❤️❤️قصص_كهرمانه
❤️🌻❤️لقاضي_والمطلقه
البارت ٥٠ والاخير
....................
ضياء
حسن: مامعقوله
ضياء: ابو اكرم هناء صغيره وماتفهم واعتقد تتلقن من امها
حسن: على امها مااعرف شنو اكول
ضياء: ياريت تمنعها من سناري وتره وجودي بدون علم ضي وسناري واتمنى تحل المشكله
حسن: اعتبر الموضوع انتهى وهناء ماتوصل لبغداد بغد وانقل جامعتها للحله هذا افضل حل
ريسان: فعلا افضل حل
باوعت لريسان وسكته بنظراتي
والرجل استحى واعتذر منا وخجلان من اسلوبه
حزنت عليه لان تخلى بموقف مخجل ويانه
ريسان: شكد حقيره فشلت ابوها خطيه قهرني
ضياء: حتى اني نقهرت عليه
ريسان: والله انسان ادمي وخوش يسوي من ينقلها خلصنا من شرها
ضياء: الحمد لله
بعدها ثاني يوم الطهور مااجه لا ابو اكرم ولا البنات
عرفنا خجلان ومااجه
حياتنا مستقره
ضي ملتهيه بسامر ودوامها والبيت
اشوفها تتعب وماترتاح
مجنونه بابنها تحبه حب ماينوصف
اشوفها حتى من تقره شايلته وتفتر بي
الاهم بحياتها سامر
اشوفها كبرانه وانوثتها موتتني
وبيوم الظهر نتغده
ضي: ضياء اطلب طلب
ضياء: اطلبي
ضي: اريد اروح للحله بيت عمو حسن
ريسان: شكو
ضياء: شعليك سالتك الك لو الي
رهف : لازم يحشر نفسه
ضي: عمو حسن عزمني مترقي وعيد ميلاد حمودي اخوي ومحتفلين بلبيت بينهم وعزمتني بيداء وهناء واكرم
ضياء: شكو بيها ريسان يوصلج
ريسان: ليش يابه وانت او حامد يوصلها
ضياء: حامد مايوصل ضي ... انساها
ريسان: ماشي اوصلها
دك موبايلها اشوف هناء تتصل وكامت ردت عليها
شوي ورجعت ضي ضايجه
ضياء: شبيج ضي
ضي: لامابيه شي
تاكل وبالها مو يمنا بقيت ساكت
تغدينا ودخلت للغرفه وعافت البنات
دخلت وراها شفتها مشغوله ويه سامر
تحظر مميه لسامر
حضنتها واشمها وابوسها مشتاقلها
ضي: اريد اشرب سامر ممه
ضياء: اخذي لاخواته شويه وتفرغيلي
ضي: شويه ضياء ههه اووي كافي تبوس
ضياء: يله
ضي: ما ما عيب مبين علينا نسوي ماماما
ضياء: شبيج ضايجه وتزرعين ابتسامه متصنعه كدامي
ضي: لاحبيبي ماضايجه
عافتني وراحت يم سامر ترضعه
دنيا حاره ولابسه دشداشه خفيفه وقصيره
ضياء: لاتعوفيني وانتي بهذا البس
ضي: ههههه حاره اختنك من لبسي من اطلع
نمت يمها وهي وابنها كاعدين يمي شكد حلوين
ضياء: اريد انام بحضنج مو بس هوه
ضي: هههههههه اكمل منا والتفتلك انتظر
ضياء: اذا نمت كعديني
ضي: ماشي
شوي وغفيت
كعدت على صوت سامر يبجي
ضياء: ضي كومي لابنج
ماكو ضي ماترد التفتت شفت ماكو ضي
لابلحمام لابغرفتنا
خليت الملهي بحلك سامر وطلعت
اصيح ضي ماكو
البيت هاديء رحت للمطبخ شفت ضي بره وتحجي ويه حامد
عرفت هناء بلموضوع وماتقبل تتركنا بحالنا
طلعت بره
ضياء: ضي ضي
التفتت عليه خايفه
ضي: ها ضياء
ضياء: شبيج
ضي: اريد من حامد هذه الطلبات مسجلتها اله بلورقه
ضياء: اكيد
ضي: اي اريد اسوي حلويات للعصر
دخلت قبلي للبيت
ضياء: حامد تركت هناء لو بعدك
حامد: تركتها وام سامر هسه طلعتلي رادت طلبات
