حأحكي ليكم عن يوسف لحد ما مريم تجي ..
يوسف دا ما عارفة اوصفو ليكم بي شنو بالجد حبي ليهو حب كدا نقي يعني اول ما فتحت عيني علي الحب كان هو اول راجل يدخل حياتي ، لاقيتو اول مرة ، في اول يوم لي في الجامعه ، ايام مداقشات البرالمة جاي وجاي ، و بداية علاقتنا ما كانت شكله ولا حتي كان من شلتي ولا اي حاجة من ديل ، اول مرة شفتو صدفه و عاينا لي بعض زي الفهمنا بعض وماف زول فينا جا جمب التاني و كملنا يومنا عادي ، و تاني يوم نفس الشي ، انتهى السمستر الاول علي كداا ، الاجازة البين السمسترين دي بالجد فرقت معاي ، وانا عارفه ان م عندي ليهو حاجه بس اللهم عاجباني حركة التوافق ولا الشي الما مفهوم دا ، اول يوم في السمستر التاني كان بالنسبه لي زي اول يوم في العيد ،،
و ما اتلاقينا نهائي و كنت زي المجنونة بفتش فيهو بين الطلبة بي عيوني ، لمن صحباتي لاحظو لي ، و برضو ما شفتو الا تالت يوم ، و نفس الشي حصل بس المرة دي هو وقف عديل و فضل يعاين فيني مسافه وانا بعاين فيهو وما حاولت ابعد نظري عنو ، والله كأننا بنتكلم بالمخاطرة ولا شي روحاني كداا كان في توافق عجيب ..
لحد ما جا في يوم و اتكلم معاي بكل بساطة و ما صديتو لانو زي الكنا متفقين علي اليوم دا وعلي الكلام دا وماف زول فينا لقا صد من الطرف التاني ... اتبادلنا الارقام
و مكالمة في مكالمة في مقابله في مساندة في هزار في ونسه ، اتكونت بينا قصة حب الجامعه كلها تحلف بيهاا ، لدرجة اي علاقه بين اي اتنين بيقولو ما حتخصل علاقه يوسف وحنين ، و .......... *اقبض
سرحانه وين يا حلوة ؟
*بسسم الله اففف خلعتيني يا مريم م ممكن براحة ياخ ..
_يختي شوفي نفسك مسهمة وين انا من قبيل واقفه فوق راسك بتكلم معاك م جايبه لي خبر ..
*معليش كنت بفكر في موضوع كداا عشان كدا م كنت سامعه ولا مركزة
_ خير في شنو ؟
*بفكر في يوسف اجيب ليهو شنو هدية التخرج !
_عندك قروش انتي ؟
*امممم ايوة معاي 150ج اتسلفتهم قبيل من الشركة !
_اوووف كل شهر انتي حتفضلي علي الحال دا ، تتسلفي الشهر كله ، اخر الشهر راتبك يا الله يحصل 100 جنيه ، في شنو انتي ؟
*حيكون شنو يعني يا مريم اكيد محتاجة مصاريف
_انا بس نفسي اعرف مخك دا متركب كيف ابوكي وضعو اكتر من متتاز و امك كذالك ، كيف ما بتاخدي منهم مصروفك انا عايزة افهم و كارفه روحك في الشغل
*مريم ، شوفي ! الليله بالذات انا ما حابة اعكر مزاجي و انكد علي نفسي ، ارجوكي لو بتقدري تطلعيني من البيت ، حاولي تطلعيني حتي لو ما ححضر التخريج بس اطلع فجأة كتمت بي ...
_طيب طيب ، انا لمن جيت متاب كانت مافي ، عبده فتح لي ، امشي اكلمو ولا اسوي شنو ؟
*تعالي بمش معاكي ..
_طيب يلاا ...
*بعد شوية *
عبدالله ، احممم
هلااا ... مريم صح ؟
اي مريم ،كيفك انت اعذرني جيت داخله ما سلمت زاتووو ..
لالا ولايهمك انا بخير كيفك انتي ؟
كويسه انا حمدلله بس كنت دايرة اطلب منك طلب اذا م عندك مشكله !
طوالي ، اتفضلي ...
بب بصراحة انا عندي مناسبه زواج و محتاجة لي حنين تمشي معاي السوق اذا م عندك مانع طبعاً !
طوااالي ما عندك مشكله بس زي م انتي عارفه الزمن وكدا ، ف حاولو ما تتأخرو ..
ب بب بالجد ، شكرا ليك شكرااا ...يلا يا حنين يلاااا ...( بعد دخلنا الغرفه )
*ووووبعلي مريم ، عبده مالو ! انتي عامله ليهو سحر ولا شنو ؟
_بري انا زاتي مخلوعه زيك ، عايني ليهو طلع حنين وهادي كيف ما زي ما كنت متخيلاهو ، سمح والعضلات والنفخه دي شنو !
