ما عارفه ليه ما بطيق اعاين في وشو
و بحاول اتفاداهوو ،، طلبو الاكل ، و بيتونسو الا انا ساكته و بفكر في نور الصغيرة ، و ان لو انا مكانها ما حأتحمل تطلع امي ميته انا عايشه علي امل يكون عندي ام في يوم من الايام ، م عارفه ليه دمعتاا ،، و عشان م ينتبهو قمتا ، رغم اني كنت بضحك وبهزر ومبسوطه بيهم شدذد بس مجرد التفكير تعبني شديد ...
مشيت لقيت نفسي طلعت براا .. بمسح في عيوني عشان م انكد عليهم .. بس لقيت زين جاني ، دايرة امشي ، قالي ممكن لحظة ، قلت ليهو داير شنو ؟ قالي تاني رجعنا للجه الحادة دي ! ما تبقي زي امبارح ، قلت ليهو انا ما بكرهك بس بكره توقيتك ، دايماً بتظهر لي في اوقات انا بالجد بكون واصله مرحلة من اول لحظه وانت بتطلع في اوقاتي الكعبه كلهاا ، ولا انا حياتي كلها كدا بالجد ما عارفه ،، قال لي دا ، ان دل بيدل علي اني بقدر اتشارك معاكي لحظاتك الكعبه دي ، ولمن زول يشارك زول في لحظاتو الكعبه دي ، دا معناهو انه بيحبو عشان كدا م بيحس بثقل المشاكل والحاجات دي انها تقيله عليهو ..قلت ليهو مشكلتك م عارف اي حاجة اي زول فالح يتكلم لانه الكلام سهل ، لكن انا العايشه التفاصيل دي ماف زول بيحسها زي انا،بقيت لمن بشوف زول وحيد ولا حيوان ساي ماشي في الشارع بحسو بيشبهني وحيد زي .. كدي انا عايزة امشي انا ما عارفه ليه بقوليك الكلام دااا ... قالي بصراحه انا كنت قايل حالتك دي ليها علاقه بي يوسف ،، قلت ليهو يوسف ! بالعكس زي العمري ما حبيتو وزي الماكان موجود انا انسانه بؤمن بالحب شديد و مؤمنه كمان ان الزول هو في يدو يحببك فيهو و هو في يدو يكرهك فيهو ويوسف نجح في اني اتجاوزو بسهوله واني ما اضعف و ما اسمح بالاهانه و ممتنة ليهو شديد انه ساعدني في كداا ... قالي حنين انا دايرك ما بينفع تعايني لي كدا ، يعني انا عارف الوقت م مناسب وانتي ياداب طالعه من علاقه يمكن بالجد صعب تقدري تاخدي قرار في الوقت الراهن دا فاا بالجد بتمني لو اكون في حياتك نصك التاني النص الما يخليكي تزعلي ولا تضايقي ولا تحسي بوحدة النص الما بيسمح لزول انه يكسرك او يهينك نصك البتتمنيهو زي م دايرة ، وانا عارف انك بتكرهيني من اليوم داك و طوالي بتشاكليني وانا في البدايه كنت كداا بس حبيتك والله حبيتك يا حنين انتي ما ممكن ما تتحبي ...
بقيت بضحك قلت ليهو الحب ساهل ، لكن البقاء للأقوى ،، واقولها ليك بصريح العبارة انا وحدة مقطوعه من شجرة ، م عندي ولي ، ربتني الدنياا ، و اظن دا سبب كافي يخليك تتراجع عن كلامك دا ، يلا عن ازنك ... ّ
قالي ، الحب ليكي والبقاء ليكي ، انا اهلك و انا اخوكي وانا اختك وابوكي وانا امك وانا الحتلقيني سادي كل الخانات دي ، كون ربنا م كتب ليكي تتربي مع اهلك او حتي يكون اهل او حتي لمؤاخذه لقيطه ، فاا دي ما مشكلتك بالعكس ربنا لمن بيحب عبد بيبتليه وانتي ربنا ابتلاك و دا ما زنبك ولا انتي الاخترتي دي ارادة رب العالمين ، يكفي اخلاقك يكفي روحك يكفي طيبتك يكفي انك حنين و ياريت م تحسسي الناس بأنك ناقصه لمجرد انك ما عندك اهل .. انتي مكتمله بكونك متيقنة بقضاء الله وقدره .. انا حأديكي فرصه تفكري الي مالانهاية ، انا شاري و انا منتظر ..
وهو الفات خلاني ...
بصراحه م انكر اني حسيت باضطراب في دقات قلبي في قوة صوتو في كلامو في ثقتو في نظرتو لي الما بقدر ارفع عيني فيها ، حسيت بحاجة غريبه ، ان معقول انا كنت بتفاداهو و واهمه نفسي اني بكرهو بس عشان م اواجه نفسي بمشاعري تجاهو ،، يا الله علي جمال الشعور دااا .. مشيت ليهم لقيتهم بتونسو وما شغالين بي شغله ،، قلت ليهم زين وينو ؟ قالو لي طلع قبيل ،، قلت ليهم لا انا شفتو جا علي هنااا ...