ضياء: اكيد حامد تره ازعل عليك
حامد: بصراحه ام سامر تشكرتني لان تركت هناء لان هناء تبجي وتتوسل ومارجعتلها وضي طلبت مني هذا الشي مهما يكون ماارجع
ضياء: عفيه عليك حامد
عفته ودخلت للبيت وهي بلمطبخ تشتغل
كعدت واباوعلها
تفتر كدامي وسحبتها كعدتها بحضني
ضياء: اني مشتاقلج وطلبت تكعديني ليش صايره غداره
غمضت عيونها وتبوسني
ضي: لان نقهرت عليك شفتك نايم واليوم اخذنا للبيت نبقى يومين هناك بصراحه مختنكه واريد ادلع عليك براحتي
ضياء: ماشي شوي بعد اخذكم بس بلاول امشي ندخل لغرفتنا
ضي: ما اريد اسوي فد شي طيب ناكله العصريات
ضياء: مشتاقلج افهمي
ضي: اي خليها بليل
شفتها تدلع عليه وتموتني وماتقبل تكوم
اخذتها ورحنا لغرفتنا
ضي: نزلني مااكدر اصيح ضياء
ضياء: الحلو سمنان وصاير ثكيل
ضي: اصلا اني ام الرشاقه😡
دخلنا غرفتنا
اباوع سامر كاعد ويلعب
ضي: كاعد سامر
ضياء: هوه هذا هم حظي
ضي: ههههههه
وحياتنا هادئه وحلوه
سامر بده يكبر ويحلى يخبل دنفوش
ضي مجنونه مامصدكه بي
سناري وريسان علاقتهم حلوه مستقرين
حملها عذبها والبنات مدلليها وريسان ايضا مامقصر وياها
قضية مروه كملتها
هددت ابو نوح وصار الي صار
ورجعت الاملاك لاصحابها
ابو نوح قرر يقتل مروه ويرجع املاكه
شردت مروه واني ساعدتها
وبدون علم احد بلمزرعه بقيتها
اسبوعين تقريبا بلمزرعه
حامد و ابو اسعد يشوفون طلباتها
ومره بليل كاعدين كلنا
اباوع على رهف صافنه
ضياء: رهوفه بابا شبيج
ريسان: صافنه تحسب بفلوسها بارحه استلمت راتب شبيج ساعدي اخوج صاحب ٣اطفال
رهف: خلي يشرفون للدنيا وابجي بوجه الله من هسه تعوي علينا
ريسان: منج الف ومن روز الف ومن ضي الف ومن ابوي الف نعمه اطلع جيس حليب و٣ حفاضات يوم كامل
روز: عزه حفاضه وحده كل طفل يوم كامل شهلجراثيم والتلوثات والقذاره يمه لعبت روحي
ريسان: لا ولج شنو يوم كامل
ضي: همزين عبالي يوم
ريسان: كل ٣ايام نفس الحفاضه
روز: يبووووووووو اكوم احسن مااكعد يمك هوه بس كلامك بعلموضوع اعتبره تلوث بحد ذاته
سناري: ليش يمه كل ربع ساعه حفاضه
ريسان: ليش يابه الله يرحم كرعة ابوج مااذكر كل ربع ساعه يغسلها
سناري: ابوي شعليه بكولشي تخلي ابوي تغار منا
ضياء: ليش تخلينا نلتم عليك وننصب ونخليك تبجي
ريسان: عادي بس ياحجي سرك عندي
ضي: شنو هوه
ريسان: اها طفرت ضي شنو وشنو
ضي: ضياء شنو يقصد
ضياء: مخبل عوفي مايقبل يكبر ويعقل اكلك ريسان منو هذه الي خابرتك واني وياك بلطريق
سناري: منو هذه ريسان
ريسان: ههههههه صدك حجي يابه مشكور تريد تهجم بيتي
ضي: هاي اني اساله وكلتله لادكول لابوك اني خابرتك
ضياء: لا مو انتي لا دافعيله
ريسان: اروح فدوه لامي تخاف عليه
ضي: صدك ريسان منو تخابرك صار عندي فضول اكثر منهم😂
سناري: لاتاخذنا بلضحك منو هذه
ريسان: زين ابوي شلون عرف مو ضي لان ماكو هيج من عنده
اباوع رهف مو ويانه وضايجه