*علاقه العضلات شنو ؟
_ما بعرف بس بيرعبني من يجي ماشي مدا بحسو عادي ممكن يديني بُنية يطيرني
* هههههههه انا غايتو ما مصدقه عبدالله الليله ما طبيعي والله الا كان مدشدش فيكي لانو غاية بتجي هنا تتنطط ليهو ارقوس وحات الله ما بتاثر فيهو وهو زاتو ولا بيشتغل بيها شغله هههه ..
_يختي انا مريم والاجر علي الله ههههه
* كلام والله ههه اها هاكي الورطة دي يلا حليها لي
_حنين و ورطاتك الما بتخلص دي لكن ، اها احكي في شنو تاني !
*قلتي ليتو ماشين السوق ، يعني حدي امرق بي عباية من البيت دا ما عندي اي فرصحه اللبس لي لبسه ولا اتمكيج زاتو ..
_ياخ خمي حاجاتك في شنطة و اللبسي تحت العباية و نمشي نزبطك عند غاية
*بتكون في ؟
_ما عارفه الليله اصلها ما كلمتني ،
* شكلها ناسيه الليله التخريج لانو لو متذكرة كان جاتني من الصباح ، لانها نفسها تشوف يوسف ، كل مرة تقولي بس اموت واشوف يوسف المجننك هههههه ي حليلااا
_هههههه هي غير الشمارات عندها شنوو غايتو اخت اخوان والله بحبها بت ضكرانه جد جد وقت الحارة دا اصلها م بتتلفت ..
*اها يختس حنقضي الكلام ملو عن غاية
انا حأموت واشوف يوسف باللبسه الاخترناهت سوااا ..
_بالله دا همك اسي ؟
*ااخ معذورة عشان ما جربتي تحبي و تعيشي تفاصيل الحب ..
_بررررري بررري مالك علي يختي مالي ومال الجرس و البكي بري كفايه انتوو ..
*ههه مصيرك تقعي يختي
_انا لو كنت في جمالك يا حنين وحات اسم الله يا حنونة ما اعرس الا جلابي و مغترب ويعي
شني انا واهلي في فلة ، لكن ااااخ منك ساكة لي يوسف المجلح دا ما عارفه عاجبك فيهو شنووو ، عليكي الله عايني لنفسك في المرآيه و عايني ليهوو واااي بس واااي ..
*انتي عارفه ان القروش م كل حاجة في الدنيا دي يا مريم صح ؟
_لا والله كذابة ، القروش اسي بقت تبيعي و تشتري بيها ناس ، خلينا واضحين يا حنين ، اسي في حالنا و في بلدنا البقت طايرة السماء دي السوق ما بتهبش ، تجي تقولي لي القروش م كل حاجة !
*يا مريومة في حاجات اهم من القروش و بعدين يوسف مالو ؟
_طويل و اسمر وحلاتوو وانا مقتنعه بكده بس يا حنين الود دا ياداب حيتخرج و يحلك لمن يلقا ليهو شغل ، و يجي يطلبك و يا عالم ابوكي توافق بيهو ولالا ، تقدري توريني حتنتظري لحد متين ؟
* بنتظر لحد وقت انتي زاتك م حتقدري تتخيليهو ، انا بحبوو و حأنتظرو يا مريم و حأسندو للاخر و ما حعرس غيرو ...
_كويس في النهايه انا عايزة مصلحتك ، والخوفه بكرة بعد بكرة اهلك يظهرو يطلع ليك ولد عم ولا ولد خال يخلي خشمك دا ملح ملح ..ّ
*مريم لو ما واثقه من انك اقرب زول لي في الدنيا دي كان قلت انتي بتجتهدي عشان اتنكد و تضايقيني ، ليه مصممة تفتحي اكتر موضوعين انا بكرهم في حياتي ؟ ليه عايزة تزعليني منك وانتي عارفاني م بقدر ازعل منك انتي بالذات ؟
_لانك مدركة تماماً ان الحقيقه مُرة و اني بتكلم الصح و بتكلم كدا عشان بحبك و دايرة.ليكي الحاجة الحلوة ..
*طيب يا مريم انا اسي اسوي شنو ؟ انا بحبو ليه طول التلاته سنوات ديل ما قادرة تستوعبي ؟
_لاني م مرتاحه ..
*حتعيدو تاني يا مريم ، وحات الله مرقتي لي التخريج من نفسي يعني م ممكن انتي عارفه اهمية اليوم دا بالنسبه لينا انا ويوسف قدر شنو و تقلبي علي المواجع يا مريم ...
( جات متاب اختي )
اوووووووه حنونة بتبكي مالك ؟
مريم قالت ليهاا شابكاني مصدعه من قبيل لمن بتبكي ، و بعدين وينك انتي ؟
قالت ليها كنت عند بنات جيرانا والله كيفك انتي ؟ مريم قالت ليها بخير حبيبتي ،، قالت لي حنين قومي اجهزي الزمن !
متاب اتدخلت قالت لي خير علي وين العزم ما كلمتينا ؟
قلت ليها مشوار يخص مريم ، و اتطمني اخدت الاذن من عبده .. قالت لي و امي ليه ما بتوريها ؟ قلت ليها حتصل عليها اسي .. قامت جرت فجاه ، لمن استغربنا فيها
....
استككانة🐸<~
