرت وصرت بلمتوسطه
ومنال ماعدها اطفال
فهمت منال حبت بابا
اثناء زواجه من رغد وخلته يطلكها ويزوجها
ومسمومه
السم قليل بحقها
صح مامقصره ويه بابا
بس ويانا تختلف وماتحبنا وتتعارك ويه بيبي
من تشوفني وحدي
تملشني تكرصني تضربني
من ابجي واكلهم تنكر
تحقد بابا عليه وتقلب القصه لصالحها ويضربني
بيبي تصير بوجها
يخاف من بيبي مايكدر يتنفس بابا كدامها
ومشاكل بيبي ومنال ماتخلص
اكثر مشاكلهم لخاطري
عمي سامر مايدخل
مايقبل على بيبي تتعارك
ويحبني يدرسني يعلمني
شاطره وذكيه
من اذكر يمه رغد
اكول خلي اكمل دراسه وادور عليها
واكلها كملت دراستي
جنت اتمنى التقي بيها
من اسألهم محد يقبل يجاوبني وين مكانهم
حتى عمو سامر يسكتني
يكلي راحت لحالها ليش نفتح دفاتر قديمه
اني كبرت مااعرف شنو عاهه جسديه
بس اعرف بهاق
محد تصادقني
ويضحكون عليه ويسموني البكعه
ابجي انقهر
ومرات اقرر ابطل
وعمي سامر وبيلي مايقبلون
الى ان عمي سامر قنعني
يغارون مني لان شاطره وذكيه ومؤدبه واصلي واصوم
عكس افعالهن
وعلمني مااخجل بس من الحرام
كدام الناس والعالم هذه شخصيتي
اما بداخلي
ابجي دم على وضعي وعلى الكلام الجارح
بلبيت ابد مااسمع احد يجرحني بمرضي
حتى منال ماتعيرني بمرضي
الى ان صرت بلثاني متوسط
منال حبلت
عبالك حبل العراق مو منال
راحت لاهلها
بقت ٨اشهر يمهم
اني مرتاحه منها
ورجعت النا والطفل بحضنها بنيه
اختي اسمها عذراء
على اسم ام منال
هنا منال سيطرت على بابا سيطره تامه
اني حتى سلام مايسلم عليه
يصيحني اصعد انظف الغرفه واساعدها
بيبي ترفض هذا الشي
اني اصعد لان خجوله
استحي من بيبي وعمي ومااريد مشاكل تصير بسببي
اصعد اساعدها وانزل
وكم شهر وحبلت منال
هم بنيه ماحبت الطفل
رادت يوكع بكل الطرق بس ماكدرت
اجتي للدنيا الطفله اسمها نبأ
كامت تكثر المشاكل بينها وبين بيبي
طلبت غرفة عمي سامر تصير الها
وانطاهم الغرفه حتى يهدء الوضع
اخذت حتى المخزن
وصار مشتمل الها
هول وغرفه لبناتها وغرفتها
والاكل والشرب ويانا
لان بابا مشارك بمصرف البيت تاكل ويانا
منال بعد محد مسموحله يحجي وياها
حتى عماتي او بيبي او اني كامت تستخدمني خدامتها
اسكت لخاطر ماتصير مشاكل
مره ماادري افتح المبرده وطكت الكهرباء
احترك الواتربام
لعبت جوله بيه منال مارحمت بحالي
ضربتني
نزلت ركضت جوه وعمي سامر موجود
بوقتها اول مره اسمع هلكلمه بلبيت
منال: بكعه لو بيج خير مو تحركين المبرده ام ربع ثدي
نصدمت بكلامها
وستحيت استحيت من عمي سامر
مراهقه وينذكر ثدي
ماادري عمو سامر يعرف عن مرضي
وكمت ابجي وختلت بميز النضد
ونقهرت على مرضي
هنا عمو سامر بده يحارب بابا ومنال
ومايسمحلهم يتجاوزون بحقي
نقهر عليه من شاف دمعتي
وخجلي من الموضوع
من يومها منال بدت تعيرني دائما بمرضي
وبيبي ماتسكتلها .. منال توز بابا عليه
اضطر اسكت وتحمل
جنت اتمنى كلمه حلوه من بابا اشوفه
اباوعله جنت فرحانه مامبين من اروح للمدرسه
محد يعرف
وابجي ليش ماعدني
البنات بلمدرسه عدهن وصدرهن كبار واني هستوه بده ينضج الاول
من الخجل اخلي وصل ابوكها بسكوت من منال
غراض اخواتي
واخليهن بصدري
حتى مايبين صدري كدام العالم
تقريبا نهاية السنه بصف الثاني
وحيض صار عندي
بس سامعه عنه بس مااعرف شنو وشلون
كمت كل دقيقتين ادخل للحمام
وابدل ملابسي داخليه
واغسل بسكوت واطلع
مااعرف شلون اوقفه وبقيت يومين متبهذله
واراقب نفسي وخجلانه