نضحك ونسولف وبالها مو يمنا
ضياء: رهف شبيج
رهف: بابا اريد اروح للمزرعه نرتاح ونبقى ليله كامله هناك
ضياء: لا خليها غير مره
رهف: حباب مختنكه ارتاح بلزرع وافتر بلبستان
ريسان: عدنا دوام كلنا
رهف: اروح اني و روز
ريسان: لابضميرج
رهف: مو صغار احنه
ريسان: لا صغار انسي المزرعه
ضياء: رهف تعاي للمكتب اريد احجي وياج
اخذتها للمكتب
ضياء: شكو رهف
رهف: مخنوكه بابا مخنوكه
حضنتني وتبجي
ضياء: شبيج رهف باباتي معقوله رهف تبجي
رهف: ماتحمل اكتم بداخلي محتاجه مكان بارد وهاديء افكر ارتاح اتنفس اريد ابقى وحدي
ضياء: ليش
رهف: مااريد اسولف بس اريد ارتاح اتنفس
ضياء: أجتج قسمه صح
رهف: مو بالي
ضياء: مو كافي تضحين بعمرج
كامت تبجي وطلعت من المكتب
شافتها روز وضي
صعدولها
سناري: شبيها عمو
ضياء: مااعرف شبيها
ريسان: حبيبي اصعدي فوك
كامت وصعدت ليفوك
ريسان: شبيها رهف
ضياء: الظاهر اجتها قسمه ورفضت تعبت مااعرف احل مشاكل بناتي اني وياك عايشين وهن بلا زواج وعذاب احس اني اناني عشت ونسيتهم
ريسان: لاهيج تحجي بابا انت ونعمه الاب
ضياء: تريد تروح للمزرعه ترتاح
ريسان: شلون تروح ومروه الي بلمزرعه
ضياء: يومين وانقلها لغير مكان
ضي: شنو مروه
التفتنا شفت ضي واكفه
.......
ضياء: يامروه
ضي: سمعت اسم مروه لاتكذب عليها بس مافهمت شبيها
ريسان: كلش مريضه وابو اسعد بلغني وجاي اسولف لبابا شبيج اخترعتي
ضياء: شلونها رهف
ضي: قفلت الباب وماتقبل تحجي ويانه
ضياء: عوفوها ترتاح ولا تعوفين روز
ضي: رهف اكو واحد بلدوام وياها متقدملها وبلاصل هي قبل تمدح بي ومعجبه بي
ضياء: ليش لعد رافضته
ريسان: لخاطر روز صح
ضي: من سولفت روز فرحتلها ودمعت عيونها وروز الظهر بسكوت اخذت علاجها وشافتها رهف واجتني مقهوره وخابرت الولد ورفضته ومخنوكه رهف
ضياء: كل هلمصايب تصير بناتي وماادري
ضي: اني سولفتلكم لان اثنينهن جاي يتعذبن خطيه
ريسان: هذا مو حل رهف ترفض الولد لازم تعيش حياتها وروز بعدها صغيره وتتعالج وتزوج
ضياء: لازم اقنع رهف هلمره توافق على الولد
ريسان: رفضته شلون ترجع دكوله ارجع
ضي: مابيها شي واذا رجعت كلتله اخطبني
ريسان: ماتسويها رهف
ضي: اني برأي احجي ويه صديقة رهف تساعدها وتحجي ويه الولد يخطبها مباشر افضل وانتوا قنعوها
ريسان: تزعل رهف بس تعرف
ضي: لا ماتزعل وتزعل يوم يومين
ضياء: منو هذا الولد
ضي: ليش
ريسان: حتى يسأل عليه مثل سناري ويفلسه للرجال عوفه نايم بيته مرتاح لاتورطنه مثل سناري
ضي: لا والله هوه ورطك بسناري لو انت تحبها وتريدها
ريسان: هلايام دافعين لضياء ست ضي
اباوعلها مبتسم افرح بضي
ومهموم على بناتي
لليل ودخلت للغرفه شفت ضي نايمه متمدده وتهز بسرير سامر وتبجي
ضياء: شبيج ضي
ضي: مااعرف مخنوكه على سالفة البنات وتذكرت عمو سامر
كامت وكعدت كدامي
ضياء: شكو
ضي: تعرف اني شكد احبك واريدك
ضياء: اعرف
دموعها تنزل
ضي: انطيك روحي وحياتي ماتحمل بدونك
