#قصص_كهرمانه
#القاضي_والمطلقه
البارت ٢٩
.....................
ضياء
ماتوقعت هذا كلام ضي
ضياء: شنو هلكلام ضي
مااتحمل ابقى بلغرفه وطلعت منها
طلعت من البيت للمحكمه
عصبي وماتحمل ولاقضيه حسيت اظلم الدعاوي بقراراتي
أجلت كل الدعاوي بهذا اليوم
مشتت فكري
اذكر كلام ضي ومصدوم اختارت امها
اذكرت كلامها (لو امك توكف بوها)
ااااخ ضي ذكرتيني بجروحي اااخ ياامي
معقوله تربية ضي تفوق على تربيتج معقوله اني ظالم
ضي تنصف وترحم امها وهي ظالمه
يايمه بديت احس بلندم والخجل منج
يايمه مشتاقلج ومشتاق لريحتج ولحضنج ولحنانج
نظراتج الاخيره ابد ماانساها
ياريتج مامعلمتني ارفع صوتي على الحق
ضي علمتني درس المسامحه
رجعت للبيت الظهر مختنك
لكيتهم منزلين ضي بلصاله كاعده
شكد حلو وجها وشكد احبها اموت عليها
بس كلامها جرحني بينتلها مااهتميت لوجودها
هي هم ساكته
رهف: بابا شبيك ضايج
ضياء: مااشتهي اتغده وياكم داخل لغرفتي نايم لاتكعدوني
روز: ليش ماتتغده
ضياء: مااشتهي أكل راسي يوجعني
روز: صاير شي بلمحكمه قضيه مضوجتك
ضياء: لا حبيبتي بس تعبان اريد انام
دخلت للغرفه وعفتهم
غسلت وصليت ونمت
مااكدر لا افكر ولا انام بقيت متمدد
لليل كمت من فراشي
لبست وطلعت
ريسان: هلا بلحجي
ضياء: ضي ليش من الظهر لحد الان كاعده هنا اصعدي فوك ارتاحي
روز: تغدينا وصعدت نامت وقبل شوي بلكوه نزلناها
ضياء: ها ماشي
ريسان: وين طالع مبدل وكاشخ
ضياء: اروح للمزرعه
ريسان: ها
ضي: شنو مزرعه
ريسان: المزرعه السعيده
رهف: هههههههههههههه
ريسان: مزرعتنا بيت ومزرعه حلوه
ضي: ها ومنو بيها
ريسان: حوريات الجنه بيها😂
اباوعلها دايخه بلمزرعه ضي
تسأل كدام البنات
ماجاوبتها وهي تباوعلي مااهتميت وطلعت
حامد: ها عمي انت لو اني اسوق
ضياء: انت
حامد: وين
ضياء: لبيت اهلي
حامد: الي ساكنه بي ست ضي
ضياء: اي
حامد: ماشي
مااعرف ليش اختاريت بيت ضي
رغم مقرر اروح للمزرعه
وصلت ودخلت للبيت
ريحة ضي بي
تمددت بفراشها نسيت نفسي وغفيت
نص ساعه وموبايلي دك
ضي تتصل
رديت عليها
ضياء: ها ضي
ضي: وين انت
ضياء: ليش تسألين
ضي: ضياء وين انت
ضياء: لاتحجين وياي بهلاسلوب فاهمه
ضي: بس ألي حق اعرف وين انت
ضياء: نايم
ضي:منو يمك
ضياء: هههههه شوي واجي
ضي: منتظرتك لاتتأخر
ضياء: نامي لاتنتظرين
ضي: ما الا انتظرك
غلقته ودكت مكالمة فيديو
رديت عليها
ضي: هاي وين انت ليش هنا
ضياء: ضي مااقبل تشكين بيه
ضي: مااشك بس ليش دكول بلمزرعه وانت بيتنا
ضياء: اريد افكر اختارج لو اختار القضيه
ضي: صدك تحجي ضياء
ضياء: ها لعد من انتي خيرتيني صدك تحجين
ضي: لاتتأخر انتظرك ياله انام
ضياء: الله وياج
سديته منها مامتصافين
رجعت ب١٢ للبيت
ماكو احد جوه دخلت للمطبخ
دزتلي رساله ضي
ضي(اشكرك من رجعت من وكت)
ضحكت عليها شكد تغار وتقلق
صعدت للغرفه شفت روز وضي كاعدات
روز: ها بابا
ضياء: سويلي كهوتي راسي يوجعني وخليها بلمكتب
روز: تدلل
نزلت روز بقيت يم ضي اباوعلها
ضي: شنو
ضياء: ليش منتظرتني
ضي: حتى اعرف شختاريت
اباوعلها حلوه ياربي شلون اصبر
دنكت بستها
غمضت عيونها
ضي: ديربالك روز تصعد
ضياء: نازل
ضي: يعني اختاريتني
