#قصص_كهرمانه
#القاضي_والمطلقه
البارت ٣٠
...................
ضياء
ضي: امي
ضياء: روز اخذي ضي ورهف واصعدوا فوك
ضي: ليش اصعد
ضياء: ضي بديتي اضوجيني
ريسان: ضي اصعدي ويه البنان
ضي: ضياء الله عليك عوفني جوه
روز: ضياء شنو😲
ضياء: ضي اصعدي فوك😡
ريسان: روز اخذي ضي واصعدوا رهف رهف تعاي
رهف: ها
ريسان: اخذي البنات واصعدوا
روز: يله ضي تعاي
ضياء: ريسان دخلهم
طلع ريسان بره
ضي: روز عوفيني ويه عمو ضياء شويه
ضياء: ضي
ضي: الله عليك
ضياء: بنات اصعدوا فوك تجي وراكم ضي
صعدن البنات وضي بلمكتب
ضي: اريد اعرف ليش تريد تصعدني فوك اني وياك ضياء مو ضدك خليني التقي بأمي
تبجي وتحجي
ضياء: ضي مااعرف شبيج وياي تخيريني بينج وبين القضيه وبعدها سالفة نوح الي لحد الان ماافهم قصته وهسه تعانديني كدام اولادي ماتقبلين تسمعين كلامي
ضي: اسفه بس والله من خوفي عليك مااريد الماضي الله يخليك عوفه اريد اعيش وياك بسلام وأمان
ضياء: روحي هسه
ضي: اريد اشوف امي حباب
ضياء: صدك تحجين
تقدمت عليه وحضنتني
ضي: ضياء بداعتي اريد التقي بيها لاتمنعني
ضياء: ليش لان مشتاقتلها لو غير شي
بقت ساكته وحضنتي
ضياء: شبيج ضي
ضي: خايفه اخسرك مااريد مشاكل تعبت افهم شنو يعني تعبت
ضياء: ماكو مشاكل وماتعبين ماطول اني وياج لاتخافين
فتح الباب ريسان
بعدت ضي بسرعه من حضني
ريسان: اسف عبالي وحدك
ضياء: دخلتهم
ريسان :بغرفة الضيوف ام ضي وزوجها ووياهم رجال اخو ام ضي
ضياء: ضي ضيفيهم
ريسان: راح تدخل ضي
ضياء: تريد تشوف امها
دخلت للاستقبال اني وريسان
سلمت عليهم وكعدنا
ام ضي: اني اعرف ضي هنا عايشه
ضياء: شلون عرفتي هنا
ام ضي: من عماتها عرفت واني اريد بنتي
ضياء: هههههههه بعد شتريدين غير ضي
حسن: مااقبل بهذا كلامك ويه زوجتي
ضياء: انت بيتي لاتجاوز حدودك واني بكل ادب واحترام احجي وياكم لان ضيوفي
حسن: ليش مابلغتنا ضي يمكم
ريسان: ليش امرها يهمكم
ضي: سلام عليكم
دخلت ضي وخايف منها تفشلني وادافع لامها
اشوف ام ضي كامت بوست بتها وتبجي
دموعها دموع حيه تلدغ
ضي مااستقبلت امها وسلامها بارد
وضيفتهم وشفتها رادت تطلع
ضياء: ضي اكعدي لا اطلعين
ام ضي: ضي خدامه بيتك
ريسان: ليش شفتي ابوي صلاح لو علياء حتى يستحقر هلانسانه الطيبه
ضي: ريسان
اشرته يسكت بأسلوب حلو
حسن: بيتكم وتتجاوزون
ريسان: كل ساعه دكللنا بيتكم وبيتكم غير هلكلام عندك
ضياء: ريسان ابني مو هيج الحجي
علياء: ضي شنو موقعها من الاعراب هنا
ضي: ابو ريسان من رخصتك اكدر احجي
اشرتلها موافق عجبتني من ترخصت مني
واخيرا فهمت ضي تعاملني صح
ضي: ام هناء وجودج هنا شنو تريدين تعرفين شنو موقعي من هلبيت
علياء: ضي ماماتي شنو ام هناء وثانيا بنتي مايصير وجودج هنا
ضي: ليش مايصير
علياء: عندج اهل وناس
حسن: عمي امج موجوده وتشتغلين خدامه بلبيوت
ضي: لنفرض خدامه شنو العيب من الموضوع
حسن: شلون مو عيب انتي
سكتته ضي
ضي: عمو لاتحجي بلعيب العيب ضي صفت بلشارع العيب محد كلف نفسا ودور عليها العيب ام عايشه حياتها وماتعرف وين بتها العيب البنيه تخابر امها وتبلغها زوج اختها يتحارش بيه ودكلها متوهمه وبعدين نحجي العيب تعرف الحقيقه وتنكر وتهمت بتها تتحارش بزوج خالتها هذا العيب المقصود