ضياء: ضي شبيج
حضنتني وتبجي
غفت بحضني ودموعها تجري
حسيتها مخنوكه عفتها براحتها
ثاني يوم ضي غريبه وساكته وتباوعلي
تغدينا وضي ساكته
البنات ساكتات
بعدين رفعت راسها وتباوعلي
ضي: ضياء اريد اليوم نروح للمزرعه اني والبنات
ضياء: شنو سالفة المزرعه
روز: خلي نروح نغير جو
سناري: عفيه عمو وافق
ضياء: يومين واخذكم
ضي: ليش واليوم شكو
ضياء: وانتي اليوم ليش تريدين تروحين
ضي: اكو شي بلمزرعه يمنعنا نروح
ضياء: ضي اني افهم كل كلمه دكوليها شنو قصدج
ضي: طبعا غير قاضي وتفهم
ورجعت تاكل وماتباوعلي
كلامها غريب حسيتها عرفت بموضوع مروه
ضياء: ريسان وين
سناري: يتاخر بلجامعه يرجع ب٤العصر
ضياء: اطلبوا منا يطلعكم
ضي: اني مااطلع
رهف: حتى اني
روز: اوووي شكد معقدات
ضي: هم عندك طلعه ضياء
ضياء: اي وطلعه ضروريه
غصت ضي وكامت
ضياء: شكو شبيكم البارحه واليوم ضايجات انتي والبنات عبالك عزه عدنا
كمت من الاكل وبدلت وطلعت
اخذت المفاتيح من حامد وطلعت مخنوك من قصة رهف و روز
للعصر رجعت للبيت ماكو ولا واحد
اتصلت بضي
بلغتني بلمزرعه ويم مروه
مااكدر بعد اسوق وعقلي وبالي بلمزرعه
اتصلت بريسان
ضياء: شلون تخليهم يرحون للمزرعه
ريسان: منو راح احنه طالعين
ضياء: يعني صدك ضي مو وياكم
ريسان: لا مو ويانه
ضياء: ضي بلمزرعه منو اخذها
ريسان: مااعرف تريد اروحلها
ضياء: لا اني اروح
وصلت للمزرعه دخلت شفت ضي وحدها
مروه ماكو
ماتقبل تجاوبني
وتخبلت لان اعرف ضي ماتعرف احد غيرنا
زعلانه مني
الي فهمته ريسان مساعدها
دخلنا للبيت شفتهم بلبيت
اخذت سامر ودخلت للغرفه
ضياء: لحظه ضي تعاي😡
رهف: شكو
روز: شبيكم
ضي: ماكو كلام بينا اعتقد خلصنا كلامنا ونسد الموضوع
ضياء: ريسان شلون تصرف بدون علمي اني مو طفل
ريسان: ياتصرف
ضياء: مروه وين
ريسان: شنو وين بلمزرعه
ضياء: ولك لاتعصبني
ضي: انت ليش مهتم لامرها وين ليش ها فهمني
ضياء: اني مو همي مروه اريد افهم انتي شلون هيج تصرفين
ضي: بشنو تصرفت مخليه وحده بلمزرعه
رهف: منو بلمزرعه
روز: لهذا بابا و ريسان مايقبلون نروح للمزرعه
ريسان: هسه وين مروه
ضي: كافي طلعوا هلاسم من بيتنا مروه محد يندل مكانها محد يعرفه ولا علبال ولا على الخاطر
ضياء: يعني انت ماتعرف ومامساعد ضي
ريسان: لا خابرتها كلتلها انتي بلمزرعه كالت اي منو كلك ضياء وكتلها اي كالت شوي واخابرك ومن خابرت انت يمها
ضياء: اقسم بلله
ضي: لاتكمل قسمك مااكولك لو اعرف تشمرني بلشارع او تسجني او تقتلني مااعترف
ضياء: ماشي ضي
طلعت من البيت لحامد
اصيح
ضياء: حامد حامد😡
حامد: عمي مااعرف صدكني سالفة مروه وين واني وعمي اسعد واكفين بره وسالتني وجاوبتك وام سامر اذا مشردتها من الباب الخلفيه
ضياء: لوما اطفال اليتامى المسئول عنهم ابطلك ومااعوفك دقيقه هنا
عفته ودخلت للبيت
سحبت ضي ودخلتها للغرفه