ضياء: منو كلج اعوفج ومنو كلج اترك القضيه
ضاجت ودارت وجها عني
تركتها ونزلت لان ضي عنوديه واني ماتحمل هلتعامل وياي
الصبح دزتلي رساله
(لاتطلع اريدك محتاجتك بسالفه)
بقيت منتظر يطلعون
بعدها نزلتلي للغرفه
ضياء: ليش نزلتي هسه اصعد
ضي: اقفل الباب خاف يرجعون
طلعت قفلت الباب رجعت
لكيتها تعدل نفسها وتتألم
ضياء اوكفي على كيفج تكعدين
ضي: عدلي المخده
ساعدتها وعدلت نفسها واستندت على المخده
وجهي صار قريب على وجهي
باستني بخدي
موتتني من باستني
وتحجي وياي وشفايفها بخدي
ضي: ضياء لاتشتكي عليها عوفهم هم وربهم اعرف أمي مقصره وياي بس مااريد اشتكي عليها
ضياء: بس رب العالمين مايقبل على الظلم وعقاب وجزاء على كل ظالم بلدنيا لو كل واحد نكول عليه هوه وربه معناها الحرامي والقاتل والخاين مايتعاقب هم هوه وربه.. تعرفين ضي ليش العقاب بلدنيا اكو غير عقاب الاخره
ضي: حتى مايكررها
ضياء: لا ليش الي يقتل عمد ينعدم يعني شلون مايكررها بعد هذا هم سبب بس مو هوه
ضي: لعد
ضياء: يكون عبره لغيره وامج عبره لكل ام ظالمه
ضي: الله يخليك اترك الموضوع
ضياء: ضي مستعد حتى انتي احاربج لاتنسين انتي زوجتي حتى اذا تنكرين وترفضين القضيه امام القاضي اني ح اطالب تستمر واخذ حق زوجتي و اوكف بوجهج واخذ حق زوجتي من كل شخص أذاج
ضي: مااريد ضياء اني اريد اعيش هسه بدت حياتي تحلى تعالجت وتزوجت اعظم انسان بهلدنيا وادرس واستقرت حياتي ومااريد الماضي خلينا نتركهم الله يخليك
ضياء: لا يعني لا
ضي: لخاطري
ضياء: لخاطري لاتدخلين بشغلي
ضي: احضني مشتاقتلك
ضياء: لا زعلان منج لان خيرتيني
ضي: سهرت وياها بارحه
ضياء: ههههههه راح تموتين انسي هلسالفه
ضي: مشتاقتلك
ضياء: اكثر منج مشتاق بس مااكدر اتجنبج لان عمليتج
ضي: شويه حباب مشتاقتلك
ضياء: ههههه
بقيت ابوس بيها
ضياء: ضي موزين عليج كافي
ضي: ما ما ما
وخلتني اتقرب منها ماكدرت اقاومها
ثارتني بدلعها وتصرفاتها
ووووووووووووو
يوم بعد يوم احبها واشتاقلها
بقينا على هذا حالنا
كل يوم كل يومين من يطلعون ابقى يمها وانزلها لغرفتي
كمت اشتاقلها حتى بلنهار والعصر وبليل بكل وقت
ماتحمل اشوفها كدامي واسكت
مرت الايام وتحسنت ضي
رغم العمليه بس مااطلب اشوف شي منها
عفتها براحتها ومااخجلها
بدت امتحاناتها وهي بيتنا
ماخليتها تروح لان تتعب بلبيت
اداوم وريسان ياخذها وياه ومراقبها ومعتني بيها
وترجع وياه
ومرات اتفق وياها اخذها اني بلطلعه تطلعلي باب الجامعه
تفرح من اخذها اطير من الفرح
اباوعلها من تمشي حلوه
لازم اكول ضي مزوجه الف واحد يتمناها
تذكرت كلام ريسان العين عليها
رجعت للبيت الظهر
اشوفها عصبيه مني وتتهرب مني ماتحجي وياي
المغرب ونزلتلي ضي للمكتب
ضياء: هلا بنور عيوني
ضي: رهف كاعده بلصاله ديربالك
ضياء: اريد احل هذه المشكله وابلغهن
ضي: ليش تبلغهن
ضياء: تعبت مااحب اتقيد او اخاف او اختل من شي واني لاجل مايزعلن عليه ساكت
ضي: الي اعرفه ضياء مايخاف
ضياء: اكيد بس من ربي
ضي: لا ضياء حتى من ربك ماتخاف
ضياء: شنو هلحجي ضي
ضي: ضياء انت ضام عليه شي
ضياء: لا
ضي: ماشي
طلعت من المكتب
طلعت وراها شفت كاعده ويه ريسان تحجي على كيفها