ندي ومروة غمزو لبعض و بقو يضحكو ،ندي قالت لي م تخافي ، اختو جايه من الشارقه بكون مشي المطار يجيبها وبيرجع .. م عارفه ليه زعلت ة حسيت ان القعده مسيخه شديد ..
قلت ليهم انا ماشه بيتنا ،، ندي قالت لي م اكلتي ، قلت ليهاا م عارفه بس دايرة امشي ،مريم قالت لي بمشي معاكي قلت ليها لا خليكي ،ندي قالت لي ماشه عندك شنو انتي ؟ قلت ليها م عارفه في حاجه في راسي ماشه ليها ، قالت لي حتتاخري ؟ قلت ليها لا ،،، قامت علي حيلها وقالت يلا ماشين معاكي و بننتظر في العربيه براا ،قلت ليهم يلاااا ..
مشينا علي بيتناا .. لقيت عبدالله براا ، سلمت من بعيد و دخلت ، و شكلو منفوخ مني داير يقتلني عديل ..دخلت البيت جواا ، لقيت ابوي ، سلمت عليهو في راسو و ما رفع عينو فيني ولا رد لي السلام حتي .. و سامعه كوراك وجوطه من غرفة متاب ،، مشيت عليهم ، والباب فاتح لقيت مي قاعده تبكي في السرير و مي مضروبة لمن يدها مكسورة ،وامي شغاله تهزئ فيهاا .. قلت ليهم سلام عليكم ، سكتو و امي قالت لي جابك شنو طيري محل كنتي ، قلت ليها طايرة بالفعل بس حبيت اجي اسلم ،، متاب شافتني قعدت تبكي ، امها قالت ليهاا اللقيطه صانت نفسها وانتي مشيتي بعتي نفسك يا تافهه منقصين عليكي في شنو انحنا .. هنا انا عرفت ان موضوعها اتكشف ، بس زعلتني كلمة اللقيطه بس عادي يعني مع انها كانت بتقول لي انا عارفه اهلك وانتي م لقيطه من وانا صغيرة بتقول لي كداا .. مشيت علي متاب هي قاعده وانا واقفه ، لميتا علي ( حضنتها) ، قلت ليها بتتهون روقي انتي ، ماف زول ما بيغلط بس كيف انك تتوعظي و م تغلطي تاني نفس غلطك ،، قعدت تبكي
مي قامت قفلت الباب بعد امي طلعت سلمت علي ، و لامتني قالت لي لمن انتي عارفه ليه ما كلمتي مديرك يسترهاا ،، قلت ليها انا م كنت عارفه حاجة ولمن وراني كان بيستخدما سلاح للتهديد اني اتزوجو وانا حاولت اتكلم معاهو كان رافض ،، متاب قالت لي عرض علذ الزواج بس انا مادايراهو هو الفضحني ، قلت ليها كيف الكلام دا ،قالت لي هو قال بيادب البنات كداا ، واسي قال مستعد يتزوجني بس اربي ليهو بتو ،، قلت ليها طيب حالياً انتي م مجبرة تتزوجيهو خلاص اخدتي نايبك من الشكل والدق ، وانا بعرف احذف الصور والحاجات دي كيف ، قالت لي حذفهم بس عبدالله شاف صورة لي م حلوة ، و قام عمل فيني كدا و امي تمت الباقي وابوي من جا ما اتكلم معاي ،، قلت ليها خلاص انتهي
تاني مافي زول حيضربك وانتي اتغيري واتعاملي معاهم كويس هما م قصرو معاكي في حاجه انتبهي لقرايتك المعلقاها دي و اشتغلي وشقي مستقبلك بعيد عن القرف داا ، قالت لي حلمي اسافر اروبا وان شاءالله بمشي واشتغل علي نفسي ،قلت ليها عفيت منك ، ايوة كداااا ،، يلا انا جيت لامي وابوي في موضوع و منتظرني برا ،مي قالت لي بتبالغي يعني م حتقعدي معانا ،قلت ليها لا بس بجيكم م بقطع كداا ،قالت لي طيب ، قلت ليها خلو بالكم من نفسكم و من امككم وابوكم حتي لو كانو كعبين ماف زول لاقي اهل الزمن داا .. و طلعتاا ..
قعدت في طرف السرير ، قلت ليهمانا يمكن غلطتي بطلعتي من البيت في غيابك يا ابوي بس انا كمان مافي زول حاسس بي ، انا هسي عندي سوال واحد بس ، اهلي منو ؟
ابوي قالي ما بعرف ، قلت ليهو انتو قلتو اهلي في وانا ما لقيطه اذن بتعرفو اهلي صح ؟ ،، قلت ليهو طيب حأسهلا عليك.. انحنا قلل هنا كنا ساكنين وين ؟
امي قالت لي في ال( ...) ابوي قاليها دا اسي هي بتقصد زمان ايام كانو شفع ،كنا في ال( ...) ..
انا هنا وقفتا علي حيلي وبركت تحت رجولو
#استككانة. ،حتشتاقو لي 🙀؟
استكانه قبل الاخيرة 😢