ضياء: ولج لاعبالج اني زعطوط ولاعبالج احبج اسامحج لو اسكتلج كل خطوه تخطيها لازم اني اعرفها
ضي: اوك واني مااكول افهم شنو يعني مااكول شتريد تسوي سوي ومروه مااكول وين
ضياء: كامرات المزرعه اعرف
ضي: شلعتهن قبل ماتطلع لاتعب نفسك
ضياء: لاتخبليني ضي
ضي: انت لاتخبلني ميت عليها بلكه شردتها لمكان امان واحلفلك بعمي مكان مروه أمان وتتعالج ويعتنون بيها
ضياء: يم اهل البيت
ضي: لا والله ياريت تروح هناك بس بمكان بعيد عن حياتنا
ضياء: منو هذوله الناس
ضي: مااكول
عصبتني ونرفزتني
طلبت من حامد يشوف كامرات البيت
كلها ضي شالعتها
بس كامره ضي اطلع مروه من الباب الخلفيه
وتسلم عليها
راقبت موبايل ضي مامتصله على احد
اخر اتصالاتها ريسان وكلامهم عادي واني
وباقي اتصالاتها السابقه اختها وصديقاتها ماكو شي مهم
حاولت بكل الطرق اكتشف ضي ماكدرت
مشاكلنا اني وياها ماتخلص
وحاول ريسان يعرف منها ماتقبل
علاقتنا زفت اني وضي
مشاكلنا ماتخلص وماتقبل تعترفلي وين مروه
الي قاهرني ضي شلون اتصرفت ومنو ساعدها
وماكو دليل احد ساعدها
وبهلاسبوع رجعت تعبان ومهموم من الدنيا كلها
واسمع روز تصيح
صعدت بلدرج وشفت روز بغرفتها
ضي و رهف واكفات
اتكسر بغراضها ورهف تبجي
ضي: كافي روز مو هيج
روز: عوفوني اتركوني بحالي تعبت اني مااريدكم كافي تحسسوني بنقصي
ضي: محد محسسج بس المريض يتحسس بكولشي لحد الان من يتقربلي ابوج وهوه خطيه بحب وموده وطبيعي وياي بس اني احس بنقص صدري واكول مقهور عليه وكل مره من يتقربلي نغزه بصدري بهلموضوع وتعبت من مرضي واتمنى اخلص منها
روز: لا ضي اعرف تصبريني
ضي: لا مااصبرج اني فاهمتج
اشوفها تبجي وتحجي وتصرخ
ورهف واكفه يم الباب دموعها على اختها
وروز كاعده بلكاع وحاضنه ضي وتبجي
روز: اشوف اختي عمرها يضيع بسببي شلون تريدين اسكت يوميه تجرحني الف مره وماتقبل تزوج
رهف: انتي شعليج
ضي تاشر على رهف تسكت
وحاضنه روز
روز: تعبت اريد اموت اريد اروح لماما حتى الكل يرتاح يبجون يوم يومين شهر سنه عليه وينسوني احسن مايبقون العمر كله يبجون ومجروحين وخايفين عليه ربي اريد تاخذ امانتك اخذني يمك ماما وينج تعاي اخذيني
رهف: كافي ولج لاهيج تحجين ولج منو يكلج نرتاح اذا يصير شي بيج انتي نفسي اموت وياج ويدفنونا سوه مااعوفج
روز: مااريدكم عوفوني مااريد اعيش حتى ولج حب ماالي حق احب مثل البشر اذا احبه مايصير ازوجه مايصير اصارحه بحبي مايصير احلم حتى الحلم حرام عليه كليلي يله كليلي شنو وجودي هنا بهلحياة
ماتحملت كلام روز ودموعي نزلت على بنتي
رهف: لا الج حق بس انتي تتحسسين
روز: شنو الي حق ولج حامد ابسط رجل ومايقبل يحبني وحده مريضه ويتهرب مني احاول اعيش الحب ومااكدر حاسه بي يحبني ومايكدر يعترف يكلك هذه مريضه
تحجي وشفايفها ترجف وتسولف بحزن
ضي: لا حامد مايريد يخون ابوج ويخاف من ابوج
روز: لا ضي
ضي: صدكيني روز اني سولفت وياه وهوه مايكدر يخون ألامانه ومو اباله مرضج