حسن: هذا شنو الحجي ضي
ضي: عمو اعرف انت ماتعرف بس اسأل ام هناء هي ح تجاوبك صح لو لا ماما
حسن: صح كلامها ام اكرم
علياء: مو هيج الحجي ضي
حسن: عوفج من ضي صح كلام ضي مخابرتج يتحارش بيها رجل اختج لو جذب مامخابره
ضي: وهم كليله انتي جبرتيني اطلع من بيتج واروح لخالتي وطلبتي مني اقنع عمو حسن اروح برضاتي
اباوع على زوجها متفاجيء
مامتوقع زوجها مايقبل عليها
مامتوقع مايدري كل اعتقادي يعرف كل هذه الاموى
ضياء: مامعقوله ماتدري وانت منعتني اني وبناتي من ضي لاجل الورث وهسه تسوي نفسك مصدوم
حسن: ياورث
ضي: ضياء عمو حسن مايعرف امي مخليه محامي على الورث كل باله واعتقاده ديتقسم الورث وامي تحتفظ بي لاجلي
ضياء: ليش مامبلغتني بهلكلام
ضي: مااعرف لان استغربت من عرفت بعمو حسن منعك بلا اسباب توقعت يمثل
حسن: لاعمو ضي بس امج كلتلي القاضي يريد بنتي ويسحبها وياذيها بشرفها ومنعته خفت عليج لان مطلقه وفهمته عندج اهل وناس وزلم وراج
ضي: للامانه انت وبيداء واكرم ماأذيتوني وبلاخص بيداء واذا اني جذابه اسأل بيداء تعرف كلشي وجانت تصبرني وتسكتني
حسن: يصير خير عمي والغلط يتصلح ومايتكرر هذا الشي
ضياء: اعتقد الي حق مانتنازل عن قضية ضي
خال ضي: احنه نفضحنا وشلون ضي تسجن امها
ضي: ليش اسجنها
ضياء: اني قاضي وافهم بلقانون كل سجن ماكو هذه قضية شكوه وتعويض شدخل السجن بلموضوع بس الام تتعاقب لان تعرف وبتها شكتلها وساكته وهذه قضية تحرش واغتصاب
حسن: ضي اتنازلي لاجلي ولاجل سمعتج وسمعت اخواتج
ضياء: وياي الحجي مو ويه ضي
ريسان: وين جنت من ضي بلشارع مافكرت بيها ماخفت عليها تطلع من الطريق
خال ضي: بتنا خطأت وطلعت من البيت ودورنا عليها ماقصرنا ومالكيناها وهسه لكيناها ونريدها ترجع ويانه
ريسان: بلمشمش
ضياء: ريسان مو بهلاسلوب تحجي
خال ضي: شلون بلمشمش هسه تحجي بلادب والاخلاق وتطلع من طريق يعني يمك بتنا ماتطلع من طريق وجودها هنا خطأ وجاي تصيرلي رجال وادافع عليها هذه تمثيلات ماتمشي عليه
ضياء: مااسمحلك تجاوز يله امشي اطلع بره وكل كلام ماكو بينا وتنازل مانتنازل
خال ضي: لاتتنازل ونطلع من بيتك بس بتنا ويانه
ضياء: اذا ذكرت اسم ضي على لسانك اكصه الك
ام ضي: هسه نشتكي عليك وناخذ بتنا منك ونكول خاطفها
ضياء: شتريدين تسوين سوي
حسن: مو هيج الحجي وانتي اسكتي حسابج بعدين وابو ريسان اسفين وخلينا نتفاهم
ضياء: ماكو كل تفاهم بينا
حسن: اني اعترف ام ضي خطانه ماانكر ومااعرف بهلكلام وضي والله احبها واعزها مثل بناتي واني مااتنازل عن القضيه واوكف وياها ضد زوج خالتها بس قضية امها تسحبها وضي ترجع لبيتها معززه مكرمه اني مسئول عنها وكلمة رجال
ضياء: رجعه وياكم مستحيل
حسن: ليش مستحيل
ام ضي: اريد بنتي
حسن:😡😡😡😡
ضي: وين جنتي ماما
ضياء: ضي لاتحجين واطلعي بره اصعدي فوك
خال ضي: شفتنا .... حتى نخلي بتنا
نطق كلمه سوقيه ماتحملتها
ريسان طلع من الاستقبال
سحبت ضي وطلعتها من الاستقبال
ضياء: كلمتك غير محترمه ونطقتها بيتي
اسمع صياح البنات
طلعت لكيت ريسان بأيده مسدس
والبنات يمنعونه
ضياء: ريسان تخبلت