انتبهت بيبي عليه
بيبي: ضي ليش اهواي دخلين صحيات شكو
ضي: بيبي شعندي غير عادي احتاج اروح
بيبي: مو كل ٥دقايق ادخلين وليش تتأخرين
ضي: بعد ماادخل ارتاحي
استحيت منها وشوي وصاحتني
بيبي: تعاي يابيبي
دخلتني للغرفه وعرفت بلحيض
شلون عرفت مااعرف
وخجلتني وشرحتلي
وطلعت خطيه بنفس الساعه اشترتلي مستلزماتها
اني الخجل موتني ومستحيه
ومحتاجه لامي
عرفت بوقتها شنو دور الام
شسوي بيبي ماتكدر تعوض مكان الام
واخجل من عمي ومن كل البيت
كبرت وصدري بده يكبر
وبدت بيبي توصي عماتي يتشترن مستلزمات نسائيه
بديت اخلي اسنفج اسويها دائريه وارتبها واخليها بصدري
يمكن كم مره اخذوني للمستشفيات الحكوميه
وماالها علاج اله بره
او مستشفيات خاصه بلعراق
بابا يتمكن يعالجني ومايأثر على مصرفه اليومي
وامي ايضا تتمكن اكثر من بابا تعالجني ومايأثر على حالتها الماديه
وكبرت وصرت بلاعداديه
منال اجاها الولد
صارت منال الامبراطوره جابت الولد لبابا
وتخبل بلزايد علينا
منال ماتريدني بلبيت
مختنكه مني كل همها اطلعني من البيت
الى ان جابتلي قسمة نوح يخطبني
اذكر من اجه والتقيت بي
ماكدرت ابلغه بعاهاتي الجسديه بأول لقاء
لان عمري مامسولفه ويه احد
ولد عمتي واصغر مني
ومااعرف شباب
وبعد لقائنا بيومين
صعدتلهم الغده سمعت منال تسولف ويه بابا
ضي: 😲😲😲😲
................
فزيت على صوت يكعدوني
يصيحون اسمي ضي ضي
اني ضي
ووحده تحجي
؟: تره صارلها اهواي شنو عايفيها
دكتور: البنيه بصدمه عصبيه وايضا الحروق عميقه
؟ : بدت تفتح عيونها
دكتور: اي كعدت .. ضي ضي تسمعيني
حلكي ناشف ويابس
عبالك ايام ماشاربه ماي
وبلكوه احرك براسي
مااكدر انطق او اصيح
ضياء: كعدت تسمعك
دكتور: ضي ضي
أشرلهم على حلكي محد يفهمني
طلعت لساني اريد يفهمون
بعد ماتحمل يوجعني
؟ : يمكن عطشانه
ركضت فتحت بطل ماي
دكتور: بس بللي شفايفها
ايدها ناعمه النعومه الي بأيدها غريبه وبارده تخبل
مااكدر اشوفها افتح عيوني
افتحهن واسد
بللت شفايفي
حيتني من رطبت شفايفي بلماي
؟ : شكد شفافه هلبنيه فدوه شوف حتى الاورده بجسمها مبينه خطيه
استغربت وين عمي سامر
وين بيبي
وين اني
القاضي ليش هنا
معقوله سويت عمليه لصدري وماادري
بلكوه فتحت عيوني
واشوفهم زين
وشفت بنيه بدر مو بنيه
ضياء: صحت
دكتور: اي
ضياء: سلامتج ضي حمد لله على سلامه
اهز براسي
وارجع اهز براسي اسأل عليهم
ضياء: شنو احجي
؟: الظاهر بعدها ماتكدر ترد
ضياء: ضي شلون تحركين نفسج
؟ : مو وكت هلسؤال
عزه شنو احرك
اذكرت الي صار بينا
ضي: مممممممممم
واهز براسي حيل وخايفه على عمو سامر وينه وبابا وينه وبيبي وينها كلهم بخطر
ضياء: اهدئي اهدئي
؟: بابا صيح الدكتور بسرعه
دخل الدكتور ألي
دكتور: ضي احجي
اشرله مااكدر احجي
احرك شفايفي ومااكدر
ضياء: شنو معناها من ماتحجي
دكتور: عادي من الصدمه ساعه ساعتين
ضياء: شلون نفهمها هي شتريد
بقيت احرك براسي وأشر
؟ : تره مبينه تسأل على اهلها
دك موبايل ضياء وطلع
وتقربتلي وخلت ايدها على راسي
تقرالي ايات قرأنيه بطريقه يشرح الصدر
غمضت عيني
شوي ودخل القاضي
؟ : ها بابا
القاضي: هذوله وين اهلها اريد اروح خابرني ريسان ولازم اوصلج للبيت واروحله ومحد سأل عليها
؟ : بابا روح وابقى يمها وحامد يبقى يمي
ضياء: ماشي اني راح ادز ام اسعد تبقى يمها وحامد يرجعج
؟ : بابا ماعرفت شصاير
ضياء: ابو ضي يعالج
ضي: 😲😲😲
وللحكايا بقايا