روز: يفكر بابا وليش مافكر بيه اني احبه ليش مافكر اني محتاجته لا ضي مايريد يتورط لان اني فعلا مريضه وماالي حق احب واعيش واتزوج
دموعها تجري
رهف: كومي روز كافي
كامت تصيح
روز: عوفوني اطلعوا مااريد تعبت اريد اموت تعبت بابا ولج تدرين بابا يريد يتبرع بكلبه الي ولج بابا يريد يموت ويعوفنا ولج بابا يريد يضحي بحياته
رهف: كولي والله لا مايسويها بابا مستحيل
روز: لا يريد يسويها افهمي
كامت تضرب على صدرها حيل وتخبلت
روز: ربي موتني بسرعه
وضي ورهف يلزموها
فقدت اعصابها وركضت عليها ولزمتها ومنعتها
شفت غرفتها متكسره والكل يبجي
حضنتها ودموعي تنزل وياها
ضياء: ليش هيج روز
روز: لو اعرف انتحر ومااخليك تنطيني كلبك شلون تريد اتنفس وكلبك الي
ضياء: وهذا الشي فخر معناها مامتت وكلبي يدك الج ويا بابا مجرد حجي مو صحيح
رهف: حتى حجي ماتفكر هيج
كامت تبجي رهف وطلعت من الغرفه
وضي تبجي وياهن
اغمى على روز اخذناها للمستشفى
نركض بيها
نهيار عصبي وازمه قلبيه
وبلعنايه
نهاريت على بنتي
ماتحمل بعد هذا الوضع
رهف وياي واجه ريسان يركض مثل المخبل على اخته
ريسان: ليش تبجون لادكلولي بيها شي
رهف حصنت ريسان وتبجي ويبجي وياها
ريسان: عايشه جاوبي
رهف: اي عايشه بس بلعنايه
كعد بلكاع حيله نهد
ريسان: الحمد لله الحمد لله ربي اعرف ربي ماياخذ امانة اختي
ضي وسناري بلبيت
طلعت من المستشفى بعد ماتحمل الوضع
اريد اشتم هوى
طلع ريسان وراي
ريسان: بابا بيك شي
ضياء: لا اذكرت امي وغضب ربي وعقابي بهلدنيا مرض روز
ريسان: بابا كل هذه المساعدات وطيبتك وحبك لاولادك ولامي ولضي ولبيبي وعمي وبلاخير دكول غضب ربي
ضياء: ياابني ماتعرف اني شمسوي
نزلت دمعتي وايدي بعيوني
ريسان: بابا شبيك
كعدت اسولفله على الي صار
باسوء ليله بحياتي
من اكتسبنا القضيه
بليل اجه ابوي النا
صالح: اله اقتلج اله اذبحج واخلص منج
امي: اكتلني وحقي لولدي
ظفر: اني الي اذبحك شلون تمد ايدك على امي
وطفرنا اني وظفر على ابونا نضربه
ماتحملنا من مد ايده على امنا وشمرها وأذاها
ودخلوا فجأه ٥ زلم طول بعرض
لزمونا وشبعونا ضرب ابوي كسرنا بهليله
وامي تبجي علينا ولازمها رجال ماتكدر تتحرك
نزلت تبوس رجل ابوي حتى يتركنا
الدم من خشمنا وبعد مااشوف الدنيا بس عباره عن سوده
واصوات غريبه اسمع ماافهم منو
ظفر: كومي يومه لاتستلمين
اخذ المدكه ابوي وضرب ظفر برجليه كسرها
امي تصيح عليه وتبجي
باست رجلين ابوي
شمرها وتفل عليها
صالح: عندج مهله اسبوع ماترجعين الاملاك وتتنازلين اكتلهم الج وتتحصرين عليهم وخلي الاملاك تفيدج
امي: ولك نذل هذوله ولدك
تحجي وتبجي وياه
طلعوا
وداوي بينا وتبجي علينا واخذتنا الفجر للمستشفى
من يومها ظفر يعرج بسبب ضربة ابوي
وعافتنا بلمستشفى
وطلعت ورجعت امي وترجف
ايدها ورجلها
من وصلت اغمى عليها
ضغدها وسكرها صاعد
اني جان عندي انت و رهف وحامل امك بروز
حسيت بيها شي
