DEAD BODIES - 1 & 2(Completed)

DEAD 39 🔫

CHAPTER 39

Mia POV

"Mia! Gising!!

Napatalukbong nalang ako ng kumot ko dahil sa ingay na aking narinig.

"Gumising ka na diyan Mia!! Malalate na tayo sa school!!!!"

School?

T-teka kaboses 'to ni Aira ah!

Agad akong napabalikwas ng bangon at tumambad sa akin ang mukha na akala ko hindi ko na makikita pa.

"Aira!!!" Sigaw ko at agad na yinakap siya.

"Mia! Ano ba! Hindi ka pa nagtotoothbrush! Kadiri neto!" Sabi nito at akmang kakalasin ang yakap ngunit mas lalo ko pa itong hinigpitan.

"Buhay ka Aira!" Atungal ko at hindi ko napigilan ang umiyak.

"Oy! Ano bang iniyak iyak mo diyan! Malamang Buhay pa ako! Kelan ba ako namatay ha?!"

Kumalas ako ng yakap sa kanya at marahas na pinahiran ang mata ko.

Hindi ba ako nanaginip?!

"Mia! Yung ano---yung Sport Fest! Yung mga--mga Zombies!!!!!" Sigaw ko.

"Ano ba 'yung pinagsasabi mo diyan ha?! Kahapon pa tapos yung sport fest natin at anong zombie?! Ikaw ha! Mas nagiging adik ka na ngayon sa zombie, mwahahahahah!"

Napatigil ako.

"Aira" seryosong tawag ko sa kanya.

"Oh?" Tanong nito.

"Kilala mo ba si DenDen? Yung bata?"
Tanong ko sa kanya.

"Sino yun? Bagong kakilala mo?" Inosenteng tanong niya.

Seryoso?!

"Eh sina Lee at Kyler? Si Ace at Xander! Tsaka sina Christine At Abe?!" Sunod-sunod na tanong ko.

"Teka nga Mia! Nilalagnat ka ba? Tsaka sino ba 'yang mga 'yan ha? Malamang kilala ko si Abegail, kaibigan natin diba? Haler!"

Anong nangyayari?!

"Eh si Tita Chelle?"

"Oh? Sino naman 'yan? Kailan ka pa nagkaroon ng bagong tita? Mia naman eh, para kang baliw diyan! Iligo mo nalang 'yan! Malalate na tayo oh!" Singhal nito at lumabas ng kwarto.

Naguguluhan na talaga ako!!

Nasa panaginip ba ako ngayon? O Panaginip lang lahat ng mga nangyari saamin?

"Argghhh!"  Napa sabunot nalang ako ng buhok ko.

Pero bakit parang totoo lahat ng mga iyon?

Panaginip lang ba lahat ng iyon?

May kung ano sa loob ko na masaya dahil buhay si Aira ngunit hindi ko alam kung bakit ba ako nalulungkot.

May kung ano sa loob ko na sana totoo ang mga pangyayaring iyon.

Pinagsawalang bahala ko nalang ang aking iniisip at pumasok na sa banyo.

Panaginip lang pala ang lahat.

Saad ko sa aking isipan bago tuliyang dumaloy ang tubig sa buo kong katawan.

                             ✖✖✖

Napagpasyahan naming gamitin ang aming motorbike papuntang school.

Tila nanibago ako sa lagay ng lugar ngayon. Tila nanumbalik sa ala-ala ko ang trahedyang naganap. Pilit ko mang iwaksi iyon sa isipan ko. Ngunit tila bangungot iyon na hindi ko na malilimutan pa.