نسوانه امي دزتهن لاهلهن
امي ترجف وظفر عند نسابته
وبس اني وياها
ضياء: اني راح اشتكي على ابوي
امي: لا لا لا
ترجف وعصبيه
وتعاركت وياي
رحت بلغت على ابوي بدون علمها
اكتشفت ابوي مختفي وكلها ادور عليه
حسيت امي تعرف شي
رجعت للبيت ولكيت امي تبجي وبايدها القرأن
ماتحملت اكمل لريسان
كمت ابجي
ريسان: بابا كمل بيبي شسوت الي ابالي صح
ضياء: من شفتها كتلها يمه وين ابوي
مااشوف اله أمي تصرخ وتبجي
امي: مااعرف
ضياء: يمه وين ابوي
امي: ماكو صالح بحياتنا بعد
ضياء: شلون يعني يمه لادكولين كتلتيه
امي: اي اي خلصتكم منا اي كتلته وموته اي بأيدي هذه ضربته بلسجين وكطعته
تحجي وتبجي
امي: بايدي اصبع اصبع قلعته وقلعت اسنانه وشوهت وجها عذبته ههههههه اي عذبته شلون يضرب بزري وياذيهم يمه اكتله ولايكتلكم يمه اخذ حق ولدي
ضياء: يمه شلون ليش ليش هيج سويتي بعمرج
واضرب على راسي وابجي وياها
امي: عمري هوه عمركم ووجودكم بلحياة تشتمون الهوى كافي عليه اي يمه اي اني شعندي غيركم
تحجي مثل المخبله
ساعه تضحك ساعه تبجي
امي: لاتخاف يمه اخذت حقكم عذبته وموته مارحمته
مااعرف شحجي وياها
ضياء: وين جثته
امي: قسمتها وسويتهن كونيتين وشمرته بلشط ومحد يدري وانتوا واني بلمستشفى ومحد يشك بينا
ضياء: يمه شنو يشك ليش انتي ناويه تسكتين
صفنت بوجهي وايدها ترجف وتأشر عليه
امي: شلون يعني ها يمه يمه ضياء شنو يعني
ضياء: لازم تسلمين نفسج يايمه لازم
امي: يمه يمه صدك يمه يمه انت ابني ابن بطني انت الي ربيته يسلم امه
تبجي وتباوعلي وتلطم
ايدي على راسي وابجي
ضياء: هذا الحق يايمه الي علمتينا عليه
كعدت يمي وايدها بحلكي
امي: اششششش اششششش اسكت لاتحجي
فركت حلكي ونبجي اثنينا
وحضنتني وتضربني بظهري
امي: مو ويه امك يايمه ماعلمتك على امك
عفتها وطلعت
امي: ضياء يمه اوكف
وكفت وابجي ومدنك
امي: الي تريده يصير اسوي اذا يرضيك كوم اخذني بايدك انت للمركز
بقيت واكف ولبست عبايتها
وبلباب عثرت ووكعت
لزمتها
ضياء: بعدين نروح انتي تعبانه يايمه
امي: انه مو امك يايمه لا يمه من اروحلك فدوه انت ابني انت يايمه ابني ديربالك على اخوك ومرته
ماتحملت وطلعت
طلعت وراي
امي: وين تروح تعوف امك وحدها تروح
بقيت ساكت واخذتها للمركز
بقيت واكف وخايف على امي
ردت ابطل ومااخذها تدخل واكو شي يمنعني
وهي تباوعلي ونظراتها حزن وعتب
ماتحملت نظراتها
بلمركز امي وكعت وانجلطت
كدامي كامت تشوخر وتاخذ انفاسها الاخيره
حتى مالحكت تشاهد
بايدي ماتت امي اني كتلت امي
وخسرتها وماتت وماراضيه عليه
ريسان: بابا انت شسويت انت شلون هيج تصرف هذه امك بابا تعرف شنو امك
دموعي بعيني وماتحملت عتب ريسان
عفته ودخلت
اشوف دكاتره ركضت لغرفة روز
رهف: بابا الحك
ريسان: رووووز شبيها اختي
اريد امشي بعد مااكدر
ربسان ورهف ركضوا لغرفتها
واني ايدي على كلبي وبلكوه اسحب نفسي لغرفتها
رهف: روووووووز
يتبع
